Post: #1
Title: علي عثمان: الانهيار الاقتصادي لدي الغرب بسبب بعدهم هن الله
Author: عبد الحي علي موسى
Date: 10-18-2011, 07:51 AM
Parent: #0
دا كلام دا؟
طيب..الضائقة المعيشية .التي يعاني منها الشعب السوداني الفضل، في الدولة الفضلت ؟
الجواب عند عبد الحي يوسف:
بسبب أخلاقنا اللا إسلامية.
لحل هذا اللغز، فالحل عند ربيع عبد العاطي.
فقد تم إجراء حوار معه على قناة الجزيرة مع د. الطيب زين العابدين في برنامج ما وراء الخبر عن موضوع غلاء الأسعار بصورته الغير مسبوقة.
فقد ذكر - ربيع عبد العاطي – أن السودان يمر بأحسن أحواله، وهذه المظاهرات (المفتعلة)، أعطت الموضوع أكثر مما يجب.
لكن...
كلام ربيع يمحاه مندور:
اعترف مندور المهدي بتدني الدخل القومي إلى 5%، وارتفاع نسبة الفقر بالولاية إلى 28%، ولفت مندور إلى رداءة أسواق الولاية وشبه بيئتها ببيئة القرون الوسطي من حيث الطرق والبنى التحتية، وطالب بضرورة تحسينها.
علي عثمان نسي أو تناسى أن المظاهرات في الغرب بسبب السياسات الرأسمالية للنظم هناك.
هذه السياسة طبقتها الانقاذ بحذافيرها. مما نتج عن ذلك، استحواذ قلة في الغرب على رأس المال، وقلة قليلة في السودان على كل شيء، هم ناس علي عثمان ومن شايعهم.
سؤال (للعالم) عبد الحي يوسف والكاروري وعصام البشير و....:
22 سنة والشريعة الإسلامية مٌطبقة بدون أي دغمسة، ليه أخلاقنا كِدا؟
وين مجتمع الطهر والفضيلة الذي وعدتمونا به؟
الجواب:
القلة الفضلت من الشعب السوداني الفضل في الدولة الفضلت هم مجتمع الطهر والفضيلة.
|
Post: #2
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: عبد الحي علي موسى
Date: 10-18-2011, 08:07 AM
Parent: #1
عفوا...
العنوان هكذا:
علي عثمان: الانهيار الاقتصادي لدي الغرب بسبب بعدهم عن الله
|
Post: #3
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: عبد الحي علي موسى
Date: 10-18-2011, 08:54 AM
Parent: #2
كَسرة:
بمناسبة غلاء الأسعار....
واحد اشترى طعمية لحشوها في رغيفة.
كلما أراد فتح الرغيفة، ليُدخل الطعمية، لم يستطع لصغرها.
في النهاية....فتح الطعمية وحشاها بالرغيفة.
|
Post: #4
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: عكود عبد القادر عكود
Date: 10-18-2011, 09:04 AM
Parent: #3
ونحنا إنهيارنا الإقتصادي ببعدنا عن ماذا؟؟؟؟؟ ياشيخ علي؟؟؟
عاطر التحايا لك أخي عبد الحي
|
Post: #5
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: أحمد أمين
Date: 10-18-2011, 10:30 AM
Parent: #4
الله ده ياجماعه ما تعبتوه معاكم (واحتار فيكم)، (وهو قال ليهم فكروا) لكن ديل خلو التفكير وعطلوه تماما
ياجماعة واحد يرشح نظرية علي عثمان دي ممكن تديه جائزة نوبل في الاقتصاد.
يالها من خفة عقل، او استخفاف بعقول (المهدورين)
|
Post: #6
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: صديق الموج
Date: 10-18-2011, 10:43 AM
Parent: #5
| Quote: علي عثمان: الانهيار الاقتصادي لدي الغرب بسبب بعدهم عن الله |
والله الزول لما يجى يكضب ويغش بنسى اى شىء..
