Post: #1
Title: مظاهرات بميدان جاكسون
Author: عبدالمجيد الكونت
Date: 10-11-2011, 07:25 PM
Parent: #0
بدأت قبل ساعة ولا زالت مستمرة احتجاجا على عدم وجود مواصلات
اعداد المتظاهرين في تزايد ووجود مكثف لسيارات الاحتياطي المركزي
|
Post: #2
Title: Re: مظاهرات بميدان جاكسون
Author: عبدالكريم الامين احمد
Date: 10-11-2011, 07:27 PM
Parent: #1
فووق فووق يا كونت
وما ينوم الكوز ابو ضنب
وماشي هذا الشعب في سكة الكنس والشلاليت ومادي
|
Post: #5
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 07:36 PM
Parent: #2
Quote: فووق فووق يا كونت
وما ينوم الكوز ابو ضنب
وماشي هذا الشعب في سكة الكنس والشلاليت ومادي |
صديقي باشمهندس كيكي .... انهم يكسرون الان حاجز الخوف
ومقارعة نظام شمولي قمعي مثل هذا النظام تحتاج لنفس طوييل ومشوار الميل يبدأ بخطوة
اذا الشعب يوما اراد الحياة فلابد ان يستجيب القدر
|
Post: #4
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 07:34 PM
Parent: #3
| Quote: رفقا بمصداقية منبرنا ... لا توجد مظاهرات في الخرطوم |
الاخ ابو حسين تحياتي .
التسرع في التشكيك في الاخرين امر يفقدنا الموضوعية
راجع مداخلتي في بوست معتصم
شخصيا لم اسعى ولا اسعى في يوما للكتابة من أجل الاثارة ولو لم اتأكد بنفسي لما فتحت هذا البوست
|
Post: #6
Title: Re: مظاهرات بميدان جاكسون
Author: عمر عبد الله فضل المولى
Date: 10-11-2011, 07:39 PM
Parent: #4
امثال هؤلاء ياحبيب يتملقون بهذه المواقف الانتهازية للشمولية الانقاذية
عاش نضال الشعب السوداني والمجد للثوار في كل مكان
|
Post: #9
Title: Re: مظاهرات بميدان جاكسون
Author: اكرام الصادق الحسن
Date: 10-11-2011, 07:43 PM
Parent: #6
ثوري ثوري يا خرطوم ضد الحكم الدكتاتوري
|
Post: #10
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 07:49 PM
Parent: #6
Quote: امثال هؤلاء ياحبيب يتملقون بهذه المواقف الانتهازية للشمولية الانقاذية
عاش نضال الشعب السوداني والمجد للثوار في كل مكان |
جينا ليك وكنا مرقنا منك مرفوعي الرؤوس ....
المتظاهرون الان يقفلون كبري النيل الابيض (الفتيحاب)
مصداقيتنا ليست محل مجاملة ....فاليتصلوا على اي احد هناك الان ويتأكدوا
|
Post: #7
Title: Re: مظاهرات بميدان جاكسون
Author: احمد محمد بشير
Date: 10-11-2011, 07:39 PM
Parent: #4
حتي اللحظة الحركة شبه متوقفه في كبري الفتيحاب وكبري النيل الأبيض ...
مجموعة كبيرة للغاية من المتظاهرين يملئون الشوارع الآآآآآآن ...
هتافات وحرائق وبعض العربات المهشمة تماماً
وللأخ المتواجد قرب الجامع الكبير بقول ليك
كدي حاول إنك تصل لمنطة المقرن وتحديداً الكبريين من ناحية الخرطوم
من بوست مجاور ..
|
Post: #18
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 07:58 PM
Parent: #7
Quote: حتي اللحظة الحركة شبه متوقفه في كبري الفتيحاب وكبري النيل الأبيض ...
مجموعة كبيرة للغاية من المتظاهرين يملئون الشوارع الآآآآآآن ...
