Post: #1 Title: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 10:39 AM
قرأت هذه العبارة ( الرجال ماتوا في تايتنك) في أكثر من موقع وسمعتها في عدد من المجالس وكانت ومازالت تقال لتصوير وتأكيد شهامة ونخوة الرجل الذي يموت من أجل المرأة .. من وجهة نظري دا إبتذال للمشاعر وإختزال للعاطفة لا يصدقه إلا المراهقين بيد أنه ما في رجال ماتوا في تايتنك ولا يحزنون ولا يجب الإقتداء بمشهد بطل الفيلم الشهير (تايتنك) الذي يموت بردا وهو ممسك بيد حبيبته الممدة على قطعة خشب وسط البحر بعد غرق السفينة تاتينك .. يتبع ..
Post: #2 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 10:53 AM Parent: #1
البطل في الفلم مات من أجل حبيبته وليس من أجل المرأة وإلا لما ترك كل النساء المتواجدات في السفينة الغارقة وشاهد الكثيرات منهن يغرقن ويدقن عنقهن من علو أمام ناظريه لحظة غرق السفينة في حين كان هو (يتزاوغ ) ممسكا بيد حبيبته الفاتنة متفاديا سقوطهن عليه . الحقيقة أن البطل ضحي من أجل حبه وليس من أجل المرأة فلا تقتدوا به أيها الرجال..
Post: #3 Title: Re: الرجال ماتوا في تايتنك .. كضبا كاضب Author: عبد اللطيف بكري أحمد Date: 10-11-2011, 11:12 AM Parent: #2
Quote: الحقيقة أن البطل ضحي من أجل حبه وليس من أجل المرأة فلا تقتدوا به أيها الرجال
والله يا أستاذ طلحة الواحد إكتشف إنو (مبارات) كرة السودان أخفت مننا كثير من المواهب كان ممكن تفيد الناس،،
أكتب ياخ وخلينا من ناس البرير والحضري ،،
وبعدين ماتسمع لي كلام الحريم ومناداتهن بالرومانسية ،، والله تنسى ليك دا كلو في لحظة:
كدي شوف ديل،،
Post: #4 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 03:23 PM Parent: #3
سلامات يا عبد اللطيف وتقدير بصراحة زهجت وروحي بقت في حلقومي من محن واحن وبلاوي الكورة السودانية المنكوبة الموجوعة بشوية أرزقية جاثمين على صدرها وكاتمين انفاسا .. قلت كدا امرق لي برة ألقط وبصراحة كدا لقيت الكلام بتاع تايتنك دا وقلت أنظر فيهو كسرا لروتين المرض الإسمو كورة دا .. لكن لقيتك مجامل من الطراز الأول ياخ وما أظن البوست دا ينم عن أي موهبة لا مدفونة ولا عائمة كونه مجرد هترشة وملى وقت بس . كل الود يا زول جميل وشكرا لجلبك الضحكة بتاعت عمك أبراهيم ود نصر .
Post: #5 Title: Re: الرجال ماتوا في تايتنك .. كضبا كاضب Author: صبري طه Date: 10-11-2011, 03:30 PM Parent: #4
Post: #6 Title: Re: الرجال ماتوا في تايتنك .. كضبا كاضب Author: صبري طه Date: 10-11-2011, 03:34 PM Parent: #5
Quote: طلحة عبدالله كتب: البطل في الفلم مات من أجل حبيبته وليس من أجل المرأة وإلا لما ترك كل النساء المتواجدات في السفينة الغارقة
أعتقد لو كان بإمكانه إنقاذ كل من السفينة لفعل ذلك !!!
Post: #7 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 03:41 PM Parent: #6
Quote: أعتقد لو كان بإمكانه إنقاذ كل من السفينة لفعل ذلك !!!
اها بس عرفتو كيف كان يمكن يعمل العملية الكريمة دي؟ ياخ تغالط الزول في نفسو ذاتو .
Post: #8 Title: Re: الرجال ماتوا في تايتنك .. كضبا كاضب Author: صبري طه Date: 10-11-2011, 03:49 PM Parent: #7
Quote: طلحة كتب: اها بس عرفتو كيف كان يمكن يعمل العملية الكريمة دي؟ ياخ تغالط الزول في نفسو ذاتو .
