Post: #1 Title: إهداء إلى Al-Shaygi و ABUHUSSEIN Author: ساميه حامد Date: 10-08-2011, 00:20 AM
Post: #2 Title: Re: إهداء إلى Al-Shaygi و ABUHUSSEIN Author: ساميه حامد Date: 10-08-2011, 00:23 AM Parent: #1
اها يا قريبي ويا ابو حسين فتشتها وجبتها ليكم
بعيدا عن بوست العيون والجمال
Post: #3 Title: Re: إهداء إلى Al-Shaygi و ABUHUSSEIN Author: عبدالمجيد الكونت Date: 10-08-2011, 00:35 AM Parent: #2
اسع ياقريبتي عليك الله دي اغنية يهدوها لي زول
Post: #4 Title: Re: إهداء إلى Al-Shaygi و ABUHUSSEIN Author: صديق الموج Date: 10-08-2011, 00:40 AM Parent: #3
Quote: إهداء إلى Al-Shaygi و ABUHUSSEIN
سامية حامد ..........سلام وانا اقول الشاقية مالهم ما اضربوا مع ناس السودان؟؟ ماتقولى لى عدم إضرابهم فوق رأى؟؟ لوووووووووووووووووووووول الكونت طرف ال######ة وصلك واللا شنو؟؟
Post: #5 Title: Re: إهداء إلى Al-Shaygi و ABUHUSSEIN Author: ساميه حامد Date: 10-08-2011, 11:10 AM Parent: #4
Quote: اسع ياقريبتي عليك الله دي اغنية يهدوها لي زول
Post: #6 Title: Re: إهداء إلى Al-Shaygi و ABUHUSSEIN Author: ساميه حامد Date: 10-08-2011, 11:13 AM Parent: #5
Quote: سامية حامد ..........سلام وانا اقول الشاقية مالهم ما اضربوا مع ناس السودان؟؟ ماتقولى لى عدم إضرابهم فوق رأى؟؟ لوووووووووووووووووووووول الكونت طرف ال######ة وصلك واللا شنو؟؟
اهلين يا ود الموج
قالوا ما إتحير إلا مغير لووووووووووووووووووووول
عليك الله في زمتك في زول بقدر إضرب عن العضة والله إلا نجن
ونقعد نقابض في لحم الكلاب والكدايس
Post: #7 Title: Re: إهداء إلى Al-Shaygi و ABUHUSSEIN Author: Magdi Ahmed Elsheikh Date: 10-08-2011, 11:16 AM Parent: #5
Quote: إهداء إلى ABUHUSSEIN
الف مبروك الوليد ابوحسين.........!!
سلام سامية هديتك سمحة تب...!!
Post: #8 Title: Re: إهداء إلى Al-Shaygi و ABUHUSSEIN Author: ABUHUSSEIN Date: 10-08-2011, 03:05 PM Parent: #7
شكراً ساميه حامد
لكن الناس دي دخلت و تعلق قبل الناس اللي أهدوا ليهم الأغنية ....!!!!
مجدي إرعوي أحسن ليك.....
Post: #9 Title: Re: إهداء إلى Al-Shaygi و ABUHUSSEIN Author: عاطف عمر Date: 10-08-2011, 05:10 PM Parent: #8
Quote: شكراً ساميه حامد
سامية حامد.. حاف كدا ؟؟؟ ياخ الكلمات البتنتهي بـ ...تي الكتيييييرة دي أصلو ما مرت عليك زول يهدوا ليهو هدية معتبرة زى الأغنية دي يقابلها بالبرود دا
__________
لكن نرجع ونقول ليك حق في مرة من ( المرارات ) وأنا راجع من الدوام مستمتعاً بشريط للأستاذ عثمان حسين وممتلئاً برومانسيات بازرعة فتحت باب الشقة... صادفتني السيدة المبجلة بعلتنا خلف الباب مددت يداى كما الأفلام
" كييييفك يا حبي ؟؟ " فتراجعت ونظرت إلى شذراً وأردفت
انت داير ليك بوست برااااااااااااااك وبعلتك تكون شاهده.
Post: #12 Title: Re: إهداء إلى Al-Shaygi و ABUHUSSEIN Author: ساميه حامد Date: 10-08-2011, 09:12 PM Parent: #10
Quote: الف مبروك الوليد ابوحسين.........!!
