Post: #1
Title: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 00:19 AM
وبعد ما أمريكا نشفت، نقبل وين؟
|
Post: #2
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 01:11 AM
Parent: #1
من حيث تكافؤ الفرص
وإرتفاع مستوي دخل الفرد
|
Post: #3
Title: Re: ماهي أفضل دولة عربية لمواصلة الغربة؟
Author: omer osman
Date: 10-12-2011, 05:22 AM
Parent: #2
| Quote: ماهي أفضل دولة عربية لمواصلة الغربة؟ |
دولة الامارات العربية ........
بلد حلوة ومنظمة ومتطورة وراقية وشعبها طيب جداً ....
سمعت مؤخراً بانها اصبحت غالية لكن في ذات الوقت المرتبات تضاعفت كثيراً .....
(مغترب سابق بالامارات)
|
Post: #4
Title: Re: ماهي أفضل دولة عربية لمواصلة الغربة؟
Author: محمد عبد الماجد الصايم
Date: 10-12-2011, 06:05 AM
Parent: #3
أختى السعودية (بنين)!!
بعد دا إن شاء الله تمشي اليمن زاتو!!
|
Post: #5
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 06:11 AM
Parent: #3
عمر سلامات
زرت إلإمارات لمدة إربعة أيام، عجبتي لاكن ما فهمت فيها حاجة، شايف ناس كتار بشتكو من موضوع السكن...شكراً ليك يا عمر.
|
Post: #6
Title: Re: ماهي أفضل دولة عربية لمواصلة الغربة؟
Author: محمد إبراهيم علي
Date: 10-12-2011, 06:19 AM
Parent: #5
| Quote: أختى السعودية (بنين)!! |
|
Post: #7
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 06:19 AM
Parent: #5
ود الصايم
شكلي كدا جاييك، أوع تنكرني، جهز ليك خمسمية ريال كدا لزوم إكرامية وبالمقابل بقدم ليك لوتري عشان تجي أمريكا (المختلطة).
|
Post: #8
Title: Re: ماهي أفضل دولة عربية لمواصلة الغربة؟
Author: فايزودالقاضي
Date: 10-12-2011, 08:37 AM
Parent: #7
المعز ...سلام ..
مقارنة مع كل دول الخليح فالسعودية لايعلى عليها من كل الجوانب .:-
- الايجارات ارخص .
- العيشة ذاتها رخيصة .
- الشغل متوفر .
- مزايا كويسة للمؤهلين .
- وكونه يكون عندك جنسية امريكية دي دفعة كويسة .
- وفوق ده انت قريب من الاراضي المقدسة لو مامشيت السودان عمرتك وحجك ساهل ..
- سودانك جنبك تنقز وبااكبر الحمولات ..
- وكمان فيها ناس تنهاك عن المنكر وتأمرك بالمعروف (الهيئة) .
|
Post: #9
Title: Re: ماهي أفضل دولة عربية لمواصلة الغربة؟
Author: المسافر
Date: 10-12-2011, 09:27 AM
Parent: #8
think no more
nock no door
chess no core
no if no or
وانصرف راشدا
|
Post: #10
Title: Re: ماهي أفضل دولة عربية لمواصلة الغربة؟
Author: Munir
Date: 10-12-2011, 10:14 AM
Parent: #8
| Quote: - وكمان فيها ناس تنهاك عن المنكر وتأمرك بالمعروف (الهيئة) |
.هههههههه ..
والله ياود القاضي الظاهر إنتو ما بتجو إلاّ بالأمر بالمعروف والنهي عن المنكر ..
لكين - حسب كلامك - مزايا السعودية تمام لزول هدي ورضي .. وزيد عليها أن أرض الحرمين لا يدخلها المسيح الدجال ..
تحايا للأخ المعز وبالتوفيق إن شاء الله ..
|
Post: #11
Title: Re: ماهي أفضل دولة عربية لمواصلة الغربة؟
Author: فايزودالقاضي
Date: 10-12-2011, 10:25 AM
Parent: #10
Quote: .هههههههه ..
