Post: #1
Title: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 09:35 AM
Parent: #0
(*) طه هنا يُقصد به (طه القرشي بتاع المطالعة)
يتبع على قول (طلحة)
|
Post: #2
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 09:37 AM
Parent: #1
إلى الفاتح النقر
هاردلك مقدماً...
يتبع
|
Post: #3
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 09:42 AM
Parent: #2
إلى سادومبا..
إحراز الأهداف في دور الأربعة ليس غريباً عليك..
فقد فعلتها أمام مازيمبي وخارج الديار..
حاول تحرز قون واحد إن شاء الله..
وإلا .. فطريق أمات طه يفوِّت جمل..
ما تجي حانف وشَّك وعايز الراتب والامتيازات..
لأن البرير قد سبقك إلى طريق هؤلاء الأمهات الفضليات..
يتبع
|
Post: #4
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 09:46 AM
Parent: #3
إلى المعز محجوب..
حاول تبطل العوارة البتسوي فيهادي..
عموماً .. تبشرك النجوم بمفاجأة ليست سارة في تونس..
هناك وصية خذها معك لما تكون ماشي لأمات طه
أوكي يا بطل؟؟
يتبع
|
Post: #5
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 10:02 AM
Parent: #4
سيف مساوي..
توقع أن يدخلك الفاتح النقر في
واحدة من أسوأ نظرياته..
أعمل حسابك..
قد تتعرض لإصابة تبدو مزعجة إذا أصر النقر
على الاحتفاظ بك في المركز الذي يخدم نظريته
حاول (تزوغ) وتكابس من هنا ومن هنا ..حتى يقضي الله أمراً كان مفعولاً..
وإلا..
الشافك راكب ركشة وشايل أمات طه في مشوار
ماااااااا كضَّبْ...
يتبع
|
Post: #6
Title: Re: الألتحاق بأُمَّات طـــه
Author: أبوعبيدة محمد الأمين
Date: 10-11-2011, 12:57 PM
Parent: #5
غايتو مريخاب حاقدين بشكل لكن...........
ناس ماعندكم وطنية خااااااااااالص
بطريقتكم دي يوم بتكتلوا ليكم زول
الهلال لاخوف عليه إن لجأ الترجي للملاكمة
فرئيسه فارس لايشق له غباااااااااار
ولو مغالطنا اسأل الحكم الجزائري
لكن آه آه التي تزود الآلام ديك شفتها؟
كلو من المسيكني الله يديه الصحة
سؤال: وين ياجميل ياسيد الذكرى؟
|
Post: #7
Title: Re: الألتحاق بأُمَّات طـــه
Author: abas
Date: 10-11-2011, 01:32 PM
Parent: #6
عك
طاة سنة 64 ليكم سنة ما فتو ليكم فريق زائر مساسكتكم بس مع الحضري جاء ولا ما جاء الحضري مالو
وما عندكم لعيبه زاتو عشان تنصهم
تقول يا موسي الزومه دردق الكوره ولا يا السعودي اقفل خشمك تقول شنو زاتو ماك عارف
|
Post: #9
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 05:05 PM
Parent: #7
Quote:
عك
طاة سنة 64 ليكم سنة ما فتو ليكم فريق زائر مساسكتكم بس مع الحضري
|
أحتاج ترجمة...
شكراً يا عباس ... ولو أن مداخلتك تبدو موغلة في السريالية تماماً كصرخات دروايش الحضرة في حالات الجذب..
عموماً حبابك..وفريقك فعلاً لحق أمات طه..
يتبع
|
Post: #15
Title: Re: الألتحاق بأُمَّات طـــه
Author: abas
Date: 10-11-2011, 05:35 PM
Parent: #9
هاهاهاهاهاهاها
والله انا زاتي غلبني اقراها
قلت ليك طلعتو من دور ال 64 وعاوزين تتكلمو في الاسياد
طيب لو ديل ما لعيبه الطلعو بدري يكونو شنو من قولت تيت الفيكم اتعرفت
تحياتنا يا منقه
|
Post: #8
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 04:58 PM
Parent: #6
أبو عبيدة...أيها المريخابي الرصين...
حبابك والله...وشكراً على الإطلالة وتجاذب أطراف الحديث عبر وسيط آخر..
ونأسف لانقطاع تلك المؤانسة لظروف العمل ، اضطررت للخروج دون استئذان..
تعرف جيداً ما نمر به من ظروف مكابدة الرزق في الزايلة دي..
خوفاً من لحاق أمات طه في سوق عمل جابرنا عليهو الجابرنا...
أها...
