يا بريمه ..!

شاهدت ّالثعلب ّ(لاعب الهلال السابق) يفعل ذلك
وقد تم اغتيال اندرياس اسكوبار الكولمبي عقابا لذات فعل الثعلب ..
وأعنى إحراز هدف فى مرماه ..
و .. فلت الثعلب يوما ..
وستفلت كما فلت الثعلب يوما ..
برسم الاهداف العكسيه ليس الا فلسنا فى كولومبيا ..
يستوى فى ذلك أكان محل العصير الى تجرعته بالسوق العربي او الافرنجى او الشعبي ..

قلت لى بنات الجلابه مالن !؟

هل يقصد كاتب البوست بريمة بن جهنى الجهينى القرشى



شكرا

حذف للتكرار

الأخ العزيز أسامه ..
لم يرد لمخيلتى أن التشبيه قد يصل مرحلة التطابق ..
فالاغتيال الذى اقصده لا يتعدى الفعل الذى أمارسه الآن ..
وهو القسوه على الاخ بريمه لتعديه السافر جدا على مواطنات سودانيات و ..
that is all

مبدئيا كده ممكن نقول انو الخيال (العاطفى) مفتوح ..
وان هناك فسحة للرجاءات السريه ..
وفسحة أخرى لادعاءات الجساره الثقافيه للمكون المحلى المسيج تماما بالسذاجه ..
وتماما كما تتوافر فسحة للكديسة أن ترفض اللبن الغير متاح أصلا ..


..
قلت لى دفعتو ثمن كبايتين عصير وانتبذتما ركنا قصيا لتقصى نصف المجتمع الجلابى فى نصف ساعه !!

هو ذات البريمه الذى أضاع بحسب اعتقادى سنوات عديده لتأكيد انو اللبن كعب يا معاويه !!

أنا جيت عابرة، وكبايتين العصير في منتصفهما،

ويا ريتني ما مريت ياحيدر ياخ،

بريمة،





مبالغة...

Quote: لم يرد لمخيلتى أن التشبيه قد يصل مرحلة التطابق .. فالاغتيال الذى اقصده لا يتعدى الفعل الذى أمارسه الآن .. وهو القسوه على الاخ بريمه لتعديه السافر جدا على مواطنات سودانيات و .. that is all

شكرا دكتور و دي المحرية فيك لكن أرجو حذف العبارة لو تكرمت .

بعدين يا دكتور ألم يك من الأقضل الرد في البوست المفتوح اصلا بدل من تشتيت المواطن السوداني المشتت أصلا؟

تم تعديل الجمله يا أسامه وحتى توافق معناها المقصود ابتداءا ...
وشكرا جزيلا للتنبيه ..

وهل أسعى لزيادة الاستقطاب الجهوى ؟!
لا والله يا أسامه ..
وان شئت مدخلى للمسأله ..
فهو مدخل اولاد المدينه فى مقابل أولاد الريف ..
وكنا كثيرا ما ندير حواراتنا هكذا فى الجامعه ومع اصدقاؤنا اولاد الريف ..
من عطبره والدامر والابيض ومدنى والفاشر ..

هل فى ذلك سوء تقدير منى ؟!
لا أملك اجابه قطعيه ..
واظنها ستأتى بالنفى !1

شكرا يا عزيزي
شكرا جزيلا ..

عفوا دكتور أنا قصدت تشتيت القارئ و لم احجر على حقك في تناول الموضوع من أي منظور تراه فهذا حقك .

______________

علي جنبة كده : ما تتقل على أولاد الريف شديد باقي أخوك عربي بطانة. بعدين إذا كانت مدني ريف معناته نحن ما من الريف !! يا ربي نحن نكون من وين؟

يا أسامه ..
ما تشوف الفصاحه واللسان الطويل ده ..
اولاد الخرطوم ذاتهم بعتبرونى ود ريف لمن أقول من أمدرمان ..
حتى ولو كان ود امدرمان من الملازمين ذاتها!!
تصور !!

أميره ...

صديق بريمه يومئ له قائلا ما معناه ..