هتافات وحرائق وبعض العربات المهشمة تماماً
وللأخ المتواجد قرب الجامع الكبير بقول ليك
كدي حاول إنك تصل لمنطة المقرن وتحديداً الكبريين من ناحية الخرطوم
من بوست مجاور .. |
الحبيب أحمد تحياتي
وهذا الشعب يعرف كيف ومتى يثور دون وصاية من أحد
|
Post: #8
Title: Re: مظاهرات بميدان جاكسون
Author: احمد محمد بشير
Date: 10-11-2011, 07:40 PM
Parent: #4
بإذن الله ستنحاز الشرطة و الضباط الاحرار مع ابناء شعبنا المتظاهرين
|
Post: #11
Title: Re: مظاهرات بميدان جاكسون
Author: المكاشفي الخضر الطاهر
Date: 10-11-2011, 07:49 PM
Parent: #8
كيكي الكوز اب ضنب دا منو ؟؟؟
سؤال وجيه جدا وداير اجابة
لو ما جاوبت انا تاني بقول ليك كوز في هذا المنبر
حا اسميك الكوز كيكي
داير اجابة سريع
|
Post: #13
Title: Re: مظاهرات بميدان جاكسون
Author: احمد محمد بشير
Date: 10-11-2011, 07:50 PM
Parent: #11
|
Post: #12
Title: Re: مظاهرات بميدان جاكسون
Author: عمر عبد الله فضل المولى
Date: 10-11-2011, 07:50 PM
Parent: #8
اذا الشعب يوما اراد الحياة فلا بد ان يستجيب القدر
|
Post: #14
Title: Re: مظاهرات بميدان جاكسون
Author: المكاشفي الخضر الطاهر
Date: 10-11-2011, 07:53 PM
Parent: #12
| Quote: اذا الشعب يوما اراد الحياة فلابد ان يستجيب القدر |
الكونت وعمر عبد الله
عليكم الله الخلقكم انا دايركم تسألو لي مولانا الشيخ عبد المحمود ابو سؤال تقولو ليهو
ما هو رأي علماء التوحيد في هذه العبارة ؟؟؟
عليكم الله البقولو ليكم تجيبوهو بالحرف الواحد هنا في هذا الموقع بس دا الدايرو منكم
خسمتكم عليكم الله
|
Post: #17
Title: Re: مظاهرات بميدان جاكسون
Author: Sabri Elshareef
Date: 10-11-2011, 07:56 PM
Parent: #15
عاش نضال الشعب السوداني
الحرية تنتزع وهيا لانتزاعها ايها الشعب العظيم
|
Post: #16
Title: Re: مظاهرات بميدان جاكسون
Author: محمد الامين محمد
Date: 10-11-2011, 07:55 PM
Parent: #1
هسع علاء الدين يجي يقول ليك انا في ميدان جاكسون
|
Post: #19
Title: Re: مظاهرات بميدان جاكسون
Author: ABUHUSSEIN
Date: 10-11-2011, 08:04 PM
Parent: #16
ناس حزب بتاع آخر رئيس وزراء شرعي ديل جايطين كدا في أنصاري واااااااااااااااحد طلع منهم..؟؟؟؟؟
و لا كالعادة منتظرين الشعب إموت و بعدين إجوا هم نظيفين و إستلموا الوزارة كالعادة ...؟؟؟؟؟
|
Post: #20
Title: Re: مظاهرات بميدان جاكسون
Author: صلاح جادات
Date: 10-11-2011, 08:15 PM
Parent: #19
الاخ الكونت سلام
والحمد لله علي السلامة
وان شاء الله كراعك تكون خضراء
ابو الحصين جيت جاري جايب ليك بوست للنفي اهو جابوها ليك بالصورة
اقعد كده ساسك في البوستات للنفي والتبخيس ( اكوز من الكيزان )
|
Post: #21
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 08:15 PM
Parent: #19
Quote: ناس حزب بتاع آخر رئيس وزراء شرعي ديل جايطين كدا في أنصاري واااااااااااااااحد طلع منهم..؟؟؟؟؟
و لا كالعادة منتظرين الشعب إموت و بعدين إجوا هم نظيفين و إستلموا الوزارة كالعادة ...؟؟؟؟؟ |
الأخ ابو حسين
كنت اتوقع مداخلة على الاقل تعتذر عن تسرعك في التشكيك حول الخبر الذي اتيت به والذي اثبتناه لك واثبته الاخرين لكن للاسف الشديد تأتي مرة اخرى بمداخلة هجومية غير مبررة ....عموما سيأتي يوما يكون فيه حال بلادي افضل لا نخاف فيه على احباب لنا في داخل الوطن وسأرد على تساؤلك هذا واخبرك بمن نقل لي المعلومة واسمه ومنصبه في حزب الامة
بعض من الموضوعية يفتح مساحات ارحب لحوار يفضي لنتيجة ويأتي بقيمة ....