نواصل وخليك متابع
|
Post: #10
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 05:09 PM
Parent: #8
عمر بخيت...
حاول ألعب بعقل حتى لو غاب هيثم...
لا تتهور في العنف..
لأني أرى طردك بالبطاقة الحمراء في حالة مشاركتك ...
وفي الحالتين شنو؟؟
أمات طه منتظراتنك في مشوار ضروري خالص
نتابع
|
Post: #11
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 05:13 PM
Parent: #10
أتير توماس يا غالي...في ريدك كم بغالي...
أجتهد فأنت أفضل المحترفين (الأجانب) في الهلال...
أما وقد آن لفريقك أن يلحق بأمات طه...
فإن النجوم تبشرك بمستقبل غامض هناك في الديار...
فشنو؟؟
حاول كلم الوالي يجاسف ليك طريقة..
نواصل..
|
Post: #12
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 05:17 PM
Parent: #11
مدثر كاريكا...
سرعتك لن تجدي فتيلاً مع التوانسة..
ببساطة لأنهم حرفاء..
يعني الواحد فيهم ممكن يسحب منك الكورة وإنت جاري بسرعة مية وعشرين..
لو ما عندك فرامل..حا تلقى نفسك في ليبيا...
وقد سبقك العقيد إلى حيث أمات طه..
أعمل حسابك وخليك عاقل...طيب؟؟
يتبع..
|
Post: #13
Title: Re: الألتحاق بأُمَّات طـــه
Author: أسامه الكرور
Date: 10-11-2011, 05:25 PM
Parent: #12
متابعين بشغف
مادام بتقرأ الأبراج وحظك اليوم .. بالله شوف لينا بالمره الواحد لو مشى يشرب مويه ورجع .. بلقى الكوره كم ؟؟؟؟
عشان لو الحكايه شينه نقعد بى عطشنا لما تنتهى الكوره
|
Post: #14
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 05:31 PM
Parent: #13
أسامة يا حبيب..
النجوم تنصحك بتحضير الموية والشاي والقهوة في متناول يدك
كما تنصحك باستعمال أواني بلاستيكية مطاطة..
لأنك غالباً ما تضطر لرمي التلفاز بالكوب الذي في يدك إن كنت هلالابي...
وحيث أن لغتك صفوية وجميلة...
فترقب استلام بطاقة دعوة من صديق عزيز بصحبك في مشوار
عزاء الجماعة بمنزل الجماعة الكائن بأمات طه شمال..
يتبع..
..
|
Post: #16
Title: Re: الألتحاق بأُمَّات طـــه
Author: أسامه الكرور
Date: 10-11-2011, 05:39 PM
Parent: #14
أضحك الله سنك
| Quote: لأنك غالباً ما تضطر لرمي التلفاز بالكوب الذي في يدك إن كنت هلالابي... |
تلفزيونى الحبه دى ما بتجيهو .. أرقد قفا
Quote: وحيث أن لغتك صفوية وجميلة...
فترقب استلام بطاقة دعوة من صديق عزيز بصحبك في مشوار
عزاء الجماعة بمنزل الجماعة الكائن بأمات طه شمال..
|
وحيث أنى أؤمن بما كتبت
فسأقوم بتجهيز الجلابيه والعمه والمركوب .. والمناديل ... لزوم العزاء وكده
|
Post: #17
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-11-2011, 09:07 PM
Parent: #16
أها ...نواصل...
خليفة....
حكايتك شنو بالضبط؟؟
حاول تحدد موقفك...
مهاجم إنت ولا مدافع؟؟
النجوم لا تفهم موقفك...
عملت ليها طشاش...
فشنو؟؟
شيل معاك سندوتشات لأمات طه... طيب؟؟
يتبع..
..
|
Post: #18
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-12-2011, 09:32 AM
Parent: #17
نواصل قراءة (الطالع)..
أتوبونج..
شقيق كل من بينغ بونج
وأبن عم أبناء هونغ كونج..
دو يو نو وات هابيند تو تاها ماذرز؟
بليز جوين ذيم كويكلي..
|
Post: #19
Title: Re: الألتحاق بأُمَّات طـــه
Author: khaleel
Date: 10-12-2011, 09:57 AM
Parent: #18
UP
MUSHTAGEEN
I LIKE TAHA MOTHERS
|
Post: #20
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-12-2011, 10:17 AM
Parent: #19
الحبيب الجميل جداً خليل..
كيفك يا باشمهندس ياخ..
بالنسبة للأشواق وكدا...
سائلين عليك الليل ونجمو..
وأسأل مشاعرك عن هوانا..
