Post: #1
Title: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 10:18 AM
Quote: قال : إن تصاديق الدولار للعلاج تباع في السوق الموازي
وزير المالية : لو ارتفع السكري لموظف كبير يسافر مع زوجته وأولاده للعلاج علي نفقة الدولة |
المصدر : صحيفة التيار .. عدد الخميس 13 أكتوبر 2011 .. رقم ( 774 )
|
Post: #2
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: Ahmed musa
Date: 10-17-2011, 10:51 AM
Parent: #1
Quote: قال : إن تصاديق الدولار للعلاج تباع في السوق الموازي
وزير المالية : لو ارتفع السكري لموظف كبير يسافر مع زوجته وأولاده للعلاج علي نفقة الدولة |
والله يا بخاري
انا الكلام ده من قرتو مغيووووظ
وشاكلت المرة تلاتة مرات
(ماعارف ذنبها شنو)...!!!
المهم الحمدلله طلع ده تطوّر في العلم
ــــــــــــــــــ
(جزاكـ الله خير) ..!
|
Post: #3
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 10:56 AM
Parent: #1
Quote: كشف وزير المالية علي محمود عن مؤسسات لم يسمها تعاقدت مع مستشفيات للعلاج بالخارج وتمنح تصاديق لكبار الموظفين بتسلم الدولار وتباع في السوق الموازي الي جانب الدولارات التي تباع في دبي والمبالغ بالدولار التي تذهب كمرتبات للمعلمين العاملين في مدارس الصداقة السودانية أيضاً فيها ضياع للدولار.
واشار محمود من خلال مداخلته امام البرلمان امس الي مدرسة في دولة عربية بها ثلاثة طلاب سودانيين فقط ، وقال: ان السودان يوفر المدرسة ويصرف راتباً قدره 7 الاف دولار لكل معلم فيها مما يوثر علي المالية ، |
فتأمل علي قول ملاسي
|
Post: #4
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 11:05 AM
Parent: #3
Quote: وشاكلت المرة تلاتة مرات
(ماعارف ذنبها شنو)...!!! |
تلاتة مرات دي عشان الطلاب في المدرسة
الحكي عنها ثلاثة طلاب ..
الحمد لله ما قال الاستاذة كم ، انا متأكد
لو كل استاذ بدرس ( مادتين ) بكون 7 أستاذة
|
Post: #5
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 11:19 AM
Parent: #4
| Quote: المهم الحمدلله طلع ده تطوّر في العلم |
يا أحمد موسي يا صديق
لازم تكون مواكب التطور
وهي لله هي لله
لا للسلطة ولا للجاه
وما لدنيا قد عملنا
نحن للدين فداء
|
Post: #6
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 11:51 AM
Parent: #5
| Quote: بتسلم الدولار وتباع في السوق الموازي الي جانب الدولارات التي تباع في دبي والمبالغ بالدولار التي تذهب كمرتبات للمعلمين العاملين في مدارس الصداقة السودانية أيضاً فيها ضياع للدولار |
وأنت يا وزير الهنا محرسنك شنو ؟
|
Post: #7
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: عبد الناصر الخطيب
Date: 10-17-2011, 11:55 AM
Parent: #6
بخاري عثمان الامين
بعد التحية والسلام ,,,
قريت الخبر :
| Quote: وزير المالية : لو ارتفع السكري لموظف كبير يسافر مع زوجته وأولاده للعلاج علي نفقة الدولة |
ياخي حزنته شديد
مفروض الدولة بعد رحلة العلاج يكون في رحلة نقاهه وشوبنج للموظف الكبير وعائلتوا واقرباؤه حتى الدرجة الرابعة
الدول المحترمة والبتهتم برفاهية موظفيها وصحتهم بتعمل كده
كامل التضامن مع الموظفين الكبار وأسرهم
التعديل لانو كتبته ومفتكرهم وزراء ونسيت أنو الوزراء في بلدنا اساسا ما قاعدين يمرضوا بمرضوا الناس وبس
|
Post: #8
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: Ahmed musa
Date: 10-17-2011, 12:06 PM
Parent: #7
...
