أحتجاج شديد اللهجة .. وإنسحاب الأمل العطبراوى من كأس السودان !!!

المصدر ( كفر ووتر)[/B]

Quote: اصدر مجلس إدارة نادي الامل ظهر اليوم قرارا بالإجماع وسحب فريق الكرة من منافسة كاس السودان من مباراته اامام الهلال في نصف نهائي كاس السودان والتي تقرر تأجيلها للمرة الثالثة امس على ان تلعب غدا الاربعاء وكانت لجنة البرمجة قرر في الاسبوع الماضي إقامة المباراة اليوم الثلاثاء واخطرت بعثة الامل التي كانت متواجدة بسد مروي لإقامة معسكر إعدادي لمنافستي الدوري والكأس وامس عدلت من موعد المباراة وإعلانها مساء الاربعاء امام الهلال ، على ضر التأجيل للمرة الثالثة على التوالي دعى مجلس إدارة نادي الامل كافة أعضاءه لإجتماعي طاري ظهر امس بدار النادي عقب إعلان التأجيل من لجنة البرمجة بالإتحاد العاك لكرة القدم وبعد تاول للقضية قرر المجلس وبالإجماع سحب فريق الكرة من منافسة كاس السودان نهائيا والتفرغ رسميا لمنافسة الدوري الممتاز وكان المجلس قد احتج بشدة على قرار لجنة البرمجة القاضي بتاجيل المباراة للمرة الثالثة ورأى ان اللجنة لم تراعي قيمة الامل كفريق كبير ومنافس على كاس البطولة في نسختها الحالية ، تحدث جمال حسن سعيد عن إنسحاب النادي من منافسة كاس السودان وقال قرارنا نهائي ولارجعة فيه وهذا قرار مجلس إدارة مفوض من قبل جماهير الامل وعليه فأن الامل عندما وافق على تأجيل المباراة مرتين راعى المشاركة الوطنية للهلال في مشوار دوري الابطال وتابع: في الاسبوع الماضي تفاجئنا بإقامة المباراة يوم الثلاثاء وقتها كان الفريق في معسكر بمروي وعملنا على قطع المعسكر والوصول الى الخرطوم لأداء المباراة وامس تفاجئنا بالتأجيل ليوم الاربعاء وعليه نرى ان الامل قرر ان يضع حدا لهذا وقررنا الانسحاب بصورة نهائية ونرى التفرغ لمنافسة الدوري الممتاز افضل ، سار في ذات الإتجاه عادل حسين الامين العام للنادي مؤكدا ان القرار لارجعة فيه لان لجنة البرمجة هي التي اجبرت الامل على إتخاذ القرار وقال: لجنة البرمجة لم تراعي قيمة الامل على الإطلاق بالتالي رأى مجلس الإدارة ان يحفظ ماء وجه النادي وينسحب من المنافسة يضع تركيزه على منافسة الدوري الممتاز

يا النبى نوح ..

تاج

تاج طاب يومك
اولا شى مؤس مايحدث من اتحاد الخرمجة
ثانيا كنت اتمنى قيام هذه المباراة والتى اثق تماما ان الامل سيكسبها
ثالثا الاتحاد وبمحاباته المستمرة للهلال اضر بالهلال .

Quote: تاج طاب يومك اولا شى مؤس مايحدث من اتحاد الخرمجة ثانيا كنت اتمنى قيام هذه المباراة والتى اثق تماما ان الامل سيكسبها ثالثا الاتحاد وبمحاباته المستمرة للهلال اضر بالهلال .

الأخ نور الدين
تحيتى وتقديرى

كلنا كنا نتمنى قيام هذه المباراة

لكن ما باليد حيلة ..

وأظنك توافقنى الرأى بأن الأمل له مليون حق للانسحاب ..

وهذا مايريده الاتحاد ..

لأنه يعلم بأن الهلال فى أسوأ حالاته ..

وسوف ينهزم من الأمل !!

ويطلع من المولد بدون حمص ..

لا كأس الممتاز ..

ولا كأس السودان ..