والله ياود القاضي الظاهر إنتو ما بتجو إلاّ بالأمر بالمعروف والنهي عن المنكر .. |
يامنير انا زول هدي ورضي وماسك درب ربي فلا تغرنك المعارضة ..انا معارضة من المساجد والمنابر لم اشرب خمراً ولا بنقو ....سمع بس ... ههههه
| Quote: أرض الحرمين لا يدخلها المسيح الدجال .. |
لكن ناس معاوية عبيد ومن لفه لفه دخلوا بسهولة ..
|
Post: #14
Title: Re: ماهي أفضل دولة عربية لمواصلة الغربة؟
Author: Munir
Date: 10-12-2011, 11:09 AM
Parent: #11
| Quote: ..انا معارضة من المساجد والمنابر لم اشرب خمراً ولا بنقو ....سمع بس ... ههههه |
أكيد يازول .. إطمئن عقيدتي فيك قوية .. وأضم صوتي للفاضل كرار إنك لخصت المزايا ببساطة وشمولية - شمولية دي ما تقوم تحسبني حزب أمة - جنهم شمولية ..
|
Post: #12
Title: Re: ماهي أفضل دولة عربية لمواصلة الغربة؟
Author: Fadl Karrar
Date: 10-12-2011, 10:27 AM
Parent: #8
أجمل ما قرأت لفائز ود القاضي مؤخراً
Quote: السعودية لايعلى عليها من كل الجوانب .:-
- الايجارات ارخص .
- العيشة ذاتها رخيصة .
- الشغل متوفر .
- مزايا كويسة للمؤهلين .
- وكونه يكون عندك جنسية امريكية دي دفعة كويسة .
- وفوق ده انت قريب من الاراضي المقدسة لو مامشيت السودان عمرتك وحجك ساهل ..
- سودانك جنبك تنقز وبااكبر الحمولات ..
- وكمان فيها ناس تنهاك عن المنكر وتأمرك بالمعروف (الهيئة) |
والله يهدي من يشاء
|
Post: #13
Title: Re: ماهي أفضل دولة عربية لمواصلة الغربة؟
Author: أيمن دياب
Date: 10-12-2011, 10:35 AM
Parent: #12
السعودية الأفضل..
قياساً بغلاء السكن وتكلفة الإيجار في الامارات وقطر..
سلطنة عمان لا بأس.. الكويت مقفولة.. اليمن (ما تحاول) و(ما تفكر)..
البحرين: الفرص محدودة جداً..
السعودية تستوعب الكفء وصاحب الخبرة، وكذلك تستوعب الأمي وصاحب التعليم المتوسط..
كل المهم في الموضوع: التخصص..
تكون عارف نفسك بتشتغل شنو..
حتى لو (ميكانيكي).. مع احترامنا للوظيفة..
|
Post: #15
Title: Re: ماهي أفضل دولة عربية لمواصلة الغربة؟
Author: الحاج حمد الحاج
Date: 10-12-2011, 11:26 AM
Parent: #13
ود القاضي
| Quote: يامنير انا زول هدي ورضي وماسك درب ربي فلا تغرنك المعارضة ..انا معارضة من المساجد والمنابر لم اشرب خمراً ولا بنقو ....سمع بس ... ههههه |
منبر
| Quote: أكيد يازول .. إطمئن عقيدتي فيك قوية .. وأضم صوتي للفاضل كرار إنك لخصت المزايا ببساطة وشمولية - شمولية دي ما تقوم تحسبني حزب أمة - جنهم شمولية .. |
اجمل طرفة سمعتها واحد بدرس كورس سأل الدارسين كل واحد اسم المدام في جوال بي شنو؟ كل الدارسين مسجلنو باسم الحكومة عدا واحد مسجلو باسم المعارضة..المدرس سألو : ليه المعارضة و ما الحكومة قال : ليهو الحكومة زفت و المعارضة أكعب منها..
للضحك بس يا ود القاضي و قصدي شريف.
أيمن دياب
| Quote: سلطنة عمان لا بأس.. الكويت مقفولة.. اليمن (ما تحاول) و(ما تفكر).. |
حاولها شدييد يمكن تفتح معاك
يا زول السعودية طحنية..دي علي وزن الشعبية (بحري) طحنية..زي ما قال ود القاضي رخيصة في السكن و المعيشة و تستمتع بالحرمين و لو نظمت صرفك ممكن تعمل شوية قروش.
|
Post: #16
Title: Re: ماهي أفضل دولة عربية لمواصلة الغربة؟
Author: ندى صالح الطيب
Date: 10-12-2011, 11:39 AM
Parent: #15
الاخ المعز لك التحية
امسك فى كلام الاخ فايز عين الحقيقة واضيف كمان تعليم جيد للابناء اجنبى او غيره
خاصة المدن الكبيرة جدة الرياض الخبر الدمام
مشكلة السعودية الوحيدة مهما قعدت او خدمت ما بتتجنس !!!
