مافي داعي ... كورة شنو

سبيامبيلمنبيلمقثلهخقثتقثلقهلشقثلقبيلاسينسيتنتت
اي كلام كتبتو شطبتو
كورة شنو وكلام فاضي شنو دي ناس بتضيع في زمنّا
نقعد نباري في المريخ يطلع من قولة تيت
نباري الهلال يمشي بكرامة البليله الى ان يصل الى صفره الدولي
غايتو نُهني المريخاب بخسارة الهلال
ونعزي الهلالاب في خسارتهم يوم امس
وحظ اوفر في المرات القادمة
مشكلة الكرة السودانية اصبحت مشكلة سياسة دولة من غير تعصب وتحزب
بالله القروش الصرفوها في الهلال والمريخ ما كان اولى بيها اطفال المايقوما

Quote: غايتو نُهني المريخاب بخسارة الهلال

إتخيّل يا الوليد دا الكلام المكرهني المريخاب والهلالاب خالص وسبب بعدي عن المجتمع الرياضي كلو

ياشيقا الشوق شاقاي شقانا
كرتنا يظهر تناولت من من وجبة فونج تاني لا بنفعهم طبيب يفتح كتاب ولا بتنفع بخرة وحجاب

Quote: وقد تجعد وجه فونج غير أنها لا تزال تحتفظ بشعر وقوام الشباب، بحسب الصحيفة. وقد حيرت حالتها الأطباء المحليين. وذكر التقرير أن مشكلة فونج بدأت عام 2008 عندما تناولت وجبة مأكولات بحرية وظهر طفح على وجهها. ووصف لها أطباء دواء للأكزيما، لكن بعدما تناولته له لمدة أسبوع تضخم وجهها، وبدأت علامات الشيخوخة تظهر على جلدها.

Quote: إتخيّل يا الوليد دا الكلام المكرهني المريخاب والهلالاب خالص وسبب بعدي عن المجتمع الرياضي كلو

لا ياشيقا ياااااخ حرام عليك ديل ملح كرة القدم وما تشوف السكلي والغاغا دي الناس دي بتحب بعض جدا
بس كمان المكاواة لابد منها يلاقيك واحد زي ناس عمر جنابو وهارون دياب يتمسخروا عليك
او واحد رجافة وحلو زي مهندس خليل مره تضحك ومره تحزن لحزنه اما ود الصائم دا كوم براهو
لكن بيني وبينك ياشيقا ريحت نفسك من مشاهدة هلال مريخ

نفسي اعرف فهم ناس إدارة الهلال ياخي معقول مدرب يصل بالفريق الى دور الاربعة
يتغير هل الذي ياتي بعدة ساااااااااااااااحر المشكلة مافي زمن كافي
من زمان نبحنا المشكله في الادارة قبل المدرب واللاعبين
وحاولت تغطي فشلها بي تسريح المدرب ميشو ( تأمل ) على قول ملاسي

غايتو الهلال ممكن يفوز بكاس الملاكمه وليس ابطال افريقيا

قبل كدا تحدثنا بان التكرار يعلم الحمار ولم يعلم لاعبي الهلال وهذا خير دليل على تكرار الاخطاء نسخة كربونية

يا وليد

لاعبين الهلال بيسمعوا كلام الاعلام الذي يقول لهم نحن منتصرون في رادس
ولمن يدخلوا الملعب تلقاهم واقفين منتظرين الاعلام يجي يلعب ليهم
اها وطيب

لا بد من الجلوس والتفكير ولا يخلوها لي اسيادها واسياد ابوها ناس مازيمبي والاهلي المصري والترجي التونسي وانييمبا النيجيري
مافي داعي يمرمطوا سمعتنا الباقية


الصادق

حبيبنا وليد


ويتواصل مسلسل خروجنا من دور الأربعة منذ العام 2007م

وكأن أعلى طموح لدينا الوصول لدور الأربعة والاكتفاء بالمشاركة

شخصياً لم أُمل في الصعود للنهائي منذ خسارتنا بامدرمان ولم أكن متفائل كغيري

بل كنت أشك في وصول الهلال لهذه المرحلة ومنذ فترة التسجيلات بشقيها الأول والثاني

لم تضيف جديد للفريق وخصوصاً في أطراف الدفاع والدفاع ككل إضافة لمحور الارتكاز

وصناعة اللعب ...

للأسف تسجيلاتنا دائماً ما تتم من غير روية فينة وحسابات لحاجة الفريق ويتدخل فيها

الجانب الإداري أكثر من الفني وتصرف فيها مبالغ ضخمة في لاعبين دون مستوى الفريق

وفي النهاية يتم شطبهم مما يعني انك افتقدت خانة لموسم كامل إضافة لمبالغ مالية الفريق أحوج ما يكون

لها .

