المهم مبروك الترجي والأهم شكراً الهلال ( أرجوكٌم يا أهلة وأرجو منكُم )

المهم : مبروك الترجي للنهائي , كل لعيبتهم اليوم ممتازين .

رغم يُتم المدرجات من الجمهور كان النصر من نصيبكُم .


بالنسبة للهلال : يارب وياريت وكل ما أتمني و أرجو وأحب جداً ان يواصل و تُمنح كل الصلاحيات في الفترة القادمة للمدرب الفاتح النقر ولا أحد غيره رغم هزيمة اليوم .
لا نريد ان نميل كل الميل للاجانب , وجهة نظري المتواضعة الفاتح النقر افضل من ميشو , سيف مساوي افضل من ديمبا , امثلة تلك فقط .
المسيكني لم يُدخل السكينة في قلوب الأهلة .

شكراً الهلال .

نعم شكراً الهلال هو الأهم

قولوها أرجوكم ولو في صمت . فأيضاً صمت الكبارُ جميلُ .

رغم الهزيمة , رغم الخُسارة , رغم الخروج .

لم يمنحكًم الكأس ولكن منُحكُم

السعادة , الفرح , الانفعال , الزعل , الحزن , الترقب , القلق , الحيرة .

ألم يمنحكم الهلال كل هذا يا معشر الهلالاب في جميع المباريات ؟

ما الحياة ألا كشكول لكل ذلك وبعض أخريات !!

يستحق الشكر أذن لأنه : أنا أحس يعني أنه أنا أعيش .

ويا ربي ما تموتنا ناقصين احساس لانه مافي زول بموت ناقص عمر ولا شنو !!!!

في البدايات لم نشكُرهم ولكن في النهاية شكراً لهم

دمتم جميعاً هلالاب , مريخاب , موردااب , وكل مُحب لفريقه بخير .

يحي الاصفار وهي رميم ...

وينك يارشاااااااااااشة..

تعيشي وتنسي كما نست الاجيال من قبلك ...


تحياتي ،،

Quote: رغم الهزيمة , رغم الخُسارة , رغم الخروج . لم يمنحكًم الكأس ولكن منُحكُم السعادة , الفرح , الانفعال , الزعل , الحزن , الترقب , القلق , الحيرة . ألم يمنحكم الهلال كل هذا يا معشر الهلالاب في جميع المباريات ؟

وده اصلا لعبة كرة القدم ... يوم ليك و يوم عليك
حقيقى نشكر هذا الجيل >>> لانه جعل للسودان اسما
فى المحافل الافريقية ... واكيد القادم احلى
فقط ترتيب البيت من الداخل

احبك يا هلال



وشكرا صاحبة البوست الهلالابية الانيقة رشا

شكراً الهلال .

نعم شكراً الهلال هو الأهم

قولوها أرجوكم ولو في صمت . فأيضاً صمت الكبارُ جميلُ .

رغم الهزيمة , رغم الخُسارة , رغم الخروج .

لم يمنحكًم الكأس ولكن منُحكُم

السعادة , الفرح , الانفعال , الزعل , الحزن , الترقب , القلق , الحيرة .

ألم يمنحكم الهلال كل هذا يا معشر الهلالاب في جميع المباريات ؟

ما الحياة ألا كشكول لكل ذلك وبعض أخريات !!

يستحق الشكر أذن لأنه : أنا أحس يعني أنه أنا أعيش .

ويا ربي ما تموتنا ناقصين احساس لانه مافي زول بموت ناقص عمر ولا شنو !!!!

في البدايات لم نشكُرهم ولكن في النهاية شكراً لهم

دمتم جميعاً هلالاب , مريخاب , موردااب , وكل مُحب لفريقه بخير .

والمهم والاهم: ان كل الفرق السودانية لا يعقد عليها الآمال



مازال الامل كبير لكي يحقق الهلال الكأس حتى بعد هزيمة الترجي رايح جاي

كدي شوفو جنس ده.....!!!!!!

Quote: وده اصلا لعبة كرة القدم ... يوم ليك و يوم عليك حقيقى نشكر هذا الجيل >>> لانه جعل للسودان اسما فى المحافل الافريقية ... واكيد القادم احلى فقط ترتيب البيت من الداخل

ايييييييييييييييييييييييييييييييييييوه....يوم ليك ويوم عليك

مش كل يوم عليك......!!!!!!

نشكر هذا الجيل لخماسية مازيمبي في الخرطوم

وسداسيات الترجي

وماشي وجاي خسران

وضرب الحكام بالبونية

ومازال الصفر الدولي يتضخم

ياكوتش مشتاقين

Quote: وده اصلا لعبة كرة القدم ... يوم ليك و يوم عليك

يا كوتش ده الا يكون يوم بالف سنة مماتعدون
يوم ليك ده يوم واحد ماشفناهو
يوم ليك يعني لجيب كاس
قالوا ياكوتش :
ابو الحصين (الثعلب)
زرع حواشة ذرة هو والضبعة
يوم الحصاد قال للضبعة : يا تشيلي البًتّاب وتديني العيش
يا انا اشيل العيش واديكي البًتّاب
الضبعة قالت ليهو: يطرشني يالثعلب اسم العيش ده ما جا ء علي جيهتي.
اها يالكوتش: يطرشنا يوم ليك ده ما عشناهو.