|
Post: #17
Title: Re: ماهي أفضل دولة عربية لمواصلة الغربة؟
Author: الحاج حمد الحاج
Date: 10-12-2011, 02:21 PM
Parent: #16
| Quote: مشكلة السعودية الوحيدة مهما قعدت او خدمت ما بتتجنس !!! |
دي مشكلة السعودية و الله مشكلة الناس الجو من بلدهم للسعودية نهائي..السعودية بعد شوية البقدر يجدد الاقامة يكون كويس!!
|
Post: #18
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 03:20 PM
Parent: #17
فايز سلامات
كلامك مشجع ، يبدو إنو السعودية خيار كويس، شكراً ليك
|
Post: #19
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 03:38 PM
Parent: #18
المسافر سلامات
شكراً لعبورك من هنا،
|
Post: #20
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 03:47 PM
Parent: #19
ألأخوان منير وفضل
ربنا يوفق الجميع ويصلح الحال.
|
Post: #21
Title: Re: ماهي أفضل دولة عربية لمواصلة الغربة؟
Author: محمد الكامل عبد الحليم
Date: 10-12-2011, 04:01 PM
Parent: #20
تحية.....(بكل تداوينا فلم يشف ما بنا علي ان قرب الدار خير من البعد...
لكن قرب الدار ليس بنافع اذا كان من تهواه ليس بذي عهد...)
(التخصص مطلوب مع القدرات العالية وتحديد الهدف والمدة) والا فلا يهم اين تتجه سفينتك..
اذا لم نستفد من الغرب في رفع القدرات والتعلم وتحسيبن الذهنية العملية والحضارية فالقرب اولي..
لك الاحترام
|
Post: #22
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 04:19 PM
Parent: #21
ألأخ أيمن تحياتي
في السعودية بالنسبة للعندهم الجنسية ألأمريكية ألإقامة نظامها بكون كيف؟ علي أفراد أم علي الحكومة أم علي شركات (مؤسسات خاصة) هل لدي مطلق الخيار؟
|
Post: #23
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 04:48 PM
Parent: #22
ألأخ الحاج حمد
مشكور، للتأكيد فعلاً الناس لازم تفرق بين ألأغتراب والهجرة،
|
Post: #24
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 05:10 PM
Parent: #23
شكراً ليك ياندي
مسألة تتجنس في دولة عربية دي مسألة صعبة جداً، الغرب بتساهل فيهاأكتر، شجعتيني أفكر أكتر في كلام فايز..لكم التحية..
|
Post: #25
Title: Re: ماهي أفضل دولة عربية لمواصلة الغربة؟
Author: أيمن دياب
Date: 10-12-2011, 05:28 PM
Parent: #24
Quote: ألأخ أيمن تحياتي
في السعودية بالنسبة للعندهم الجنسية ألأمريكية ألإقامة نظامها بكون كيف؟ علي أفراد أم علي الحكومة أم علي شركات (مؤسسات خاصة) هل لدي مطلق الخيار؟ |
يمكن أن تكون الإقامة على الحكومة (حسب حاجتها لوظيفتك) ، أو شركة خاصة (حسب متطلبات الشركة وسوق العمل والمنافسة)
المهم في الأمر هو: ما هو مجال عملك؟ وما مقدار خبرتك فيه.
(هذه نقطة مهمة جداً في التوظيف والتقييم والامتيازات)
الحكومة الآن اتجهت للتوطين في الوظائف المهمة والتنفيذية والحكومية..
ولا يوجد أجانب في وظائف حكومية تنفيذية وإشرافية إلا بالقدر اليسير..
ما عدا الجامعات..المستشفيات.. والشركات الصناعية .. والشركات التجارية المملوكة للقطاع الخاص.. وبعض البنوك..
الشركات الكبرى تدفع رواتب محترمة للأجانب.. (عقدة الخواجة)..