النجوم تعترف بأنك واحد من أميز وأفضل
من يتناولون الشأن الهلالي
المناكفات والمداعبات اللطيفة هي فاكهة مجالس
السودانيين.. علماً بأنه البلد ما فيها كورة ولا حاجة..
ترانا بنـ (تونس) ونسة ساكت..
لأمات طه معزة خاصة في الموروث الكروي بسم الله الثقافي السوداني
وكفى بالموت واعظا..
محبتي التي تعلم.. ولسه عايزين مساعدتك في دعم فني خاص جداً..
محمود
|
Post: #21
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-12-2011, 07:17 PM
Parent: #20
علاء الدين شلاليت ولَّ شلاليف ما عارف...
عاين...
النجوم مستغربة خالص من حكاية إصاباتك المتكررة دي...
الشي إنت بتضرب الخصم وتضرب روحك معاهو؟؟
تقترح النجوم تحويلك إلى منشط ألعاب القوى بالنادي
أوعا تكون صدقت المكنة بتاعة الاحتراف الخارجي وفييرا؟؟؟
والنجوم ميتة بالضحك هسي...
نرجو إبلاغنا بموعد مغادرتك إلى أوروبا
هناك شقة مملوكة لأمات طه ..عشان نديك العنوان تتكل فيها التكيلة الياها..
.. يتبع.. ..
|
Post: #22
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-13-2011, 01:47 PM
Parent: #21
بكري المدينة...وديل إيديا..
وآآآآآآآآهــ يا يمة...لسه بخوض في بحر التيه...
والله أبوبكر كاكي لو خلى الحسادة وعزمك معاهو...كنت تضوق ليك تتويج في حياتك دي
قبال ما تلحق مين؟؟؟؟
أمات طه...
.. يتبع...
..
|
Post: #23
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-15-2011, 08:05 AM
أهاااااااااا...نجي لمنو يا شطار؟؟
الكابتن هيثم مصطفى..سيدا والله
سيدا وسيد أسيادا زاتم...
النجوم تقول لك بوضوح شديد:
"كن في يومك يا هيثم..كن حاضر الذهن..
أكثر من تمريراتك الذكية..فأنت من سيقود الهلال
إلى التأهل للمباراة النهائية"..
أو إلى حيث تتوسد أمات طه ميامنهن في انتظار النفخة..
يعني النقر ممكن يلعب بسبعة دفاع..وهيثم وعمر في الوسط ومهاجم واحد بس..
الدفاع يكون عامل شكل "المنقلة" بتاعة علبة الهندسة ديك..
ومن فوق للقوس بتاع المنقلة يكون واقف عمر لقتاليته الواضحة..
ومن فوق ليهو مباشرةً "سيدا".. على أن تترك للمهاجم "السريع" حرية الجري
حتى لو بدون كرة ..وخلوا الباقي على سيدا..
هذا أو شنو؟
|
Post: #24
Title: Re: الألتحاق بأُمَّات طـــه
Author: أسامه الكرور
Date: 10-15-2011, 08:32 AM
Parent: #23
شنووووووووووووووو ؟؟؟
|
Post: #25
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-15-2011, 08:57 AM
Parent: #24
كااااااااااك.. يا أسامة..
شنو هو الـ"فشنووووووووووو؟؟"..
ياخي مالك داير تجيبلنا رقبة..
الميت خليهو اليموت غادي غادي..
ولا يعني حسادة منك ساي دايرنا ندفع دية؟؟
الليلة النجوم قالت كلام إيجابي ومتفائل..
فشنو؟؟ ما تعمل لينا طشاش..عندي أصحاب هلالاب كتار جداً
وحرصاً على أوضاعهم الصحية والنفسية..أتت النجوم على غير عادتها
بهذه القراءة لـــــ"الطالــع" برة..
|
Post: #26
Title: Re: الألتحاق بأُمَّات طـــه
Author: Mahmoud Mustafa Mahmoud
Date: 10-15-2011, 09:59 PM
Parent: #25
ما قصرتوا يا شباب....
في ذمة الله...
أها جايين تونسية ولَّ DHL ولَّ صحبة راكب زي ما تأهلتوا أوانطة ؟؟
إنا لله....
حبابكم والله...مثلتوا البلد في نصف النهائي...
سؤال أخير:
الفاتح النقر دا...مفتكر الشغلانة "كرتلة"؟؟؟
لعب بتنظيم صحيح..ولكن بأفراد غلط وتبديلات سخيفة...
ما يعمل فيها عارف اللعيبة...عرفة من متين؟؟
|
|