دكتور مجدي نحست الهلال عاوز تنحسني مالك
Quote: سلام سامية هديتك سمحة تب...!!
وعليكم السلام يا دكتور هديتي سمحة لكن هديتك لي كعبة شديد
Post: #13 Title: Re: إهداء إلى Al-Shaygi و ABUHUSSEIN Author: ساميه حامد Date: 10-08-2011, 09:15 PM Parent: #12
Quote: شكراً ساميه حامد
على ايه يا غالي
تستاهل اكتر واكتر يا سيد الناس
Post: #14 Title: Re: إهداء إلى Al-Shaygi و ABUHUSSEIN Author: ساميه حامد Date: 10-08-2011, 09:20 PM Parent: #13
Quote: سامية حامد.. حاف كدا ؟؟؟ ياخ الكلمات البتنتهي بـ ...تي الكتيييييرة دي أصلو ما مرت عليك زول يهدوا ليهو هدية معتبرة زى الأغنية دي يقابلها بالبرود دا
تقول شنو يا عاطف شكلك كده نجيض اديهو دروس بالله
Quote: لكن نرجع ونقول ليك حق في مرة من ( المرارات ) وأنا راجع من الدوام مستمتعاً بشريط للأستاذ عثمان حسين وممتلئاً برومانسيات بازرعة فتحت باب الشقة... صادفتني السيدة المبجلة بعلتنا خلف الباب مددت يداى كما الأفلام
" كييييفك يا حبي ؟؟ " فتراجعت ونظرت إلى شذراً وأردفت
قلت لي شذرا هههههههههههههه ما ما متعودة على جنس الكلام ده لو متعودة ما كان إتخلعت جنس الخلعة دي
Post: #15 Title: Re: إهداء إلى Al-Shaygi و ABUHUSSEIN Author: داليا الكباشى Date: 10-09-2011, 06:07 AM Parent: #14
دا شنو داا ؟ دي شنو ؟ النشره ؟
داا ووين يا جماعه ؟
Post: #16 Title: Re: إهداء إلى Al-Shaygi و ABUHUSSEIN Author: السيد المسلمي Date: 10-09-2011, 09:37 AM Parent: #15
هسي دي هدية ياعاطف بخسروا فيها تي ولا جي !!:) بتبالغ والله
ـــ سلام للجميع
Post: #17 Title: Re: إهداء إلى Al-Shaygi و ABUHUSSEIN Author: ساميه حامد Date: 10-09-2011, 02:19 PM Parent: #16
Post: #18 Title: Re: إهداء إلى Al-Shaygi و ABUHUSSEIN Author: ساميه حامد Date: 10-09-2011, 02:24 PM Parent: #17
Quote:
تحياتي ساميه ولبعلك ... ويابعلها اسمع كلام عاطف عمر وماتخجل .... ابهلو ليها قدام البشر دي عشان يامنو.
التحية ليك يا وليد
والله كان بهلوا ياني انا زاتي البتخلع زي زوجة عاطف
Post: #19 Title: Re: إهداء إلى Al-Shaygi و ABUHUSSEIN Author: ساميه حامد Date: 10-09-2011, 02:31 PM Parent: #18
Quote: دا شنو داا ؟ دي شنو ؟ النشره ؟
داا ووين يا جماعه ؟
دا في حي الخليج شارع الجبيل
دلوش وينك ياخ مختفية
بركة الإهداء ده جابك لينا
Post: #20 Title: Re: إهداء إلى Al-Shaygi و ABUHUSSEIN Author: ساميه حامد Date: 10-09-2011, 02:34 PM Parent: #19
Quote: هسي دي هدية ياعاطف بخسروا فيها تي ولا جي !!:) بتبالغ والله
الهدية دي كانت بناءاً على رغبة الجمهور
اها رايك شنو في الإهداء التاني بستاهل التي ولا الآر بي جي
Quote: سلام للجميع
تسلم من كل شر
Post: #28 Title: Re: إهداء إلى Al-Shaygi و ABUHUSSEIN Author: Magdi Ahmed Elsheikh Date: 10-10-2011, 01:18 AM Parent: #19
Quote: : دا شنو داا ؟ دي شنو ؟ النشره ؟
داا ووين يا جماعه ؟
دا في حي الخليج شارع الجبيل
دلوش وينك ياخ مختفية
بركة الإهداء ده جابك لينا
لاحولي الله....