(شيل ليك كمية دولارات فكه فئة واحدة دولار وحتى تبدو كثيره فى نظرى ونظر أخواتى الجلابيات لنرتمى تحت جميعا تحت أقدامه ... !)
فلانقاذ أوصلتهن لهذه الحاله !!!!!!

وهذه مسأله غريبه جدا ..
أول ما يتبادر لى منها حالة فقدان (صديق بريمه) لقيمته الانسانيه عند فقدانه الدولارات الفكه
وذلك قبل تهافت بنات الجلابه على الدولار ..
لنصل أخيرا لفشل حكومة الانقاذ فى الحفاظ على الكرامه الانسانيه التى يتوهمها (صديق بريمه) وهو مخطئ ..
..
شكلك وقفت عند منتصف كباية العصير ولم تواصلى ذلك البوست ..
وفى ذلك حكمه منك يا أميره ..
فلا تتعدى منتصف كوب العصير مطلقا ...

تقديري الكثير ..

الاخ محمد حيدر لك التحية


بالله دى ارياف ؟

Quote: ندير حواراتنا هكذا فى الجامعه ومع اصدقاؤنا اولاد الريف .. من عطبره والدامر والابيض ومدنى والفاشر ..

Quote: شكلك وقفت عند منتصف كباية العصير

وأنا لو عارفاه عصير (مر)،

ماكنت وصلت النص زاتو يا حيدر،


بالله قال ليه (فكة)،

أها هسه مع زيادة الأسعار دي، سعرنا زاد،

يشيل شيلتو..

Quote: اولاد الخرطوم ذاتهم بعتبرونى ود ريف لمن أقول من أمدرمان .. حتى ولو كان ود امدرمان من الملازمين ذاتها!! تصور !!

وافضيحتاه !!!!!!!!!!!!!!!!!!!!!!!!!!!!!!!
أنا حلتنا اسمها زرقة ريفي تمبول ريفي رفاعة ريفي الحصاحيصا ريفي الكاملين ريفي المسعودية ريفي سوبا ريفي .............................................................................

يعني انا بكون بالنسبة لأولاد الخرطوم مخلوق فضائي - an alien ?????

ندى صالح تحياتى ..

أين المدنيه فى السودان فى تقديرك !!
وأهلى مزارعين يفلحون الارض التى ما بين بري والخرطوم !!..
وانا اشتغلت مندوب طبى لشركة أدويه الزمتنى بزيارات كانت أجمل لمدنى وبورسودان والابيض والقضارف وكسلا والابيض وشندى وغيرها ..
واجزم بأن هذه المدن تنتمى للريف أكثر من المدنيه ..
عدا بورسودان والى حد ما ..
وكل ذلك مسأله تقديريه قد اكون مخطئا فى تقديرها ..
لا ينفيها الايغال فى الريفيه فى محصلة مناطق اخرى ..
ولا يقدح ذلك فيها ابدا ..

تحياتى

Quote: أنا حلتنا اسمها زرقة ريفي تمبول ريفي رفاعة ريفي الحصاحيصا ريفي الكاملين ريفي المسعودية ريفي سوبا ريفي

تبقى ود ريف كابرا عن كابر يا أسامه ..
وفى ذلك خير كثير فى اللاتراودك أية أوهام عن مدنية ما
موجوده فى مكان ما ..
غير موجود ولو افتراضا يا عزيزى ...

د المشرف سلام غشاك ومن معك:
اجمل شيء في سودانيز اونلاين هو انه يجعلك تكشف مفاهيم المثقفين بدون مورابة، وخصوصا في لحظة الغضب، فاذا كان قديما قيل ان الصديق تعرفه بثلاث، السفر، الغضب، المال- فان الزميل او الزميلة هنا تعرفه (ها) حقيقته عندما تلامس قبيلته، نسائهم، ساعتئذ وفق الردود تستطيع ان تكون مجسّم معنوي له وعنه.

