الأميـن الـبشـاري الحق، زوّلك رشّ محمد عبد الله الريّح... والله صحي...

معاوية المدير...سلام
ياخى اذا كان د. محمد عبد الله الريح نهى عن قتل الضب
عشان التوازن البئيىء وأن الضب ياكل الحشرات ودى حقيقة
علمية..
فانت يا اعلم اهل الارض قد سبيت الرجل ووصفته بانه جــاهل وسافـل
فهل هذا هو مبلغ التدين فى هذا الزمن الســافل الذى اوصلك الى هذا
المنبر فليس المؤمن بطعان ولا لعان ولافاحش ولابذىء..
بعدين عناقريب شنو يازول الرجل الدكتوراة عملها فى الوطوايط
والله لو قالوا ليك اكتب عنهم كلمتين لما استطعت..
د.محمد عبد الله الريح نفعنا الله بعلمك وبتأدبك وبلطفك ووقانا
واياك شرور تنابلة السلطان هولاء...
اتكلم عن ظلم السلطة للعباد وتجويعهم واذلالهم
فإن للضب رباً يحميه..
معاوية من هذا الذى يخطب وأين يقع هذا المسجد الذى خطيبه
هذا العالم؟ لو تكرمتم..
أى علماء هولاء ان لم يكونوا علماء الانقاذ بالله دى حكومة؟؟

الأخــويـن الـكـريـمـيـن معاوية المدير وصديق الموج

لـكـمـا الـتـحـيـة والـســلام

فـى عـهـد لافـيـه ســلام ولا إســلام يـجـول مـثـل هـؤلاء
الـجـهـلاء بـفـحـش مـتـناسـيـن أن الـديـن الـمعـامـلة
والـمـسـلـم مـن سـلـم الـمسـلـمون مـن لـسـانه ويـده.

بعـد مراجـعـة الـنصـوص إثـر تـداخـل الأخ تـبارك إتـضـح
تـضـارب نـصـوص الـحـديث مـمـا يـدعـو للـمراجـعة والـتثـبت


أما صـديـقـى مـحـمـد عـبدالله الـريـح فـمـن أعـلـم عـلـماء
الـحـيـوان فـى الـعـالـم ومـن طـلائـع مـؤسـسـى الـحـركـة
الـعـالـمـيـة للـبيـئـة حـيـنـما إسـتـنـجـدنا بـه لـدعـم
حركـتـنا الولـيـدة عـلمـيـا فى المـؤتـمـر الـثـانى للـبيـئـة
بـجامـعـة مـاكـماسـتـر فـى هـامـلـتـون بـكـنـدا عـام 1971.
فكان فـخـرا لـنـا وظـل وفيـا لعـلـمـه ومـخـلـصـا للـسـودان
طـوال حـيـاتـه, وكان يـنـفـق مـن جـيـبـه الـخـاص عـلـى
مـتـحـف الـتأريـخ الـطـبـيـعـى بـجـامـعـة الخـرطـوم الذى
أســســه وطـوره وجـمـع فـيـه غـرائـب الـحـيـوانات

ودمـتـمـا ســنـدا للـحـق.

سبحان الله.
حتي ابو داؤد لم يسلم!!!

ضب السودان المستخدم في العامية برضو اسمو بالعربي "الوزغة" و "العظاءة" ... الضب في لغة النبي العربي ... ما عندو علاقة بالضب في لغة العربي الجاهل دا ... والله صحي ...

يعتقد العرب - جهلاً بالدكتوراة - أن كل الوزغ والعظاء سامّة ... وهو جهلٌ بخلق الله وتصريفه للكون والمخلوقات ... يريدون - تدليساً - أن ينسبوه للنبي ... لتبرير قتل الوزغ والعظاء مع الضب ... فجاء هذا الديك تور بهذه الفسوى الغريبة ... والله صحي ...

وكلّو عند العرب صابون ....

(غايتو كلام الراجل عن الدكتوراة في نوتة البروف مظبوط مية في المية ... والله صحي!)





... المهم ....

Quote: اتكلم عن ظلم السلطة للعباد وتجويعهم واذلالهم فإن للضب رباً يحميه..

سلآمات يا صديّق الموج.
قال السُلطة، قال!!!
ليّه يعني عشان إنتو تقعدوا تاكلوا في البتيخ الصاااااقط
والمسيكين دا يتركن في زنزآنة؟؟؟

Quote: ليّه يعني عشان إنتو تقعدوا تاكلوا في البتيخ الصاااااقط والمسيكين دا يتركن في زنزآنة؟؟؟

معاوية ...
طيب كان يتكلم عن سادومبا ومدى شرعية سجوده حين يحرز هدفا ..
طالما اصلو الموضوع موضوع ونسة واضحاك للمصلين ...
--------------------------------
بدل الاساءة للعلماء كان يتكلم في أي حاجة ...
هي بقت بس على ضب ودالريح ؟؟
ما أكثر المضحكات في بلادي ...المنكوبة بالمدعين ..

Quote: معاوية من هذا الذى يخطب وأين يقع هذا المسجد الذى خطيبه هذا العالم؟ لو تكرمتم..

يا ود الموج الزول ده شيخ الأمين البشاري واسماء الجنيّد، وعندهم فيهو
عقيدة قويّة. انا اخدت البيعة علي يدهما، دحين اسألهم هُم. عليك الله ما تجيب لي
الكتاتيح.
الزول ده شيخهم.
والله صحي...

من المفترض ان يقوم د. محمد عبد الله الريح بمقاضاة هذا الرجل ...

