|
مظاهرات بميدان جاكسون
|
بدأت قبل ساعة ولا زالت مستمرة احتجاجا على عدم وجود مواصلات
اعداد المتظاهرين في تزايد ووجود مكثف لسيارات الاحتياطي المركزي
|
|
|
|
|
|
|
|
Re: مظاهرات بميدان جاكسون (Re: عبدالكريم الامين احمد)
|
Quote: فووق فووق يا كونت وما ينوم الكوز ابو ضنب وماشي هذا الشعب في سكة الكنس والشلاليت ومادي |
صديقي باشمهندس كيكي .... انهم يكسرون الان حاجز الخوف ومقارعة نظام شمولي قمعي مثل هذا النظام تحتاج لنفس طوييل ومشوار الميل يبدأ بخطوة
اذا الشعب يوما اراد الحياة فلابد ان يستجيب القدر
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
Quote: رفقا بمصداقية منبرنا ... لا توجد مظاهرات في الخرطوم |
الاخ ابو حسين تحياتي . التسرع في التشكيك في الاخرين امر يفقدنا الموضوعية راجع مداخلتي في بوست معتصم شخصيا لم اسعى ولا اسعى في يوما للكتابة من أجل الاثارة ولو لم اتأكد بنفسي لما فتحت هذا البوست
| |
|
|
|
|
|
|
Re: مظاهرات بميدان جاكسون (Re: عمر عبد الله فضل المولى)
|
Quote: امثال هؤلاء ياحبيب يتملقون بهذه المواقف الانتهازية للشمولية الانقاذية
عاش نضال الشعب السوداني والمجد للثوار في كل مكان |
جينا ليك وكنا مرقنا منك مرفوعي الرؤوس ....
المتظاهرون الان يقفلون كبري النيل الابيض (الفتيحاب)
مصداقيتنا ليست محل مجاملة ....فاليتصلوا على اي احد هناك الان ويتأكدوا
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
حتي اللحظة الحركة شبه متوقفه في كبري الفتيحاب وكبري النيل الأبيض ... مجموعة كبيرة للغاية من المتظاهرين يملئون الشوارع الآآآآآآن ...
هتافات وحرائق وبعض العربات المهشمة تماماً
وللأخ المتواجد قرب الجامع الكبير بقول ليك كدي حاول إنك تصل لمنطة المقرن وتحديداً الكبريين من ناحية الخرطوم
من بوست مجاور ..
| |
|
|
|
|
|
|
Re: مظاهرات بميدان جاكسون (Re: احمد محمد بشير)
|
Quote: حتي اللحظة الحركة شبه متوقفه في كبري الفتيحاب وكبري النيل الأبيض ... مجموعة كبيرة للغاية من المتظاهرين يملئون الشوارع الآآآآآآن ...
هتافات وحرائق وبعض العربات المهشمة تماماً
وللأخ المتواجد قرب الجامع الكبير بقول ليك كدي حاول إنك تصل لمنطة المقرن وتحديداً الكبريين من ناحية الخرطوم
من بوست مجاور .. |
الحبيب أحمد تحياتي
وهذا الشعب يعرف كيف ومتى يثور دون وصاية من أحد
| |
|
|
|
|
|
|
Re: مظاهرات بميدان جاكسون (Re: عمر عبد الله فضل المولى)
|
Quote: اذا الشعب يوما اراد الحياة فلابد ان يستجيب القدر |
الكونت وعمر عبد الله عليكم الله الخلقكم انا دايركم تسألو لي مولانا الشيخ عبد المحمود ابو سؤال تقولو ليهو ما هو رأي علماء التوحيد في هذه العبارة ؟؟؟
عليكم الله البقولو ليكم تجيبوهو بالحرف الواحد هنا في هذا الموقع بس دا الدايرو منكم
خسمتكم عليكم الله
| |
|
|
|
|
|
|
Re: مظاهرات بميدان جاكسون (Re: محمد الامين محمد)
|
ناس حزب بتاع آخر رئيس وزراء شرعي ديل جايطين كدا في أنصاري واااااااااااااااحد طلع منهم..؟؟؟؟؟ و لا كالعادة منتظرين الشعب إموت و بعدين إجوا هم نظيفين و إستلموا الوزارة كالعادة ...؟؟؟؟؟
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
الاخ الكونت سلام والحمد لله علي السلامة وان شاء الله كراعك تكون خضراء ابو الحصين جيت جاري جايب ليك بوست للنفي اهو جابوها ليك بالصورة اقعد كده ساسك في البوستات للنفي والتبخيس ( اكوز من الكيزان )
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
Quote: ناس حزب بتاع آخر رئيس وزراء شرعي ديل جايطين كدا في أنصاري واااااااااااااااحد طلع منهم..؟؟؟؟؟ و لا كالعادة منتظرين الشعب إموت و بعدين إجوا هم نظيفين و إستلموا الوزارة كالعادة ...؟؟؟؟؟ |
الأخ ابو حسين كنت اتوقع مداخلة على الاقل تعتذر عن تسرعك في التشكيك حول الخبر الذي اتيت به والذي اثبتناه لك واثبته الاخرين لكن للاسف الشديد تأتي مرة اخرى بمداخلة هجومية غير مبررة ....عموما سيأتي يوما يكون فيه حال بلادي افضل لا نخاف فيه على احباب لنا في داخل الوطن وسأرد على تساؤلك هذا واخبرك بمن نقل لي المعلومة واسمه ومنصبه في حزب الامة
بعض من الموضوعية يفتح مساحات ارحب لحوار يفضي لنتيجة ويأتي بقيمة ....