وحتى لو كنت سوداني ومعاك جواز أمريكي المسألة دي عندها وضع خاص.. ومميز..
|
Post: #26
Title: Re: ماهي أفضل دولة عربية لمواصلة الغربة؟
Author: Ahmed Abdallah
Date: 10-12-2011, 05:34 PM
Parent: #25
كيفية استخرا الرخص الاستثمارية للاجانب كيف
المتطلبات والشروط ....وراس المال وخلافه ?
|
Post: #28
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 05:51 PM
Parent: #26
شكراً ليك يامحمد الكامل
كلام مهم شديد التأهيل بذيد فرص المنافسة والنجاح....
|
Post: #27
Title: Re: ماهي أفضل دولة عربية لمواصلة الغربة؟
Author: سيف بخيت موسي
Date: 10-12-2011, 05:42 PM
Parent: #25
المعز عبد المتعال
مساء الخير
حسب تجربتي مع السعودية وعدد من الدول الخليج
الموضوع بتمركز في حاجة مهمة جدا هي (إنك تجي على شغل بعد أن تعمل
مراسلاتك ومعايناتك مع الجهة صاحبة الشغل) يعني ما ينفع تجي وتدور عمل
هنا زي ما بحصل كثير لم الواحد يسافر أوربا او امريكا ، والدخلة الغلط
في دول الخليج علاجه صعب خلاس، لكن اهم نصيحة ليك تشوف امكانيتك وخبراتك
وترتب السيرة بصورة محترفة وتختار احسن مائة شركة وتبدأ تراسلهم او ممكن
عبر اصداقاء او الاهل
كونك عربي وعندك جواز امريكي دي فيها ميزات كثيرة حا تفيدك في كل دول الخليج
تحياتي وسلامي لك والجميع
|
Post: #29
Title: Re: ماهي أفضل دولة عربية لمواصلة الغربة؟
Author: أيمن دياب
Date: 10-12-2011, 05:55 PM
Parent: #27
Quote: كيفية استخرا الرخص الاستثمارية للاجانب كيف
المتطلبات والشروط ....وراس المال وخلافه ? |
في انفتاح كبير جدا في موضوع الاستثمار للأجانب..
أعرف بعض المستثمرين من (باكستان) و(سوريا) و(لبنان)..
فتحوا مجال عمل ومصانع في الرياض.. وعندهم الفرصة يستقدموا (عمالة) من خارج السعودية.. على كفالتهم..
لا أعرف ما هي الكيفية والمتطلبات بالنسبة للرخص الاستثمارية..
ولكن المؤكد أنه الأمر ويحتاج لرأس مال كبير وعلاقات داخل بعض الوزارات (الصناعة، العمل، التجارة)..
الانفتاح الحاصل سمح حتى للأجانب بتملك الشقق السكنية.. وهو ما كان ممنوعاً قبل فترة..
|
Post: #30
Title: Re: ماهي أفضل دولة عربية لمواصلة الغربة؟
Author: nadus2000
Date: 10-12-2011, 05:58 PM
Parent: #27
قطر بلا منازع
حيث انها الان تنعم باقتصاد يعد واحد من اقوي الاقتصادات في العالم، ومستقبل
تم التخطيط له بدقة، ووضعت برامج لتنفيذ الخطط.. فحتما المستقبل للدوحة...
وحسب تخصصك راجع مواقع الموؤسسات والشركات الكبري علي الانترنت والتي
كل يوم تنشر إعلانات للوظائف الشاغرة.
مع تمنياتي لك بالتوفيق.
|
Post: #31
Title: Re: ماهي أفضل دولة عربية لمواصلة الغربة؟
Author: بكري عباس علي
Date: 10-12-2011, 06:04 PM
Parent: #27
قطر
وظائف متوفرة
رواتب عالية
دولة منفتحة
ويالتوفيق اخي معز
|
Post: #32
Title: Re: ماهي أفضل دولة عربية لمواصلة الغربة؟
Author: أيمن دياب
Date: 10-12-2011, 06:18 PM
Parent: #31
مع احترامنا وتقديرنا لناس الدوحة..
إلا أن الصوت فيها يرتفع فيما يخص غلاء إيجارات السكن..
في الرياض يمكن أن تدفع 25% من دخلك الشهري لمقابلة مصروفات السكن
الذي يدفع بصورة نصف سنوية.. ولكن الايجار في الدوحة يستهلك أكثر من نصف الراتب..
ويدفع بصورة شهرية.. واندهشت جداً عند زيارة بعض الاخوان لي من الدوحة في العيد الماضي..
وعلموا أنني أدفع ما يعادل 1100 ريال فقط في الشهر كإيجار للشقة التي أسكن فيها..