|
Post: #22
Title: Re: مظاهرات بميدان جاكسون
Author: صديق الموج
Date: 10-11-2011, 08:21 PM
Parent: #21
| Quote: بعض من الموضوعية يفتح مساحات ارحب لحوار يفضي لنتيجة ويأتي بقيمة .... |
قال الشاعر :
وظلم ذوى (النسابة) امضى على النفس من الحسام المهند..
ابو حسين بالله خليك من حكاية انا ماكوز ومحاولة تبخيس
حاجات المناضلين دى..
زعلت نسيبك ياخى،،،
|
Post: #23
Title: Re: مظاهرات بميدان جاكسون
Author: ABUHUSSEIN
Date: 10-11-2011, 08:24 PM
Parent: #21
Quote: الأخ ابو حسين
كنت اتوقع مداخلة على الاقل تعتذر عن تسرعك في التشكيك حول الخبر الذي اتيت به والذي اثبتناه لك واثبته الاخرين لكن للاسف الشديد تأتي مرة اخرى بمداخلة هجومية غير مبررة ....عموما سيأتي يوما يكون فيه حال بلادي افضل لا نخاف فيه على احباب لنا في داخل الوطن وسأرد على تساؤلك هذا واخبرك بمن نقل لي المعلومة واسمه ومنصبه في حزب الامة
|
اخونا الكونت
أنا ما كتبت و لا كلمة في بوستك دا أنا جبت ليك رابط لي بوست فقط لا غير
أنا ما عايز أعرف منو اللي نقل الخبر من حزب الأمة بس عايز أعرف حزب الأمة اللي هو أكبر حزب في السودان
متين حا إطلع الشارع مع الشعب المسكين اللي طلع الشارع و عانى كل المعاناة دي و لا برضو منتظرين الإمام إقول...
لو طلع ربع أعضاء حزبكم الشارع الوضع حا إتغير ... منتظرين شنو ....
ما قادرين تطلعوا إبقى أسكتو خلو الرجال اللي طلعوا الشارع إتكلمو
|
Post: #24
Title: Re: مظاهرات بميدان جاكسون
Author: محمد إبراهيم علي
Date: 10-11-2011, 08:31 PM
Parent: #23
ابوحسين اتلخبتت عليهو البوستات
قاصد يرد على عمر فضل المولى في البوست بتاع جامعة سنار
وشات التعليق هنا
لكن ما في مشكلة يا زول شوت ساي كلهم انصار 
|
Post: #47
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 10:57 PM
Parent: #24
Quote: لكن ما في مشكلة يا زول شوت ساي كلهم انصار
|
سلام ياهندسة ... غايتو ما عاافي ليك اها الزول سكن في البوست عدييل 
|
Post: #25
Title: Re: مظاهرات بميدان جاكسون
Author: فتحي الصديق
Date: 10-11-2011, 08:31 PM
Parent: #23
المجد لكل من قال لا للصوص القتلة ..
|
Post: #26
Title: Re: مظاهرات بميدان جاكسون
Author: ناصر المحسى
Date: 10-11-2011, 08:35 PM
Parent: #25
ديل انحنا القالو متنا وقالوا فوتنا
وقالو للناس انتهينا
نحنا منك ريح وهبت نار وشبت
ففي وجوه الخانو اسمك يا جميلة
|
Post: #27
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 08:39 PM
Parent: #25
وطننا حبيبنا رغم البيك هي الاشواق وشوقنا اليك يظل دفاق
وماطال المطر بيصب اكيد انه البحر ماراق
وماطال العكار من طين كمان من طين بجي الرواق
|
Post: #50
Title: Re: مظاهرات بميدان جاكسون
Author: عبدالمجيد الكونت
Date: 10-12-2011, 12:22 PM
Parent: #25
Quote: المجد لكل من قال لا للصوص القتلة ..
|
|
Post: #40
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 09:32 PM
Parent: #23
Quote: ما قادرين تطلعوا إبقى أسكتو خلو الرجال اللي طلعوا الشارع إتكلمو
|
الأخ ابو حسين انا لا استخدم معك مثل هذه اللغة .... اتمنى الا تستخدمها معي
ما بيننا هنا حوار موضوعي واختلاف رأي ....ان لم نستطع ادارته بلغة تليق بنا علينا ايقافه
|
Post: #28
Title: Re: مظاهرات بميدان جاكسون
Author: محمد قرشي عباس
Date: 10-11-2011, 08:40 PM
Parent: #19
كنت عائدا بطريق الغابة من الشجرة ..
