Post: #1
Title: باسبورت اوروبي
Author: عوض شكسبير
Date: 10-10-2011, 06:47 AM
تصل فرقة البقعة لاداء عدد من عروض المسرحية الجديدة ( باسبورت ) تاليف واخراج عوض شكسبير بمشاركة الفنانين جمال عبدالرحمن - عبدالسلام جلود - ابراهيم كومك - اخلاص نورالدين - محمد عبد الله - ابوبكر الشيخ - امام حسن الامام تنفيذ حامد تيراب وعبدالعزيز محمود وذلك في هولنداايام 15 و16 اكتوبر الحالي - في سويسرا 20 اكتوبر - في فرنسا 28 و 29 اكتوبر اضافة لتصوير عدد من الاعمال التلفزيونية من تاليف قصي السماني وعبد الناصر الطائف بمشاركة الاستاذ علي مهدي
الدعوة مقدمة للجميع
|
Post: #2
Title: Re: باسبورت اوروبي
Author: Mahmoud Mustafa Mahmoud
Date: 10-10-2011, 08:32 AM
Parent: #1
عوض يا صاحبي...
ما باقي ليك إلا تجي تدق ليك بوستر من بوستراتكم العويرة ديك...
غاظتني خالص حكاية الدعوة مقدمة للجميع دي..
طيب .. نحن نعمل شنو؟؟؟
غايتو إعلانك مقبول .. على سبيل القشرة وكدا..
والفيكم اتعرفت..
إن شاء الله ترجع من أوربي أسمح من ليورنادو دي كابريو بطل تايتانيك....
آخرو... أي خدمة من جدة؟؟
محمود العربي (بتاع الهيلاهوب سابقاً)..
|
Post: #3
Title: Re: باسبورت اوروبي
Author: waleed dawash
Date: 10-10-2011, 11:45 PM
Parent: #2
اهلا الاستاذ شكسبير
ياخي جايين فرنسا وهولندا وسويسرا ... اذن حاتعبر بلجيكا اكثر من مرة.
ليه ماتدونا فيها يوم؟ فبالله لو في اي امكانية ماتبخلو علينا .
وادونا خبر لنبذل قصارى جهدنا لاقامة عرض ببلجيكا.
واذا استحال ذلك ادونا تفاصيل اكتر عن العناوين او تلفون المسؤل .
وليد دواش - انتوربن- بلجيكا
|
|