يعني جيرانا الحيتة بالحيتة....
وعاملين طناااش..!!
Post: #29 Title: Re: إهداء إلى Al-Shaygi و ABUHUSSEIN Author: Magdi Ahmed Elsheikh Date: 10-10-2011, 07:15 PM Parent: #28
Quote: Quote: : دا شنو داا ؟ دي شنو ؟ النشره ؟
داا ووين يا جماعه ؟
دا في حي الخليج شارع الجبيل
دلوش وينك ياخ مختفية
بركة الإهداء ده جابك لينا
لاحولي الله....
يعني جيرانا الحيتة بالحيتة....
وعاملين طناااش..!!
عاد البوست ده خلوه كلو كلو......!!
لكن العمارة عرفناها والفيكم اتعرفت.......!!
Post: #23 Title: Re: إهداء إلى Al-Shaygi و ABUHUSSEIN Author: محمد عبدالرحمن محمد Date: 10-09-2011, 03:56 PM Parent: #18
Magdi Ahmed Elsheikh
Quote:
الف مبروك الوليد ابوحسين.........!!
ABUHUSSEIN
Quote: مجدي إرعوي أحسن ليك.....
إنت الترعوي! دا التاني في بحر اسبوعين؟ ساميه الجنا دا سوّالك شنو لامن عَمَاك لا قَدُر ده؟ بِدَّس رَسِّلِيلِي عَلَقْ مِنّو وحا أقوم بإجراء اللازم!*
Quote: سامية حامد.. حاف كدا ؟؟؟ ياخ الكلمات البتنتهي بـ ...تي الكتيييييرة دي أصلو ما مرت عليك زول يهدوا ليهو هدية معتبرة زى الأغنية دي يقابلها بالبرود دا
عاطف يا عمر، لقد أسمعت لو ناديت حيا
ساميه اختي، شكرن علي البوست خفيف الضل ويالفوق كوووووولكم ليكم كل الود والمعزه بما فيكم ABUHUSSEIN
- * زيي وزي الباقين، أعْلِنْ!
Post: #40 Title: Re: إهداء إلى Al-Shaygi و ABUHUSSEIN Author: Al-Shaygi Date: 11-04-2011, 07:17 PM Parent: #3
Quote: اسع ياقريبتي عليك الله دي اغنية يهدوها لي زول
إت يا خرابي وكت عارف ما سمع ناس زول يصحي ود شنو داك ويصحي منو داك؟؟؟؟ يا كونت يا وليدي ما تصحيني، إت قايلني حارس البورض ده وما عندي شغله غيرو؟؟؟؟ زي وليدنا داك الله يهديه؟؟؟
ثمح تاني تعال أكل ثمك...... أصلك زي عطا الكونت للسمك قرمان وقال كلو سيبو اليوم جمعة كان عازم نسيبو جدع القفة غادي وفر توبو الطايوق مشكنو في جيبو (طايوق السمك ده ما عارف تخارجو كيف) لا كبير اخوانو لملمو بي خبوبو (ما سمع بكبير أخوانو في السمك) وكمان داسي الجلد ورافد يجيبو (غايتو جلد السمكة ده إلا تعملو حجاب)
إلا تاني يبقى جبارتك في ود بكري الله يرد غربته حايم بين إنجلترا والإبيض...
Post: #21 Title: Re: إهداء إلى Al-Shaygi و ABUHUSSEIN Author: عاطف عمر Date: 10-09-2011, 02:56 PM Parent: #1
Quote: الاخ عاطف عمر
انت داير ليك بوست برااااااااااااااك وبعلتك تكون شاهده.
تحياتي وسلامات ياوليد زماااااان صديقاتنا الفي سودانيزأونلاين بعد شافو متابعة السيدة المبجلة بعلتنا الدقيقة للحاصل في البورد وآراءها النيرة في كثير من المواضيع المطروحة لموا ليك فيها لازم تشتركي معانا ولازم ولازم كان لها رأى آخر قالت ليهم " أنا جوة البيت شبعانة غلاط مع عاطف ... أمشي أتغالط معاهو كمان في السهلة كدا... حد الله بيني وبين الكتابة في سودانيزأونلاين " لكنها للحق قارئة ممتازة
Quote: هسي دي هدية ياعاطف بخسروا فيها تي ولا جي !!:) بتبالغ والله
تحياتي وسلامات عزيزي المسلمي ياخ إنت الـ بتبالغ أصلك ما سمعت بالمثل البيقول
" ( كـلبة ) الحبيب أحلى من الخروف بالزبيب " ؟؟؟
Post: #22 Title: Re: إهداء إلى Al-Shaygi و ABUHUSSEIN Author: ABUHUSSEIN Date: 10-09-2011, 03:12 PM Parent: #21
Quote: أنا جوة البيت شبعانة غلاط مع عاطف
الله إكون في عونك .....