موضوع بريمة وموقفه من الجلابيات، والاخ بتاع الكول عزام، والاخر بتاع فحل الجلابيات او شيء من هذا القبيل الخ، كل هذه الاسقاطات بقدر انها مؤذية وكريهة، لكن فيها نسبة ولو ضئيلة جدا من الايجابية، وهي انك تستطيع ان تكّون فكرة عامة عن الاخر هو ينظر اليك، تبقي المحصلة في ذلك كبيرة، صغيرة، صادمة، ناعمة، مخشوشنة الخ في نظري غير مهمة، لكن المهم هو ان كل واحد من الذين تقيأوا بما في احشاءهم من كراهية او سذاجة هم في ازدياد، وهنا تكمن المصيبة او القلق، لان الكراهية، او السطحية او عدم الالمام بكل تفاصيل الموضوع وتوقيته تجعلك تتسال هل بريمة لوحده يحمل هذا الشيء في جوانبه؟ واخر يسال هل عزام لوحده يحمل هذا الشيء في دواخله ام هو فقط جبل الجليد الذي يظهر راسه وبقيته عائم في الماء؟

ما اثاره بريمة احزنني كثيرا، وهممت كم مرة ان كتب في البوست المعني لكن قلت، انها محدلة ومهذلة دع البوست يمضي بظروفه، لكنك انت ايضا فاجأتني بانك تتوقع نهاية بريمة ستكون شبيه بنهاية ملك المخدرات اسكبارو؟؟؟ وبالرغم من تدخل اسامة الذي جعلك تلّطف وترطّب او قل تهديء من ورعك وغضبك الجامح سيكوليجا كرد فعل لما كتبه بريمة عن الجلابيات، وهي تسمية كريهة ايضا لا استسيقها هي ولا كلمة غرابا، وبناءا علي ذلك قمت انت بتعديل قوام البوست ومسحت الرد السيايكلوجي وتركت هذه الكلمة (قلت لى بنات الجلابه مالن !؟ ) لكن الفكرة الاساسية في البوست هي :

يابريمة مصيرك هو مصير اسكباروا!! لانك تطاولت علي الجلابيات، وهو تلميح في غاية الخطورة، ربما يؤدي بصاحبه الي متاهات قانونية معقّدة، من جهة اخري بريمة اعتقد انه في بوستيه المعني قد فقد اي تعاطف له مستقبلا في قضاياه من طرف ناس الوسط والشمال، وعاد انسان غير مرغوب فيه، وان كان هناك بقية احترام له من ناس الوسط والشمال فان هذا الاحترام خلاص بح، بحر، كما يقول اهل الشام.

خلاصتوا: علينا ان نتعامل بايجابية تجاه الاسقاطات السيكلوليجية للاخرين، مهما كانت قسوتها، تمامام مثل ما يفعل الاخ اسامة فضل، صحيح نحن بشر نغضب ونتحامق، لكن لكل حموقة ثمنها، وكما بدات بنتهي واقول، نشكر العنصريين والنمطيين، وعشاق الجلاّبيات، وكارهي خاش خشاش الغرابيات اكلي الكوول، لانهم تعرّو امامنا، وفرزوا معيشتهم الان، قبل ام المعارك، وكلامي عام يا دكتور وليس خاص.

الضبع الوسيم جدا ..

Quote: ما تشوف الفصاحه واللسان الطويل ده .. اولاد الخرطوم ذاتهم بعتبرونى ود ريف لمن أقول من أمدرمان .. حتى ولو كان ود امدرمان من الملازمين ذاتها!! تصور !!

يا ترى بتتسدى من أولاد الخرطوم
لو قلت ليك إننا ناس توتي
بنعتبر الخرطوميين ديل كلهم ريفيين جايين يزحموا لينا أرضنا
و لا بتعتبر إن طرف السوط هبشك برضو
(بالذات لما تعرف إن الملازمين دي كانت حقتنا كلها)


و بجدية ..
شر البلية ما يضحك !!

كامل التحايا
_____________________________________
ياخ خليك من تجريداتك العسكرية دي
و تعال نتونس في العلوم و فلسفتها
بلا هامش بلا مركز بلا بطيخ !!

أخونا محمود إنت غلطان إسكوبار ده ما تاجر مخدرات ده لاعب كورة و دكتور المشرف ده إنت ما بتعرفه بس و إلا فهو رجل مهذب و ود ناس - بمقياس أولاد الناس و هو الأخلاق.