مكرر
|
Post: #11
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 12:18 PM
Parent: #8
ما ليك حق تحزن يا ناصر
ياخ ديل اولي الأمر يا منقة
Quote: بلدك متل كمين بلاد .. بدت الدقون فيها الختا
نجس ثراها المترفينز. كترت مواعين الفساد . وكان كلمة الاسلام غتا
محمد الحسن سالم حميد |
|
Post: #9
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: Ahmed musa
Date: 10-17-2011, 12:08 PM
Parent: #7
...
مكرر
|
Post: #10
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: Ahmed musa
Date: 10-17-2011, 12:11 PM
Parent: #7
Quote: يا أحمد موسي يا صديق
لازم تكون مواكب التطور |
لا واكبت ... جد
هسع قبل فترة كنت متابع (تطوّر علم) تبع المتعافي
تصدق لولا البوست ده كنت متخيله (فساد إداري)
شفت جهلي ده قدر كيف ...؟!!
ـــــــــ
تاااني جزاك الله خير .!
|
Post: #12
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: محمد أبوالعزائم أبوالريش
Date: 10-17-2011, 12:27 PM
Parent: #10
| Quote: وزير المالية : لو ارتفع السكري لموظف كبير |
هسي نحن لما يرتفع سكرينا بعد قراية الكلام ده ....... نمشي وين؟
غايتو يا بخاري، لو جاني سكري ذنبي في رقبتك إنت.
______
سؤال ..... إشمعنى السفر لعلاج السكري؟
السكري علاجو (في بلاد برة) إختلافو شنو عن (بلاد جوة)؟
|
Post: #13
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 12:30 PM
Parent: #10
وفي متن الخبر الوزير التمس من البرلمان اعتماد سياسات
وردت في البرنامج الاسعافي الثلاثي الذي قال انه سيعبر بالبلاد
لتجاوز الازمة ...
_____________________________________________________________
يا حسرة الانغشي فيك .. كبر وراك .. جاهد جهاد لامن هلك
يا حسرة الصدق صلاتك وموعظاتك في الفساد .. بان الشرك
|
Post: #14
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 12:35 PM
Parent: #13
| Quote: سؤال ..... إشمعنى السفر لعلاج السكري؟ |
يا ابو الريش هو قاصد انه دا مرض عادي بس المسئولين
ببعزقوا القروش يعني .. نظام عليكم الله شوفوا الناس ديل
طيب انت يا علي محمود وزير وللمالية بتفتكر شغلك الاساسي شنو ؟
|
Post: #15
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-17-2011, 01:11 PM
Parent: #14
| Quote: وتمنح تصاديق لكبار الموظفين بتسلم الدولار وتباع في السوق الموازي الي جانب الدولارات التي تباع في دبي |
يا شباب من ناحية قانونية ما بتتلقي مادة
ضد المسئولين ديل ؟
مثلا : التزوير ، الغش ، الخداع ...
|
Post: #16
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: Alshafea Ibrahim
Date: 10-17-2011, 02:54 PM
Parent: #15
تحياتي يابخاري
والوزير ده طالما بقى شفاف كده .. ماكان بالمرة يحذر شيوخ الحزب وكبار منسوبيه بالبرلمان من عدم التعامل بالنقد الأجنبي سواء بالبيع أو البدل أو التخزين أو السفر عبر صالة كبار الشيوخ .... يعني ما سمع قضية سرقة منزل الشيخ قطبي القدام القضاء منظورة حاليا ؟ أها ده علم وعولمة ؟؟
الشفيع إبراهيم
|
Post: #17
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: محمد عمر الفكي
Date: 10-17-2011, 03:39 PM
Parent: #16
| Quote: كان ما العلم اتطور كنا قلنا |
غايتو يا بخاري دي سرقة فنية راسها عديل اللهم الا اذا كنت حافظها في المخيخ السفلي
| Quote: البرنامج الاسعافي الثلاثي |
البرنامج دا بيونون تلات مرات ولا كيف؟
تحياتي واحب اذكرك انه البيشتم الصحابة كافر
|
Post: #18
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-18-2011, 07:58 AM
Parent: #17
| Quote: تحياتي واحب اذكرك انه البيشتم الصحابة كافر |
يا محمد عمر صباح الخيرات
كدي نخش في حتة الشتم دي ؟
ياتو صحابة ؟
|
Post: #19
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: محمد أبوالعزائم أبوالريش
Date: 10-18-2011, 11:09 AM
Parent: #18
Quote: يا شباب من ناحية قانونية ما بتتلقي مادة
ضد المسئولين ديل ؟
مثلا : التزوير ، الغش ، الخداع ... |
غايتو شكواك دي، محل ما تمشي بيها، ما حتلقى غير واحد يقوم يتغزّل ليك في (شفافية) الوزير وصدقه ... وإنو لا يخاف في الحق لومة لائم ... إلخ.
