وزير المالية : الاقتصاد السوداني في وضع افصل من امريكا

وزير المالية : الاقتصاد السوداني في وضع افصل من امريكا


10-12-2011, 10:06 PM


  » http://sudaneseonline.com/cgi-bin/sdb/2bb.cgi?seq=msg&board=350&msg=1318453614&rn=24


Post: #1
Title: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-12-2011, 10:06 PM
Parent: #0


Post: #2
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-12-2011, 10:09 PM
Parent: #1

غايتو احي يا مصاريني
او اقول ليك يا على محمود كاااااااك
يا خي كنا ظالمين صلاح غريبة ظلم الحسن والحسين

Post: #3
Title: Re: وزير المالية : الاقتصاد السوداني في وضع افصل من امريكا
Author: esam gabralla
Date: 10-12-2011, 10:16 PM
Parent: #2

انت في زول محرشك علينا؟ زعلان مننا في شئ؟ كلمنا ياخى و نعتذر ليك و نبوس كرعيك و راسك ...
بس الحاجات البتجيب المصران و القرحه و الصداع النصفي دى اعفينا منها

و بعد شويه يجوك البجيبو السكته و الذبحه يقولو ليك : أيوه كلامو صاح ,
و بعد البرنامج الاقتصادى الثلاثي ينتهى حندى أمريكا قروض و منح و هبات ... من بند المؤلفه قلوبهم ....

Post: #4
Title: Re: وزير المالية : الاقتصاد السوداني في وضع افصل من امريكا
Author: Al-Shaygi
Date: 10-12-2011, 10:22 PM
Parent: #3


Quote:
وزير المالية : الاقتصاد السوداني في وضع افصل من امريكا

وييي بيويييييييييييي

الزول جن وكان ما جن جنينا أنحنا............



أريتني أجن وأحوم في الشارع عرياااااااااان
في شان ما أسمع ولا أقرا ولا أفكر .....
يا هندسة ياخ ما عارف ليك حبوب بتسبب الجنون النهائي.....
لا تقول لي الخروج...


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #5
Title: Re: وزير المالية : الاقتصاد السوداني في وضع افصل من امريكا
Author: أمين محمد سليمان
Date: 10-12-2011, 10:25 PM
Parent: #3

Quote: أيوه كلامو صاح










---------
والله يا باش متلوم معانا ظاهر باطن ... الكلام ده بتجيبو من وين ؟!!

Post: #6
Title: Re: وزير المالية : الاقتصاد السوداني في وضع افصل من امريكا
Author: حذيفه ابراهيم الكباشي
Date: 10-12-2011, 10:37 PM
Parent: #5

والله نحن مساكين....


وزير المالية دا رجل فاضل










........

Post: #7
Title: Re: وزير المالية : الاقتصاد السوداني في وضع افصل من امريكا
Author: حذيفه ابراهيم الكباشي
Date: 10-12-2011, 10:41 PM
Parent: #6

ومتواضع جدا جدا جدا جدا


وعشان تواضعو دا ربنا رفعو

من تواضع لله رفعه


ورفع معاهو الاقتصاد السوداني وبقا في حالة افضل من الاقتصاد الامريكي





شفتو التواضع بيعمل شنو؟









...

Post: #8
Title: Re: وزير المالية : الاقتصاد السوداني في وضع افصل من امريكا
Author: Elawad
Date: 10-12-2011, 10:51 PM
Parent: #7

والله لا نملك إلا أن نقول ياما انت كريم يا رب.
بالله الزول دا جادي؟ الناتج القومي لكالفورنيا براها يعادل الناتج القومي للسودان أكتر من عشرين مرة قبل خصم بترول الجنوب.
على العموم الأمريكان ما يقلقوا إن شاء الله سنة سنتين و نفتح ليهم اللوتري. بالله يا ود الصايم إنت وقت عندك العز دا كله المسفرك للأمريكان الطير ديل شنو؟

Post: #9
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-13-2011, 06:12 AM
Parent: #8