شكرا الاخ اسامة، هنالك اثنين اسكبارو، الاول يلقب بملك ملوك المخدرات في كوكب الارض، سبب جلطة للاف بي اي، وعموم اجهزة مكافحة المخدرات بامريكا الجنوبية واغتيل علي يد مراهق كان راكب دراجة هوائية وانتهت اسطورته، واسكباروا حارس مرمي فريق كولمبيا المعروف الذي من كراماته انه ركل الكرة بكعب قدميه وهو طارئر في الهواء، وقيل اغتيل لانه لم يلعب جيدا للمنتخب، ورواية اخري تقول اغتيل في نزاع مع عصابات مخدرات كان طرف فيها، اما بخصوص المشرف فانا اتابع كتابته وهي جيدة ولا سيما التي تتعلق بالشعر، شكرا لك.

محمود الدقم يا عزيزي ..
يقينى أنك ستقيم لردى البسيط ادناه وزنا وقدرا أستحقه من المصداقيه ..

..
محمود ياخى الكلام القالو اسامه وقلتو انت كان بعيد جدا من انو يكون اسقاط نفسي لقرائتى بوست بريمه ..
اولا تجربة بريمه دى ليست غريبة على ..
ومررت بها كثيرا ومع اصدقاء عددا ..
ثانيا اشارتى لاحراز هدف عكسي اقرار كامل منى (بوحده أكثر) فى مقابل (وحده أقل) فى تجاذبات (الانا والآخر) فى الواقع السودانى .. وذلك على أقل تقدير .
ثالثا لن يعيبنى اطلاقا التصدى لما يسوؤنى لاعتبارات هامشيه ..
واسقاطاتى النفسيه ليست محظوره ..
وتدخل عندى فى المباح سره وستره آ محمود
فهى منى وهى لى ..
ومانى خجلان منها ولا بضاريها ولا حاجه ..

..
تحياتى

Quote: أها هسه مع زيادة الأسعار دي، سعرنا زاد،

والله حسب السوق الزاد جد جد هو الدولار ..
انتن بتلحقنو لاحقا ..

..
يا أميره
وهى أقيفن ... نورا فيكن
نورا ياتى !!
نوره خيت الغلابا
تدى للجيعان لقيمة
وتدلا للعطشان جغيمه
وتكسي فى الماشين عرايا ..
وفوقا يتقطع هديمها ..

لم أسمع بتاجر المخدرات اسكابارو..
وان كان اسكابارو لاعب منخب كولومبيا هو حارس المرمى ..
فقد أخطأت فى أخذه مثالا ..
والذى قصدته فى تشبيهه بالثعلب لاعب الهلال كان مدافعا فى منتخب كولومبيا ..
وقد احرز هدفا عكسيا فى مرماه ..
ولا اعتقد بوجود حارس أخرق لدرجة احراز هدف عكسيى آ محمود..

Quote: ياخ خليك من تجريداتك العسكرية دي و تعال نتونس في العلوم و فلسفتها

يا دكتره ..
والمسأله مسألة شلاقه ليس الا ...
اها فى بوستات بسميها بوستات الملاوزات ...
ودى بتدى الواحد فرصة شلاقه او احتمالاتها بالميت كده ..
اها مسألة العلوم والثورات الكوبرنيكيه دى ما فيها فرقه يا دكتور ..
اضف لذلك انى كنت شاطر جدا فى الحساب يحدى ما دخل فى الموضوع جتا وظتا وجيب الزاويه
وبس فراق الطريفى لى جملو وعيييك ..
الا جاييك بى كتابة سمحه بالحليل آ محمد

..
توتى دى توتى الليلتنا الواااحده دى!! ..

لحظة قاسية و مــُرة..
بالجد مـُرة..
لمن الوعي التناسلي يهزم الوعي الإنساني فينا..!!


سقطنا في الأمتحان كالعادة..!!


كبر

حتى انت يا بروتس؟؟؟؟؟





برضو تحياتي ياخ...

سلام يا ود المشروف

لم تقرأ بوستى بصورة جيدة وأخذت العزة بالأثم لتصل مرحلة الفجور فى الخصومة ..

مازال البوست موجود وتعالنا بهناك ..


بريمة

فلنقول جدلا كده انو كلامكم صاح ..
الغلط شنو ؟!!


