Post: #1
Title: 15قطعة سكنية للمغتربين في كافة دول المهجر من ولاية الخرطوم
Author: زهير عثمان حمد
Date: 10-18-2011, 09:29 AM
قال مدير عام مصلحة الأراضى بولاية الخرطوم؛ أحمد إدريس، توزيع 15 ألف قطعة سكنية للمغتربين عبر الوفود المشتركة من الأراضى، وجهاز المغتربين بعدد من دول الاغتراب، واتفق مع جهاز المغتربين على مواصلة التوزيع عبر السفارات
وأكدت قيادات جهاز تنظيم شؤون السودانيين العاملين بالخارج ومصلحة الأراضى بالخرطوم، استمرار التعاون والتنسيق لتنفيذ بنود مذكرة التفاهم الموقعة بينهما لتنظيم توزيع الأراضى السكنية للسودانيين العاملين بالخارج
وأمن الأمين العام للجهاز؛ كرار التهامى، ومدير الأراضى أحمد إدريس، على استمرار توزيع الأراضى فى دول الاغتراب عبر الوفود والمكاتب فى السفارات، مع مراعاة إعداد وحاجيات المغتربين فى كل دولة
وأشاد الأمين العام لجهاز المغتربين بدور مدير عام مصلحة الأراضى على تفهمه لدور الجهاز وأهدافه وأهمية توزيع الأراضى السكنية لربط أبناء السودان بالخارج بوطنهم وتحقيق الاستقرار لهم .
|
Post: #2
Title: Re: 15قطعة سكنية للمغتربين في كافة دول المهجر من ولاية الخرطوم
Author: أيمن الطيب
Date: 10-18-2011, 09:45 AM
Parent: #1
سلامات يا ابو الزهور,,,
هذه القصة تتكرر كلما الجماعة يفلسوا ومخزون الدولار يصل الحضيض كعادته مؤخرا
وفجأة كدا يتذكروا البقرة الحلوب,,
15 ألف قطعة سكنية دى تانى إلا فى صحراء العتمور,,
تحياتى,,
|
Post: #3
Title: Re: 15قطعة سكنية للمغتربين في كافة دول المهجر من ولاية الخرطوم
Author: الحاج حمد الحاج
Date: 10-18-2011, 10:50 AM
Parent: #2
| Quote: 15 ألف قطعة سكنية دى تانى إلا فى صحراء العتمور,, |
ذكرتني طرفة لأحمد عمر الرباطابي ، اذ تم منحه قطعة أرض غرب أم درمان و عندما ذهب مع المساح لاستلام الأرض لقاها بعييدة و نهاية غرب أم درمان ، تاني يوم رجع لي ناس الأراضي سألوهو : أها يا عم أحمد ان شاء الله الأرض عجبتك؟ ابتسم و رد عليهم : عجبتني؟ و الله دي بعيدة بعد و غررررب و الله وقت الشمس تغيب تمسكها بي يدك.
|
Post: #4
Title: Re: 15قطعة سكنية للمغتربين في كافة دول المهجر من ولاية الخرطوم
Author: صديق الموج
Date: 10-18-2011, 11:03 AM
Parent: #3
| Quote: وأمن الأمين العام للجهاز؛ كرار التهامى، ومدير الأراضى أحمد إدريس، على استمرار توزيع الأراضى |
زهير...........سلام
بالله الامين العام أمن؟
والله إنجاز وعلى قدر اهل العزم
ماشاء الله تبارك الله
بالله بلغه انا اصالة عن نفسى ونيابة عن المغتربين
بعتذر ليه عشان ارهقناه بالتأمين ده؟
طبعا دايرين عمله صعبه يجيبوا بيها سلاح عشان
النيل الازرق وجنوب كردفان
|
Post: #5
Title: Re: 15قطعة سكنية للمغتربين في كافة دول المهجر من ولاية الخرطوم
Author: عبد الحي علي موسى
Date: 10-18-2011, 11:20 AM
Parent: #4
| Quote: وأشاد الأمين العام لجهاز المغتربين بدور مدير عام مصلحة الأراضى على تفهمه لدور الجهاز وأهدافه وأهمية توزيع الأراضى السكنية لربط أبناء السودان بالخارج بوطنهم وتحقيق الاستقرار لهم . |
| Quote: وأشاد الأمين العام لجهاز المغتربين بدور مدير عام مصلحة الأراضى على تفهمه لدور الجهاز وأهدافه وأهمية توزيع الأراضى السكنية لربط أبناء السودان بالخارج بوطنهم وتحقيق الاستقرار لهم . |
أي ريال يمشي للحكومة، فهو لقطع رِجل بريئة على الأقل.