لفت نظري تكدس غير عادي في حركة المرور على طول شارع الشجرة
و ذلك في المسار الذاهب للكلاكلة
بينما كان مساري للخرطوم خاليا
عندما وصلت لخزان المياة قبل كوبري جامعة السودان
فوجئت بزحمة غير عادية
زحف المرور ببطء حتى عدينا الكوبري
لفت إنتباهي أن الكوبري نفسه خالي من الحركة !!
و أن التكدس ناجم عن زحمة بالطريق المؤدي لكوبري الفتيحاب
هذا كان حوالي الساعة 8 مسائا
لو عرفت أنها مظاهرات لإنضممت إليها
ظننت أن حادثا ما وقع و الطريق مقفول لهذا السبب !!
مرحى لسودانيزأونلاين
أفضل وكالة أنباء سودانية
و عند جهينة الخبر اليقين
|
Post: #29
Title: Re: مظاهرات بميدان جاكسون
Author: اكرام الصادق الحسن
Date: 10-11-2011, 08:46 PM
Parent: #28
تشهد مدينة الخرطوم الآن مظاهرات أغلقت بموجبها السلطات الأمنية كل الكباري وضربت الجماهير وإحتمال أن تكون هناك إعتقالات في صفوف المتظاهرات وقد رددت الجماهير هتافات تقول( الشعب جيعان لكنه ########) (سقطت سقطت حثالة العسكر) (لا أرهاب باسم الدين) وغيرها من الشعارات...
وقد بدأت المظاهرات من صنية جاكسون وسط زحمة المواطنين الذين تجاوبوا لأول مرة وتجاوزت غربا حتي محطة سراج بابي سعد وغيرها من المناطق داخلونا ..
منقول من
الفيس بوك صفحة
ارفع راسك انت حزب امة
|
Post: #30
Title: Re: مظاهرات بميدان جاكسون
Author: ABUHUSSEIN
Date: 10-11-2011, 08:47 PM
Parent: #28
Quote: ابوحسين اتلخبتت عليهو البوستات
قاصد يرد على عمر فضل المولى في البوست بتاع جامعة سنار
وشات التعليق هنا
لكن ما في مشكلة يا زول شوت ساي كلهم انصار |
لا و الله يا باشمهندس
لكن الشئ المحير إنو ناس حزب الأمة أكتر ناس بهللو و إكبروا و ما ليهم أي وجود في الشارع
أما زولك داك عايز إعمل فيها قليل أدب و حا أمشي معاه محل ما إمشي ...
|
Post: #31
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 08:54 PM
Parent: #30
Quote: لكن الشئ المحير إنو ناس حزب الأمة أكتر ناس بهللو و إكبروا وما ليهم أي وجود في الشارع
|
الاخ ابو حسين هل يمكنك أن تأتي لي بأي احصائية تحدد حجم وجود حزب الامة في الشارع
|
Post: #32
Title: Re: مظاهرات بميدان جاكسون
Author: ABUHUSSEIN
Date: 10-11-2011, 09:02 PM
Parent: #31
| Quote: الاخ ابو حسين هل يمكنك أن تأتي لي بأي احصائية تحدد حجم وجود حزب الامة في الشارع |
أنا ما عندي إحصائية يا كونت و إنت ما عندك إحصائية
لكن إنت جيب لي تصريح واحد لي أي واحد من حزب الأمة يدعوا جماهير حزب الأمة للخروج إلى الشارع
سيبك من الناس الكباااااااااااااااااار ديلك.... إنت دا عبدالمجيد الكونت وجه نداء لي ناسكم علشان إطلعوا الشارع...
