رفقا بمصداقية رويترز يا معتصم .... ولا تبيعوا دماءنا بوعي .. ولا بدونه

ولا تبيعوا هذه الدماء رخيصة

ولا غالية


تحركوا في هذه اللحظة التاريخية من حس آدميتكم الجمعي وحده ان استطعتم


والله المستعان عليكم يااخ

كرهتونا المصداقية


العار ليس على سودانيز
ولا على من اورد الخبر هنا عفاف وصلاح وغيرهم من الاماجد
ولا عليك يا مسكين
العار كل العار على كل صحيفة صدرت في الخرطوم اليوم ولم يزين مانشيتها هذا الخبر الأهم
يعني جرايدكم واعلاامكم الزنخ يعتم ويعتم ويعتم ويكضب ويكضب ويكضب
ولما تمرق الحقايق - فقط - تتكلموا ببراءة الأطفال عن المصداقية
وينوا كلامك عن المصداقية مع الناتباهة واخر لحظة والدار؟؟؟؟

الله يحلنا منكم ياخ

انت والبشير وعلي عصمان الليلة قبل بكرة

آل مصداقية آل

مصداقية انت ياااخ

استغرب - بحرقة - من ناس ما بيخجلوا يتكلموا ليك ليل نهار عن الله والدين والشريعة والاسلام والفضيلة والأخلاق والضمير

وهم ما عندهم أدنى قدرة يعيشوا أو يموتوا بواحد في المليون من ادعاءاتم دي

وما بعرفوا يعيشوا دون كضب وافتئات على الناس وظلم وعنجهية وخ سة والخ

















والادهى من كدا
انو يخلو ناس زي الورد وما بشبهوهم على الإطلاق - زي اخونا معتصم هنا- يتكلموا باجندتم ويخدمو موافقم .. بوعي أو بدونه


استغرب - بحرقةشديدة - والله العظيم

.
.
.

Quote: والادهى من كدا انو يخلو ناس زي الورد وما بشبهوهم على الإطلاق - زي اخونا معتصم هنا- يتكلموا باجندتم ويخدمو موافقم .. بوعي أو بدونه

صدقت أخى فتحى فى أنه معتصم لا يشبههم على الإطلاق

وأخفقت فى أنه بيتكلم بأجندتهم


أنا أكيد إنه الأخ معتصم ومنذ خروجه من مكتبه من أوقاف الجامع الكبير
وحتى وصوله لبيته فى الكلاكله أنه قام بإتصالاته مع أصدقائه ومعارفه
والكل نفى له حدوث أى مظاهرات فى الخرطوم ، وحتى بعد أن كتب البوست
المعنى بذلك لم ينبهه أحد بأنه كانت ولا زالت هنالك مظاهرات فى الخرطوم
مساء البارحه.
الأخ معتصم فعلا لا منهم ولا يشبههم فى شىء

مع تحياتى وودى
.
.
.
.

فتحي البحيري
سلامات هذا المعتصم
للمرة اثتانية يكزب الجابرو شنو؟
ماعارف كنت احترمه لكن سقط من نظري
طلع كزاب اشر

قول حتى ما فى مظاهرات فى داعى ينفيها!!

يبقى شاب زى الورد كيف؟ الجابرو شنو؟

ولمصلحة منو؟ يا اخى ديل كيزان قال ورد قال.

ياشباب استهدوا بالله
معتصم نقل خبرو من واقع مشاهدته في الوقت والزمان المحددين وليس عليه تغطية كل اخبار الخرطوم في كل الاوقات ولا شنو؟
تاني شي مصداقية معتصم يشهد عليها قراء المنبر قبل عضويته بل حدثني من اثق بحديثه انه لايعرف اخبار السودان الصادقة الا من سودانيز اون ومن معتصم تحديدا .
الهجوم علي معتصم ليس له ما يبرره ابدا .

الاخ فتحى سلامات

Quote: تاني شي مصداقية معتصم يشهد عليها قراء المنبر قبل عضويته بل حدثني من اثق بحديثه انه لايعرف اخبار السودان الصادقة الا من سودانيز اون ومن معتصم تحديدا . الهجوم علي معتصم ليس له ما يبرره ابدا .

وهو كذلك

الشهــادة لله
لم اعرف معتصم الا من خلال المنبر
وماعرفت عنو الا كلو صدق و خير وهمة ونشاط
تجلت فى بوستات واخبار صادقة من قلب الحدث
ومشاركات فاعلة فى كل انشطة بورداب الخرطوم

انا متأكد انو معتصم لم يقصد ماذهب اليه البعض (تثبيط الهمم واظهار واقع معكوس للشارع)
حتى وان كان ما اورده خطأ

معتصم رجل طيب .. لاخلاف على ذلك ..
اكثر ما شد انتباهي هو تعمد معتصم بايراد اسعار للعملات
منافية لواقع السوق واقل من القيمة الحقيقية ...

شكرا لكل الأحبة المتداخلون هاهنا

لا مشكلة لنا مع هذا المعتصم سوى أنه أساء إلى 2 من أميز الكتاب هنا

الماجد صلاح عوض الله
والماجدة عفاف ابو كشوة

ومن وراء هذه الإساءة

أساء إلى مشاعر الملايين من أبناء شعبنا الثائر الطيب الأبي

وقد كذبت صراخه الحقيقة التي اتضحت بالصور وشهادات العيان "الغزيرة"


أقل ما يمكن أن يقدمه لنا معتصم ولهؤلاء الذين أساء إليهم هو الاعتذار

فربما أزال هذا الاعتذار اللبس لدى كثيرين توهموا أنه يتعمد خدمة النظام الفاسد اللص ال######## في الخرطوم
بوعي أو بدونه

أما أن يعتبر نقدنا له في هذه الجزئية مسالة شخصية ويمضي في هذا الاتجاه

فهو ما لن نقبله ولن نرضاه ولن نخوض فيه

والله المستعان