شكرا زهير شكرا صديق الموج
|
Post: #6
Title: Re: 15قطعة سكنية للمغتربين في كافة دول المهجر من ولاية الخرطوم
Author: الامين جبارة الله التوم
Date: 10-18-2011, 11:44 AM
Parent: #5
Quote: أي ريال يمشي للحكومة، فهو لقطع رِجل بريئة على الأقل.
شكرا زهير شكرا صديق الموج |
ما دام كده والله الارض اكان ادونا ليها بريال واحد ما دائرنها ...... قالوا الزول ده جاء هنا للزوم الشحدة فرجع بخفي حنين
او بدعم الفريق القومي
|
Post: #7
Title: Re: 15قطعة سكنية للمغتربين في كافة دول المهجر من ولاية الخرطوم
Author: Dr. Ahmed Amin
Date: 10-18-2011, 11:50 AM
Parent: #6
كدي يا أستاذ زهير خليهم يورونا الأول .. أين الخدمات في أراضي الوادي الأخضر
حتى بعداك يفكروا يوزعوا اراضي تاني في الفيافي ..
وزعوا هرات الآلاف من الأراضي وهي بلا خدمات منذ سنيين .. وستظل كذلك لسنيين وسنيين
والله مشروع سندس حيكون أفضل حالا من اراضيهم ده...
ويا كرار التهامي إشتغل بواقعية أو أترك هذا الأمر
|
Post: #8
Title: Re: 15قطعة سكنية للمغتربين في كافة دول المهجر من ولاية الخرطوم
Author: Hisham Ibrahim
Date: 10-18-2011, 12:10 PM
Parent: #7
| Quote: Re: 15قطعة سكنية للمغتربين في كافة دول المهجر من ولاية الخرطوم |
يا زهير 15 قطعه والا 15 ألف قطعه ؟؟
بعدين توزيع والا بيع
بتفرق كتير
توزيع للمستحقين
بيع للقادرين
............!!!!!!!!!!!!!!!
|
Post: #9
Title: Re: 15قطعة سكنية للمغتربين في كافة دول المهجر من ولاية الخرطوم
Author: ناصر المحسى
Date: 10-18-2011, 12:42 PM
Parent: #8
Quote: كدي يا أستاذ زهير خليهم يورونا الأول .. أين الخدمات في أراضي الوادي الأخضر
|
ياخى البقعة وزعو للمغتربين سنة 1992 لحد الان مافى خدمات
19 سنة ومافى اى خدمة
|
Post: #10
Title: Re: 15قطعة سكنية للمغتربين في كافة دول المهجر من ولاية الخرطوم
Author: عبد الله كسلا
Date: 10-18-2011, 02:04 PM
Parent: #9
أممممممك ... الجماعة فلللللللسو !!
لا يلدغ المغترب من نفس الجحر ألف مرة 
إلاَّ إذا كان غبيان ساااااااااااي 
سلام يا ابو الزهور
|
Post: #11
Title: Re: 15قطعة سكنية للمغتربين في كافة دول المهجر من ولاية الخرطوم
Author: احمد محمد احمد عتيق
Date: 10-18-2011, 04:54 PM
Parent: #10
يا اخي دي مصيبة ... مش الوادي الاخضر ..كمل ..
الا دايرين يبداو فيهو من جديد ..
