من اين اشترى القيادى الاسلامى قطبى المهدى الاربعون الف يورو ؟

قال المتحري في قضة سرقة منزل القيادي في حزب البشير قطبي المهدي أنه تم استلام مذكرة وضحت المبالغ المسروقة التي بلغت «40310» يورو و «11,336» فرنكاً سويسرياً و«2» ألف ريال سعودي و «5» آلاف جنيه استرليني و ألف جنيه سوداني وموبايل. وأضاف المتحري حسب صحف الخرطوم أنه وبموجب ذلك تم تشكيل أتيام أسفرت عن القبض على تسعة متهمين، ثلاثة منهم تجار عملة والرابع مفصول من جهاز الأمن والخامس والسادس تابعان للاستخبارات، والسابع والثامن من معتادي الإجرام، والتاسع يتبع للقوات المسلح

وكتبت صحيفة التيار : علم شارع الصحافة أنّ العقل المُدبِّر لعملية سرقة منزل الدكتور قطبي المهدي أقرّ أمام المحكمة بأنّه قام بسرقة مئتي مليون جنيه لأنّ راتبه لا يتجاوز ثلاثمائة وخمسين جنيهاً.. السائق أكّد أنّه طالب مراراً بزيادة الراتب الذي لا يغطي نفقات أسرته إلا أنّ صاحب المنزل تجاهل ذلك مما اضطره إلى تدبير حادثة السرقة مع آخرين.

عشان تشترى الف دولار بالسعر الرسمى عينك بتطلع و فى الاخر تمشى تشترى من السوق الاسود ب 40 % او اكتر زيادة
المهم
من وين اشترى اليوروهات .

سلام يا وائل و كيف الحال و الأحوال
الكيزان ديل بلبعو و ببيعو بس ما فى حاجه أسمها يشترى فى عرفهم

وما خفى أعظم

اللهم أجعل كل مليم أخدوه بغير وجه حق من شعبنا المغلوب سما زعافا فى أحشاءهم

تحياتى
محمد على

باش مهندس محمد سلامات
وبصورة رسمية، من عيوب انظمتنا انها ليست لها صلة بتعاليم ديننا من المساواة والعداله. فهنالك استثناءات لمن له السلطة. سمعت ليك بي مسؤول او واحد من اولادهم مشي وقف في صف عشان يطلع رخصه؟ ولا شفتهم في مستشفي حكومي بتعالجوا؟ عشان كده واحد يقول ليك الكسره وهو ما عارف انو الكسره اغلي من العيش والتاني يقول ليك مافي زول ما لاقي حق الفطور! ياخي عليك الله خلينا!! اها ده سرق عشان ياكل حيحاكموهو بالشريعة ويطلقوا سراحو

سلام يا وائل
التعامل السريع و الحاسم مع الحادث برضه بوريك مقدار التفرقة في التعامل بين الناس. كم جريمة بتحصل في البلد بتمر من غير ما زول يشتغل بيها؟ غايته بس ربنا عايز يفضحهم... أعدموا الناس بسبب قروش امتلكوها حلالا و الآن هم يكنزون الآلاف التي لا يدري أحد من أين جاؤوا بها.

سلام يا العوض
اتذكرت مقولة الفاروق :ابت الدراهم الا ان تخرج اعناقها

سلام وائل

Quote: من اين اشترى القيادى الاسلامى قطبى المهدى الاربعون الف يورو؟

اعتقد انو كان سفير في ايران زائد كمية كده من رحلات العمل ممكن تعمل مبلغ قدر ده .....