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
Quote: بعض من الموضوعية يفتح مساحات ارحب لحوار يفضي لنتيجة ويأتي بقيمة .... |
قال الشاعر : وظلم ذوى (النسابة) امضى على النفس من الحسام المهند..
ابو حسين بالله خليك من حكاية انا ماكوز ومحاولة تبخيس حاجات المناضلين دى.. زعلت نسيبك ياخى،،،
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
Quote: الأخ ابو حسين كنت اتوقع مداخلة على الاقل تعتذر عن تسرعك في التشكيك حول الخبر الذي اتيت به والذي اثبتناه لك واثبته الاخرين لكن للاسف الشديد تأتي مرة اخرى بمداخلة هجومية غير مبررة ....عموما سيأتي يوما يكون فيه حال بلادي افضل لا نخاف فيه على احباب لنا في داخل الوطن وسأرد على تساؤلك هذا واخبرك بمن نقل لي المعلومة واسمه ومنصبه في حزب الامة
|
اخونا الكونت
أنا ما كتبت و لا كلمة في بوستك دا أنا جبت ليك رابط لي بوست فقط لا غير
أنا ما عايز أعرف منو اللي نقل الخبر من حزب الأمة بس عايز أعرف حزب الأمة اللي هو أكبر حزب في السودان متين حا إطلع الشارع مع الشعب المسكين اللي طلع الشارع و عانى كل المعاناة دي و لا برضو منتظرين الإمام إقول... لو طلع ربع أعضاء حزبكم الشارع الوضع حا إتغير ... منتظرين شنو .... ما قادرين تطلعوا إبقى أسكتو خلو الرجال اللي طلعوا الشارع إتكلمو
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
Quote: ما قادرين تطلعوا إبقى أسكتو خلو الرجال اللي طلعوا الشارع إتكلمو
|
الأخ ابو حسين انا لا استخدم معك مثل هذه اللغة .... اتمنى الا تستخدمها معي ما بيننا هنا حوار موضوعي واختلاف رأي ....ان لم نستطع ادارته بلغة تليق بنا علينا ايقافه
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
كنت عائدا بطريق الغابة من الشجرة .. لفت نظري تكدس غير عادي في حركة المرور على طول شارع الشجرة و ذلك في المسار الذاهب للكلاكلة بينما كان مساري للخرطوم خاليا
عندما وصلت لخزان المياة قبل كوبري جامعة السودان فوجئت بزحمة غير عادية زحف المرور ببطء حتى عدينا الكوبري لفت إنتباهي أن الكوبري نفسه خالي من الحركة !! و أن التكدس ناجم عن زحمة بالطريق المؤدي لكوبري الفتيحاب
هذا كان حوالي الساعة 8 مسائا لو عرفت أنها مظاهرات لإنضممت إليها ظننت أن حادثا ما وقع و الطريق مقفول لهذا السبب !!