بمناسبة الغلاط أنا منتظر ردّك بي غادي ...
Quote: أعتقد لو كان بإمكانه إنقاذ كل من السفينة لفعل ذلك !!!
أعتقد دي معناها شنو يا طلحة ؟!
ـــــ يعني عادي جداً صاحبك يعمل نايم وما يعمل باعتقادي أنا
Post: #9 Title: Re: الرجال ماتوا في تايتنك .. كضبا كاضب Author: صبري طه Date: 10-11-2011, 03:52 PM Parent: #8
ثمّ أحمد ربّك إنّك لقيتني أشيل وأرفع ليك في البوست ...
ــــــ يا كافي البلا ولا جكساية واحدة ما هببتو ليك البركة في أخونا عبداللطيف بكري الكايس ليهو تايتنك لفريق برشلونة
Post: #10 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 04:01 PM Parent: #9
يا صبري طه منتظري بى غادي وين ؟؟؟؟؟ وبعدين ياخ من متين الجكس قاعد يدخل بوستاتي ؟؟ ما حصل عليك الطلاق إلا للشديد القوي وأنا ذاتي ما منتظر دي .. لكن من ناحية البوست باير فدي معاك حق فيها .
Post: #11 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 04:01 PM Parent: #9
يا صبري طه منتظري بى غادي وين ؟؟؟؟؟ وبعدين ياخ من متين الجكس قاعد يدخل بوستاتي ؟؟ ما حصل عليك الطلاق إلا للشديد القوي وأنا ذاتي ما منتظر دي .. لكن من ناحية البوست باير فدي معاك حق فيها .
Post: #12 Title: Re: الرجال ماتوا في تايتنك .. كضبا كاضب Author: محمد البشرى الخضر Date: 10-11-2011, 04:01 PM Parent: #7
Quote: لكن لقيتك مجامل من الطراز الأول ياخ وما أظن البوست دا ينم عن أي موهبة لا مدفونة ولا عائمة كونه مجرد هترشة وملى وقت بس .
اكيد .. اكيد موهبة شنو كمان يا تنظير مدفونة ولاّ مجدوعة في راس بيت بس بعجبني فيك عارف امكانياتك وقدراتك وما غاشي روحك
Post: #13 Title: Re: الرجال ماتوا في تايتنك .. كضبا كاضب Author: خالد عبد الله محمود Date: 10-11-2011, 04:08 PM Parent: #7
الواحد لمن يكون ما رومانسي بتعب الناس معاهو تعب شديد ...
غايتو خسارة الزمن الضيعو ود البشري في تثيقفكـ سينمائياً
Post: #14 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-11-2011, 04:13 PM Parent: #13
جرجير العواليق ياخ متين قلت أنا تاج السر الملك واللا عبد الاله زمراوي ؟
أبو الخلد ازيك يا بطل
Post: #15 Title: Re: الرجال ماتوا في تايتنك .. كضبا كاضب Author: عبد اللطيف بكري أحمد Date: 10-11-2011, 05:07 PM Parent: #14
Quote: يا كافي البلا ولا جكساية واحدة ما هببتو ليك البركة في أخونا عبداللطيف بكري الكايس ليهو تايتنك لفريق برشلونة
الآيباد صعب في نقل الفيديو ، لكن عليك الله ( حلفتك) ، نزل لينا فيديوهات التالية اسماؤهم وهم تايتنك الموسم القادم لما يتلاشي اكسافي: Neymar de silva
Eden Hazard
Nouri Sahin
Mario Gotze
ثلاثة منهم وقعوا فعلياً للريال وباقي سيوبرماريو الاخير دا،،
ديل معاهم رونالدو وكاكا واوزيل وبنزيما،،
بنلقى ليهم خانات ماعليك،،
........
طلحة والله كورة السودان لو صادفت مباراة بين ملقا وختيافي لا اعيرها انتباه،،
الحكاية كورة وفن ومتعة ولا اكتواء بسبة الوطن؟؟؟
Post: #16 Title: Re: الرجال ماتوا في تايتنك .. كضبا كاضب Author: صبري طه Date: 10-11-2011, 05:13 PM Parent: #15
لك التحية أخي عبداللطيف ...