..
بريمة ..
والذى رفع السماء بلا عمد ..
كتبت هذا البوست معاتبا لا حانقا ولا غاضبا ولا مخاصما ناهيك أن فاجرا فى الخصومه ..
فى واقع الامر كنت أقرب للممازحه فيه حتى من المعاتبه ..
يهمنى شخصيا أن تقتنع بذلك ..
وسأعود رغم الانشغال الكثير هذه الايام ..

ولا أتوسل انتزاع البراءه من الأحكام القاسيه ..
فأنا معوج ومعوج جدا ..

سلامات يا ود المشرف

Quote: وستفلت كما فلت الثعلب يوما .. برسم الاهداف العكسيه ليس لا فلسنا فى كولومبيا ..

بريمه كان يكتب تحت تأثير العبابير و لم يتمكن من الافلات و ها انت تكتب تحت تأثير ذات العبار الذي كتب به بريمه و تحاول جاهدا الافلات.
زي ما بقولو الناس بعض مرات (ذلة لسان) اهو ده ذلة قلم من عندكم و عارف تماما انك ما قاصد و لكن خانك التعبير عشان كده بقولو انو القلم اخطر سلاح.

محجوب سلامات ..
الموضوع يا هبيب بسيط جدا ..
انا قاصد انو اهدد بريمه بى مصير اسكوبار ..
واما السكر فقاعد اسكر كل يوم ..
يوم ابيض ويوم أحمر ..
كما ولا تطيب لى الكتابه الا فى حالات السكر الشديد ..
والسكر ده ياهو ذاتو البطلع الذاكره الورائيه المليانه بالعنصريه ..
ولذلك وعند الدخول لتفاصيلى ستجدنى عنصرى جدا ..
واستجيب لاى استفزاز عنصرى ..
وأقول ليكم كلام ..
انا أسوأ من الكلام ده ذاتو !!..

تحياتى

Quote: وافضيحتاه !!!!!!!!!!!!!!!!!!!!!!!!!!!!!!! أنا حلتنا اسمها زرقة ريفي تمبول ريفي رفاعة ريفي الحصاحيصا ريفي الكاملين ريفي المسعودية ريفي سوبا ريفي ............................................................................. يعني انا بكون بالنسبة لأولاد الخرطوم مخلوق فضائي - an alien ?????

يا اسامة انا عرفت سر الالفة

اهل امي من كريعات ريفي تمبول ريفي رفاعة ريفي الحصاحيصا ريفي الكاملين ريفي المسعودية ريفي سوبا ريفي .............................................................................


احجز لي جمبك في كوكبنا الريفي .. باقي انا برضو

[يعني انا بكون بالنسبة لأولاد الخرطوم مخلوق فضائي - an alien ????? ]










-------

يا مشرف قبل ما يعترض المعترضون ..
انا برضو كنت بفهم الريف بفهم (الاقاليم) او كل ما هو دون خرطومي (العاصمة المثلثة)
لكن نفس ونسة النكايات الخاصة و حميمة جداً .. خلتنا نفرز الكيمان ..
و طبعاً هنا اخوك بستفيد من وضعو الكوكبي(السوداني) في ظل انتماءتو الفصامية لاكتر من جغرافيا و اثنية و اقليم و مناخ، و مزاج

فوق ذكرت بلدة واحدة بس!

دايرين مدن .. في
دايرين قرى .. برضو في
و في دولتين شقيقتين .. المافي شنو!؟

بس عليك الله ابعدنا من التصنيف "ريفي" دا لو بمنتهى السذاجة الخاتنا لينا اولاد البندر دي!

قيقراوى ..

تعرف قرايتى الصاح لبوست بريمه تجعل من استخدامى للمفرده "ريفى" فى مقابل "اولاد الخرطوم" المخرج الوحيد لى بريمه ..
المهم ..
بريمه لم يكن يريد أن يقول "عنوانه"
وذلك من خلال معرفتى به عن طريق كتاباته ..
وانا أسأت استخدام تصور "الهدف العكسي" الذى اخترته مدخلا لهذا البوست
المهم أكثر ..
راجعت نفسي كثيرا فى استخدامى لمفردة "ريفى" فى مقابل "اولاد الخرطوم"
والصواب أن "ريفى" توضع فى مقابل "اولاد البندر"
وأرى الآن صواب الاخت ندى ولكن الى حد ما ..
والريفيه ضاربه بأضنابها حتى فى الخرطوم !!