Post: #24 Title: Re: إهداء إلى Al-Shaygi و ABUHUSSEIN Author: Nagat Sid Ahmed Elshiekh Date: 10-09-2011, 05:21 PM Parent: #22
اااوووو اخوتنا زمان الشايقية سامية، عرفنا الشايقي ممكن يسمع غني الشايقية ،، ابو جبص دا مو جعلى؟؟؟؟ اااها يا الشايقية، بشوف الناس بباركو ليكم في وليد بندور نبارك الا ماديرن نتخفف لما تأكدوا ينا الحدث.
Post: #25 Title: Re: إهداء إلى Al-Shaygi و ABUHUSSEIN Author: ABUHUSSEIN Date: 10-09-2011, 06:38 PM Parent: #24
Quote: في وليد بندور نبارك الا ماديرن نتخفف لما تأكدوا ينا الحدث
أمشي شوفي ليك شغلة أقضيها.... قال تبارك قال ...
Post: #26 Title: Re: إهداء إلى Al-Shaygi و ABUHUSSEIN Author: Nagat Sid Ahmed Elshiekh Date: 10-09-2011, 07:14 PM Parent: #25
Quote: أمشي شوفي ليك شغلة أقضيها.... قال تبارك قال ...
متين بقيت اسمك سامية؟؟؟؟؟ أبو جبص مالك متزاوغ من الاجابة ؟؟؟ انا عارفة الشايقية دى عندها شجاعة ادبية .
Post: #27 Title: Re: إهداء إلى Al-Shaygi و ABUHUSSEIN Author: ABUHUSSEIN Date: 10-09-2011, 07:18 PM Parent: #26
Quote: متين بقيت اسمك سامية؟؟؟؟؟
إنتي الغيبة دي كنتي بتاخدي كورسات في اللئامة ....؟؟؟؟
Post: #30 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:07 PM Parent: #27
Quote: لاحولي الله....
يعني جيرانا الحيتة بالحيتة....
وعاملين طناااش..!!
والله يا محاسن الصدف يا دكتور ولينا الشرف نكون جيرانك
بس بالله ما تعمل معانا زي ما عملت مع الهلال
Post: #31 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:15 PM Parent: #30
Quote: عاد البوست ده خلوه كلو كلو......!!
لكن العمارة عرفناها والفيكم اتعرفت.......!!
ياخ معقولة بس ياخي نحن لاقينكم وين
وطالما عرفت العمارة فالبيت بيتكم وحبابكم عشرة في اي وقت
Post: #33 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:21 PM Parent: #31
Quote: ساميه اختي، شكرن علي البوست خفيف الضل ويالفوق كوووووولكم ليكم كل الود والمعزه بما فيكم ABUHUSSEIN
اهليييييييين الاخ الغالي محمد
اشرقت وانورت
والله البوست ده بقى خفيف الظل بالضيوف الحلوين المروا علينا وشرفونا
Post: #34 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:25 PM Parent: #33
Quote: اااوووو اخوتنا زمان الشايقية سامية، عرفنا الشايقي ممكن يسمع غني الشايقية ،، ابو جبص دا مو جعلى؟؟؟؟ اااها يا الشايقية، بشوف الناس بباركو ليكم في وليد بندور نبارك الا ماديرن نتخفف لما تأكدوا ينا الحدث.
اهليييييييييييييين بالحبيبة نجوتة
نورتي البورد كلو والله فاقدنك بكثرة
ابو جبص بقينا شايقي بالتجنس
لا يا اختي الناس لافحة الموضوع غلط وفي الما لافحو لكن بدور إكاوي ابوحسين
انا آخر وليد عندي تم تلاتة سنوات يوم 26/9(لو صحي في واحد تاني إبقى الموضوع عاوز تقصي)
Post: #35 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:27 PM Parent: #34
Quote: أمشي شوفي ليك شغلة أقضيها.... قال تبارك قال ...
