هانت أبشر يا عم جريف حكومة السجم قربت تتلحس!!

Quote: عرف الاتحادى العتيد العم جريف من بين ابناء جيله بالظرف والملحة والمرح فكان ما في قلبه ياتي على لسانه في طرافة لا يتصنعها وكان ذلك دأبه في كل موقف من مواقف الحياة ولم يكف عن سخريته حتى وهو على فراش الموت .. فقد كان يذهب في اغماءة تطول وتقصر وعندما يعود الى وعيه يطالع في وجوه الجالسين من حوله ثم يغالب آلامه متسائلا : (( يا جماعة حكومة السجم دي انقلبت ولا لسع قاعدة ؟؟..)) فيجيبه احدهم بأن الحكومة ما زالت جاثمة على الأنفاس فيقول ساعتها : (( انشاء الله ما اموت قبال ما تنقلب )) . وكانت غايته في ذلك كما قال انه يود ان يحمل البشرى الى الذين سبقوه الى الدار الآخرة خلال هذا العهد فذلك افضل من أن يذهب اليهم إيد وراء وإيد قدام

منقول
جنى

يا الله علي صميم قلب أبناء شعبي البسطاء
النضيفين غير الملوثين.

ربنا يرحم العم جريف رحمة شاملة كاملة .





سلام يا جني

Quote: يا الله علي صميم قلب أبناء شعبي البسطاء النضيفين غير الملوثين.

عن أنس رضي الله عنه عن النبي صلى الله عليه وسلم قال : " إن قامت الساعة و في يد أحدكم فسيلة , فإن استطاع أن لا تقوم حتى يغرسها فليغرسها "
رحم الله عم جريف
تحياتى يا سوفي ناب
جني

عم جريف عارف انه فى ناس كتار ماتوا بي مغستهم دائر يودي ليهم البشارة!
عوجة لو لحقناهو قبل ما نشوف فيهم يوم!

واحد اخونا يشترى الجريدة يوميا وبقرا مانشيت الجريدة العريض ويرجعها لى بتاع الكشك بدون ما ياخد قروشو
صاحب الكشك مستغرب قال ليهو انت بتقرا الجريدة عشان تعرف تاريخ اليوم ولا شنو!
الراجل قال ليهو أنا عندي نعي بقتش ليهو
بتاع الجريدة قال ليهو اخبار الوفيات فى الصفحة الاخيرة!
أخونا قال ليهو أنا زولي النعي حقو فى الصفحة الاولي
جني

يا ود الباوقة
عم جريف بسلم عليكم
جني