تحياتي عصام
Quote: بس الحاجات البتجيب المصران و القرحه و الصداع النصفي دى اعفينا منها

لووووول دا اسمو التوزيع العادل للمغسة

Post: #10
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-13-2011, 06:15 AM
Parent: #9

الشايقي سلام
اهدي ليك غنية الكحلاوي ان شاء الله اجن وازيد في الجن
المشكلة انو الوزير كلامو ده ما قالو في ونسة
لكن قالو في البرلمان
يعيش صلاح غريبة ويعيش السيدح الناس دي مظلومة مفروض يكونو رؤساء وزارة
شفت ازمة البلد دي وصلت لي وين ؟

Post: #11
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-13-2011, 06:19 AM
Parent: #10

بروف أمس
Quote: الكلام ده بتجيبو من وين ؟

ده البحيت ما تلقى من وراهو الا الدبايب
مرحبا بكم في سودان الجمهورية الثانية
سودان ساسته يعتبرون الكذب والتضليل فضيلة
كل ما ربنا يغطي عليهم يفضحو جهالتهم بانفسهم

Post: #12
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-13-2011, 06:21 AM
Parent: #11

حذيفة يا مكاشفي
Quote: وعشان تواضعو دا ربنا رفعو

من تواضع لله رفعه


يا خي الزول ده سوقوهو المسيد بتاع جدك واربطوهو في الشعبة بتاعة الراكوبة

Post: #13
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-13-2011, 06:24 AM
Parent: #12

العوض يا حبيب
Quote: على العموم الأمريكان ما يقلقوا إن شاء الله سنة سنتين و نفتح ليهم اللوتري

كمان داير تشاركنا
انت وامين سليمان ومن لف لفكم تقيفو في الصف زيكم وزي مهاجر فقير اتي من دول العالم الكان اول
وفيها نسمح ليكم وفيها نرجعكم الى حيث اتيتم لوووول

Post: #14
Title: Re: وزير المالية : الاقتصاد السوداني في وضع افصل من امريكا
Author: Deng
Date: 10-13-2011, 06:25 AM
Parent: #11

الأخ محمد إبراهيم علي.

إذا كان ده مستوى وزير المالية كده. الهيئة التشريعية اللي بخاطب فيها دي ما فيها زول عاقل يقول للوزير ده أنت غلط!!

غايتو تصريح الوزير ده فضيحة بجلاجل. والله يا كيزان أيامكم محن.

Post: #15
Title: Re: وزير المالية : الاقتصاد السوداني في وضع افصل من امريكا
Author: نادر
Date: 10-13-2011, 06:37 AM
Parent: #14

طيب طالعين كل واحد في بلد يشحدوا ضخ عملات في الخزينة المركزية مالم؟
غايتو نحنا بلاوينا عينة، حكومة من رئيسها لي أصغر وزير فيها من صلاح غريبة والسيدح وأنت نازل.
الله

Post: #16
Title: Re: وزير المالية : الاقتصاد السوداني في وضع افصل من امريكا
Author: أميرة فاروق عبد العال
Date: 10-13-2011, 07:31 AM
Parent: #15

واحدة قريبتا ساخرة جدا، عملوا ليها عملية استئصال (مرارة)،

أول ما فتحت من البنج قالت أها النشوف (فلان) ده اللي هو زوجها،

تاني يلقا شنو يفقعه لي،





والله يا أخوانا كملنا وشبعنا (فقيع)...

Post: #17
Title: Re: وزير المالية : الاقتصاد السوداني في وضع افصل من امريكا
Author: بخاري عثمان الامين
Date: 10-13-2011, 08:22 AM
Parent: #16

Quote: و بعد البرنامج الاقتصادى الثلاثي ينتهى حندى أمريكا قروض و منح و هبات


سلام يا محمد أبراهيم




شوف يا عصام ود جبر الله من هسه

ما تشبكنا حولوا لي تاني وبتاع

كل كوارتر بنحول لك الفيها النصيب.