فأفادوا بأن نفس الشقة ايجارها 7000 ألف ريال في الشهر.. في الدوحة..
سعر قارورة الحليب 2 لتر في الرياض 7 ريال.. بينما سعرها في الدوحة 14 ريال..
وعلى ذلك قس بقية المواد الغذائية..
الدوحة جميلة.. ولكنها غالية جداً..
والرواتب الكبيرة لفئات محدودة جداً.. وفي الوظائف الحكومية المتوفرة بكثرة.. نظراً لمحدودية السكان..
هذا ما علمت به من بعض الأقرباء المقيمين فيها..
|
Post: #33
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 06:41 PM
Parent: #32
ألأخ أيمن
كلامك كويس،بالنسبة لسؤال ألأخ أحمد عبد الله بالنسبة للأثتثمار للأجانب الشروط شنو؟
|
Post: #34
Title: Re: ماهي أفضل دولة عربية لمواصلة الغربة؟
Author: أيمن دياب
Date: 10-12-2011, 06:50 PM
Parent: #33
Quote: ألأخ أيمن
كلامك كويس،بالنسبة لسؤال ألأخ أحمد عبد الله بالنسبة للأثتثمار للأجانب الشروط شنو؟ |
عفواً.. ما متأكد من الشروط.. لكن المتأكد منو في أجانب كتيرين جداً عندهم استثمارات.. وشغل خاص..
لكن ممكن نسأل ليك بعض السودانيين العاملين في مصانع المستثمرين وسنعود إليك بالمفيد..
|
Post: #35
Title: Re: ماهي أفضل دولة عربية لمواصلة الغربة؟
Author: Balla Musa
Date: 10-12-2011, 06:53 PM
Parent: #34
المعز عبد المتعال
ياخى ماعرفناك عايز تنوم ول عايز تسافر؟؟
النوم والسفر للفيل ما اتلقو!!
|
Post: #36
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 07:02 PM
Parent: #32
شكراً ليك يا أخ سيف
كلامك مهم شديد، الترتيب والتواصل الجيد مع الشركات مع CV ملائم بعد داك الواحد يتحرك، ألأنترفيو عن بعد بقي متوفر في معظم الدول.
|
Post: #37
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 07:09 PM
Parent: #36
نادوس و بكري
قطر دولة لا يمكن تجاوزها في النقاش دا، لكما الشكر..
|
Post: #38
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 07:19 PM
Parent: #37
يابلة
موضوع السفر الحاميني النوم أم موضوع النوم الحاميني السفر، أمريكا فيها ضغط علي ألأعصاب فيل ما يتحملو..
|
Post: #39
Title: Re: ماهي أفضل دولة عربية لمواصلة الغربة؟
Author: noon
Date: 10-12-2011, 07:46 PM
Parent: #38
| Quote: أمريكا فيها ضغط علي ألأعصاب فيل ما يتحملو.. |
I totally agree. Good luck. Let’s know when you fine good alternative
Noon
|
Post: #40
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 08:19 PM
Parent: #39
تسلمي يا نون
خليك قريبة بس
|
Post: #41
Title: Re: ماهي أفضل دولة عربية لمواصلة الغربة؟
Author: othman mohmmadien
Date: 10-12-2011, 09:06 PM
Parent: #40
| Quote: بعد دا إن شاء الله تمشي اليمن زاتو!! |
تكتر بقوم بفك فيك عادل امين
|
Post: #42
Title: Re: ماهي أفضل دولة عربية لمواصلة الغربة؟
Author: manal eltahir
Date: 10-12-2011, 10:34 PM
Parent: #41
الاغتراب قطر...وفيما عداها تعب وسهر....
|
Post: #43
Title: Re: ماهي أفضل دولة عربية لمواصلة الغربة؟
Author: عمار عبدالله عبدالرحمن
Date: 10-12-2011, 10:49 PM
Parent: #42
بعد أمريكا
ما في الا المؤتمر الوطنى ,,
|
Post: #44
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-12-2011, 11:03 PM
Parent: #42
منال حبابك
هل في أمل إنو ألأقتصاد ألأمريكي دا يتصلح قريباً؟، قطر دولة تستحق البحث والتفكير،
|
Post: #45
Title: Re: ماهي أفضل دولة عربية لمواصلة الغربة؟
Author: المعز عبدالمتعال
Date: 10-13-2011, 02:28 PM
Parent: #44
أخبار سلطنة عمان شنو؟
|
|