Post: #1
Title: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-14-2011, 06:36 PM
من اين لموظف حكومي بهذه المبالغ ؟
تشكيلة من العملات الاجنبية لو تتبعتها تعطيك مسار رحلات العمل وماموريات سيادتو
وتوريك انو ما برجع باقي النثرية
|
Post: #2
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-14-2011, 06:36 PM
Parent: #1
Quote:
أقرَّ «9» متهمين بينهم اثنان من القوات النظامية وآخر مفصول من الخدمة والبقية من معتادي الإجرام، أقروا بأقوالهم التي تلاها المتحري خضر إبراهيم في قضية سرقة منزل القيادي بالمؤتمر الوطني قطبي المهدي، وحددت المحكمة جلسة أخرى لمواصلة نقاش المتحري وسماع الشاكي.
وكان المتحري قد ذكر في أقواله أمس أنه وبتاريخ 03/8، أبلغ حارس المنزل «وكيل عريف بجهاز الأمن»، شرطة الصناعات بأن مجهولين دخلوا منزل قطبي المهدي وتمكنوا من كسر باب مكتبه، بعد تقييد يدي الحارس ورجليه، ووضعوا شريطاً لاصقاً على فمه، وتمكنوا من أخذ جواله الخاص. وأضاف المتحري أنه ووفقاً للبلاغ فإنهم كانوا يرتدون جوارب يدوية وقبعات على رؤوسهم. وبموجب ذلك دون بلاغ تحت المادة «44» إجراءات جنائية وبموجبها تمت إحالة المبلغ للمستشفى بموجب أورنيك جنائي، ومن ثم تم استجواب الشاكي بعد «5» أيام من الحادث، عقب عودته من العمرة. وتم استلام مذكرة وضحت المبالغ المسروقة التي بلغت «40310» يورو و «11,336» فرنكاً سويسرياً و«2» ألف ريال سعودي و «5» آلاف جنيه استرليني و ألف جنيه سوداني وموبايل. وأضاف المتحري أنه وبموجب ذلك تم تشكيل أتيام أسفرت عن القبض على تسعة متهمين، ثلاثة منهم تجار عملة والرابع مفصول من جهاز الأمن والخامس والسادس تابعان للاستخبارات، والسابع والثامن من معتادي الإجرام، والتاسع يتبع للقوات المسلحة. |
المصدر
|
Post: #3
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: Ahmed musa
Date: 10-14-2011, 10:04 PM
Parent: #2
| Quote: أبلغ حارس المنزل ، «وكيل عريف بجهاز الأمن» |
سؤالكـ مهم يا محمد
لكن السؤال الأهم : قطبي المهدي ده شغال شنو ..؟!
هل هو دستوري ..؟!
وليه يحرسوا «وكيل عريف بجهاز الأمن» ..؟!!
|
Post: #4
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: Adam Omer
Date: 10-14-2011, 10:35 PM
Parent: #3
الاخ محمد ابراهيم على تحية وسلام
«11,336» فرنكاً سويسرياً
هذا المدعو كضبى المهدى يتردد كثيرا على سويسرا بغرض العلاج.
خاصة مدينة (Geneve) و يسكن دائما فى (rue de lausanne
hotele royal)
و دائما هناك سـيارة من البعسة السودانية الدائمة فى جنيف (cd)
و كما هوى الحال مع الشخصية الســـــــــــــــيادية الموجودة هذة الايام فى جنيف من أجل العلاج
وهوى الدكتور عصام أحمد البشير. نفطرد جدلا أن كضبى المهدى شخصية سيادية بحكم المنصب مستشار .