هسه يكون نافع خاتى يده فى راسه من كلام على عثمان ده.
يعنى الغرب ده قبل سنتين كده كان مواظب على الصلوات الخمس؟
وكم كانت زكاة الغرب الاخرجها من بيت مال الكفار العام الفائت؟
وهل صاموا رمضان المنصرم ايماناً واحتساباً؟
ياشيخ على بدل عدل والله فترنا من كذبكم الكتير ده،،،
|
Post: #7
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: برير اسماعيل يوسف
Date: 10-18-2011, 10:50 AM
Parent: #6
مكرر يا ابو علوه... ما بتدي حريف.
|
Post: #8
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: البحيراوي
Date: 10-18-2011, 10:51 AM
Parent: #6
تحياتي للجميع
غايتو كلام الجماعة ديل بقى زي أركان النقاش بتاعة الجامعة تحت نيمة النشاط ديك جنب مكتبة الأدوات الطلابية ديك . يعني ناس القانون بكونوا حاضرين وكمان ناس الهندسة في طريقهم وناس الآداب قريبين منها وناس العلوم والإقتصاد بجوا طالعين بره الجامعة . بغشوها ويسمعوا كلام كتيييييييييير وطوالي على البركس ولا ترهاقا والنيل الأزرق - غدا مكرب لمن تعصر .
بحيراوي
|
Post: #9
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: jini
Date: 10-18-2011, 10:57 AM
Parent: #8
| Quote: علي عثمان: الانهيار الاقتصادي لدي الغرب بسبب بعدهم هن الله |
وعلى كرتى يلوم الغرب بسببه وقوفه مكتوف الادى وهو يرى اقتصاد السودان ينهار ما تحاكموهو!
والصين الاقتصادها مزدهر دى انشاء الله تكون تابت توبة نصوحة وحجت وطلعت زكاة الصادرات حقتها!
التقول علهو موسى يفوت فرعون ب غادى
جنى
|
Post: #10
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: صبري طه
Date: 10-18-2011, 11:01 AM
Parent: #9
Quote: يعنى الغرب ده قبل سنتين كده كان مواظب على الصلوات الخمس؟
وكم كانت زكاة الغرب الاخرجها من بيت مال الكفار العام الفائت؟
وهل صاموا رمضان المنصرم ايماناً واحتساباً؟ |
| Quote: والصين الاقتصادها مزدهر دى انشاء الله تكون تابت توبة نصوحة وحجت وطلعت زكاة الصادرات حقتها! |
|
Post: #11
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: عبد الحي علي موسى
Date: 10-18-2011, 11:07 AM
Parent: #9
Quote: ونحنا إنهيارنا الإقتصادي ببعدنا عن ماذا؟؟؟؟؟ ياشيخ علي؟؟؟
عاطر التحايا لك أخي عبد الحي |
الجواب جااااهز عند عبد الحي يوسف والكاروري
تحياتي عكود
|
Post: #12
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: عبد الحي علي موسى
Date: 10-18-2011, 11:29 AM
Parent: #11
Quote: يعنى الغرب ده قبل سنتين كده كان مواظب على الصلوات الخمس؟
|
لا يا صديق...
مُش كِدا وبس، إنما لعدم تطبيق الشريعة الاسلامية
|
Post: #13
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: عبد الحي علي موسى
Date: 10-18-2011, 12:46 PM
Parent: #12
Quote: ياجماعة واحد يرشح نظرية علي عثمان دي ممكن تديه جائزة نوبل في الاقتصاد.
|
ونافع للسلام
والكاروري للفيزيا خاصة وأن خطبة الجمعة القادمة، قد تكون عن دخول السودان في مجال صناعة الأقمار الاصطناعية.
تحياتي أحمد أمين
|
Post: #14
Title: Re: علي عثمان: الانهيار الاقتصادي لدي الغرب بسبب بعدهم هن الله
Author: هاشم نوريت
Date: 10-18-2011, 02:21 PM
Parent: #13
شر البلية مايضحك
الله هونينى
|
|