بالنسبة لرحلة إسبانيا بأعتذر لأني مرتبط برحلة أمريكا مع حبيبنا محمد عبدالماجد الصايم للمزيد من المعلومات قم بزيارة الرابط التالي: اللوتري 2013 ..... مرحبا بالجميع
Quote: الآيباد صعب في نقل الفيديو ، لكن عليك الله ( حلفتك) ، نزل لينا فيديوهات التالية اسماؤهم وهم تايتنك الموسم القادم لما يتلاشي اكسافي: Neymar de silva
Eden Hazard
Nouri Sahin
Mario Gotze
ثلاثة منهم وقعوا فعلياً للريال وباقي سيوبرماريو الاخير دا،،
ديل معاهم رونالدو وكاكا واوزيل وبنزيما،،
طيّب يا حبيبنا ... الوقعوا ولسة ما لعبوا ديل خلّيهم ...
الوقّعوا زماااااااان عملوا شنو ... (رونالدو - كاكا - بنزيمة - أوزيل ... إلخ من القائمة الطويلة) ؟
ـــــــ نيمار كان سيبدع إذا انضم للبارسا:
Eden Hazard
Nouri Sahin
Mario Gotze
ــــــــ
Post: #17 Title: Re: الرجال ماتوا في تايتنك .. كضبا كاضب Author: محمد البشرى الخضر Date: 10-11-2011, 05:51 PM Parent: #16
Quote: ياخ متين قلت أنا تاج السر الملك واللا عبد الاله زمراوي ؟
لا عليك الله أحسن تقول
Post: #18 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-12-2011, 09:48 AM Parent: #17
عبد اللطيف
Quote: طلحة والله كورة السودان لو صادفت مباراة بين ملقا وختيافي لا اعيرها انتباه،،
أما أنا فلو صادفت هذه المرض مباراة في الكريكيت بين الهند وباكستان لتابعت الأخيرة وعملت نايم من الأولي . دي حاجة كدا اوانطة بلا تضيع وقتنا الغالي وتهرد فشفاشنا وتعمل لينا إشقدي في الأعصاب ما قاعدين نطلع منها بى حاجة .. محروقة بى جاز ياخ .
Post: #19 Title: Re: الرجال ماتوا في تايتنك .. كضبا كاضب Author: داليا الكباشى Date: 10-12-2011, 10:11 AM Parent: #18
الله يديك العافيه يا طلحه ويكتب ليك في كل خطوه سلامه ويديك الفي مرادكـ .. وتاني شنو ياربي ؟ :) طبعا الفيلم دا كان جميل في وقتو , انا حبيتو جدا لمن طلع , وكانت نظرتي ليهو (وما زالت) انو فيلم دوكيمنتري في غلاف رومانسي جذاب ,, لكن للأسف , مع كترت الاستهلاكـ , بقى ضرب من ضروب العواره والاستهبال :(
سيلين ديون مافيها كلام طبعا :) أنا وعبداللطيف البكري داا عندنا معاها حنين من نوع خاص :) لكن الفي جاكـ أبو خشبه اتعرفت :) وسمعتا انو في جزء تاني من من (تايتانيك) حاتعرض قريب عنوانو (جاك از باك) حايضرب الفكره الرومانسيه كولها القام عليها الجزء الاول وحايطلع ما مات ولا شي , بل انو روز هي الحاتمووت يعني لا ماتوا في تايتانيكـ ولا طياره (على قولت عماد عبدالله)
على صعيد اخر : في (مولد) كان فايتكـ
التوقيع : جكسويه مداومه على قراءه بوستات طلحه ومن أشد المعجبين به
Post: #20 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-12-2011, 10:24 AM Parent: #19
Quote: التوقيع : جكسويه مداومه على قراءه بوستات طلحه ومن أشد المعجبين به
جكسوية ودكتورة كمان وإيم الحق أنها لقاضية وقعت كالزلزال على نوافيخ الحاسدين الحاقدين من لدن صبري غلاط وجرجير الملقب بود البشري .. أنا عاجز شديد جدا والله عن الشكر يا زميلة تامبا في البورد أو الدكتورة داليا(أيهما أحب ) .