انا شايفة الموضوع ده برفع كثافتك شدييييييييييييد لييييييييييييييييييييييييييه؟؟؟؟؟؟؟؟؟
Post: #36 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:29 PM Parent: #35
Quote: متين بقيت اسمك سامية؟؟؟؟؟ أبو جبص مالك متزاوغ من الاجابة ؟؟؟ انا عارفة الشايقية دى عندها شجاعة ادبية .
شكلو كده عاوز إلحق إغطي على الموضوع سريع
صدقي زوغانو من الإجابة وزعلو لما إتفتح الموضوع ده عمل لي قلق
Post: #38 Title: Re: إهداء إلى Al-Shaygi و ABUHUSSEIN Author: Magdi Ahmed Elsheikh Date: 10-11-2011, 06:39 AM Parent: #34
Quote: ابو جبص بقينا شايقي بالتجنس
شلختو.....!!
Post: #32 Title: Re: إهداء إلى Al-Shaygi و ABUHUSSEIN Author: ساميه حامد Date: 10-10-2011, 10:16 PM Parent: #27
Post: #37 Title: Re: إهداء إلى Al-Shaygi و ABUHUSSEIN Author: Nagat Sid Ahmed Elshiekh Date: 10-11-2011, 01:05 AM Parent: #32
انا شايفة الموضوع ده برفع كثافتك شدييييييييييييد لييييييييييييييييييييييييييه؟؟؟؟؟؟؟؟؟
والله ياسمسم اختى ليك حق ابحثى فى الموضوع دا سريع وتعالي لينا بالنجيضة.
Post: #39 Title: Re: إهداء إلى Al-Shaygi و ABUHUSSEIN Author: Al-Shaygi Date: 11-04-2011, 06:53 PM Parent: #37
Quote: إهداء إلى Al-Shaygi و ABUHUSSEIN
سامية حامد يا بت أمي والله البوست ده يعميني ما شفتو إلا عن طريق الشيخ قوقل.... ببحت في موضوع قصيدة الـكـلـبـة لأنها عـاجـبـانـي شديد مش بس في موضوعها ورفق الشاعر عطا بالحيوان، كذلك في بلاغة وبساطة الوسف واستخدام كلمات دارجة بسيطة صورت ما يرمي إليه الشاعر. مثل: شويتين مو كتير جاهن خليفة قال الراس اسلخوه وسوو نيفة يتوكل بي وحدو ولا مع رغيفة صفو المرقة في الباطن نضيفة وأذكر أن هذه الكلمات علق عليها شاعرنا محمد سعيد دفع الله في جلسة معه أيام ما كان معانا هنا في الرياض.
بالإضافة لإنتهاجه لشعر الفكاهة وإدخال أسماء أشخاص حقيقين صورهم كما رأهم وعرفهم.، وقد أتهمهم بذبح الكـلـبـة وأكلها ولولا إختياره لهذا النهج لما إنتشرت القصيدة وقد لا نعلم بها وتضيع ضمن أشعاره التي لم تصلنا ولم تأخذ حظها من الإنتشار... سبق وأن كتبت عنها وعن الشاعر في بوست قديم أذكر أنه بعنوان شايقية بلا حدود. وحقيقة أشكرك يا بت العم والخال فبكل الجهات تقربي لي، على الإهداء الجميل وكأنك عارفة حبي للقصيدة. وهاك كلماتها كاملة وسأورد قصتها لاحقاً إنشاء الله: وعيدكم مبارك وكل عام وأنت وعادل والوليدات وكل الأهل بأمدرمان والقرير ....