كنت أظن أن بعض كتاب هذا المنبر علماء.

ومنهم بريمة ود. المشرف و كثيرون.....


لكن يبدو أن ظنى كما يظن بعض أهل الريف

في شجرة المرفعين.........

Quote: انا أسوأ من الكلام ده ذاتو !!..

اهــا
تكتب غلط مشكلة واحدة ...
تقرأ غلط مشكلتين...
و برضو لقيت نفسي بفهموني غلط
كلمة عبار لا تعني السكر يا اخي فقط اخدها كلمة مستحدثة بين دينق و بريمة

Quote: يا اسامة انا عرفت سر الالفة اهل امي من كريعات ريفي تمبول ريفي رفاعة ريفي الحصاحيصا ريفي الكاملين ريفي المسعودية ريفي سوبا ريفي .............................................................................

إزيك يا قيراوي يا بلدياتنا و الله يا قيقا و ما طالبني حليفة أنا من شفتك شكلك بقي لي كريعات كريعات .


اسمع نكتة تشجيع أهل أمك ديل لفريقهم بتاعه الكورة إلا أحكيها لسوفي يحكيها ليك لأنه بصراحة ما بقدر أصل لحد ذلك الإسفاف . ههههههههي

محجوب
الطريقه دى ما بتخارجك من اتهامى انا وبريمه من الكتابه تحت تأثير العبابير ..
وانا فاهمك لكن طريقتك دى ما بتخارجك يا حبيب !!!

أسامة الفضل بالله طلعته من زُرقه!!!!
طبعا ما عايز اقول أنا من هناك ولا حاجه
عشان قيقراوي دا ما يطلع قريبي بس عايز
اقول ليك اعز اهل و اصحاب و رفاق عندي
من زرقه و من تمبول ومن عِد الغباش و ناس
عِد الغباش ديل بعتبرهم اهلي لانهم ربونى
رسمممممي و اصدق الاصدقاء من فاتحه الجعليين
ياخ (بلداتكم) دي ياما حمته و ياما قعدته
فيها بعرف ليله ونهارا .
يا سلاااااام ياخ عليكم .

Quote: اسمع نكتة تشجيع أهل أمك ديل لفريقهم بتاعه الكورة إلا أحكيها لسوفي يحكيها ليك لأنه بصراحة ما بقدر أصل لحد ذلك الإسفاف . ههههههههي

عليك الله يا أسامة متعني متعني بالقصة ياخ اجدع لي ايميلك في الماسنجر الداخلي هسى دي .



يا محمد حيدر المشرف
يا صاحبي حاسي بيك
حاسبيك ياخ .

Quote: اسمع نكتة تشجيع أهل أمك ديل لفريقهم بتاعه الكورة إلا أحكيها لسوفي يحكيها ليك لأنه بصراحة ما بقدر أصل لحد ذلك الإسفاف . ههههههههي

أخونا نابري ...
كُنت عايز أحكي النكتة .. لكن والله غلبني عديل كدة ياخ ...

وفوق فوق هلالنا فوق


رغم كل شيء ياخ .......

الاخ حماد الطاهر ..
تحياتى ..

ورطتى تجاه البوست تماثل تلك التى ما بين النوايا الطيبه والطريق نحو الجحيم ..

فليكن اذن ذلك كذلك ..
ومافى داعى للجقلبه ..
"ولكها آ كريم اقلب نداها سخانه"
او كما قال يونس ود الدكيم ..

..
وشكرا على حسن الظن القديم

Quote: يا صاحبي حاسي بيك حاسبيك ياخ .

شفت كلام أخونا "كبر" ده كيف آ سفيان !!

وبهذا أختم هذا البوست الكارثى ..
وأكرر أن المدخل عبر بوابة الاستقطاب العرقى والكراهيه مخالفه تماما لما أريد من هذا البوست ..
واشكر "محجوب" و "سفيان"

ود المشرف

أنت يا أخى قايل أسمى دا ساهل كده لما تكتب عنه .. وحينما تقنع تقول خلاص قفلت ..