متوقعة واكثر ..
|
Post: #12
Title: Re: 15قطعة سكنية للمغتربين في كافة دول المهجر من ولاية الخرطوم
Author: محمد المعتز جعفر
Date: 10-18-2011, 06:10 PM
Parent: #11
اقعدوا طنطوا كده
لما القطر يفوتكم
هذه الاحصائية قدمها مدير عام الاراضي للعدد الذي تم توزيعه في العامين الماضيينتوزيعه فعلا واستلامه ودفع كامل قيمته بواسطة المغتربين في قطر والامارات والسعودية والمانيا و..ووو الخ وبعض الذين كتبوا هنا نعموا بهذا الحق واشتروا وعملوا رايحين والعديد من اعضاء هذا المنبر الموقر مستمتعين بهذه النعمة التي تضاعفت اسعارها واصبحو هم المستفيدين وهنالك الاف الطلبات الان ولاتوجد لها قطع كافية ورايتم الناس في قطر وفي الامارات وفي السعودية كيف دفعوا بسخاءمن اجل الحصول على هذه الفرصةوكيف اشتكى البعض لطوب الارض لان الحظ لم يحالفهم والان اذا توفرت قطعة واحدة سيركض نحوها المئات ،، لامعنى لللازدواجية والنفاق
|
Post: #13
Title: Re: 15قطعة سكنية للمغتربين في كافة دول المهجر من ولاية الخرطوم
Author: Dr. Ahmed Amin
Date: 10-18-2011, 06:32 PM
Parent: #12
Quote: اقعدوا طنطوا كده
لما القطر يفوتكم
هذه الاحصائية قدمها مدير عام الاراضي للعدد الذي تم توزيعه في العامين الماضيينتوزيعه فعلا واستلامه ودفع كامل قيمته بواسطة المغتربين في قطر والامارات والسعودية والمانيا و..ووو الخ وبعض الذين كتبوا هنا نعموا بهذا الحق واشتروا وعملوا رايحين والعديد من اعضاء هذا المنبر الموقر مستمتعين بهذه النعمة التي تضاعفت اسعارها واصبحو هم المستفيدين وهنالك الاف الطلبات الان ولاتوجد لها قطع كافية ورايتم الناس في قطر وفي الامارات وفي السعودية كيف دفعوا بسخاءمن اجل الحصول على هذه الفرصةوكيف اشتكى البعض لطوب الارض لان الحظ لم يحالفهم والان اذا توفرت قطعة واحدة سيركض نحوها المئات ،، لامعنى لللازدواجية والنفاق |
بالله كم في المائة الأصبحوا مستفيدين ؟؟؟؟
مشروع سندس الزراعي .. كثير ممن قدموا له أصبحوا من المراحيم .. وأولادهم للآن ما فاهمين حاجة ..
عشرات الآلاف من الأراضي في الوادي (اليابس) وزعت للمغتربين واستفادت الحكومة بالمليارات .. ورينا بداية خدمة واحده قدمت ..
أراضي البقعة كما ذكر المحسي 19 سنة من غير خدمات ...
أراضي حلة خوجلي ... أين هي ؟؟؟
الموضوع اصبح معلوم للكل الحكومة لمن تفلس وتضيق بيها الأرض تضرب على الوتر الحساس للمغتربين
فتبيع لهم السراب والوهم ...
_________________________________________________________\
لو كانت الحكومة جادة .. دعها أولا توصل الخدمات كاملة ثم تطرح الأراضي للبيع مساعدة للمغترب
مش يوزعوا الصحراء ... واراضي في سقط لقط .. 
