Post: #1 Title: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 06:25 AM
دروس وعبر من تاريخ السودان والسودانيين
في الانتفاض علي الظلم ..
والكلام ليك ياالمنطط عينيك
Post: #2 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 06:56 AM Parent: #1
لنا جد أسمه الامام محمد أحمد المهدي
أنتفض علي مستعمر يملك من السلاح ( بتقدير ذلك الزمن )
ما لم تمتلكه الجبهة الاسلامية الان وكان دافعه
تحرير ارضنا ..
Post: #3 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 07:26 AM Parent: #2
قاتل الامام المهدي الاستعمار معتمداً علي
اعتقاد السودانيين الراسخ في حقهم بأن
يحكموا انفسهم ، قابل المنجنيق بالسيوف
والايمان بالقضية وانتصر
Post: #4 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 07:30 AM Parent: #3
الشعب السوداني معلم الشعوب
أنتفض في اكتوبر 1964 وانجز
احد اضخم الملاحم بازاحة الحكم العسكري
وتواري عبود غير مأسوف عليه ، كان سلاح
العصيان المدني قشة قصمت ظهر حكومة عبود
Post: #5 Title: Re: ولما يطل في فجرنا ظالم ... تذكير للمشير Author: أيمن دياب Date: 10-11-2011, 08:12 AM Parent: #4
المشير حتى تاريخ الأمس يقول في البرلمان أن (السودان بخير).. والبلد موعودة (بالتنمية).. ونسعى جاهدين لـ (سد الفرقة).. التي خلفها الانفصال.. عن طريق الاتجاه للزراعة والتعدين.. يعني باختصار: أمين بخاري هو من سيجني ثمار هذا الخير.. اصبر ياخي.. أصبر لحدي ما (تهرم).. انت لسه شباب..
Post: #6 Title: Re: ولما يطل في فجرنا ظالم ... تذكير للمشير Author: قيقراوي Date: 10-11-2011, 09:06 AM Parent: #5
Quote: لنا جد أسمه الامام محمد أحمد المهدي
أنتفض علي مستعمر يملك من السلاح ( بتقدير ذلك الزمن )
ما لم تمتلكه الجبهة الاسلامية الان وكان دافعه
تحرير ارضنا ..
نذكر الان الآنَ جميع الشرفاء .. كل من خط على التأريخَ سطراً بالدماء
بتعرف المك نمر يا مشير!؟
المك ايقونة اباء الضيم ياخ!؟
المك :
سارقوا الدم في الروح والجتة يطلع فارس درويش يسارق الدم في الروح والجتة يلبس علي شكل الارض مرقع غابة وصحراء ونيل يسارق الدم في الروح و الجتة يملص درعوا في كرري يلبسو فارس بي كسكتة ويخطط اوردة الجسد النّور للنيل الوهج الازرق شارعين ومحطة وغيم رحال
غابت شمس الحق
يطلع مك من يات من حتة تشرق شمس العرس الغابت يمشي الحق ويخت الختّة ما لاقيت من غير الصارم ما لاقيت من غيرو البتة يمرق حاضن الفعل السيد شال نوار الثورة وحتّ
------
* خالد عباس الطاهر (خالد مونيكا)
Post: #7 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 09:55 AM Parent: #6
Quote: المشير حتى تاريخ الأمس يقول في البرلمان أن (السودان بخير).. والبلد موعودة (بالتنمية).. ونسعى جاهدين لـ (سد الفرقة).. التي خلفها الانفصال.. عن طريق الاتجاه للزراعة والتعدين.. يعني باختصار: أمين بخاري هو من سيجني ثمار هذا الخير.. اصبر ياخي.. أصبر لحدي ما (تهرم).. انت لسه شباب..
يا أيمن أخشي أن يهرم ويسألني أبني أمين
انتو يا ابوي ليه ما قاومتوا ظلم الجبهة الاسلامية ليكم ؟
هذا الشعب طرد رجل مستبد أسمه النميري
وللنميري قصص واحاجي في الظلم فقد اعدم
خيرة ابناء هذا الشعب .. اعدم النميري
عبد الخالق محجوب الشمس الحية ..