لا غضادة أن يتنقل بى سيارة من البعسة
ماهى وظيفة الدكتور المحترم عصام حتى تخصص لة سيارة
مع أن الاكيد هوى خارج من البلد الهامل دا ويحمل كل مخصصات و تكتليف الاقامة و العلاج و التنقل،
عالم ما عندهاش ضمير ولا أخلاق.
|
Post: #5
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 05:12 AM
Parent: #4
| Quote: وليه يحرسوا «وكيل عريف بجهاز الأمن» ..؟!! |
ده استهتار منك يا احمد موسى بقيمة قطبي المهدي ولا شنو ؟
يعني وظيفة قيادي بالمؤتمر الوطني دي مش كفاية لوووووول
بعدين ده حتة وكيل عريف لا راح ولا جا حرامية كتفوهو وشالو موبايلو اخير منو بتاعين الهدف
بعد الحادث ده بكون جابو ليهو تشكيلة من الحراس شي قوات خاصة وشي امن حماية شخصيات
المؤتمر الوطني يصرف على نفسه من اموال الشعب السوداني
|
Post: #6
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 05:26 AM
Parent: #5
تحياتي يا ادم عمر
جميع القياديين بالمؤتمر الوطني سفرهم وعلاجهم وفسحتهم بل وحتى شهر عسلهم على حساب الشعب السوداني
هؤلاء الناس لا يرون غضاضة في اكل اموال الشعب السوداني بالباطل ولديهم فتاوى جاهزة بذلك
اما الموالون فيسكتو بهذا الكرم الحاتمي فامثال عصام احمد البشير تم شراءه اولا بوظيفة وزير
هذا الرجل اذكر خطب الجمعة التي كانت مقصد المواطنين في اوائل عهد الانقاذ ثم بعد الوزارة صار فمه مليئا بالماء ولا يستطيع الكلام
|
Post: #7
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: Alshafea Ibrahim
Date: 10-15-2011, 07:04 AM
Parent: #6
تحياتي ياهندسة
شايلين (القرعة) ويشحدوا في العرب بعد أن كشف الغرب الكافر كذبهم وزيفهم... وشوف نوع قطبي ده في بيتو في شنو ؟ يا ربي كم عندو في بنوك أجنبية ؟ أها لو فيهم ذرة خير ليه ما يتبرعوا بقليل من هذه الخيرات والنعم لصالح حكومتهم بدل الشحدة ؟ وكمان يعيدوا تدوير هذه التبرعات بينهم وبالطرق التي جمعوا بها تلك الثروات الهائلة ...
أها القاضي راح يساءل قطبي كم سؤال كده ... على شاكلة الوظيفة ، الراتب ، السكن ، ألخ قطبي ده ما بخجل من الردود على تلك الاسئلة ؟؟
غايتو الكوز درجة من النذالة والحقارة ليست دونها درجة ...
الشفيع إبراهيم
|
Post: #8
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: Ahmed musa
Date: 10-15-2011, 12:29 PM
Parent: #7
Quote: «40310» يورو و «11,336» فرنك سويسري و«2» ألف ريال «5» الف استرلي
|
محمد علي
بدءاً (حلوة بدءاً دي يابوحميد) ...
أها بدءاً انا بجد ماعارف قطبي ده شغال شنو في الحكومة
شايف واحد قال هو مستشار رئيس
ياربي ..؟!!
بجد ماعارفه ...لكني ظنيته قيادي بس في الحزب
طيب ثُم ثانياً (دي احلى) ... إذا حسبناها
6مليون عضوية الحزب
ادي القيادات فقط 10%
يبقى القيادات 600ألف
ياخ ادي القيادات 1% يبقى القيادات
أممممممممم
6.000.000/ 100= 60.000
لا كتير
قووووووووووووول 6000 هم القيادات
ولو كل واحد عنده مبلغ الـ («40310» يورو و «11,336» فرنك سويسري و«2» ألف ريال «5» الف استرلي)
بإفتراض ناس عندهم اكتر وناس عندهم اقل
أها اضربوا لي «40310» يورو و «11,336» فرنك سويسري و«2» ألف ريال «5» الف استرلي (في) 6000
ما اظننا بنكون محتاجين لقطر والسعوديين وطلال بين منو كدة داك ماعارف ...