يا هارون ياخ فرحان لى بوحيدك ده ياخ
وفى بطوله الاتحاد الافريقى شطبها تماما

ومن وقتها محلك سر

لا بتهش لا بتنش


طيب ناديكم ده ما تحولوهوا لمتحف

وتريحوا وتستريحوا بدل البشتنه بتاعتكم ده

ياخ بقيتوا تحننوا وانتوا بتشجعوا لى الفرق التى

تلعب ضد الهلال من موسم لموسم ومن دور لدور

حاجه كده عامله ذى برش نفيسة بتاع رقيص العروس


اها عاد غير نخجل ليكم نعمل شنو


.....
اشواق كميات يا هارونا

معليش يا رشا ردى على هارونا ده

بينفع موضوع بوست > لو يفشنا شويه > لوووولز




....

عبد العزيز الفاضلابى
اى نعم انت زول صاحبى وكده

لكن ردى على هارون دااااك شيل منو ووزعوا لحبانك

ومن ثم >>>> تقوم تلف >> كااااااك

Quote: ومن ثم >>>> تقوم تلف >> كااااااك

وجب ياكوتش حا اقوم الف علي بوستات العزاء
وندعو للمرحوم

الاخوة الاعزاء :

فايز ود القاضي : خلاص غير صورة بروفايلك دي فالصفر حصل ولكن حب الهلال كما هم بل زاد.
طارق الكوتش : في ترتيب البيت نحتاج للفاتح النقر معنا , جد اتمني ان يبقي ولا غيره , وكما قلت ترتيب هو ليس الا
عبد العزيز عبدالله : لا نستطيع ان نعيش من غير امل ويارب تصلح حال الكورة السودانية
هارون دياب : والله البونية زادت الطين رشة
عبد العزيز الفاضلابي : البطولة الجاية إن شاءالله تسمع بيهو , ( الله يمد في العمر بس )

تحياتي لكم جميعكم ودام الجميع بخير .

وما تنسوا تقولوا شكراً الهلال للاسباب اعلاه

بالله انت رشا...............
واخجيلتى ..واخجيلتى..واخجيلتى،،،

Quote: نعم شكراً الهلال هو الأهم قولوها أرجوكم ولو في صمت . فأيضاً صمت الكبارُ جميلُ . رغم الهزيمة , رغم الخُسارة , رغم الخروج . لم يمنحكًم الكأس ولكن منُحكُم السعادة , الفرح , الانفعال , الزعل , الحزن

شكراً للهلال

شكراً رشا

الهلال يســقط - واقفاً ليواصل الصعود- فلا خوف عليه ... عند الانعطاف

هاردلـك يا هلالاب



محمد الفاتح خالد

شكراً يا رشا
الهلال هو الهلال
نحبه بحجم هذا الفضاء الفسيح
لن ينقص حبه في قلوبنا مثقال ذرة حتى وإن انهزم كل يوم (لا قدر الله)
في سبيله، ننسى سخرية ناس قريعتي راحت الذين خرجوا من دوري ال 128
ويتدافعون في البوستات باصطفافية يحسدون عليها ليمارسوا سقوطهم المعتاد...

آيووووة انا رشا يا صديق ........

محمد الفاتح حسون : شكراُ لك علي شكراً للهلال , لا خوف عليه فهو من اربعة كبار افريقيا , وشكراً علي المرور عبر هذا البوست .

نصر الدين البشير : شكراً علي مرورك , الهلال هو الهلال بلص ما نحمله له من حب , وتبقي الرياضة بمفهومها البسيط والعادي والواضح محبة وآخاء .

كدي براحة كدي خلونا نعرف الهلال دي عمل شنو , خلونا من الكأس طار طار , ما يطير هم الطارو شوية ؟ والروح بترووووح

كدي خلونا في منبرنا العامر دي نشوف ابو الهل عمل ايش ؟

من بداية المنافسة دي , وفي كل مباراة علي حدا , ورايح وجاي :

كم بوست اتكتب بخصوص الهلال ؟

كم قبل المباراة ؟

وكم اثناء المباراة ؟ وكم بعد المباراة ؟

دي كوووووووولو كوووم , طيب :

كم كلمة اتكتبت ؟

كم حرف اتكتب ؟

كم كيبورد اطقطق ؟

كم خط انترنت كان شغال ؟

وفي كم بلد وعاصمة ؟

كم دقيقة وكم ثانية وكم كسر من الثانية بتأخد المداخلة عشان تتكتب ؟؟؟

ياااااااخ باندوث بكري قاااااااااال الرووووووووب .

ياااااااااخ دي قسة طوووووووووويلة وآخرها لسة , لي ؟؟؟؟

عشان دي الهلال , الاسم , الشعار , الكيان , الجماهير المليونية , لون السماء , فريق ضمن الاربعة الكبار في افريقيا .

يااااااااخ الهلال دي زلزااااال , آيوة زلزااااااال

ولكنه ليس زلزاااااااال الأرض ولكنه زلزاااااااال الباندوث .

هههههههههههههههههههههههههههههه

يااااااخ امبارح والله وما طالبني حليفة ناس الارصاد السوداني قالوا انتهي فصل الخريف ومسكتني زعلة عشان بحب المطر انا , لكن قلتا انتهي انتهي نسوي شنو , بالليل فجأة رززاز ومطر خفيف وسُحب كثيفة , حتي السماء أبت الا ان تُشارك الهلال .

فالحمد لله لك يارب ان جعلت من هلالنا هدف وغاية لكتير من بوستاتنا في منبرنا دي ( قريب ولا نمشي بعيد كأس وما كأس )

ويا الهلال كاس ما كاس , صفر ولا ما صفر , هاك مني ابيات روضة الحاج دي :

أني علي لا شئ قد وقعت لك , فانت طفولتي واحبتي وجميع ايامي لديك ,,,,,,,,

فليبقي الهلال عالياً .