أنت قايل نحن صبرنا علي قعدة السودان عشان

شنو ؟ عارفين بجئ يوم نجدع فيكم ...


____________________________________________



يا وزيرنا كلامك دا قول لزول ما عنده

مشكلة فطور وغداء وحق المواصلات ومصاريف

المدارس ، مرضتنا الله يمرضك

Post: #18
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-13-2011, 12:56 PM
Parent: #17

نادر ما تفه الناس دي غلط
ديل ما مشو يشحدو مشو يدعمو الدول دي
البشير حيدعم قطر عشان تستطيع توفي بكلاما وتنظم كاس العالم :)

Post: #19
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-15-2011, 05:31 AM
Parent: #18

تحياتي اميرة
Quote: والله يا أخوانا كملنا وشبعنا (فقيع)

علي محمود تور الله في برسيمو
انا غايتو بقترح يضموهو لجماعة تيراب المسرحية او اي من هذه الجماعات
امس بيهاجم في موظفين الدولة البعالجو اهلم برة البلد وهو قبل فترة قريبة مقبوض بالثابتة معالج ولدو في امريكا

Post: #20
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-15-2011, 05:34 AM
Parent: #19

تحياتي بخاري
Quote: ا وزيرنا كلامك دا قول لزول ما عنده

مشكلة فطور وغداء وحق المواصلات ومصاريف


مش فاضي لمعرفة اسعار الحاجات دي الراجل شغال وزير مالية ما تحملو الناس اكتر مما تستطيع ياخي لوووول

Post: #21
Title: Re: وزير المالية : الاقتصاد السوداني في وضع افصل من امريكا
Author: mohamed hussein
Date: 10-15-2011, 07:19 AM
Parent: #20

أكيد لازم يقول كدة لأنه عايش في وضع احسن من أوباما ذاتو..

Post: #22
Title: Re: وزير المالية : الاقتصاد السوداني في وضع افصل من امريكا
Author: حمزاوي
Date: 10-15-2011, 07:35 AM
Parent: #21

Quote: وزير المالية : الاقتصاد السوداني في وضع افصل من امريكا
سجمي ... الزول دا ودووه الضل

Post: #23
Title: Re: وزير المالية : الاقتصاد السوداني في وضع افصل من امريكا
Author: محمد علي شقدي
Date: 10-15-2011, 10:59 AM
Parent: #22

وزير المالية ده علاقتو بالاقتصاد شنو

تحياتي يا باشمهندس
وكيف نعيش بلا محن

Post: #24
Title: Re: وزير المالية : الاقتصاد السوداني في وضع افصل من امريكا
Author: صديق الموج
Date: 10-15-2011, 11:16 AM
Parent: #23

يا بتاعين المعارضة انتو محمد ابراهيم ومن لف لفه
الوزير كلامه صاح انتو بتعرفوا احسن من الحكومة؟
والدليل انا وصلتنى طلبات من أمريكا عن باحثى عمل
وقالو إن شاء الله بمهنة COWBOY فى ام طرقاً عراض
ماعندهم مانع..
وواحدين قالوا بشتغلوا أى شى طقاقاين سمغ،جليد عناقريب
يحصدوا فراوله وفريز وكرز فى الفتكوبه..توصيل طلبات
بتزا فى الشقله عوج الدرب ،مادام قوقل ايرث فى قالوا
مافى مشكله بعرفو الطرق.عمال نضافه فى عديد البشاقرة
مافرقت،طباخين كنتاكى فرع ام كويكه جاهزين.
وهشام هبانى بحنس فينى ليه يومين قال ماعنده مانع
يتنازل من التكسى ويسوق رقشة فى شوارع ام بده عشان
بشارات وزيرنا الهمام ده.
العوارة ما بشارة غايتو،،،

Post: #25
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-15-2011, 09:41 PM