ولا شنو ..؟!
|
Post: #9
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: جعفر محي الدين
Date: 10-15-2011, 12:44 PM
Parent: #8
الأخ محمد إبراهيم علي
سلامات
ليه كده ! الجنيه السوداني لا بواكي له
أم أن الجنيهات السودانية تذهب للبنوك ؟
أحمد موسى بالغت في مسألة الحسبة دي
Quote: إذا حسبناها
6مليون عضوية الحزب
ادي القيادات فقط 10%
يبقى القيادات 600ألف
ياخ ادي القيادات 1% يبقى القيادات
أممممممممم
6.000.000/ 100= 60.000
لا كتير
قووووووووووووول 6000 هم القيادات
ولو كل واحد عنده مبلغ الـ («40310» يورو و «11,336» فرنك سويسري و«2» ألف ريال «5» الف استرلي)
بإفتراض ناس عندهم اكتر وناس عندهم اقل
أها اضربوا لي «40310» يورو و «11,336» فرنك سويسري و«2» ألف ريال «5» الف استرلي (في) 6000
ما اظننا بنكون محتاجين لقطر والسعوديين وطلال بن منو كدة داك ماعارف ...
ولا شنو ..؟! |
الإجابة نعم حنستغني عنهم كلهم
لو الستة آلاف قيادي دول في منهم 1000 واحد ضميرو صاحي
|
Post: #10
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: Nazik Eltayeb
Date: 10-15-2011, 02:08 PM
Parent: #9
المحيرني انو ليه ما ختا القروش دي في البنك......مش عيب ما يكون عندو ثقة في نظامو المالي
الحاجة التانية ستمائة الف و شوية ليرة لبنانية و اربعمائة الف و كسر ليرة سورية ليه ما حولا دولارات ولا جات كدا في شنطة
---------------
بالمناسبة ما تستغربوا انو ناس المؤتمر الوطني عندهم عملة اجنبية بالكميات دي.
البشير في اثناء الحملة الانتخابية في الاستاد قال الاتي بالنص و سمعته في تلفزيون السودان يسألني الله
قال (لم جينا الخزينة ما لقينا فيها الا مائة الف دولار اسي اي زول فيكم بكون شايل المبلغ دا في جيبو). اي والله في زول بعرف اكثر من الرئيس ...الرئيس قال اي زول منهم شايل المبلغ دا في جيبو....ما في صحفي واحد سأل ليه شايلين المبالغ دي في جيوبهم وليه ما تكون جنيهات سودانية.....بلد ليها الله بس ....بكرة الفضايح تظهر و المستور ينكشف.
و تحياتي لصاحب البوست و زواره
|
Post: #11
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: قيقراوي
Date: 10-15-2011, 03:30 PM
Parent: #10
Quote:
«40310» يورو و «11,336» فرنك سويسري و«2» ألف ريال «5» الف استرلي
|
حكاية السرقة و دقة الارقام في العنوان دي ذكرتني النكتة البنمطونا بيها هنا ( الكسل)
قالوا حرامية - سودانيين - سرقوا بنك، كمية من القروش خيالية ..
بدوا يحسبوا فيها، حسوا بلا جدوى العملية .. واحد قال :
اسمعوا خلوها كدا، بكرة بنعرف من الجرائد!