|
Post: #14
Title: Re: 15قطعة سكنية للمغتربين في كافة دول المهجر من ولاية الخرطوم
Author: صديق الموج
Date: 10-18-2011, 06:48 PM
Parent: #13
| Quote: مستمتعين بهذه النعمة التي تضاعفت اسعارها واصبحو هم المستفيدين |
الكل يعرف من هو المستمتع بهذه النعمة ومن هو المستفيد
الحقيقى، كما نعرف من يكتب بهذا الباسورد فالرجاء الظهور
الى العلن بدل استغلال باسورد هذا المسكين ليصبح عندنا أكثر
من غريبة فى المنبر،،،
|
Post: #16
Title: Re: 15قطعة سكنية للمغتربين في كافة دول المهجر من ولاية الخرطوم
Author: ناصر المحسى
Date: 10-18-2011, 07:00 PM
Parent: #14
| Quote: التي تضاعفت اسعارها واصبحو هم المستفيدين وهنالك |
انا اشتريت قطعة فى البقعة سنة 92 ما حتى اليوم البقعة بدون خدمات
لو كنت شغلت قيمة القطعة فى السوق حتى لو اشتريت ترمس وبيعت فى
فى السعودية كنت عملت عمارة جاى تقول قيمتو اضاعفت
وبعدين مافى مغترب بيشترى قطعة من اجل التجارة اى واحد همو
يعمل بيت يمل فيه اولادو
|
Post: #15
Title: Re: 15قطعة سكنية للمغتربين في كافة دول المهجر من ولاية الخرطوم
Author: محمد المعتز جعفر
Date: 10-18-2011, 06:58 PM
Parent: #13
Quote: بالله كم في المائة الأصبحوا مستفيدين ؟؟؟؟مشروع سندس الزراعي .. كثير ممن قدموا له أصبحوا من المراحيم .. وأولادهم للآن ما فاهمين حاجة ..عشرات الآلاف من الأراضي في الوادي (اليابس) وزعت للمغتربين واستفادت الحكومة بالمليارات .. ورينا بداية خدمة واحده قدمت ..أراضي البقعة كما ذكر المحسي 19 سنة من غير خدمات ...أراضي حلة خوجلي ... أين هي ؟؟؟الموضوع اصبح معلوم للكل الحكومة لمن تفلس وتضيق بيها الأرض تضرب على الوتر الحساس للمغتربينفتبيع لهم السراب والوهم ...
_________________________________________________________\
لو كانت الحكومة جادة .. دعها أولا توصل الخدمات كاملة ثم تطرح الأراضي للبيع مساعدة للمغترب
مش يوزعوا الصحراء ... واراضي في سقط لقط .. |
يادكتور احمد،،،سلا م
ياخي انت داير كلام المنبر واللا كلام العقل ؟ ،،،اول التبادي مافي مغترب عرضت له ارض في حلة خوجلي واللا الوادي الاصفر او الجن الاحمر رفضها ومافي اي شخص يجد فرصة ارض الان ليشتريها سيرفضها ناهيك عن اراضي المغتربين فهذه هي الخطة الاسكانية الوحيدة المتاحة في سودان اليوم باقي السودانيين يشتروا بالمبالغ العصية فاذا ربنا انعم علينا بارض باسعار بخسة ماهي المشكلة،،،، وهذه الاراضي لو طرحت للسودانيين في الداخل اليوم سيشتريها السماسرة في لمح البصر ....بعدين ليس هنالك انسان مغصوب هذا عرض وطلب انت ماتشتري واترك الاخرين يقررون مصيرهم نصف هذا المنبر من يتلكون ارض في الوادي الاخضر وفي حلة خوجلي وفي سندس ،،، الوادي الاخضر الان اصبح حلم الجميع وليس هنالك فرقة فيه،، اراضي البقعة بيعت لللمغتربين منها مئات القطع لكن بيعت للمواطنيين الاف القطع وهي مثل اي ارض تظل محتفظة بقيمتها وتظل حرزا للمال احسن من اي وسيلة اخرى والناس لايبنون بيوتهم ليس بسبب غياب الخدمات ولكن بسسب ضيق ذات اليد وهذه مسئولية كل شخص على حدا ثم ماذا لدي المغتربين من موال طائلة حتى تسد به الحكومة رمقها؟؟ مشروع سندس الاف المستثمرين ليسوا مغتربين والان الحواشات تضاغعفت قيمتها واصبحت رصيد لكل مالك ومايحدث من مشاكل يواجه ملايين السودانيين ناهيك عن عشرات المغتربين
