|
|
 برنامج لشباب التغيير-هولندا 22-10 ذكرى أكتوبر ودعما لعلاج شاعر الشعب
|
حركة شباب التغيير السودانية – هولندا
فى ذكرى ثورة اكتوبر المجيدة وإسهاما في دعم علاج شاعر الشعب الاستاذ محجوب شريف
تقدم الحركة للجالية السودانية بهولندا يوما حافلا بالحوار والفن والابداع:
يبدأ البرنامج بندوة تحت عنوان: دور وتحديات المرأة السودانية فى التغيير
تتحدث فيها الاخوات :
1 الاستاذة / غادة صالح
2 الاستاذة / منى عمسيب
يقوم بتقديم الندوة والبرنامج الاساتذة: إخلاص ادوارد لينو ومحمد حسين
يعقب الندوة مباشرة حفل ساهر يحييه الاساتذة الاجلاء المبدعون:
الفنان / ياسر وردي
الفنان / انور عبد الرحمن (عقد الجلاد)
الفنان / ضياء الدين ميرغنى
إضافة لفقرات مسرحية ومفاجآت أخرى.
الزمان السبت 22 أكتوبر 2011 . يبدأ البرنامج في الخامسة مساء.
المكان : مسرح لاك - دنهاك
Laaktheater | Ferrandweg 4T | 2523 XT Den Haag عنوان المسرح :
توجد أماكن مجانية لايقاف السيارات.
يمكن الوصول الى المكان من السنترال ستيشن او الهولاند سبور بالترام رقم 16 اسم المحطة:
Alberdingk Thijmstraat (Noord)
Den Haag
(عدل بواسطة عمر دفع الله on 10-13-2011, 10:22 AM)
|
|
 
|
|
|
|
|
|
|
|
Re: برنامج لشباب التغيير-هولندا 22-10 ذكرى أكتوبر ودعما لعلاج شاعر ال (Re: الجيلى أحمد)
|
Quote: الحبيب الصديق الفنان عمر دفع الله
محبة تعلمها وامنيات
نسأل الله أن يمن بعاجل وكامل الشفاء لوالد الشعب السوداني محجوب شريف
سنكون حضوراً داعمين لهذا النداء ..
مودتي كاملة
عبدالعزيز خطاب |
سلامات يا اخونا خطاب .
فقلوبنا جميعا مع صاحب الاحساس الراقي والضمير الواعى .
وياليت لون الحبر لحنا للقصائد
وليت لي صوت المغنى ....
___________________________________________
ياوالدة يا مريم
ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب
حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
| |
|
|
|
|
|
|
|
|
|
Re: برنامج لشباب التغيير-هولندا 22-10 ذكرى أكتوبر ودعما لعلاج شاعر ال (Re: عمر دفع الله)
|
الاخوان الاعزاء :
حمزه بابكر الكوبي
هاشم الادريسى
محمد ادم الحسن
تشكرو يا شباب وكلنا امل ان يخرج وجدان شعبنا
و الانسان الاكبر في قلوبنا
والاجمل في عيوننا
شاعرنا وحبيبنا
محجوب شريف
ان يخرج من وعكته الصحية .
__________
الجيلى احمد
اها انا الليلة ما بجي نيميجن ...
تجيك الكشة ...قول آمين
يا خى انا قاعد مع (النجم والمساء )
معقولة اسيبهم عشان اجى اشوف خلقتك دى ؟
| |
|
|
|
|
|
|
|
|
|
Re: برنامج لشباب التغيير-هولندا 22-10 ذكرى أكتوبر ودعما لعلاج شاعر ال (Re: إبراهيم عبد الحليم)
|
صحيت بالمؤذن وحالتك تحزن
تبكى الرجال
مرقت وسرقت وحصدت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق
يهرب
جمال
باسمه اللواري تهد الكباري
تباري الجبال
سيادتو يدبر شئونو الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفو تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد تصدق بيسرق ولاية
ودا أصل الحكاية وضروري النضال
ضروري النضال
| |
|
|
|
|
|
|
|
|
|
Re: برنامج لشباب التغيير-هولندا 22-10 ذكرى أكتوبر ودعما لعلاج شاعر ال (Re: عمر دفع الله)
|
Quote: Quote: الفنان / ياسر وردي
الفنان / انور عبد الرحمن (عقد الجلاد)
الفنان / ضياء الدين ميرغنى
إضافة لفقرات مسرحية ومفاجآت أخرى.
انتم شباب للتغير وجايب جلاكيم هههه
عمر تحياتى الحارة وامسية ناجحة |
تحياتنا يا ابراهوما ...
حرام عليك ياخي ..
يعنى زي اخونا ضياء دا
يادوووب بدأ مشروعو الحضاري ...من كلامك دا نفهم إنو
ضياء ما بلحق يعمل جمهوريتو التانية ؟
| |
|
|
|
|
|
|
| |
عمر دفع الله
عزيز
حمزه بابكر الكوبي
هاشم الادريسى
محمد ادم الحسن
الجيلى أحمد
إبراهيم عبد الحليم
فيس بوك
تويتر
انستقرام
يوتيوب
بنتيريست