تحياتي محمد حسين
Quote: أكيد لازم يقول كدة لأنه عايش في وضع احسن من أوباما ذاتو

كان ما مرتاح معرس تلاتة لوووول

عم حمزاوي تحياتي

Quote: سجمي ... الزول دا ودووه الضل

شكلنا نحن الحيودونا الضل

شقدي سلام
Quote: وزير المالية ده علاقتو بالاقتصاد شنو

الزول ده وزير مالية بس
الاقتصاد عمر البشير نسى يعمل ليهو وزارة عشان اصلو ماشي بالبركة

عمنا الموج
Quote: الوزير كلامه صاح انتو بتعرفوا احسن من الحكومة؟


الحكومة بتعرف احسن من اي زول صاح
لكن اليوم اكتشفنا انها بتعرف احسن من امريكا زاتا
لكن شيل باس وردك من غريبة لووووول

Post: #26
Title: Re: وزير المالية : الاقتصاد السوداني في وضع افصل من امريكا
Author: Nagat Sid Ahmed Elshiekh
Date: 10-15-2011, 10:50 PM
Parent: #25

والله لا نملك إلا أن نقول ياما انت كريم يا رب.



والله قلبى وجعنى شدييييييد من هيك تصريحات،
البلوفة قفلوها جماعة .....
المظاهرات دعموها ناس معاوية وكيكى وخالد عبيد ،،،
الطيارة الضربت السيارة فى شرق السودان عملوها الجماعة القفلوا البلوفة،
الاقتصاد تمام والناس عايشين فى نعيم والعم البكا فى الفيديو حق نجلاء سيد احمد دا ما قلبتو العيشة الصعبة...... ياوزير السجم العم دا عمرو ما بكا الا فى عهدكم دا.

Post: #27
Title: Re: وزير المالية : الاقتصاد السوداني في وضع افصل من امريكا
Author: طارق ميرغني
Date: 10-15-2011, 11:04 PM
Parent: #26

والكلام دا يا باشمهندس


ورد في جريدة حائط ولا جريدة اكشاك ...!!!
....

Post: #28
Title: Re: وزير المالية : الاقتصاد السوداني في وضع افصل من امريكا
Author: Nagat Sid Ahmed Elshiekh
Date: 10-16-2011, 00:06 AM
Parent: #27

فوووووووق لحدى ما الزير، أقصد الوزير يغير كلامو دا...

Post: #29
Title: Re: وزير المالية : الاقتصاد السوداني في وضع افصل من امريكا
Author: طارق ميرغني
Date: 10-16-2011, 00:07 AM
Parent: #28

Quote: الاقتصاد السوداني في وضع افصل من امريكا


فعلا افصل ما "افضل "

Post: #30
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-16-2011, 06:01 AM
Parent: #29

نجاة سيد احمد تحياتي
اتضح ان الشيوعيين مكارين فقد تركوا الاقتصاد السوداني وقبلو على الاقتصاد الامريكي فجعلو عاليه سافله
فصار بقدرة قادر في وضع الاقتصاد السوداني خير منه

Post: #31
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 10-16-2011, 06:04 AM
Parent: #30

طارق ميرغين يا فنان تحياتي
Quote: ورد في جريدة حائط ولا جريدة اكشاك ...!!!

الكلام ده للاسف ورد في مخاطبة للبرلمان
يعني في في مكان يفترض ان يكون فيه المسؤول اكثر احساسا بالمسؤولية
لكن يا فنان ادي الله وادي حكمتو

Post: #32
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 11-09-2011, 10:30 AM
Parent: #31

Quote: في حديث له أخيرا، قال وزير المالية السوداني علي محمود إن الاقتصاد السوداني في وضع أفضل من أميركا. هكذا مرة واحدة، وبلا مقدمات، أصبح الاقتصاد السوداني الذي يتوكأ على عكازة واحدة منذ أن انفصل الجنوب وأخذ معه ما يزيد على ثلاثة أرباع الإنتاج النفطي، في وضع أفضل من أكبر اقتصاد في العالم.

