Post: #1
Title: نقطة . سطر جديد ـــــــــــــــــــ
Author: صبري طه
Date: 10-16-2011, 08:06 AM
Parent: #0
.
ـــــــــــــــــــــــــــــــــــــــــــــــــــــــــــــــــــ
|
Post: #2
Title: نقطة . سطر جديد ـــــــــــــــــــ
Author: صبري طه
Date: 10-16-2011, 08:08 AM
Parent: #1
خرج الهلال من بطولة الأندية الإفريقية أبطال الدوري لكرة القدم من الدور نصف النهائي شأنه وشأن أيّ فريق يخرج من أيّة منافسة ...
|
Post: #3
Title: Re: نقطة . سطر جديد ـــــــــــــــــــ
Author: صبري طه
Date: 10-16-2011, 08:09 AM
Parent: #2
البكاء على الماضي لن ينفع ... الاستفادة من أخطاء الماضي هي التي تنفع ...
|
Post: #4
Title: نقطة . سطر جديد ـــــــــــــــــــ
Author: صبري طه
Date: 10-16-2011, 08:13 AM
Parent: #3
المشاكل المزمنة للكرة السودانية بشكل عام .. ما زالت مستمرة وهي:-
1- عدم الاستقرار الإداري.
2- عدم الاستقرار الفني.
3- ضعف الإعلام الرياضي.
4- المشاكل المتعلقة باللاعب السوداني وهي:-
أ- غياب الروح الاحترافية.
ب- العامل البدني (حاجة ملاحظة جداً).
ج- الحضور الذهني.
د- الضعف الفني.
ــــــــ
|
Post: #5
Title: نقطة . سطر جديد ـــــــــــــــــــ
Author: صبري طه
Date: 10-16-2011, 08:19 AM
Parent: #4
حاجة مهمّة جداً قد تساعد في تطوير رياضة السودان وهي:-
خصخصة الأندية
ــــــــ
مالك أو مالكي النادي سيتعاملون بمبدأ الربح والخسارة وفي هذه الحالة سيبذلون كل ما في وسعهم للربح مما يعني السير في الاتجاه الصحيح لتحقيق ذلك ..
ــــــــ
|
Post: #6
Title: Re: نقطة . سطر جديد ـــــــــــــــــــ
Author: سفيان بشير نابرى
Date: 10-16-2011, 01:25 PM
Parent: #5
| Quote: نقطة . سطر جديد ـــــــــــــــــــ |
منو القال ليك يا صبري!!!!؟
شنو هو انت !!! تفلق وتداوي!!!!
مش نقطة دي معاناها الموضوع انتهى!!!؟
والسطر الجديد دي معناها نشوف المستقبل؟
اها انتو (ونحنا ذاتو) نقطتكم لسه ما انتهت
ياخ انتو هسى عندكم مشكلة قدر (الضربة) في
ناديكم دا كيف تقول نقطة سطر جديد!!!
شفته جنس كلامك دا ياهو الدايرنو ناس الادارة
القاعدين ديل و ياهو ذات نفسو البخليهم الايام
دي يقولو عندنا خبطة تسجيلات خطيرة وعندنا وعندنا
يازول اوعه ترخي و تقول نقطة سطر جديد اوعه
اهو انت بعضمة كيبوردك شخصته ازمة الكورة السودانية
فياخ الله يرضي عليك اي تنافسكم في كاس الاندية انتهي
لكن ازمة النادي كبيرة شديد وهسى دى قمة تمظهرها
اها يا تحلوها يا خلاص ح تستمروا كدا .
طبعاً الحال من بعضوا عشان كدا انا مسخن .
وسلامي و ودي الذي تعرف .
|
Post: #7
Title: Re: نقطة . سطر جديد ـــــــــــــــــــ
Author: صبري طه
Date: 10-16-2011, 02:17 PM
حبيبنا نابري ... تشكر ياخ على النفس الحار ... تصدّق لمّا عملت ساتر ياخ ...
والنجيضة أنا كتبتها ياخ:
Quote: حاجة مهمّة جداً قد تساعد في تطوير رياضة السودان وهي:-
خصخصة الأندية
ــــــــ
مالك أو مالكي النادي سيتعاملون بمبدأ الربح والخسارة وفي هذه الحالة سيبذلون كل ما في وسعهم للربح مما يعني السير في الاتجاه الصحيح لتحقيق ذلك ..
|
الأندية لازم تكون مملوكة لأشخاص وفتح باب المشاركة عن طريق الأسهم ...
والقرار النهائي يكون لمالك النادي صاحب النصيب الأكبر وحده لا شريك له ...
ربح ربح .. خسارة خسارة ..
أمّا قصة كيد بتاع رؤساء سابقين ولاحقين دة ما بقسّم معانا ...
ولك ودّي ،،،
|
Post: #8
Title: Re: نقطة . سطر جديد ـــــــــــــــــــ
Author: احمد محمد احمد عتيق
Date: 10-16-2011, 03:56 PM
Parent: #7
يا اخي عنوانك دة احسن يكون ...
نقطة . صفر جديد ..
|
Post: #9
Title: Re: نقطة . سطر جديد ـــــــــــــــــــ
Author: أسامه الكرور
Date: 10-16-2011, 05:11 PM
Parent: #8
Quote: يا اخي عنوانك دة احسن يكون ...
نقطة . صفر جديد .. |
ههههههههههه
بالغت يا أحمد ياخ
الناس دى ثمانين سنه شغاله .... نقطه. صفر جديد
يمكن السنه دى متفائلين بى سطر جديد
بس ما يكون زى التفاؤل القبل مباراة الترجى
...........
سلامات يا صبرى وكفاره ... (فترنا زاتو من كفاره دى كل سنه ... كل سنه)
.
.
.
.
( والله المكاواه دى لذيذه خلاس )
|
Post: #10
Title: Re: نقطة . سطر جديد ـــــــــــــــــــ
Author: ياسر نجيلة
Date: 10-16-2011, 06:29 PM
Parent: #9
اخونا صبري ...
سؤال جادي جدا جدا جدا ...
شيلتو ميشو ... مع انو الوقت حرج ... ممكن تكون مبلوعة ...
بس ود النقر ده جايبنو لي شنو ...
يعني لو خليتو طارق أحمد آدم ...
كان معقولة شوية ....
ولا حتي ادار التبديلات ... البرنس من داخل الملعب كان ... احسن
والله سؤال جادي من غير .... تريقة ... 
فهموني ... ياناس الكورة ....
===================================
نجي للنقطة والصفر الجديد ....
أقصد السطر الجديد ...
ده حيكون قبل الممتاز ولا بعدو ....
بجيك لكأس السودان .... بعد الأمل ...
اقصد بعد مباراتكم ضد الأمل عتبرة ....
ايههه ... دوارة ...
بس المهم في الموضوع ... انتو دايما محافظين ...
على الصفر الدولي ... وهذا في حد ذاتو انجاز ...
صبري يا ملك ... والله اني احبك في الله .... ومداخلاتك دايما ملفته للنظر
ولا تخلو من الطرافه .... ومتابعك ....
انسي مداخلتي دي ... وماتزعل ....
|
|