مرحى لسودانيزأونلاين أفضل وكالة أنباء سودانية و عند جهينة الخبر اليقين
| |
|
|
|
|
|
|
Re: مظاهرات بميدان جاكسون (Re: محمد قرشي عباس)
|
تشهد مدينة الخرطوم الآن مظاهرات أغلقت بموجبها السلطات الأمنية كل الكباري وضربت الجماهير وإحتمال أن تكون هناك إعتقالات في صفوف المتظاهرات وقد رددت الجماهير هتافات تقول( الشعب جيعان لكنه ########) (سقطت سقطت حثالة العسكر) (لا أرهاب باسم الدين) وغيرها من الشعارات... وقد بدأت المظاهرات من صنية جاكسون وسط زحمة المواطنين الذين تجاوبوا لأول مرة وتجاوزت غربا حتي محطة سراج بابي سعد وغيرها من المناطق داخلونا ..
منقول من الفيس بوك صفحة ارفع راسك انت حزب امة
| |
|
|
|
|
|
|
Re: مظاهرات بميدان جاكسون (Re: محمد قرشي عباس)
|
Quote: ابوحسين اتلخبتت عليهو البوستات قاصد يرد على عمر فضل المولى في البوست بتاع جامعة سنار وشات التعليق هنا لكن ما في مشكلة يا زول شوت ساي كلهم انصار |
لا و الله يا باشمهندس
لكن الشئ المحير إنو ناس حزب الأمة أكتر ناس بهللو و إكبروا و ما ليهم أي وجود في الشارع
أما زولك داك عايز إعمل فيها قليل أدب و حا أمشي معاه محل ما إمشي ...
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
Quote: لكن الشئ المحير إنو ناس حزب الأمة أكتر ناس بهللو و إكبروا وما ليهم أي وجود في الشارع
|
الاخ ابو حسين هل يمكنك أن تأتي لي بأي احصائية تحدد حجم وجود حزب الامة في الشارع
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
Quote: الاخ ابو حسين هل يمكنك أن تأتي لي بأي احصائية تحدد حجم وجود حزب الامة في الشارع |
أنا ما عندي إحصائية يا كونت و إنت ما عندك إحصائية
لكن إنت جيب لي تصريح واحد لي أي واحد من حزب الأمة يدعوا جماهير حزب الأمة للخروج إلى الشارع
سيبك من الناس الكباااااااااااااااااار ديلك.... إنت دا عبدالمجيد الكونت وجه نداء لي ناسكم علشان إطلعوا الشارع...
بكره دي لو الحكومة دي سقطت ناسكم بشلوا السيوف و الحراب بي جلاليبهم المرقعة ديك تلقاهم في الشارع
يا كونت الفلم دا شفناه قبل كدا أكتر من مرة.......
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
Quote: أنا ما عندي إحصائية يا كونت و إنت ما عندك إحصائية
|
انا عندي احصائية واعرف حجم حزب الامة تماما واعرف لماذا يطلب المؤتمر الوطني ودي ويعرض علي 50% من سلطته لاشاركه في شموليته ... اما انت اذا كنت لا تملك أي احصائية فما كان لك ان تحدد لي حجمي والحديث في مثل هذه الاشياء ان لم يدعم بالارقام والنسب والمقارنات يكون مجرد حديث ...اظن ان البوست خبري وهذا ليس مكانه .......
باقي الكلام اسطوانة مشروخة يرددها من يريد ولا تستحق الرد مني
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
Quote: انا عندي احصائية واعرف حجم حزب الامة تماما واعرف لماذا يطلب المؤتمر الوطني ودي ويعرض علي 50% من سلطته لاشاركه في شموليته ... اما انت اذا كنت لا تملك أي احصائية فما كان لك ان تحدد لي حجمي والحديث في مثل هذه الاشياء ان لم يدعم بالارقام والنسب والمقارنات يكون مجرد حديث ...اظن ان البوست خبري وهذا ليس مكانه ....... |
يا كونت عندك إحصائية بي عدد الأنصار اللي طلعوا في مظاهرات اليوم ...؟؟؟؟؟؟
يا كونت نحن كلامنا عن المظاهرات و إذا عندك إحصائية بيها هات و خلينا نتناقش لو ما عندك إبقى خليك زينا كدا إتفرج... و بس
حكاية إنو إطلعوا النساء و الأطفال و إضربوهم ناس الشرطة و إعتقلوهم و إنتو تجعجعوا لكسب سياسي على حسابهم دي شينة شديد
| |
|
|
|
|
|
|
Re: مظاهرات بميدان جاكسون (Re: ABUHUSSEIN)
|
Quote: يا كونت عندك إحصائية بي عدد الأنصار اللي طلعوا في مظاهرات اليوم ...؟؟؟؟؟؟
|
انت قلت حزب الامة في الشارع لاحجم له ومدادك لم يجف حتى الان وانا رددت لك .... الم تقرأ أول مداخلة فُتح بها البوست ...هل قلت انا حزب الامة اخرج المظاهرة حتى تقول انك تقصد مظاهرة اليوم
Quote: حكاية إنو إطلعوا النساء و الأطفال و إضربوهم ناس الشرطة و إعتقلوهم و إنتو تجعجعوا لكسب سياسي على حسابهم دي شينة شديد |
انا من طجكستان ولا جنسيتي مكتوب عليها حزب الامة ما السودان ولا المرقوا ديل شعب جزر القمر ما شعبي
راجع البوست كله هل تبنى حزب الامة المظاهرة وهل انا كتبت كلمة تشير الى ان حزب الامة وراء المظاهرة ...