قبل أن تهتز أسواق المال العالمية، سارع الوزير إلى توضيح كلامه قائلا إن أميركا مهددة بأن تصبح ديونها أكبر من ناتجها القومي، وإنها تخطو نحو الإفلاس «ونحن لم نصل إلى هذه المرحلة». لم يرد الوزير أن يختار اليابان مثلا ليقارن بها الاقتصاد السوداني، ربما لأنها تراجعت من المركز الثاني إلى الثالث بعد الصين التي أصبحت الآن ثاني أكبر اقتصاد في العالم، بعد أميركا. ولم يقارن الوزير الوضع الاقتصادي بإيطاليا التي تأتي في المركز العاشر عالميا. فقط اختار أميركا لكي يقارن بها الاقتصاد السوداني، ربما من باب المكايدة السياسية لأن العلاقات بين البلدين ليست على ما يرام، أو ربما لأن المقارنة تكون أوقع لأنها مع أكبر اقتصاد عالمي.

الواقع أن أميركا تجاوزت بالفعل العتبة التي أشار إليها الوزير السوداني وقبل أكثر من شهرين من تصريحاته، عندما بلغ الدين العام ما يعادل 102% من الناتج القومي وذلك في إطار تداعيات الأزمة المالية والاقتصادية التي يعيشها العالم منذ عام 2008. ولم تكن هذه هي المرة الوحيدة التي تتجاوز فيها الديون الأميركية الناتج القومي؛ إذ حدث هذا الأمر أيضا في أعقاب الحرب العالمية الثانية عندما بلغت الديون نحو 120 في المائة مقارنة مع الناتج القومي. لكن الاقتصاد الأميركي واصل النمو والازدهار وبقيت أميركا تتصدر قائمة الاقتصادات العالمية حتى اليوم، ولا يبدو أنها ستتراجع عن هذا المركز في المستقبل المنظور؛ إذ إن حجم اقتصادها يعادل ثلاثة أضعاف اقتصاد التنين الصيني الذي يواصل نموه المذهل.

بالعودة إلى تصريحات وزير المالية السوداني، فإن المرء لا يمكن أن يصنفها إلا ضمن باب المبالغات السياسية، وهي في كل الأحوال مبالغة في غير محلها ولو أراد بها الوزير تطمين الناس والإيحاء بأن الأزمة التي يمر بها الاقتصاد السوداني ليست بتلك الخطورة.. فالاقتصاد السوداني لا يمكن مقارنته بالاقتصاد الأميركي، ولا حتى باقتصاد كوستاريكا أو باكستان. كما أن ما لم يقله الوزير هو أن السودان يأتي حاليا في المركز الرابع عشر في القائمة التي تصنف الدول وفقا لحجم الديون مقارنة مع الناتج القومي. فهذه القائمة تتصدرها زيمبابوي التي تعاني من أسوأ المشكلات الاقتصادية، كما تأتي فيها دول أخرى ذات اقتصادات كبرى مثل اليابان التي تأتي في المركز الثاني لأن ديونها تعادل 198 في المائة من ناتجها القومي بفعل الأزمة المالية وتداعيات الزلزال الأخير. فالقائمة لا تستخدم بوصفها معيارا لقوة الاقتصاد وتصنيفه عالميا؛ بل فقط بوصفها مقياسا لجانب واحد من جوانب الأداء السلبي الاقتصادي.

الاقتصاد السوداني يمر بأزمة لن تعالجها التصريحات المضخمة والخيالية؛ فوزير المالية ليس المسؤول الوحيد الذي لجأ إلى مثل هذه التصريحات، إذ إن الرئيس البشير أدلى أيضا بتصريحات لا تقل مبالغة. فقد ذكر في خطاب له الشهر الماضي أن حكومته ستعبر التحديات الاقتصادية التي تمر بها البلاد، مشيرا إلى أن المنظومة الاشتراكية انهارت وأن النظام الرأسمالي فشل وسقط منذ عام 2008، ثم أضاف: «نحن ما صغار وعقولنا موجودة لحل اقتصاد السودان، بل نجد المعالجات لما يحدث في العالم الآن بعد فشلهم». فهو لا يريد حل مشكلات اقتصاد السودان فحسب، بل سيحل مشكلات اقتصاد العالم بعد انهيار الاشتراكية وفشل الرأسمالية!

