Post: #1
Title: حبوبتي بتقول ليكم دي مظاهرات شنو... البتتلقطوا فيها زي دم الحجامة !!!
Author: صلاح غريبة
Date: 10-12-2011, 08:02 AM
المظاهرات الجد كانت زمااان
لمن الناس بتطلع بالألوف
زي ما شفنا في اكتوبر 1964
ورجب 1985...
عدين ما بتتذكروا في انتفاضة رجب
لمن قامت اسبوع ما أخدتو
والنميري راح فيها.
= نواصل =
|
Post: #2
Title: Re: حبوبتي بتقول ليكم دي مظاهرات شنو... البتتلقطوا فيها زي دم الحجامة
Author: صلاح غريبة
Date: 10-12-2011, 08:25 AM
Parent: #1
وما شفنا في الانتفاضات العربية من تونس لغاية اليمن ،
أخبار وسيناريوهات مفبركة واشاعات عن ثورة وانتفاضة...
شفنا مسيرات هادرة وضرب وموت واستشهاد.
حتى الأمريكان مظاهراتهم في الوول استريت شفناها
بضربا وشلاليتا وكبعا على التلفزيونات والمواقع الالكترونية عيانا بيانا...
ما شفنا زول هناك بستجدى في مظاهرة وبفترضها افتراضا....
اللهم يا أهل الخير الا تكون دي أماني بعض الناس المعشعشة
في عقولهم وقلوبهم ودايرين ليهم سبة ساي يفشوا غبينتهم.
|
Post: #3
Title: Re: حبوبتي بتقول ليكم دي مظاهرات شنو... البتتلقطوا فيها زي دم الحجامة
Author: صلاح غريبة
Date: 10-12-2011, 09:07 AM
Parent: #2
واسي في زمنا دا
لمن التوانسة والمصريين طلعوا الشارع والميادين...
ما شفنا زول شال موبايل وصور ليهو اتنين تلاتة في ركن وقال دي انتفاضة..
.شفنا الجزيرة والعربية وغيرها من القنوات بتنقل مباشر شلالات من البشر الهادرة.
|
|