ات عارف ياصديق فى علاقه لصيقه بين شعر الدوبيت والحقيبه فى ناس لا بعرفو معانى الدوبيت الا تشرحو ليهم انا اطلب منك ان تدينا من حباك الله به من معرفه وتدخل لينا فى دهاليز هذه الاغنيه واكون شاكر لك
فى مثل انا اؤمن به تماما السيف بضاربه الراحل المقيم بادى يبدع نماما ويلبس اغنية الحقيبه ثوبها وبى احساسو وفهمو لهذه الحقيبه و اتقان اخراج كلماتها ونطقها بطريقه تليق بالمعنى
شيخ العرب ود المحرب مسكاقمي حيث ان المدعو صديق الموج عاصر هؤلاء الفطاحلة صلاح ابوالسيد وعتيق وكرومة وزنقار وعمل معهم ... قالوا كان شغال جرسون في قهوة جنب البوستة وغادي شوية كدا من المحطة الوسطى الميزة في جدو صديق الموج عنده الالتقاط والحفظ والإعادة ( تجد هذه العادة عند الخراف والنعاج لدى البطاحين ) فصديق الموج ثروة قومية في تاريخ فن الحقيبة بعد رحيل رفيق دربه ودفعته بادي في انتظاره ... والله يطولك يا روح
ساقا قالى كيف يحسبونى على حجر مرمر ينسبونى والقديمات التبر سبونى ديل جمال طبعا اكسبونى
خالد بالله شوف المكتوب بالاحمر شوف لزوم مالايلزم وكمية الجناس فى قصيده واحده فماذا تقول فى هذا؟؟ .. جاييك بالشرح السمين وداك الخرابوووووووووووووووووووووول لازم تجرها شديد يا محرب،،،
Post: #10 Title: Re: الخرابل ياصديق الموج تعال Author: عمار محمد ادريس Date: 10-19-2011, 09:38 AM Parent: #9
ونحنا كمان جينا يا محرب حايكون بوست من النوع ابوكديس
محمد عبد الجليل.......سلام واخبار الوالد ان شاء الله لبس العافية.
والله كلامك صحى الشعر الشرح بفسده وبالاخص شعر الحقيبه ده. وحاتك بتحس وبتلمس وبتشم كمان لكن العربى الكبه ده ياخى احمانى النوم ماعارف رايح ليه شنو؟ الله يقدرنى عاد ما افسده ،،،
Post: #13 Title: Re: الخرابل ياصديق الموج تعال Author: خالد المحرب Date: 10-20-2011, 08:29 AM Parent: #12
. . يا راعي البوست الجميل ودا وايضا كذلك المتداخلين واضيف عليهم طارق نقد من عندي اقتراح بالله بي اتينشن الجلسة الاسيفرية الجميلة دي رايكم شنو نخمس بيها الليلة . . صديق الموج يا عجيب الله اطول عمرك كتلتنا ياخي
Post: #17 Title: Re: الخرابل ياصديق الموج تعال Author: محمد أبوالعزائم أبوالريش Date: 10-20-2011, 10:01 AM Parent: #15
Quote: شعر الحقيبه ده. وحاتك بتحس وبتلمس وبتشم كمان
Post: #19 Title: Re: الخرابل ياصديق الموج تعال Author: خالد المحرب Date: 10-20-2011, 10:15 AM Parent: #17
Quote: والله صحي ....
. . يا راعي البوست الجميل ودا وايضا كذلك المتداخلين واضيف عليهم طارق نقد من عندي اقتراح بالله بي اتينشن الجلسة الاسيفرية الجميلة دي رايكم شنو نخمس بيها الليلة . . صديق الموج يا عجيب الله اطول عمرك كتلتنا ياخي
صديق الموج مضطرين نناديك باخوي كدي اتكلم لينا عن مدى ثقافة شعراء اغاني الحقيبة لان لهم طلعات وابيات وكلمات رهيبة جداً تجد عندهم صدرها قيافة ونهيداتا برتقان يافا هل كان بيصل برتقال يافا ( تل ابيب حالياً ) في الوقت داك ام درمان وهل اغتربوا في فلسطين واكلوا من برتقال يافا
وتجد آخر يقول ليك الصدير الطامح ذي خليج الروم دي ثقافة عالية جداً في الجغرافيا وبالذات في الكنتور
استضفت ليلة البارحه عمى صديق الموج لكى يتحدث لنا بلسان متمرس فى شعر الحقيبه لانه ذكر لى اليد قصيره لا تستطيع الكتابه وخسرنا عشا لكن الله غالب ولكن مقابل هذه الخساره الماديه طلعنا بماده مسجله سوف نرفعها على اليوتيوب ولانى مابعرف اعمل الشغل دا منطظر البنات يجهزوه لى فخليكم قراب يا حمزاى وانا اسوف اتولى الترانسليشن لامثالك
انا جاى للبوست ده برواقه ابوصلاح ده مرات عنده اسئلة مشروعة. بقول فى قصيدته يا ظبى رامة:
برتكان على بان ام نهيد وصدور؟ والبلوح ده سناك ام عقيد من در؟
اللهم نسألك حسن الخاتمة،،،
Post: #29 Title: Re: الخرابل ياصديق الموج تعال Author: حفصه خالد المحرب Date: 10-27-2011, 08:53 AM Parent: #28
Post: #30 Title: Re: الخرابل ياصديق الموج تعال Author: محمد أبوالعزائم أبوالريش Date: 10-27-2011, 09:01 AM Parent: #29
Quote: وتجد آخر يقول ليك الصدير الطامح ذي خليج الروم دي ثقافة عالية جداً في الجغرافيا وبالذات في الكنتور
يا حمزاوي، في نفس القصيدة الشاعر بيقول (محصّنة بالدردنيل). لم أعرف المقصود بالدردنيل ...... فسألت، وعرفت أن (الدردنيل) هو مضيق في خليج الروم تكثر فيه الشعب المرجانية ولا يستطيع المرور منه إلاّ قائد سفينة محنّك. ....... شوف جنس التحصين ده.
تقول لي .. ثقافة عالية جداً في الجغرافيا وبالذات في الكنتور؟
Quote: وتجد آخر يقول ليك الصدير الطامح ذي خليج الروم دي ثقافة عالية جداً في الجغرافيا وبالذات في الكنتور
حمزاوى العزيز .....سلام
هنالك خطأ شائع فى تفسير هذا البيت يظن الكثيرون ان خليج الروم هنا المقصود به خليج مثل الخليج العربى وغيره، ولكن لا يوجد فى الدنيا خليج يسمى خليج الروم والخليج (بكسر الخاء) المقصودهناهى تصغير خلج والخلج هو الصدر وقصد خليل فرح ان صدرها مثل صدر ديوك الروم حين تزهو ولعلك لاحظت ان ديوك الروم تبرز صدورها عالية وهى تتبختر ماشية..