الاقتصاد ليس نكتة، ومشكلاته لا تحل بالعنتريات أو بالتصريحات الهلامية. وربما لأن أهل السودان ضاقت بهم الأزمة، ولم يسمعوا حلولا واقعية، فقد كثرت نكاتهم التي تسخر من الوضع الاقتصادي ومن الفساد الذي استشرى وأسهم بشكل كبير في تردي الأوضاع وفي تبديد الكثير من الموارد التي وفرتها الطفرة النفطية القصيرة التي عاشها البلد.. فالناس يعيشون الأزمة كل يوم، ويشعرون بتأثيرها على حياتهم، بينما التصريحات تذهب في اتجاه آخر يبيع الكلام ولا يقدم الحلول.. فكثير من السودانيين أحجموا هذا العيد عن ذبح الأضاحي لأنهم لا يستطيعون توفير ثمنها، هذا في بلد اشتهر بتصدير اللحوم، ويهدي رئيسه الماشية إلى دول الجوار كعربون صداقة. والأزمة لا تقف عند حد العجز عن شراء اللحوم، بل تمتد إلى كل شيء بعد أن ضرب الغلاء كل السلع الأساسية، وباتت الأسعار ترتفع بمعدل يكاد يكون يوميا في بعض الحالات.

وبينما تشتد المعاناة على المواطن السوداني، فإنه يشاهد طبقة من الموالين للنظام ومن أقارب المسؤولين تزيد ثراء، وتتمدد في النشاط الاقتصادي حتى تكاد تحتكره. هكذا أصبحت قصص الفساد وأقاويله هي الطاغية في أحاديث السودانيين، وهي التهمة الأبرز التي يوجهونها اليوم إلى النظام الذي رفع منذ يومه الأول شعارات إسلامية، باعتبار أن الجبهة القومية الإسلامية هي التي دبرت الانقلاب ونفذته واضعة نفسها في دائرة النظم الاستبدادية والانقلابية، والحركات التي لا تؤمن بالديمقراطية ولا بالتداول السلمي للسلطة. ويرى كثيرون أن مزيج الأزمة الاقتصادية والفساد والحروب هو الذي يمكن أن يؤدي إلى تقويض النظام الذي أمسك بالسلطة اثنين وعشرين عاما مستخدما القمع والترويع والقوة لقمع أي تحد له، لكنه يواجه اليوم تبعات سياسته التي أدت إلى انفصال الجنوب، ونشوب حروب جديدة في الشمال، في جنوب كردفان والنيل الأزرق، إضافة إلى حرب دارفور.

النظام يستشعر الأزمة، لكنه يخطئ في المعالجة، ويخطئ أكثر عندما يحاول أن يسوق للسودانيين كلاما لا تقبله فطنتهم، أو يتحمله كبرياؤهم الذي تدوس عليه الضغوط الاقتصادية، وحكايات الفساد.

[email protected]
الشرق الاوسط

Post: #33
Title: Re: وزير المالية : الاقتصاد السوداني في وضع افصل من امريكا
Author: Nasr
Date: 11-09-2011, 09:02 PM
Parent: #32

والزول ماله كل مرة أرقامه بتتغير؟؟؟؟
هو ما عارف كل كلام قاله (في زمن النت والكومبيوتر) محفوظ ومسجل؟؟؟

المفرح في الأمر
أن سلطة هذا وزير ماليتها ما بتعيش كثير
فأبشروا يا شعب السودان
الإنتفاضة أقرب مما تظنون

Post: #34
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 11-10-2011, 11:29 AM
Parent: #33

كل سنة وانت طيب نصر

Quote: أن سلطة هذا وزير ماليتها ما بتعيش كثير

الكلام طبعا موجه للداخل الذي يفتكر سيادة الوزير انه شعب جاهل واي كلام بمشي فوقو
برة الكلام غير والنغمة شحادين السوق العربي ما بقدرو يغنو بيها

Post: #35
Title: Re: وزير المالية : الاقتصاد السوداني في وضع افصل من امريكا
Author: Adil Isaac
Date: 11-10-2011, 11:51 AM
Parent: #34

Quote: شوف يا عصام ود جبر الله من هسه

ما تشبكنا حولوا لي تاني وبتاع

كل كوارتر بنحول لك الفيها النصيب.