باقي السفسطة حول موت النساء وشينة مننا وغيرها ارى انها اسقاطات نفسية منك فقط لموقفك من حزب الامة ....في تقديري سترجع لك وليس حزب الامة
| |
|
|
|
|
|
|
Re: مظاهرات بميدان جاكسون (Re: Al-Shaygi)
|
Quote: وليه (إ)يعتقلوهم و(إ)يضربوهم
|
في قانون ابو حسين هذا امر عادي لا يستحق الادانة ومن يكتب عنه يبحث عن كسب سياسي ..... شفت الدنيا دي كيف يا الشايقي
| |
|
|
|
|
|
|
Re: مظاهرات بميدان جاكسون (Re: معاوية عبيد الصائم)
|
Quote: لكن إنت جيب لي تصريح واحد لي أي واحد من حزب الأمة يدعوا جماهير حزب الأمة للخروج إلى الشارع
سيبك من الناس الكباااااااااااااااااار ديلك.... إنت دا عبدالمجيد الكونت وجه نداء لي ناسكم علشان إطلعوا الشارع... |
راجع مداخلاتك معي فقط خلال الاسبوع الماضي
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
احداث جنوب كردفان
النيل الازرق
دارفور
المناصير
القضارف
بري
الثورة
المسعودية
ميدان جاكسون
اعتقالات
انهيار مفاوضات مع التنظيمات السياسية
انهيار الاقتصاد وارتفاع الاسعار
احداث سنار الجامعة
احداث جامعة الجزيرة وعنف الاسلاميين ضد الطلاب وانسلاخ عدد من عضويتهم هناك
تجميد الدراسة والاضراب
كل ما ذكر لا يعني شي بل مزيدا من العنجهية والتعالي والغرور
كل ما ذكر تم نفيه هنا في بوست وذكرا في بوست
احضرت صور ولكنها مزيفة او ان تاريخها غير سليم -
لو كنت من جماعة اللصوص لحزمت امتعتي تحضرا للهروب واظنهم قد فعلوا.....
العاقل من اتعظ بغيره فكم مرة انكر امن حسني وحزبه واستخباراته انها مجموعة شباب وقلة منهم
وكيف حاربت كل ادوات وقنوات الاعلام الثورة المصرية علي المستوي العالمي والمحلي في مصر
ولكن الحقيقة انتصرت ...
تحرك السودان ليس كغيره انه بطبيعته وبخصوصيته السودانية البحته
مزيد من الغرور يا كيزان تساعد في كنسكم قريبا الي مزبلة التاريخ...
| |
|
|
|
|
|
|
Re: مظاهرات بميدان جاكسون (Re: عبدالمجيد الكونت)
|
https://www.facebook.com/groups/165502206870196/
تحالف شباب قوس قزح لاسقاط النظام تحالف من اجل الديمقراطية والحرية وثورة الشعب لتحرير الشعب من ايدى النظام الظالم تحالف من اجل الجميع يضم كل الشرفاء الاحرار من اجل تحرير الوطن يدعوكم الى الانضمام الية من اجل ثورة الشعب وعاش كفاح الشرفاء
قروب جديده تكونت يوم 06/10/2011
اننا نوجه الدعوة الدعوة لكل الشرفاء السودانين من أجل العمل الجاد لاسقاط نظام الانقاذ و اعادة الحرية والديمقراطية للوطن عن طريق تعبئة الشارع على الثورة الشعبية العفوية المستلهمة من تجربتي تونس ومصر..
الكل مدعو ون للانضمام لل قروب والاشتراك في عملية التعبئه لاسقاط نظام الانقاذ
| |
|
|
|
|
|
|
|