الـكـلـبـة
اصغو لي واسمعو يا زمالة حقيقة وحاصلي مو ساكت قوالا ـكـلـبـة والدي فوق كوم الزبالة محجوب كلموه وفات مشالا مستعجل.. قبل ياخد سؤالا بي فد طلقة أتم بي عيالا
كـلـبـة في بيوت عجبين سكونا تتحدوها تدخلوا في شؤونا قدر ما كشرت ومرقت سنونا بي فد طلقة أتم بي عوينا
بعد سلخوها واجتمعو الرجالة كل الشافلو قوطة سميني شالا أخويا لينا شغال في ام جلاجلا قال ناولوني ماعون حتى ان كان شوالا
بعد شحدو البرش وطوالي فرو فرحان بابكر مما يسره صفق ايدينو قال يا اخوانا ترو وكل الما هو داير ما نضره اكلو وخلو والماباقي شرو بعزل حقي في منديل اصرو اليعضي ولادنا لا بد من نضره اصلو سعرا حايم الله يكافي شرو
عبلة وصدفة حردانات يحدرو وحداد لا مدة اسبوع ما ينرو ولا ان شافو الحرامي وراهو يجرو ولا في السهلي من الحوت يفطرو
الحقيقة هي لونا أزرق وصوفا يرهز وكل الشافا أول مرة قال عز اتاري الدنيا ماشي عليها حز حز من واحد عيار نافوخا بزبز
كمان عبد الرحيم احمد حضيري قال سيبو الغلبة والحجي الكتيري اللحم جيبوهو جوة من الهجيري الراس اوعكم تدوهو غيري انا زولا نفسي بالتقسيم جديري انتو شوفولي المكرضمي والكبيري
الحوش كتمة مرتفعي الحرارة فضيل يهرج موقف فوقنا غارة قال ادوني كوم لي وكومين لي جبارة العشرين قرش راحت خسارة حضر بي غفلة عثمان ود بشارة فرش طرفو قال جيبو المرارة
سلمان اصلو شارف وزيو مافي جاهم واحدي لابسي وواحدي حافي لا قولة سلام لا قال عوافي فتحة خشمو قال بي ديل قفافي ادوني الافوت شوفو الخلافي نص كوم كستليتة وباقي صافي
عمي الحاج كمان راجلا مصلي قال يا ابني نظرك مو مجلي تنشين لا هو واطي ولا معلي بس لكن قوي وماب يتوكلي
شويتين مو كتير جاهن خليفة قال الراس اسلخوه وسوو نيفة يتوكل بي وحدو ولا مع رغيفة صفو المرقة في الباطن نضيفة
التوم كومو قال ظلموه فيهو جا شايلو براهو دايرو يسلقو ليهو ساد حوشو ومتاقي الباب عليهو فشان لا ضيف ولا شحاد يجيهو
أحمد حمزة قال حصانو جراي يفج في الناس يعاين جاي وبي جاي فرصة سعيدة قال بعملكم راي نعملا شية تستاكل مع الشاى
كما عوض الكريم يبدا ويراي شاف اللمة قال أشنو الحكايي هسي دي كرامة ولا محل سمايي الأروح البيت أجيب ما عوني جايي
سيد احمد بعيد لكنو عشمان ماب يقدر يصل حارسلو دكان ارسلو كومو صحبة أي انسان بالتقررو المجموعة قبلان
عبد الرحيم الحاج ينقنق وما هو راضي قال كومين قليلي علي ولادي ممحوق واشوا من لحم الجدادي انتو شوفو طريقة سوو لي الزيادي
باقي سعيد فضيل بالحيل مدروش يمط القوطة طول مترين وينتش قال والله مو هش مزة متل دايري الزول يغبش جا عبد الله اخوه بالليل بيهرش قالب عينو جمرا ومابي يرمش قال اصلو خوتكم بقت غش محل تقسيما وينو نروح نفتش بدل نقمح من الرمرام نقرمش أتاري السر يلوم في الناس وينبش غضبان يتركض متل المتلبش
خدر ود حمد نور بالحيل اتغش بعد ما جاب صلصتو وبصلو حشا لقاهم شالو خلو الواطا غبشا طنطن ما رضا وسالو دوشة غمد بالزعل من بيتو طش
فضل الله ما كان في حد طاري قال جاني المرسال بعد ما جب خداري زرقا لا ني حاري ولا ني داري هو شايلو يمشي والضبان مباري وقال بقسم منو لي عبد الله جاري
كل زولا ذكرتو ومني زعلان أصلو راس القايدي عثمان عبد الرحمن هو يشجع فيي وأنا برضي شفقان محاول يحفظا ويعمل لها الحان
عطا قرمان لحم قال كلو سيبو اليوم جمعة كان عازم نسيبو جدع القفة غادي وفر توبو الطايوق مشكنو في جيبو لا كبير اخوانو لملمو بي خبوبو وكمان داسي الجلد ورافد يجيبو