|
Post: #20
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-18-2011, 11:16 AM
Parent: #18
ومن متن الخبر :
| Quote: واكد المضي في سياسة خفض الانفاق وتابع وبالرغم من أننا اوقفنا استيراد العربات المستعملة دخلت 300 عربة لدبلوماسيين عائدين من الخارج وأقر الوزير بالارتفاع في أسعار السلع مستدركا بالقول : ولكن ليس كل اسبابه داخلية لسوء في الاداء ، وانما لارتباطه بزيادة الاسعار العالمية والاستهلاك الكبير للسلع المستوردة وقال ان البلاد لا زالت تعاني من المقاطعة الامريكية التي تجددها كل عام واعلنها الرئيس الامريكي وابان ان هذه العقوبات ووضع السودان ضمن الدول الراعية للارهاب أدي لاحجام المستثمرين ما عدا الذين جاءوا بقناعات ذاتية ، مشيراً أن 75% من القمح المستهلك مستورد من الخارج وهو محكوم بالاسعار العالمية ، وقال ان العلاج الناجع هو بزيادة الانتاج التي ارتكز عليها البرنامج الاسعافي الثلاثي الذي اعدته وزارته لامتصاص الاثار السالبة للانفصال وكشف عن اتجاه لاعفاء كامل للديون الخارجية أو تقسيمها بين دولتي الجنوب والشمال ، وقال إن مشكلة الديون لا زالت عالقة بالرغم من انتفاء أسباب بقائها |
ونفلفل الكلام دا مداخلة مداخلة
|
Post: #21
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-18-2011, 11:30 AM
Parent: #20
| Quote: وتابع وبالرغم من أننا اوقفنا استيراد العربات المستعملة دخلت 300 عربة لدبلوماسيين عائدين من الخارج |
يعني الكلام دا انت يا علي محمود بتقول فيهو لمنو
نحن عافصين الجمرة وعارفين الفساد فالكلام دا حقو تقولوا
لمن تفتح بلاغ في مواجهة الدبلوماسيين الكسروا قرارك ديل ..
نحن بالله بوليس الحركة تكون ماشي في آمان الله والحركة منسابة
فجأتن كده يوقفك ويسألك من الرخصة والله قال بي قولك لو نسيتها
أو منتهية تدفع فورياً تلتين جنيه بدون اي مراعاة لظرفك
|
Post: #22
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-18-2011, 11:35 AM
Parent: #21
| Quote: وكشف عن اتجاه لاعفاء كامل للديون الخارجية أو تقسيمها بين دولتي الجنوب والشمال |
يا سعادتك أنت ما بتقرأ جريدة الانتباهة ولا شنو ؟
ياخي كل يوم الانتباهة بتكتب عن مجاعة وحروبات
في دولة الجنوب .. تقول لي يدفعوا معانا الديون كمان
|
Post: #23
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: عثمان الشيخ
Date: 10-18-2011, 12:01 PM
Parent: #22
(( مشيراً أن 75% من القمح المستهلك مستورد من الخارج وهو محكوم بالاسعار العالمية ))
يا بخاري ... الناس ديل زماااان قالوا لينا مزقنا فاتورة القمح وهوسونا اغاني
ماعاوزين دقيق فينا قمحنا كتير بكفينا
الحصل شنو تاني ؟ فاتورة القمح رجعت تاني متين ؟؟؟؟؟؟
بعدين بعد ما الوزير دا قال كلامو دا ما شال ورقو ومشى ديوان النائب العام وفتح بلاغ في المسئولين ديل ليه ؟
ولا برضو خليها مستورة!!!!