طلق كلاب امنه نهشت شعبنا ولكن طائرته
بدلاً من ان تحط في مطار الخرطوم حطت في القاهرة
لان شعبه قال له ( أرحــــــــــل )
نحن شعب معلم
Post: #8 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 10:22 AM Parent: #7
Quote: بتعرف المك نمر يا مشير!؟
المك ايقونة اباء الضيم ياخ!؟
ح نرجع للابطال
بس كدي نحسب المظالم
Post: #9 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 10:37 AM Parent: #8
هؤلاء أنا اعرفهم ، عبروا الي الدار الاخرة شهداء :-
علي فضل محمد
بشير
طارق
التاية
محمد عبد السلام
ابو العاص
Post: #10 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 11:09 AM Parent: #9
Quote: المشير حتى تاريخ الأمس يقول في البرلمان أن (السودان بخير)..
Quote: هل ما زالوا يتحدثوت عن الرخاء والناس جوعي ؟ وعن الأمن
والناس في ذعر ؟ وعن صلاح الأحوال والبلد خراب؟
الأديب الطيب صالح
Quote: لا أضواء من نوافذ البيوت . لا فرح في القلوب . لا ضحك في
الحناجر . لاماء ، لا خبز ، لا سكر ، لا بنزين ، لا دواء
الأمن مستتب كما يهدأ الموتي
الأديب الطيب صالح
Post: #11 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-11-2011, 11:15 AM Parent: #10
سابقاً وفي المرحلة الابتدائية والمتوسطة
والثانوي العالي كان معلم مادة الجغرافيا
يدرسنا منتجات نحن اكبر المصدرين لها
منها القطن طويل التيلة والصمغ العربي
وكنا نعرف أن مشروع الجزيرة احد أضخم
المشاريع الزراعية في العالم ..
أين هو الان مشروع الجزيرة ؟
وأين هي مصانع الغزل والنسيج والمحالج ؟
Post: #12 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-12-2011, 08:19 AM Parent: #11
Quote: اني اكثر ايماناً منكم اهل الصدقة
ان الدين لباري الدين
وفوق الارض صراع الطبقة
Post: #13 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-12-2011, 12:50 PM Parent: #12
Quote: بتعرف المك نمر يا مشير!؟
المك ايقونة اباء الضيم ياخ!؟
مهيرة بت عبود
حامد ود الفكي عبد الله
عبد القادر ود حبوبة
أمين بدوي
هاشم العطا
محجوب نمر
نحن شعب يرفض الضيم .. صبرنا طويلاً
وان طال الصبر صار مذلة
Post: #14 Title: Re: ولما يطل في فجرنا ظالم ... تذكير للمشير Author: Adam Omer Date: 10-12-2011, 07:30 PM Parent: #13
الاخ بخارى ســـــلام.
Post: #15 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-13-2011, 06:26 AM Parent: #14
الاخ ادم
عاطر التحايا
للأسف الفيديو ما اشتغل عندي
Post: #16 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-14-2011, 08:45 AM Parent: #15
وزير المالية صرح في جرائد امبارح
قال في مسئولين بطلعوا تصاديق للعلاج
بالخارج بالخارج وبشيلوا العملة الصعبة
يبيعوها في السوق ( الموازي ) ودا سبب
لارتفاع اسعار العملة الصعبة وأضاف الكلام دا
تاني ما حا يحصل .. وقروش العلاج تتدفع للمستشفي المعني ..
يا سعادتك مفروض الاتي :-
1. اي زول عمل كده يتفتح فيهو بلاغ بتهمة تدمير الاقتصاد
والنشاط الطفيلي ويتحاكم .
2. اذا المواطن أنت ما قادر تعالجه هنا مافي اي مسئول يسافر يتعالج
الدم دا لمن يكب من اي زول لونه واحد وصحة المعدمين ديل مفروض تكون هي
همك موش المسئولين ..
ختاما فعلا الكلام دا خلاص زمنه قرب ينتهي بس ما عشان انت قررت كده
لانه كفاية والشعب هو الحا يقرر كده
Post: #17 Title: Re: ولما يطل في فجرنا ظالم ... تذكير للمشير Author: بخاري عثمان الامين Date: 10-15-2011, 06:04 AM Parent: #16
Quote: ختاما فعلا الكلام دا خلاص زمنه قرب ينتهي بس ما عشان انت قررت كده