والحكاية كلها عرض وطلب والذي لايرغب يترك الاخرين ،،،،مع تحياتي
|
Post: #17
Title: Re: 15قطعة سكنية للمغتربين في كافة دول المهجر من ولاية الخرطوم
Author: محمد المعتز جعفر
Date: 10-18-2011, 07:09 PM
Parent: #15
Quote: الكل يعرف من هو المستمتع بهذه النعمة ومن هو المستفيد
الحقيقى، كما نعرف من يكتب بهذا الباسورد فالرجاء الظهور
الى العلن بدل استغلال باسورد هذا المسكين ليصبح عندنا أكثر
من غريبة فى المنبر،،، |
الهلوسة بدت
اشتكوني جماعة لبكري على طريقة دقاني بكى وسبقني اشتكى
وقفني المهندس بكري ظلما وبالامس القريب تم الافراج عني ورجعت ليتم ايقافي من جديدانشاء الله اذا الحكاية جابت ليها فرز كيمان
،،، وبعدبن ياخي زي الكتابة ال########ة دي مامحتاج يستلفونها من الاخرين اي شخبطة هنا ماشة
ثم ياخي اكتب يكتب يكتبون الكتب منو مامهم ....المهم النص ،،ماسمعت بنظرية موت المؤلف ؟؟ سيبك من الكاتب منو ركز على النص
ولو مغالطنا اسأل
|
Post: #18
Title: Re: 15قطعة سكنية للمغتربين في كافة دول المهجر من ولاية الخرطوم
Author: عبد الملك يوسف الملك
Date: 10-18-2011, 07:21 PM
Parent: #17
المعتز
حمد الله على السلامة
توقعتك بالامس في منتدى ابن خلدون ،، كان الموضوع شيقا
وحمد الله هلى استعادة سكينك في هذا البورد او حسابك بالاحرى
انشاء الله يكون من ابناء المستقبل العاملين
على فكرة رغم حقي في الحصول على قطعة ارض مغتربين لكن اضطررت لشرائها
من صاحبها عبر وسيط فضاعف على السعر ،، ياريت تعلموننا بمواعيد الخطة القادمة
مع كامل الود
|
Post: #19
Title: Re: 15قطعة سكنية للمغتربين في كافة دول المهجر من ولاية الخرطوم
Author: صديق الموج
Date: 10-18-2011, 07:32 PM
Parent: #18
Quote: على فكرة رغم حقي في الحصول على قطعة ارض مغتربين لكن اضطررشت لشرائها
من صاحبها عبر وسيط فضاعف على السعر ،، |
لازم تتضاعف ببساطه لانو سعر الريال تتضاعف من
خمسمائة جنيه الى الف جنيه..
ويحدثنا اهل الاقتصاد ان كل جنيه سودانى يبيت
فى البنوك السودانية يخسر صاحبه 5% من قيمته
كل شهر،،،
|
Post: #20
Title: Re: 15قطعة سكنية للمغتربين في كافة دول المهجر من ولاية الخرطوم
Author: عبد الملك يوسف الملك
Date: 10-18-2011, 07:55 PM
Parent: #19
Quote:
لازم تتضاعف ببساطه لانو سعر الريال تتضاعف من
خمسمائة جنيه الى الف جنيه..
ويحدثنا اهل الاقتصاد ان كل جنيه سودانى يبيت
فى البنوك السودانية يخسر صاحبه 5% من قيمته
كل شهر،،، |
يمين القسم كلامك صاح ياصديق،،، عشان كده الارض تتحول الى ماعون ادخار زي الذهب
والعملة الورقية تخترق قيمتها على مدار الساعة ،، الحكومة رفعت سقف الارباح في السندات الحكومية
وارباح شهامة وصرخ رفعت لامتصاص الاحجام عن المشاركة فيهالكن مهما كانت الارباح فهي خاسرة
الاقتصاد السوداني يتمايل يسرة ويمنة ،،،لكن على الصعيد الشخصي الزموا الجابرة واشتروا الارض مهما كان سعرها
فهي مخزن المال
|
|