|
Post: #24
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-18-2011, 12:17 PM
Parent: #22
| Quote: وقال ان البلاد لا زالت تعاني من المقاطعة الامريكية التي تجددها كل عام واعلنها الرئيس الامريكي وابان ان هذه العقوبات ووضع السودان ضمن الدول الراعية للارهاب |
ونذكرك صديقي المستمع بــــ :
أمريكا روسيا قد دني عذابها
علي ان لاقيتها ضرابها
|
Post: #25
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: محمد أبوالعزائم أبوالريش
Date: 10-18-2011, 12:27 PM
Parent: #24
| Quote: وقال ان البلاد لا زالت تعاني من المقاطعة الامريكية التي تجددها كل عام واعلنها الرئيس الامريكي وابان ان هذه العقوبات ووضع السودان ضمن الدول الراعية للارهاب |
مال تنسى يا بخاري إنو نفس المسئولين ديل كانوا بيقولوا إنو المقاطعة لا تؤثر في الإقتصاد بشئ.
غايتو أنا في الإقتصاد زول قريعتي راحت ساااكت ...... لكن الكلام ده ما واقع لي.
|
Post: #26
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-18-2011, 01:48 PM
Parent: #25
| Quote: غايتو أنا في الإقتصاد زول قريعتي راحت ساااكت ...... لكن الكلام ده ما واقع لي. |
Quote: والضوْ وليداً ما قرا
خرَّجتو منك باقتصاد ... قانون ... فلكْ
جَفَّ المِداد ..
ما أعدلكْ .
جَفَّ المداد ما أعدلكْ
ما أعدلك ... ما أعدلكْ |
شكرا محمد الحسن سالم حميد
شكراً ابو الريش
والقصة ما محتاجة زول درس أقتصاد من اساسها
ببساطة في منتجات نحن ما بننتجها والامريكان
ما ح يدونا ليها .. دي موش مشكلة ؟
قالوا الجنوب عربة الفرامل الموقفها قطار الشمال
من الانطلاق واول ما ينفصل غالباً من الترف نلبس عقالات
قلنا ليهم الصادرات ح تقل لاننا معتمدين علي بترول الجنوب
وقلة الصادر بتعمل عجز في الميزانية وانتو متعودين تغطوا العجز
بالضرائب علي السلع الضرورية ودا بعمل ما يعرف بشظف المعيشة
وتداول مصطلح حد الكفاف والحد الادني البغطي 12% بس من الاحتياجات ..
ببساطة بيتك بصرف في اليوم أكل وشراب حوالي 100 جنيه
وانت في الشغل ماهيتك في اليوم 70 جنيه وبدوك حافز 20
اها عجزك اليومي 10 جنيه ، قام سعادة المدير وقف الحافز
كده عجزك عمل 30 جنيه.. دا الحاصل علينا من الانفصال
انت في البيت حا توقف الحاجات البتفتكر انها ما ضرورية
عشان تظبط المنصرف مع الدخل واحتمال كبير تفتش مصدر دخل تاني
تغطي بيهو الفرقة العملها المدير بايقاف الحافز ..
يلا ناسنا ما بهبشوا امتيازاتهم خالص بسدوا العجز دا طوالي
في اكلنا وشرابنا وعلاجنا ومدارس اولادنا ..
|
Post: #27
Title: Re: يا وزير المالية.. كان ما العلم اتطور كنا قلنا دي سرقة عديل كده
Author: بخاري عثمان الامين
Date: 10-19-2011, 10:50 AM
Parent: #26
*
|
|