بكره دي لو الحكومة دي سقطت ناسكم بشلوا السيوف و الحراب بي جلاليبهم المرقعة ديك تلقاهم في الشارع
يا كونت الفلم دا شفناه قبل كدا أكتر من مرة.......
|
Post: #35
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 09:19 PM
Parent: #32
Quote: أنا ما عندي إحصائية يا كونت و إنت ما عندك إحصائية
|
انا عندي احصائية واعرف حجم حزب الامة تماما
واعرف لماذا يطلب المؤتمر الوطني ودي ويعرض علي 50% من سلطته لاشاركه في شموليته ... اما انت اذا كنت لا تملك أي احصائية فما كان لك ان تحدد لي حجمي والحديث في مثل هذه الاشياء ان لم يدعم بالارقام والنسب والمقارنات يكون مجرد حديث ...اظن ان البوست خبري وهذا ليس مكانه .......
باقي الكلام اسطوانة مشروخة يرددها من يريد ولا تستحق الرد مني
|
Post: #38
Title: Re: مظاهرات بميدان جاكسون
Author: ABUHUSSEIN
Date: 10-11-2011, 09:26 PM
Parent: #35
Quote: انا عندي احصائية واعرف حجم حزب الامة تماما
واعرف لماذا يطلب المؤتمر الوطني ودي ويعرض علي 50% من سلطته لاشاركه في شموليته ... اما انت اذا كنت لا تملك أي احصائية فما كان لك ان تحدد لي حجمي والحديث في مثل هذه الاشياء ان لم يدعم بالارقام والنسب والمقارنات يكون مجرد حديث ...اظن ان البوست خبري وهذا ليس مكانه ....... |
يا كونت عندك إحصائية بي عدد الأنصار اللي طلعوا في مظاهرات اليوم ...؟؟؟؟؟؟
يا كونت نحن كلامنا عن المظاهرات و إذا عندك إحصائية بيها هات و خلينا نتناقش لو ما عندك إبقى خليك زينا كدا إتفرج... و بس
حكاية إنو إطلعوا النساء و الأطفال و إضربوهم ناس الشرطة و إعتقلوهم و إنتو تجعجعوا لكسب سياسي على حسابهم دي شينة شديد
|
Post: #44
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 09:56 PM
Parent: #38
Quote:
يا كونت عندك إحصائية بي عدد الأنصار اللي طلعوا في مظاهرات اليوم ...؟؟؟؟؟؟
|
انت قلت حزب الامة في الشارع لاحجم له ومدادك لم يجف حتى الان وانا رددت لك .... الم تقرأ أول مداخلة فُتح بها البوست ...هل قلت انا حزب الامة اخرج المظاهرة حتى تقول انك تقصد مظاهرة اليوم
Quote:
حكاية إنو إطلعوا النساء و الأطفال و إضربوهم ناس الشرطة و إعتقلوهم و إنتو تجعجعوا لكسب سياسي على حسابهم دي شينة شديد |
انا من طجكستان ولا جنسيتي مكتوب عليها حزب الامة ما السودان ولا المرقوا ديل شعب جزر القمر ما شعبي
راجع البوست كله هل تبنى حزب الامة المظاهرة وهل انا كتبت كلمة تشير الى ان حزب الامة وراء المظاهرة ...