البوست ح يمشى ذى البوست التانى ..

والله الأنترنت مقطوعة عندى نيتجة غلطة شاطر .. حاولت أزيد الباندوث قاموا شالوها كلوكلو إلى حين يصلحوها .. وموعدنا من يوم الخميس ولى قدام ..


واليوم داك أكون محضّر جميع أنواع العبابير ...

بريمة

Quote: شفت كلام أخونا "كبر" ده كيف آ سفيان !!

طبعاً شفته يا ود المشرف
بس تعرف اخونا كبر بهناك في بوست بنات الجلابة قدم
شروحات و خاتي نفسو ذاااته تخته و المهم بهناك
الحوار ماشي يتفرز كويس و اخونا أسامة الفضل و اختنا
اسمارت شغالين برضو نقاش في نقاش و بريمة طبعاً قطع شك
هو الدايش الاعظم وسط القصة دي .

المهم كبر ح يجي و حيبجى بشروحاتو و بعديها ح تشوف .





ـــــــــــــــــــــــــــــــــــــــــــــــ

يا أسامة الفضل يا ود زُرقه ياخ انا لسه منتظر
الإسفاف ياخ .

أرجع لطوباتك يا مشرف واترك بريمة سادرا في جهالته يرحمكم الله

طوبى للغرباء آ عفراء ..
وللحزن فى مسراه صوب ذواتنا اغترابا..
ولى ..
ولهبانى ..
ولبريمه
ولك
وللاصدقاء ..

Quote: اسمع نكتة تشجيع أهل أمك ديل لفريقهم بتاعه الكورة إلا أحكيها لسوفي يحكيها ليك لأنه بصراحة ما بقدر أصل لحد ذلك الإسفاف . ههههههههي

دي ما عارفا ..

لكن العارفو انهم علمانيين بالسليقة غايتو!!






-------

ما تطلع زي :

(بريدة) الثورة تحي ثورة 27 مايو!!

لوووووب

الثورة لحدي ما تركب البانطون دايرا ليها يومين عدييل!

و يجوا يكلمونا عن التهميش .. فتأمل!!

ود المشرف ياخي كيفنك
ان شاء الله نصيح في عضامك ديل

ود المشرف الزول الجميل
ياخي اولا شكرن علي حسن الضيافه..
فما خيبتم ظني ابدا وشكرا علي الشعر الجميل
ثانيا في مسعله الريف والمدينه
انا جيت الخرطوم للجامعه وكنت مفتكر اولاد العاصمه ديل كلهم.......
قريت سمستر واحد في الخرطوم وذهبت الي القاهره حيث اضطرتني الظروف للعيش مع اولاد العاصمه فوجدتهم كما كل الناس وعرفتهم من قرب وعرفت جهلي
وعلمتني التجربه لكثير...
ليس هناك مايستاهل لان نكون عنصريين
وليس انت بعنصري وان قلتها
دع بريمه يبرم فكل هذه الاشياء صحيه
والقادمون سيكونون اكثر وعيا
ودمت

المشرف سلامات من جانب السويتا فينى الليله لا حكت لا بقت, بي بوستك ده اثار فضولى جدآ و خشيت قريتو و ما فهمت الحاصل شنو و اضطريت أمشي أقرا التانى كلو , ياخى دى عمليه ما كويسه منك تدردقنى و تضطرانى أقرا كلام زى ده خاصه انو العمر اتقدم و الصحه النفسيه متدهوره ... دعيت عليك كم مره كده و من جانب تانى كتر خيرك القريتنى ليهو لأعادة التذكر أنو المحنه كبيره خلاص. عارف أكتر حاجه لفتت انتباهى شنو؟ انو كتير أو أغلب الناس ما بيقرو المكتوب , الزول بيجي صارى رأيو و موقفو و غباينو و تحيزاتو و أحيانآ أزماته الخاصه جدآ و توووووشك ينط جوز ... باستثناء قله ... بسيطين الحاولو يقرو المكتوب و يفهموهو حتى يكتبو رأى .... زمن طويل ما شفت ########ه زى دى ... و العجب سيد البوست مولد يا مااان ...