مش برضك مصدرك جريدة!؟
-------
زعلوني ناس الجرايد ياخ بخدماتم المجانية للحرامية
لكن صراحة ما عارف (الحرامي) منو في القصة دي!؟
|
Post: #12
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: حيدر حسن ميرغني
Date: 10-15-2011, 03:40 PM
Parent: #11
| Quote: Quote: «40310» يورو و «11,336» فرنك سويسري و«2» ألف ريال «5» الف استرلي |
افتكرت ضربت معاك واحدة من رسائل الايميل الكلها كضب ديك
قلت اعمل فيها كرتي واشيل هديتي واجيك شايل كوريتي
_
يعيش قطبي عامل الدولة الامين الذي يجاهد ويسهر لرفاهية مواطنيه
بطلوا الحسد ده
|
Post: #13
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: العوض المسلمي
Date: 10-15-2011, 03:43 PM
Parent: #11
سلام يا هندسة وكيفك
ما لم تقله الاخبار وصار حديث المدينة ان ضمن المسروقات مبلغ ضخم شوف ضخم دي وركز عليها من العملات القديمة التي تم تغييرها مؤخرا
|
Post: #14
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: الفاتح سليمان
Date: 10-15-2011, 03:51 PM
Parent: #11
اللهم ارحم مجدي محجوب ورفاقه من قتلوا بعد سرقة اموالهم
الحرامي هنا طضب المهدي المدعو دا ما في اي كلام ..
اموال الشعب السوداني تروح سفاهة وحرمنة ساكت ..
عالم مفترية ...
كل العملة دي برة البنك ...
شوية يا ناس ما صاح منكم دا مبلغ بدل علي النزاهة والايمان ما نقص عن المليون يوروو كاش ولا بيحسب في السرقة والحرام
العداد بتاعهم زابطنوا علي مليون
مليون قلنا ليكم
سلام لكل الشباب
|
Post: #15
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 07:02 PM
Parent: #14
الشفيع تحياتي
| Quote: شايلين (القرعة) ويشحدوا في العرب بعد أن كشف الغرب الكافر كذبهم وزيفهم |
تصدق غير الغرب الكافر ازمتهم ما تتحل لووووول
اموال النصارى ستنقذ المسلمين شفت الكلام العجيب ده
والتمن مدفوع مدفوع مدفوع يا ولدي
وساركوزي حبيب الشعب
|
Post: #16
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 09:00 PM
Parent: #15
احمد موسى تحياتي
| Quote: ما اظننا بنكون محتاجين لقطر والسعوديين وطلال بين منو كدة داك ماعارف |
بدلنا ليست محتاجة لمثل هؤلاء فقطبي واضرابه (حلوة اضرابه دي)
بسدو الفرقة هييييع
ولا نامت اعين المفلسين
|
Post: #17
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 09:07 PM
Parent: #16
استاذ جعفر تحياتي
Quote: ليه كده ! الجنيه السوداني لا بواكي له
أم أن الجنيهات السودانية تذهب للبنوك ؟
|
نحولك لمداخلة العوض المسلمي
|
Post: #18
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 09:10 PM
Parent: #17
تحياتي نازك
| Quote: مش عيب ما يكون عندو ثقة في نظامو المالي |
دي الفكة يا نازك الفكة وباقي نثرية الماموريات ورحلات العمل
|
Post: #19
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-15-2011, 09:12 PM
Parent: #18
دا ورد في التيار اليوم
| Quote: علم شارع الصحافة أنّ العقل المُدبِّر لعملية سرقة منزل الدكتور قطبي المهدي أقرّ أمام المحكمة بأنّه قام بسرقة مئتي مليون جنيه لأنّ راتبه لا يتجاوز ثلاثمائة وخمسين جنيهاً.. السائق أكّد أنّه طالب مراراً بزيادة الراتب الذي لا يغطي نفقات أسرته إلا أنّ صاحب المنزل تجاهل ذلك مما اضطره إلى تدبير حادثة السرقة مع آخرين. |
|
Post: #20
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: jini
Date: 10-15-2011, 09:57 PM
Parent: #19
| Quote: أسفرت عن القبض على تسعة متهمين، ثلاثة منهم تجار عملة والرابع مفصول من جهاز الأمن والخامس والسادس تابعان للاستخبارات، والسابع والثامن من معتادي الإجرام، والتاسع يتبع للقوات المسلحة. |
لعن الله الحرص فكم اذل اعناق الرجال!