Post: #21 Title: Re: الرجال ماتوا في تايتنك .. كضبا كاضب Author: عبد اللطيف بكري أحمد Date: 10-12-2011, 10:45 AM Parent: #19
1- والله ياصبري طه مشكور ياخ ، بس كان تتم جميلك وتقول رايك فيهم،،
2- لو قافل على موضوع السفر لأمريكا ، أجل دور على واحد حظو حلو وخلي المعاك دا ، بدون ذكر أسماء،،
3- ياطلحة : بعد نمزق فاتورة الكورة السودانية نجي مع بعض على السياسة السودانية!! (أكبر همين توأم في العالم)
4- يادكتورة داليا أزيك ، ومن سيلين ديون تحولنا إلى (انسلين وديون، ههههه) ،عافاك الله!!
بوست دمو خفيف!!
Post: #22 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-12-2011, 11:18 AM Parent: #21
يا عبداللطيف :
Quote: ياطلحة : بعد نمزق فاتورة الكورة السودانية نجي مع بعض على السياسة السودانية
كان كدا احسن تخلينا في التيوة دي .. لا اتعاطي السياسة وأنا مقدم على الأكل (بطني بتطم) وبالضرورة وأنا بأكل ( بستفرغ) ولا مؤاخذة .. ولا أنا سعيد ( يومي بتقلب هم ) ولا أنا حزين ( آلامي بتزيد) السياسة بالنسبة لي بالوعة نتنة تطفح بكل قذارة الدنيا .
Post: #23 Title: Re: الرجال ماتوا في تايتنك .. كضبا كاضب Author: ALZOLZATOO Date: 10-12-2011, 11:38 AM Parent: #22
الاخ طلحة وضيوفه وجكسه الكرام
غايتو لو الشغلانة ماتمثيل انا في راي انو ارجل ناس في التايتنك هم عازفي الكمان ياخي ديل بيعزفوا لحدي ما العريس غرق في شهر العسل
تحياتي
زاتوووو
Post: #24 Title: Re: الرجال ماتوا في تايتنك .. كضبا كاضب Author: طلحة عبدالله Date: 10-12-2011, 11:50 AM Parent: #23
تحياتي الزول ذاتو
Quote: ارجل ناس في التايتنك هم عازفي الكمان
والله صدقت خالص ورغم أنو دي فاتت على لكن لا أملك إلا أن أقول ليك كما ظل يقول فلان دائما وأبدا : خطفتها من كيبوردي ..
Post: #25 Title: Re: الرجال ماتوا في تايتنك .. كضبا كاضب Author: وليد عبد اللطيف Date: 10-12-2011, 12:05 PM Parent: #23
Quote: سلامات يا عبد اللطيف وتقدير بصراحة زهجت وروحي بقت في حلقومي من محن واحن وبلاوي الكورة السودانية المنكوبة الموجوعة بشوية أرزقية جاثمين على صدرها وكاتمين انفاسا .. قلت كدا امرق لي برة ألقط وبصراحة كدا لقيت الكلام بتاع تايتنك دا وقلت أنظر فيهو كسرا لروتين المرض الإسمو كورة دا ..
ياود البشرى .... سلامات ياخي صاحبك طلحة الليله ذكرني نقد الكوتش قالو : مره جماعة اصحابو ساقوهو السينماء عشان يبطل كلام الكورة ويشوف فلم قالوا دي طبعا افضل فكرة عشان يسكتوهو بيها يازول مع بداية الفلم البطل ظهر صاحبك نقد الكوتش وقف وقال : بالله شوفو البطل دا بيشبه المدرب استاروستا كيف . . صاحبك طلحة تاني رجع هنا لموضو ع الارزقية وقرب يستقل البوست لمواضيع رياضية اخرى ههههههههه علي بالايمان انتو احلى اتنين في المنبر دا ( توم اند جيري )
بالجنبة : عبد اللطيف بكري الفيديو بتاعك تحفة ياااااااااخ