لكن الاخيرة خليها مستورة !!

تحياتى أخى نور الدين

وشكرا لمرورك ..

تاج السر

على كل حال كويسة مع المريخ ...
يعني ضمن يلاقي الهلال ...



ـــــــ
الرجفي لزومو شنو ؟

رغم انه افضل للمريخ ملاقاة الهلال المتهالك
الا ان إدارة الأمل قد وضعت حدا لمهازل الاتحاد
الذى يراعي فقط مصلحة الهلال ولا ينظر للطرف الأخر
ونتمني ان يتضامن المريخ مع الأمل ليهدي الاتحاد الكاس للهلال من المكتب كما فعل من قبل

هذا الإتحاد لم يتخذ اى إجراء فى مافعله البرير بحكم مباراة الترجي

يا تاج يا حبيب


والمتباكيين علي الامل


الهلال متهالك وحا يلاقيكم اغلبوه وتعالو اكتبو هنا


الجرسه في شنو اسي

ادارة الامل ليس لها الحق فى الانسحاب
فالقانون يقول ان يلعب الهلال بعد 48 ساعه من وصوله للبلاد

يعنى دى خرخره منهم بس !!

الاخ تاج السر .............سلام

لجنة الخرمجة خلوها الامل مقدور عليه
ماذا فعل اتحاد الكوشة فى قضية الامين البرير
لانها تمس شعب كامل فى اهم مكتسباته وثوابته
وقديماً قالوا إنما الامم الاخلاق وفى ذكاؤك بقية
السطور،،،

Quote: لجنة الخرمجة خلوها الامل مقدور عليه ماذا فعل اتحاد الكوشة فى قضية الامين البرير لانها تمس شعب كامل فى اهم مكتسباته وثوابته وقديماً قالوا إنما الامم الاخلاق وفى ذكاؤك بقية السطور،،،

أستاذنا الغالى

ود الموج ..

سلام مثنى ..

زى حبتين الترجى ..

البرشت .. ود المحجوب

أما ..

تلك المهذلة ..

وتلك المسرحية ..

فاقدة اللون والطعم ..

فصولها معروفة ..

الاتحاد الاعرج ..

بكامل ناسو ..

كانوا شهود على تلك ( البونية)

ولكنهم ..

سدوا ده بطينه وده بعجينة ..

ولم يأمروا حتى رجال الأمن بالقبض على الجانى ..

بل تركوه يمرح ويسرح ..

شاهدوه ناس كثر

ولهم مكانتهم ..

وبعد كل هذا ..

قال أنا كنت فى ( الاسبتالية)

حسع بس حسع أستاذى ده كلام !!

ستموت القضية ..

مثل ..

قضية أغتصاب رماز

وأغتيالها ..

وهكذا دواليك ..

تحياتى وتقديرى واحترامى أستاذى ود الموج ..

تاج السر

Quote: فالقانون يقول ان يلعب الهلال بعد 48 ساعه من وصوله للبلاد

يا على .. سلامات

نحنا قلنا الزعل عندنا ممنوع ..

عشان صحتك يالحبيب ..

طيب القانون ده ..

لمن وضع البرمجة ..

ماعارف الهلال بصل فى أياتو زمن ..

وليه أخطر الأمل ثلاث مرات !!

بالتأجيل ..

غايتو جنس غايتو ..

خوفكم ده هو العامله فيكم !!

وربنا يستر عليكم من البشتنة ..

كفايه عليكم بشتنة تونس ..

ركبتوا التونسية ..

قالوا ..

لا قرش لاتعريفه ..

قادر الله ..

تاج السر

Quote: الهلال متهالك وحا يلاقيكم اغلبوه وتعالو اكتبو هنا

ياعبس ..

يا الحبيب الغالى ..

هلالكم وين راح ..

أكلو التمساح ..

نحنا قلنا ..

لا كأس ممتاز ..

ولا كأس السودان ..

أنا خايف تقوموا تنسحبوا ..

غايتو الله لا يورينا اليوم داك ..

