Post: #1 Title: DropBox Author: مريم بنت الحسين Date: 10-18-2011, 05:27 AM
يا جماعة... للناس العندهم ملفات مهمة وما عايزنها تضيع وعايزين يلقوها متى ما هم عايزين.... شوفوا الفيديو ده...
واشتركوا بي اللنك ده: http://db.tt/OMn6etz ... وعشان اكون واضحه، حتزيدوا لي المساحة بتاعتي باشتراكم بي اللنك ده... ولو في زول عايز يتغاتت... هدا اللنك للغتاته www.dropbox.com....
هي لله (ما حقت الجماعة ديلك)...
طبعا في App بتاع iPhone وBB وAndriod....يعني اتخيلوا صوركم وفيديوهاتكم كلها ممكن تطلع من التلفون للموقع ده.. وتقدروا تلقوا في اي كومبيوتر انتو عايزينه..
لكن صدّقوني حتدعو لي... لاني بدعي لصاحبتي الورتني ليه كل يوم...
قبل ستة شهور واحد صاحبي من الدنمارك جدع لي رابط الـ DropBox والله ما بتذكر فتحت حساب ولاَ لا... اسي وبعد معلوماتك دي...هو بالله الـ DropBox ده مفيد للدرجة دي؟؟ طيب كدي ندخل لجوة نشوف الحاصل ونقرر..
شكرا لهذه التحفة شكرا ليك بنت الحسين ودمت بمليون عافية
..................... الدعوات مؤجلة لقدام
Post: #3 Title: Re: DropBox Author: مريم بنت الحسين Date: 10-18-2011, 06:15 AM Parent: #2
البرنامج رائع.... وروعته موش انك بس بتحفظ ملفاتك من الضياع... كمان بتقدر تلقاها من اي كومبيوتر انت تقعد فيه.. يعني اتخيل بدل ما تخم اللابتوب ولا تشيل ليك فلاش دسك يضيع... بس تنزل البرنامج وتدخل بي حسابك... تلقى ملفاتك كلها موجوده... حسي انا لما اسافر لأهل، كومبيوتر واحد بباريني مافي... بمشي هناك اتم شغلي... وحتى لو ما عايزين تنزلوا البرنامج في الكومبيوترات كلها، ممكن تدخلوا موقع dropbox، وتنزلوا الملفات العايزنها منه كلها...
ده غير خاصية الsharing... يعني مثلا في ملفات عايزه صاحبتي تشوفها، مافي داعي ارسلها ليها في الايميل.. بس اعمل share ليها من الfolder بتاعي....
Post: #5 Title: Re: DropBox Author: مريم بنت الحسين Date: 10-18-2011, 06:49 AM Parent: #4
الاخ عمّار... الفكرة واحده تقريبا.. في فرقين.. الاول في المساحة الممنوحة Dropbox بديك في البداية 2 G مجانا وبتزيد بازدياد الناس البشتركوا عن طريقك، كل شخص بديك 250 ميجا زيادة... انا وصلت 3 G حسي ^_^... الفرق التاني امكانية الsharing مع اي زول عنده حساب Dropbox.... بس لو انت عايزه للbackup بس... فGmail Drive تمام برضه....
الوالد بخير والله يا عمّار... عمل عملية صغيرة بتاعت قسطرة الاسبوع الفات .. وحسي بخير والحمدلله... شكرا على السؤال....
ده فيديو تاني بالعربي
Post: #6 Title: Re: DropBox Author: مريم بنت الحسين Date: 10-18-2011, 06:50 AM Parent: #5
سلام الاخت مريم و شكرا ليك وكالعاده البرامج المفيده لا تستطيع انزالها بالطريقه العاديه فى السودان نسبة للمقاطعه والحمد قدرت انزل البرنامج بعد لف ودوران وشكر ليكى كتير
Post: #10 Title: Re: DropBox Author: انعام حيمورة Date: 10-18-2011, 10:43 AM Parent: #9
مريومة الحبيبة
والله فعلا انا كنت محتاجة لي حاجة زي دي لاني حافظة ملفات من 2005 شي سي دي وشي هاردسك وقصص ..