كان ممكن يعمل نايم فى مبلغ لا يذكر بدل ان يفضح نفسه بهذه الصورة المهينة المزرية
وهؤلاء المجرمين الذين كانوا ينتمون الي القوات النظامية كم ارتكبوا من الموبقات والجرائم ضد هذا الشعب الصابر
جني
|
Post: #21
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-16-2011, 06:13 AM
Parent: #20
قيقا بايت سلام
| Quote: اسمعوا خلوها كدا، بكرة بنعرف من الجرائد! |
انا اول سمعت بالسرقة قلت دا يمكن تطور جديد في الخط النضالي لبعض فصائل المعارضة
اصلا الناس بتعارض لاجل اعادة السلطة والثروة للشعب فاذا صعبت اعادة السلطة فلنحاول اعادة الثروة
وقلت كدي الننتظر شوية يمكن نصيبي يجيني في محلي
سمعت بالجماعة قبضوهم قنعت من العملية قمت دخلت في صندوق لوووول
|
Post: #22
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-16-2011, 06:18 AM
Parent: #21
حيدر يا حنين تحياتي
| Quote: قلت اعمل فيها كرتي واشيل هديتي واجيك شايل كوريتي |
ايميلاتي ما بتجيب مبالغ ضغيرة زي دي
الايام دي الايميلات بتجيب في ثروة القذافي وانت طالع
لدي مجموعة منها من عائشة القذافي شخشيا لوووول
|
Post: #23
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-16-2011, 06:22 AM
Parent: #22
شيخ العوض سلام ليك وللصيني المعاك
| Quote: ما لم تقله الاخبار وصار حديث المدينة ان ضمن المسروقات مبلغ ضخم شوف ضخم دي وركز عليها من العملات القديمة التي تم تغييرها مؤخرا |
انا لله وانا اليه راجعون
ربنا يستر فيهو هم يفضحو في روحهم براهم
مفروض كان يسكت ويستعوض ربو يعني هو داقي فيها حجر ضحا
|
Post: #24
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-16-2011, 06:28 AM
Parent: #23
تحياتي الفاتح
اللهم ارحم مجدي واغفر له وانتقم له ممن قتله في ماله
|
Post: #25
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: محمد إبراهيم علي
Date: 10-16-2011, 06:29 AM
Parent: #24
تحياتي يا جني
فعلا يمسون ساترهم الله ويصبحون فيفضحون انفسهم
|
Post: #26
Title: Re: «40310» يورو و «11,336» فرنك سويسري و«2» ألف ريال «5» الف استرلي
Author: Hamid Sharif Abdelrasoul
Date: 10-16-2011, 07:30 AM
Parent: #25
الأخ / محمد إبراهيم
إزيك
إننا ننتهز هذه الفرصة لنشيد بجراءة الهنباتة الذين نفذوا عملية
إستعادة المال المسروق و لكننا في نفس الوقت نشجب إستهدافهم للص صغير
قصير القامة قليل الخبرة مبتدئ في السرقة عديم حيلة لا يعرف كيف يرص
العملات فوق بعض بشكل جيد و يتركوا اللصوص الكبار يسرحوا ويمرحوا في
مال الشعب و يدفنوا المسروقات وسط كوم من الدغمسة و كلام الله مثل
قوله تعالى ( لو آمن أهل القرى و أتقوا لأنزلنا عليهم بركات من السماء )
وقوله ( ... فضلنا بعضهم على بعض في الرزق.. ) و بذلك يجكنوا المسروقات
في حيطة الجامع ومافي زول يتجرأ عليهم .
هسع هذا اللص الصغير الحقير لو كتب على ورقة ( هذا من فضل ربي )
كان الهنباته قروها و قالوا نعم الله قادر ورجعوا بي دربهم .
أكثر حاجة محيراني في كل هذه العملية و ضعية ألف جنيه سوداني وسط
أرقام مختلفة من العملات الأخرى يا ربي يكون عاملها ورق لف ربما .
مع التعجب
حامد شارف
|
|