|
Re: اطلقوا سراح عبد الله ابكر وكافة من بالسجون ايها القتله (Re: Sabri Elshareef)
|
الصمود جيناك وكنا طلعنا منك نحنا مرفوعي الرؤوس جيناك مرفوعي الرؤوس أفتح زنازينك أهو بنفتح صدوراً ما بتكوس الرحمة تب ما فينا مِرقاً فيهو سوس بل فينا عِرقاً من جذور الشعب عشقاً لا يداس نحنا بندوس على كل من داير يدوس نحنا بندوس *** جيناك وكنا طلعنا منك عنوة كده وإقتدار تشهد ترابيسك هديك...وهدا الجدار نهر الجماهير العميق جلل شديد الإنحدار زلزل حديد الإنكسار إمتد حولك واستدار...وملأ الطريق فإذا بأسوار الضفاف وسواعد الناس النخيل حملتنا أمواج الهتاف في ذلك الصبح الجميل حملتنا أمواج الكفاف ومدامع الفرح النبيل الغدر ما بيقي إنتصار والإنكسار ده المستحيل...المستحيل...المستحيل *** أسمعنا يا ليل السجن نحنا بنحب شاي الصباح والمُغربية مع الولاد...والزوجة والأم الحنون والأصدقاء والى اللقاء واللمة عند الأمسيات والتكية جنب الأغنيات والقدلة في السوق الكبير نتمشى نغرق في الزحام ملء العيون بنحب كده ونعشق تمام إلا بنكون قدر الثبات ضد السُكات...ضد السكون ضد التسكع والجنون جنباً الى جنب التماسك والحنين أفتح زنازينك أهو بنفتح شبابيك اليقين
| |
|
|
|
|
|
|
Re: اطلقوا سراح عبد الله ابكر وكافة من بالسجون ايها القتله (Re: Sabri Elshareef)
|
Quote: يا ليل السجن نحنا بنحب شاي الصباح والمُغربية مع الولاد...والزوجة والأم الحنون والأصدقاء والى اللقاء واللمة عند الأمسيات والتكية جنب الأغنيات والقدلة في السوق الكبير نتمشى نغرق في الزحام ملء العيون بنحب كده ونعشق تمام إلا بنكون قدر الثبات ضد السُكات...ضد السكون ضد التسكع والجنون جنباً الى جنب التماسك والحنين أفتح زنازينك أهو بنفتح شبابيك اليقين |
الحرية للشرفاء اطلقو صارح الاستاذ عبدالله ابكر
| |
|
|
|
|
|
|
|