فتك بعافيه عباس أخوى ..

ماتحرد العشاء

سمح ..

تاج السر

Quote: الا ان إدارة الأمل قد وضعت حدا لمهازل الاتحاد

الزول السمح ..

والمريخابى الاصيل

معاوية ود محمد الحسن ..

كيفنك ياغالى ..

والله كلامك سمح بلحيل ..

وبالفعل الأمل أكد أنه إدارة قوية ..

لايسمح لا أحد أن يتلاعب عليه ..

لأنه أصر وقال بالحرف الواحد

لن يتنازل عن قراره ..

حتى ..

لوتمت إزاحته تماما ..

قوى ..

يا أمل ..

ونرفع لك القبعات ..

تحية واجلال ..


ولك تحياتى أخى معاوية

تاج السر

Quote: الرجفي لزومو شنو ؟

صبرى أخوى ..

حباب طلتك ..

شن قلت ..

أو بتقصد منو بالرجفى ..

ياأأأأأأأخ

الرجفى ناسو معروفين ..

وده كلام ما داير درس عصر ..

نحنا قلنا الهلال سوف يخرج ..

كما خلقتنى يامولاى ..

فتك بعافيه يالحبيب ..

تاج السر

بالجد مهزلة ما بعدو مهزلة من الاتحادالسودانى


تحياتى تاج

الذين يقولون بان الهلال له الحق فى 48 ساعة من وصوله
نذكركم بان المريخ قد وصل قبل فترة من الخارج وطالب بتأجيل احدي مبارياته فى الممتاز
لعدم إكتمال 48 ساعه من وصوله
فرفض الإتحاد وقام بتأخير بداية المباراة لمدة نصف ساعة فقط من الساعة 8 الى 8ونصف
حتى يكمل المريخ 48 ساعة حسب اللائحة
فلماذا قام بتأجيل مباراة الهلال 24 ساعة
ان نسيتم فذاكرة المريخاب لاتنسي
للعلم فان مجاملات الإتحاد والحكام للهلال هى التى تقصف به كل مرة من البطولات الكبيرة

الهلال محل ماهو لاعب يخرب المنافسة
بكل الاساليب الملولة
بعدما خرب البطولة الافريقية وطلع منها بمهذلة
خلاص رجع للمنافسات المحلية
والاتحاد العام الهزيل جاهز للسمكرة والطبطبة والتصليح
مسكين يا امل عطبرة ... حظك كدا
حيضيع حقك يا امل

الأمل معه حق في الانسحاب لأنه لم يخطر بالتأجيل قبل وقت كاف..
الهلال لم يطلب التأجيل لكنه تمتع بحقه في ذلك حسب لائحة المنافسة ..
الاتحاد أخطأ مرتين، مرة عندما برمج المباراة مع علمه بموعد مباراة الهلال
في تونس وموعد وصوله إلى الخرطوم، وأخطأ مرة ثانية عندما أبطأ في تأجيل
المباراة وإخطار نادي الأمل متأخراً..
أغلب المتداخلين هنا من الأخوة المريخاب الذين يتكلمون عن محاباة الاتحاد للهلال
وتأجيل المباراة له. هؤلاء تناسوا أن الاتحاد العام في السنة الماضية أجل مباراة
المريخ والأمل في الدوري الممتاز حتى يتيح الفرصة للمريخ ليشارك في دورة صداقة بدبي..
(المنافسة التي عاد منها المريخ بنقطة واحدة.. بتتذكروها)
لماذا لم ينسحب الأمل من الدوري الممتاز حينها ولماذا لم يهاجم هؤلاء الاتحاد العام وقتها؟!
رئيس الأمل لديه خلافات كبيرة مع قادة الاتحاد العام واستغل هذه الفرصة للنيل منهم..
المريخابي لو قرأ خبر في الجرايد يقول (تعذر رؤية هلال رمضان) حا يروح توش ليهاجم
فريق الهلال دون أن يمّيز أن المعني هو الهلال البدر وليس الفريق..
الكثيرين جوا جاريين هنا ليهاجموا الهلال وينالوا منه مع أنه ليس طرفاً في الخلاف بين الاتحاد
العام ونادي الأمل..
غايتو الغرض مرض..
شكراً ليك يا علي محمد علي بشير لأنك نطقت بالحق..