يا جماعة روقو المنقة ، التيم طلع والحمدلله انو كان في المربع الذهبي، لا اول مره ولا اخر مره حيطلع،
الناس بعد دا تفكر بواقعية لدعم الفريق بعناصر شابة جادة وجهاز فني مسئول يعرف يختار اللاعب المناسب في الخانة المناسبة، وإدارة حكيمة وسئولة أيضاً .
والعبرة ان تتعلم إدارة الهلال من كل الأخطاء السابقة وتحاول ان تتجنبها.
الهلال سيظل الهلال كبيرا شامخا.

Quote: غايتو الهلال ممكن يفوز بكاس الملاكمه وليس ابطال افريقيا .

كابتن وليد
تحياتي
لكن المشكلة هم حتى البونية نكروها
يعنى لو أعترفوا بيها ممكن نرشحهم لبطولة الملاكمة
فى مثل خليجي يقول ياخارج من دارو حزين تلقي الفرح وين
اها الناس ديل مضروبين جوة استادهم وكانوا عاوزين يغلبوا فى تونس
وتصدق بناس خليفة وبكري المدينة
عليك الله ديل ممكن يلعبوا فى فريق مدرسة بحري الشعبية ايام عز الدورة المدرسية

Quote: لا بد من الجلوس والتفكير ولا يخلوها لي اسيادها واسياد ابوها ناس مازيمبي والاهلي المصري والترجي التونسي وانييمبا النيجيري مافي داعي يمرمطوا سمعتنا الباقية

الصادق ياخوي لابد لهلالاب ان يستفيدوا من هذه الدروس المجانية
بان الرياضة اصبحت زيها وزي اي علم ( أن تذاكر تنجح )

Quote: للأسف تسجيلاتنا دائماً ما تتم من غير روية فينة وحسابات لحاجة الفريق ويتدخل فيها الجانب الإداري أكثر من الفني وتصرف فيها مبالغ ضخمة في لاعبين دون مستوى الفريق وفي النهاية يتم شطبهم مما يعني انك افتقدت خانة لموسم كامل إضافة لمبالغ مالية الفريق أحوج ما يكون لها .

كابتن وليد

تحياتى

Quote: قبل كدا تحدثنا بان التكرار يعلم الحمار

إلا فى الكورة، فى حاجات كده ما بنفع معاها تدريب لا تكرار دايرة طايوق
اللياقة البدنية جماعتنا مفتكرنها باسطة وطاقة عالية، فى حين بناء العضلات
تعبان وما فى طريقة يتصلح. زى نوع إنفرادة المسكينى بامدرمان وتونس
عاوزة مدافع عضلات أرجله مبنية صح حتى يغيير سرعته بزيادتها للحاق بالمهاجم
.. لكن زولنا يجرجر فى رجليه وسرعته ثابتة لا تتغير.

كورة السودان تعبانة دى ما كانت مفاجآة فى تونس. لكن المستغرب ليه
كم المشجعين الهلالاب المقتنع بالفارق الكبير فنياً وتكتيكياً لصالح
الترجى، وبعد داك حلمان بالحظ والصدفة وحدها تخطى الترجى.

Quote: بل كنت أشك في وصول الهلال لهذه المرحلة ومنذ فترة التسجيلات بشقيها الأول والثاني لم تضيف جديد للفريق وخصوصاً في أطراف الدفاع والدفاع ككل إضافة لمحور الارتكاز وصناعة اللعب ... للأسف تسجيلاتنا دائماً ما تتم من غير روية فينة وحسابات لحاجة الفريق ويتدخل فيها الجانب الإداري أكثر من الفني وتصرف فيها مبالغ ضخمة في لاعبين دون مستوى الفريق وفي النهاية يتم شطبهم مما يعني انك افتقدت خانة لموسم كامل إضافة لمبالغ مالية الفريق أحوج ما يكون

الاخ الفاضل السفاح
بالجد ياعبد الله وحسب متابعتنا لك انك زول بتتلمس الجروحو العلل التي تصيب نادي الهلال
وليس نادي الهلال فقط بل نديده المريخ وطريقة التسجيلات التي تتم بعشوائية وعدم حوجة النادي لها
وتثبت انها عبارة عن صفقات وارتزاق لبعض الاداريين والسماسرة عندما ترى اللعب
وكان واضح من اداء الهلال وطريقة لعبة لايستطيع ان ينال البطوله
وكما تفضلت عدم تسجيل الاعب صاحب المواصفات العالية مقارنة بمحترفي باقي الاندية التي تنافسه

عبد الرحمن القرشي ... سلامات

Quote: يا جماعة روقو المنقة ، التيم طلع والحمدلله انو كان في المربع الذهبي، لا اول مره ولا اخر مره حيطلع، الناس بعد دا تفكر بواقعية لدعم الفريق بعناصر شابة جادة وجهاز فني مسئول يعرف يختار اللاعب المناسب في الخانة المناسبة، وإدارة حكيمة وسئولة أيضاً . والعبرة ان تتعلم إدارة الهلال من كل الأخطاء السابقة وتحاول ان تتجنبها. الهلال سيظل الهلال كبيرا شامخا.

كلام زي البنسلين
ياخي كلامك دا الناس رددته كثيرا ولكن من يسمع