Post: #1 Title: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-16-2011, 03:57 PM
يا عمرو دياب يا أخوي الطحن في الجهات دي تقيل عليك . خلي ديك الصحف الجربانة تكتب عن حجم مبيعاتك . مالو ؟ التكتبو . وغني علي كيفك باللغات الروسية والكرواتية والبلغارية . ومعقول الكلام ده كرواتي ؟؟؟؟؟ طيب . كرواتي .. كرواتي بس الغناء في حلة ناس شان جون ديل صعب عليك يا زول . يا عمرو المسافة طويلة .
Post: #2 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-17-2011, 01:19 AM Parent: #1
يازول ها ! لو منحوك جائزة الميوزك أوورد ما معناتو بقيت عالمي زي ناس JAY . Z . وحتبرطع في مسرح بروكلن يا عمرو . ....
التعديل بسبب محاولتين لوضع فيديو من داخل ورشة JAY Z لصناعة الأغنية العالمية الجديدة .
Post: #3 Title: Re: عالمية شنو يا عمرو دياب أنت فاكر نفسك JAY . Z ؟ Author: maia Date: 10-17-2011, 08:07 AM Parent: #2
الاخ عثمان موسى
مع احترامي لرأيك لكن يحسب على الاقل للفنان عمرو دياب شرف محاولة توصيل صوته واغانيه عالميا
لكن ببقا السؤال ما هو مفهوم العالمية واهميته للفنان هل الفنان ما بيكون فنان ما لم يكن مشهور عالميا فليس دائما انه المحلية هي شيء سيء ، ما بقصد المحلية زي الحاصل عندنا والفن السوداني المحصور في اطار ضيق
لكن المحلية في اطار انه في تجويد الاعمال الفنية ووجود جمهور محلي جيد للفنان
Post: #4 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-17-2011, 01:03 PM Parent: #3
عزيزتنا maia سلامات والله يا عزيزتنا الفنان عمرو دياب ده دأعس علي البنزين شديد . شفتو في سبتمبر الفات في حفل من حفلات الدعاية للجولة الأمريكية . طريقتو ما عجبتني ولا عجبت بعض المتابعين . يا بنتنا عمرو ضحك علينا الناس . أي زول صاد يطنطن ويسوي في ال ( وأط )
Post: #5 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-17-2011, 09:29 PM Parent: #1
O O O O
Post: #6 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-18-2011, 02:41 AM Parent: #5
الجماعة المعاو في رحلة أمريكا وأقعين فيه نفخ . وأحد قال : فنان الأمة الأسطورة عمرو دياب حصل علي جائزة الاسطوانة البلاتينية للمره الرابعة والذهبية علي أغنية حبيبتي .
Post: #7 Title: Re: عالمية شنو يا عمرو دياب أنت فاكر نفسك JAY . Z ؟ Author: bob Date: 10-18-2011, 04:23 AM Parent: #6
Osman
slamat
let me ask Lil Wayne about this dude , they might be home boys
Quote: الجماعة المعاو في رحلة أمريكا وأقعين فيه نفخ . وأحد قال : فنان الأمة الأسطورة عمرو دياب حصل علي جائزة الاسطوانة البلاتينية للمره الرابعة والذهبية علي أغنية حبيبتي .
ــــــ
Post: #8 Title: Re: عالمية شنو يا عمرو دياب أنت فاكر نفسك JAY . Z ؟ Author: عبدالمجيد صالح Date: 10-18-2011, 06:54 AM Parent: #7
Post: #9 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-18-2011, 02:01 PM Parent: #7
عزيزنا bob سلامات أنت وين يا زول ؟ كيفك ؟ وأخبارك ؟ شايف يا بوب عمرو دياب وعمايلو ؟ النجم العالمي الضخم عمر الشريف دخل قلوب العالمين بالبساطة والتواضع والصبر والتصميم علي هضم الثقافة الغربية . ونجح . ,, تحياتي
Post: #10 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-18-2011, 02:28 PM Parent: #9
عزيزنا عبدالمجيد سلامات حقيقة يا عبدالمجيد وحتي في ظل الأزمة الأقتصادية الحاصلة في الغرب الا برضو في ثورة في البحوث الزراعية وفي الصناعة وفي التجارة وفي الرياضة وفي الفنون . يعني المنافسة علي الظهور ما حتكون طالقة ساكت . .. تحياتي
Post: #11 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-19-2011, 00:53 AM Parent: #1
###
Post: #12 Title: Re: عالمية شنو يا عمرو دياب أنت فاكر نفسك JAY . Z ؟ Author: محمد المرتضى حامد Date: 10-19-2011, 01:45 AM Parent: #11
يا عثمان ، مسؤول من الخير، إنت الزول دا وين؟ آخر مره شفتو في تسعينيات القرن المنصرم بيغني بلحن إزباني ، أقصد إسباني ، وقميص بدون زراير تاني كلو كلو .. مع اعتذاري لمعجبيه ، إن كان له معجبين، الزول دا لامن يجيبوهو شوف ليك بيكربونات صوديوم أشربا.
عثمان ، شوف لينا فنان كويس بالله.
Post: #13 Title: Re: عالمية شنو يا عمرو دياب أنت فاكر نفسك JAY . Z ؟ Author: محمد المرتضى حامد Date: 10-19-2011, 01:57 AM Parent: #12
نسيت اقول ليك ، فيها شنو لو قال إنو عالمي ؟ فيها شنو؟ في دكان في أمدرمان بعد الدباغه كده 3×3 متر ببيع طلح أظنو، فيهو يافطه مكتوب عليها (سيتي سنتر) مفيش حد أحسن من حد والفرق بين الفطيم والقطيم نقطه. ياخ مسئول حكومي الليله قال ( أمريكا لامن تتضايق ستأتينا صاغرة)
والله صحي.. .
يعني تاني نقول ليك عثمان صاغر.
عالمي.. غريب ..
Post: #14 Title: Re: عالمية شنو يا عمرو دياب أنت فاكر نفسك JAY . Z ؟ Author: Osman Musa Date: 10-19-2011, 02:55 AM Parent: #13
عزيزنا ود حامد سلامات كنت يوم حاضر يا ودحامد . الفنان العجيب أحمد ربشة بالعود والطبلة بس في لندن في المنطقة السياحية الشهيرة . منطقة COVENT GARDEN يغني بالصومالي وبالعربي . الناس يا ود حامد دايرين يجنو من الاندهاش . الصوت مو صوت نصاح . والعود لا معروف عود ولا معروف جيتار . زي ربشة ده هو الكان ممكن يتعرف في العالم . وهو الكان ممكن سمعتو تنبل شرق غرب . عالمية ؟
Post: #15 Title: Re: عالمية شنو يا عمرو دياب أنت فاكر نفسك JAY . Z ؟ Author: محمد الامين احمد Date: 10-19-2011, 06:51 PM Parent: #14