Quote: الكثيرين جوا جاريين هنا ليهاجموا الهلال وينالوا منه مع أنه ليس طرفاً في الخلاف بين الاتحاد العام ونادي الأمل..

يا راجل؟!

عموما أعذروا الإتحاد ،،

عشان قالو الجماعة رجعوا ونسوا (لياقتهم) في رادس ،،،


ركبوا التونسية سريع ..
وخلوا (لياقتهم) عهدة الترجي ..



يعني يلعبوا ليكم من غير لياقة؟





..

ادارة الامل ليس لها الحق فى الانسحاب
فالقانون يقول ان يلعب الهلال بعد 48 ساعه من وصوله للبلاد

يعنى دى خرخره منهم بس !!


الأخ / علي محمد علي بشير

لك كل تقديري واحترامي على قول الحقيقة

رغم انك مريخابي ولكن قلت الحقيقة دون مجاملة

أخونا تاج السر خلونا من الامل والبرير اخبار الحضري شنو اتصور مع الرئيس




أبو كريم

Quote: أخونا تاج السر خلونا من الامل والبرير اخبار الحضري شنو اتصور مع الرئيس

أخوى الفاتح ..

تحيتى وتقديرى ..

حسع يا الفاتح أخوى ده كلام !!!!

تحية وأحترام ..

تاج السر

Quote: يعني يلعبوا ليكم من غير لياقة؟

إنت عارف إنو الاتحاد ما أجل المباراة حباً لسواد عيون الهلال
أو لأن الهلال رجع بدون لياقة كما تدعي، الاتحاد طبق اللائحة
(رغم الخطأ الذي ارتكبه في حق نادي الأمل)
لكنكم كمريخاب بتحبوا المكابرة والغلاط..
لذلك خليتوا خطأ الاتحاد العام وجريتوا وراء أشياء
لا دخل لها بالموضوع زي (لياقة لاعبي الهلال وبونية البرير)..
الهلال قبل كده رجع من مباراة أفريقية تنافسية قبل 48 ساعة
وسافر تاني يوم إلى كادقلي ولعب بدون تمارين ضد هلال كادقلي
وانهزم بهدفين ومافي حد مننا هاجم الاتحاد لأن الهلال وقتها
لم يكن يتمتع بحق أن تؤجل له المباراة..

Quote: ركبوا التونسية سريع .. وخلوا (لياقتهم) عهدة الترجي ..

ود محمد الحسن ..

كيفنك يا رائع ..

شن قلت ..

ركبوا التونسية ..

وخلوا اللياقة ..

عند ناس الترجى ..

وكمان عهدة ..

الكلام ده يا أبراهيم أخوى

بزعل ناس نصر الدين وأخوانه ..

مايرضوا بالحقيقة ..

والله يجازى الكان السبب ..

تحيتى وأحترامى أخى ابراهيم

تاج السر

Quote: أغلب المتداخلين هنا من الأخوة المريخاب الذين يتكلمون عن محاباة الاتحاد للهلال وتأجيل المباراة له. هؤلاء تناسوا أن الاتحاد العام في السنة الماضية أجل مباراة المريخ والأمل في الدوري الممتاز حتى يتيح الفرصة للمريخ ليشارك في دورة صداقة بدبي

الأخ نصر الدين

تحيتى وتقديرى ،،

بدأت سطورك بداية تستحق التقدير والامتنان ..

لكنك ..

عرجت بسطورك أعلاه ..

وهنا أسمح لى أن أذكرك فقط

بأن التأجيل تم مرة .. مرتان .. ثلاث مرات ..

فهذا هو المحك الرئيسى ..

وضربتان فى الرأس توجع !!

اليس كذلك يانصر الدين ..

تحياتى وتقديرى ..