أنت قايل نحن صبرنا علي قعدة السودان عشان

شنو ؟ عارفين بجئ يوم نجدع فيكم ...


بخاري و عصام سلام :)
والله يا بخاري مع وزير مالية من النوع دة شكلك حتجدع حتجدع......بس خايفيين عليك من الجديع بالحجارة :)

Post: #36
Title: Re: وزير المالية : الاقتصاد السوداني في وضع افصل من امريكا
Author: محمد إبراهيم علي
Date: 11-10-2011, 11:56 AM
Parent: #34

ارقام وحقائق عن الاقتصاد الامريكي لوزيرنا الذي يحاول ان يتستحمر في الشعب السوداني
اكبر خمسمائة شركة امريكية حنجيب اول عشرة فيها بس



المقارنة غير موجودة بكامل الناتج الاجمالي للسودان بقطاعيه الحكومي والخاص مقابل شركة واحدة من اعلاه

Post: #37
Title: Re: وزير المالية : الاقتصاد السوداني في وضع افصل من امريكا
Author: جمال خضر
Date: 11-10-2011, 12:20 PM
Parent: #33

الأخ محمد إبراهيم

لك التحية

وكل عام وأنتم بخير

وزير المالية صادق فى ما ذهب اليه فهو من أهل المشروع الحضارى فهل يكذب

ذو الأيدى المتوضئة الأنقياء الأطهار الذين يعفون عن الولغ فى المال العام

فقد إستطاعوا توظيف أموال البترول السودانى والذهب ومال بيع المؤسسات والشركات

والإختلاسات وأموال الضرائب والزكاة والدمغات الى غيرها وعملوا على تدويرها

فى البورصة الأمريكية فتنامت بمتوالية هندسية و تضخمت فعمدوا الى سحبها بصورة

مفاجئة أدت الى إفلاس الكثير من البنوك والشركات فأعادوا تدوير تلك الأموال

فى الإقتصاد الصينى فبلغت أموالهم عشرات التريليونات لذا تحدث الوزير بتلك الثقة

الكبيرة وستعود تلك الأموال بعد رفع الحظر الأمريكى عن الإقتصاد السودانى

وسيحدث هذا فى القريب العاجل إثر صفقة وقعها الوزير وتتضمن رفع العقوبات نظير أن يقوم السودان بإقراض أمريكا

حتى تستطيع الوقوف على رجليها من جديد فبشرى لأهل السودان فقد أصبحت

بلادكم دولة عظمى فليحزم المغتربون حقائبهم للعودة فقد بدأت النهضة

التى بشركم بها غريبة وود الباوقة واستهلها البشير بالخراف التى يمنحها

يمنة ويسرى مساعدة لجيراننا الفقراء .

تقول لى شنو تقولى منو يا محمد ابراهيم فى عظمة أكتر من كده؟

الجماعة شغالين تحت تحت خوفا من الحسد عندهم عشرات الملايين من الافدنة

فى استراليا وبولندا واوكرانيا أغرقت العالم بصادراتها النباتية

والحيوانبة أما مصانع الأسلحة والدبابات والطائرات التى تقاد بدون طيار

فقد أقاموها فى الصبن وكوريا الشمالية غزوا بهاالسوق الايرانى واسواق امريكا

اللاتينية أصبحنا دولة غنية تاكل مما تزرع وتلبس وتتسلح مما تصنع .

وعما قريب سنغرف من هذا النعيم ونعيش فى بحبوحة ودعة .

الله أكبر الله اكبر ولا نامت أعين الجبناء والطابور الخامس