باقي السفسطة حول موت النساء وشينة مننا وغيرها ارى انها اسقاطات نفسية منك فقط لموقفك من حزب الامة ....في تقديري سترجع لك وليس حزب الامة
|
Post: #46
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 10:36 PM
Parent: #45
Quote: وليه (إ)يعتقلوهم و(إ)يضربوهم
|
في قانون ابو حسين هذا امر عادي لا يستحق الادانة ومن يكتب عنه يبحث عن كسب سياسي ..... شفت الدنيا دي كيف يا الشايقي
|
Post: #33
Title: Re: مظاهرات بميدان جاكسون
Author: عمر ادريس محمد
Date: 10-11-2011, 09:05 PM
Parent: #31
يا صانع التاريخ
يا شعبي الذي سحق الظلام
المجدُ لك
ما ازهرت في الارض الوانُ النضال
البزل لك
ما صوّت الداعي ينادي يا رجال
الخُلد لك
يا صارم القسماتِ يا حي الشعور
يا شعب اصبح مرجلاً يغلي
وبركانًا يفور
|
Post: #34
Title: Re: مظاهرات بميدان جاكسون
Author: معاوية عبيد الصائم
Date: 10-11-2011, 09:13 PM
Parent: #33
Quote: وطننا حبيبنا رغم البيك هي الاشواق وشوقنا اليك يظل دفاق
|
وطن للجميع يا حبيب تحياتى
|
Post: #37
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 09:22 PM
Parent: #34
Quote: لكن إنت جيب لي تصريح واحد لي أي واحد من حزب الأمة يدعوا جماهير حزب الأمة للخروج إلى الشارع
سيبك من الناس الكباااااااااااااااااار ديلك.... إنت دا عبدالمجيد الكونت وجه نداء لي ناسكم علشان إطلعوا الشارع... |
راجع مداخلاتك معي فقط خلال الاسبوع الماضي
|
Post: #36
Title: Re: مظاهرات بميدان جاكسون
Author: الفاتح سليمان
Date: 10-11-2011, 09:22 PM
Parent: #1
احداث جنوب كردفان
النيل الازرق
دارفور
المناصير
القضارف
بري
الثورة
المسعودية
ميدان جاكسون
اعتقالات
انهيار مفاوضات مع التنظيمات السياسية
انهيار الاقتصاد وارتفاع الاسعار
احداث سنار الجامعة
احداث جامعة الجزيرة وعنف الاسلاميين ضد الطلاب وانسلاخ عدد من عضويتهم هناك
تجميد الدراسة والاضراب
كل ما ذكر لا يعني شي بل مزيدا من العنجهية والتعالي والغرور
كل ما ذكر تم نفيه هنا في بوست وذكرا في بوست
احضرت صور ولكنها مزيفة او ان تاريخها غير سليم -
لو كنت من جماعة اللصوص لحزمت امتعتي تحضرا للهروب واظنهم قد فعلوا.....
العاقل من اتعظ بغيره فكم مرة انكر امن حسني وحزبه واستخباراته انها مجموعة شباب وقلة منهم
وكيف حاربت كل ادوات وقنوات الاعلام الثورة المصرية علي المستوي العالمي والمحلي في مصر
ولكن الحقيقة انتصرت ...
تحرك السودان ليس كغيره انه بطبيعته وبخصوصيته السودانية البحته
مزيد من الغرور يا كيزان تساعد في كنسكم قريبا الي مزبلة التاريخ...
|
Post: #39
Title: Re: مظاهرات بميدان جاكسون
Author: عبدالمجيد الكونت
Date: 10-11-2011, 09:27 PM
Parent: #36
التحية لكل مؤمن بخلاص هذا الوطن
التحية لكل من مر بهذا الخيط
والتحية من قبلهم ومن بعدهم لمن يصنعون التاريخ الان في وطني
|
Post: #41
Title: Re: مظاهرات بميدان جاكسون
Author: Mustafa Mahmoud
Date: 10-11-2011, 09:43 PM
Parent: #39
https://www.facebook.com/groups/165502206870196/
تحالف شباب قوس قزح لاسقاط النظام
تحالف من اجل الديمقراطية والحرية وثورة الشعب لتحرير الشعب من ايدى النظام الظالم
تحالف من اجل الجميع يضم كل الشرفاء الاحرار من اجل تحرير الوطن
يدعوكم الى الانضمام الية من اجل ثورة الشعب وعاش كفاح الشرفاء
قروب جديده تكونت يوم 06/10/2011
اننا نوجه الدعوة الدعوة لكل الشرفاء السودانين من أجل العمل الجاد لاسقاط نظام الانقاذ و اعادة الحرية والديمقراطية للوطن عن طريق تعبئة الشارع على الثورة الشعبية العفوية المستلهمة من تجربتي تونس ومصر..