تاج السر

Quote: بأن التأجيل تم مرة .. مرتان .. ثلاث مرات .. فهذا هو المحك الرئيسى .. وضربتان فى الرأس توجع !!

تحياتي يا تاج السر

التأجيل للهلال تم تقديراً لظروف مشاركات الهلال الأفريقية
ولم يتم بسبب مباريات ودية كما حدث للمريخ في العام الماضي
ولم نقرأ لأي مريخابي أنه هاجم الاتحاد العام دفاعاً عن حقوق نادي
الأمل الذي كان الطرف الآخر للمريخ في المباراة المؤجلة وقتئذٍ..
أنا ذكرت هذه الحادثة لأؤكد لكم بأن الاتحاد العام يجامل
المريخ بطريقة واضحة لا غلاط فيها والأمثلة على ذلك كثيرة لا حصر لها..
الاتحاد العام صدق الآن للمريخ بإقامة مباريتين لدعم الشعب الصومالي
والغرض من ذلك هو أن يكسر مدافع المريخ باسكال قرار الإيقاف..
لماذا لم يدعم المريخ الشعب الصومالي قبل إيقاف باسكال؟!!
في مجاملة أكتر من كده؟

Quote: الاتحاد العام صدق الآن للمريخ بإقامة مباريتين لدعم الشعب الصومالي والغرض من ذلك هو أن يكسر مدافع المريخ باسكال قرار الإيقاف.. لماذا لم يدعم المريخ الشعب الصومالي قبل إيقاف باسكال؟!! في مجاملة أكتر من كده؟

الأخ نصر الدين

تحيتى وتقديرى وأحترامى ،

الاتحاد .. أصبح عبئا ثقيلا على الفرق الكبيرة ..

وأصبح مهذلة ..

لايعى مايفعله ..

لذلك ..

يجب أن يرحل ..

غير ماسوفا عليه ..

اليس كذلك أخى نصر الدين

تاج السر

Quote: الهلال محل ماهو لاعب يخرب المنافسة بكل الاساليب الملولة

الحبيب الغالى ..

حمزاوى ..

كفنك ياغالى ..

يخرب المنافسة ..

بالاساليب الملولة ..

وكمان لا تنسى ياحمزاوى ..

بالملاكمة الماخمج ..

وهذا هو حالهم ..

تحياتى ..

تاج السر

Quote: الذين يقولون بان الهلال له الحق فى 48 ساعة من وصوله نذكركم بان المريخ قد وصل قبل فترة من الخارج وطالب بتأجيل احدي مبارياته فى الممتاز لعدم إكتمال 48 ساعه من وصوله فرفض الإتحاد وقام بتأخير بداية المباراة لمدة نصف ساعة فقط من الساعة 8 الى 8ونصف حتى يكمل المريخ 48 ساعة حسب اللائحة فلماذا قام بتأجيل مباراة الهلال 24 ساعة ان نسيتم فذاكرة المريخاب لاتنسي للعلم فان مجاملات الإتحاد والحكام للهلال هى التى تقصف به كل مرة من البطولات الكبيرة

العزيز معاوية

تحيتى وتقديرى ..

يامعاوية أخوى ..

الناس ديل ..

كلام زى ده مايعرفوه ..

وكتر خيرك..

لهذه الافادة ..

وعساهم يفهمون ..

تحياتى وتقديرى أخى معاوية ولاعدمناك

تاج السر

Quote: بالجد مهزلة ما بعدو مهزلة من الاتحادالسودانى

الغالى حسن

تحيتى وتقديرى ،،

المهذلة خربانة من كبارا ..

غايتو الله يلزمنا الصبر ..

تحياتى مرة أخرى ياود سنادة

وشكرا لمرورك ..

تاج السر

Quote: الهلال قبل كده رجع من مباراة أفريقية تنافسية قبل 48 ساعة وسافر تاني يوم إلى كادقلي ولعب بدون تمارين ضد هلال كادقلي وانهزم بهدفين ومافي حد مننا هاجم الاتحاد

أيواااااااا ،،


كده وضحت ،،