الكل مدعو ون للانضمام لل قروب
والاشتراك في عملية التعبئه لاسقاط نظام الانقاذ
|
Post: #42
Title: Re: مظاهرات بميدان جاكسون
Author: طارق ميرغني
Date: 10-11-2011, 09:52 PM
Parent: #41
اخي الكونت
رغم التهديد والوعيد من النافع وغير النافع
ستستمر المسيرة والانتصار في النهاية للشعب
مهما طال الزمن
|
Post: #48
Title: Re: مظاهرات بميدان جاكسون
Author: أسامة عبد الجليل
Date: 10-11-2011, 11:30 PM
Parent: #42
إسقاط النظام واللحاق بربيع ثورات الشعوب العربية هو الحل الناجع للتخلص من سلطة الفساد والقهر
الوقوف ضد جبروت النظام الفاسد أضحى فرض عين على كل مواطن ومواطنة يتطلع إلى الحياة الحرة الكريمة
إلى جماهير الشعب السوداني الأبية:
نحييكم تحية النضال ونهنئكم بنسائم أكتوبر المجيد وبشريات التغيير التى أطاحت بالدكتاتورية العسكرية قبل ما يقارب الخمسة عقود ونتمنى أن يكون إحتفالنا بثورة أكتوبر هذا العام هو نفخ الروح في التاريخ لتنهض الثورة من صبر شعبنا ومعاناته إلى شوارعنا وحاراتنا لتنتظم صفا واحدا يعصف بجبروت سلطة المؤتمر الوطني الفاشية.
إن جماهير شعبنا التي قاست ويلات الحرب ومرارة الفقر وتردي الخدمات الضرورية من مياه وكهرباء وعلاج وتعليم وغيرها لقادرة على فهم معادلات الفساد البسيطة وهي ترى قيادات الدولة ومحاسيبهم من فئات الطفيليين يتطاولون في البنيان ويستعصمون بأموالهم التي إكتنزوها على حساب قوت الشعب وثرواته المنهوبة ومشروعاته الوطنية المستباحة.
لقد رأى ملتقى أيوا في مؤتمره الأخير المنعقد في ولاية نيوجيرسي أن إسقاط النظام واللحاق بربيع ثورات الشعوب العربية هو الحل الناجع للتخلص من سلطة الفساد والظلم. ونحن إذ نشدّ على أيدي بنات وأبناء شعبنا الذين بادروا بالخروج إلى الشارع منددين بسوء الأحوال المعيشية و متحدّين لسلطة القهر والفساد فإننا نهيب بكل القوى الوطنية لتتنادى من أجل التنسيق والتخطيط والدفع بأمواج الثورة الهادرة لتقتلع هذا النظام البغيض من جذوره وتؤسس لدولة تحترم خيارات الشعب وتعدده وتنوعه وحقه في الحياة الحرة الكريمة، وعلينا جميعا ألا نكتفى بالدعم والتضامن بل يجب أن نساهم فعليا فى قدح شرارة الثورة والوصول بها إلى نهاياتها الحاسمة.
يا جماهير شعبنا الصامدة:
إن الثورة لن تأتي إلى بيوتنا ما لم نخرج نحن لها ونوقد جذوتها، فالوقوف ضد جبروت النظام الفاسد أضحى فرض عين على كل مواطن ومواطنة يتطلع إلى الحياة الحرة الكريمة وما من قبضة أمنية مهما عظمت بقادرة على قمع إرادة الشعوب إذ تنتفض عزلاء إلا من إيمانها بالتغيير .فلنجعل الهدف واضحا وجليا ومحددا وهو إسقاط هذا النظام ولنسهر على حماية بعضنا ولنتخذ مواقعنا في مقدمة قوى التغيير فالذي نحن بصدده ليس ثورة الجوع والفاقة بل هى ثورة الكرامة لهذا الشعب الصابر العظيم.
يا جماهير شعبنا البطلة:
إن ملتقى أيوا حين يطلق نداء الثورة يهيب بالوطنيين من أبناء وبنات الشعب منتسبي القوات النظامية وبالأخص منتسبي أجهزة الشرطة أن ينضموا إلى صفوف أهلهم الكادحين وأن ينحازوا إلى همومهم ومعاناتهم وأن يكفوا أيديهم عن البطش بالشباب الثائر وأن يحموا ثورة الشعب بإعتبارهم فصيل مهم من فصائل الثورة وأصحاب مصلحة حقيقية في التغيير.
المجد لشباب الثورة وطلائعها الفتية..
الخزي والعار للنظام الذي قسّم الوطن وسرق ثرواته..
عاش نضال الشعب السوداني..
ملتقى أيوا للتحول الديمقراطي
الولايات المتحدة الامريكية
أكتوبر 2011
بيان من ملتقى أيوا إلى جماهير الشعب السوداني
|
|