يعني خلاص انتهوا من موضوع النساء والنفساء والحائض قبلوا علي الدكاتره؟؟؟؟؟

_________________

بعدين يا معاويه الراجل دا ضرب المايكرفون ضربه لو وقعت في ود الريح كانت جابت خبرو

Quote: فـى عـهـد لافـيـه ســلام ولا إســلام يـجـول مـثـل هـؤلاء الـجـهـلاء بـفـحـش مـتـناسـيـن أن الـديـن الـمعـامـلة والـمـسـلـم مـن سـلـم الـمسـلـمون مـن لـسـانه ويـده. بعـد مراجـعـة الـنصـوص إثـر تـداخـل الأخ تـبارك إتـضـح تـضـارب نـصـوص الـحـديث مـمـا يـدعـو للـمراجـعة والـتثـبت

سلآمات أخي عبد الرحمن، ونشكر الأخ تبارك.
القضية يا عبد الرحمن ما في الورر أو الضب. القضية إنو
الزول ده ما لقى طريقة يوصل بيها المعلومة للدكتور ود الريح
غير الطريقة دي؟؟؟.
بالمناسبة، الزول ده شايف نفسو دافع عن الدين دفاع
مُستميّت.
والله صحي...

Quote: ... المهم ....

والله صحي.




سلآمات يا تبارك...

من الواضح أن الشيخ السلفي يفتقد للكثير من سمات العلماء والدعاة وينحو للإساءة والشتائم كما سمعنا من هذا المقطع, ومن الواضح أنه يخلط ما بين درجات الدكتوراة السبهللية المتحصلة في زمن الانقاذ وبين الدرجات العلمية الجادة المتحصلة بالابحاث القياسية في ماقبل سودان الانقاذ ... وهو نقص معلومات معهود في أنصاف المتعلمين,

لا يعلم هذا المتنطع أن الدكتور محمد عبد الله الريح من العلماء السودانيين النادرين في تخصصه وهو قد وصل لدرجته بأبحاث شملت أربعة قارات حول العالم, وقام بالتدريس في عدة جامعات مرموقة,

جهل هذا المتنطع بالدكتور محمد عبد الله الريح في (حد ذاته) نقيصـة في حقه .. كداعية يفترض فيه العلم بمجتمعه وأعلام هذا المجتمع والدكتور محمد عبد الله الريح ليس علماً في تخصصه وحده وإنما في العديد من التخصصات والمعارف

والشيخ ينحو بصورة واضحة للتكفير في حق الصوفية وهو أمر خطير جداً من بين ما ابتليت به بلادنا


أحمد الشايقي

Quote: (غايتو كلام الراجل عن الدكتوراة في نوتة البروف مظبوط مية في المية ... والله صحي!)

يا راجل!!!؟
والله صحي...

ود المدير حبابك يابا ,,
دكتورنا ود الريح الله يديه العافية جاتو في صمة خشمو وقااااااااااااادر يدافع على روحو
والضب دافع عنه الدكتور ود الريح ذات نفسو بمقاله الرائع
اها النجيضة المايك الكفتو الشيخ ده امام رؤس الأشهاد . البياخد ليهو حقو منو .؟ مظلوم المايك
بعد اللفحة الجاتو رفعوا ليه راسو واصل في نقل نضمي شيخ العقبة ,, والله صحي

اضحك الله لك سنك يا ود المدير
السلام ليك ولكل زوارك الكرام

Quote: اضحك الله لك سنك يا ود المدير السلام ليك ولكل زوارك الكرام

حبابِك إخيتي بت الجنيد.
خلآس إنتهيتي من فتل الحبال، وجيتي بجاي؟؟؟

مغرود لي في حبل نصييييح للمايك
والله صحي...

Quote: ضب السودان المستخدم في العامية برضو اسمو بالعربي "الوزغة" و "العظاءة" ... الضب في لغة النبي العربي ... ما عندو علاقة بالضب في لغة العربي الجاهل دا ... والله صحي ... يعتقد العرب - جهلاً بالدكتوراة - أن كل الوزغ والعظاء سامّة ... وهو جهلٌ بخلق الله وتصريفه للكون والمخلوقات ... يريدون - تدليساً - أن ينسبوه للنبي ... لتبرير قتل الوزغ والعظاء مع الضب ... فجاء هذا الديك تور بهذه الفسوى الغريبة

الضب و جمعها (ظبان)* بياكلو عديييل كدا!!
و الله صحي!!












-----

* او هكذا نسمعها .. للامانة (الظاء) دي قاسية على الاعاجم الزينا ديل!

غايتو عمري ما شفت لي شغف و جن جماعي قدر ما شفت الاهتمام بالـ(فَقَع) و الضبوب (الاصلية) دي

حولاااااااا!؟

اسي عندنا - او قول في بادية شيخكم دا - الناس لمن تتلاقى بعد غيبة بتقول شنو!؟

عديت فترة في بادية شمال المملكة "حفر الباطن" ..

البدو ديل - و في رواية ضعيفة قيل لسة ما بدوا ذاتو! - بسالوك:
( تفقعتم!؟ .. عينتوا فقع!؟) ..
و قبل السؤال عن صحتك!!

والمدير وسوما والامين
لي زمن بفتش لي شيخكم دا وما لقيت الوقت .. والله صحي



قريبي دكتور محمد عبدالله الريح مسلط وختري كان مسك قلمو وفك لسانو وبنجض ليكم شيخكم دا .. والله صحي

تعرف الانحطاط يصيب كل شئ. تخيل ماذا تتعلم من هكذا رجل يتكلم فى الدين. رجل جاهل بعلماء بلاده. ماذ تقول عنه او ماذا تقول له وهو من المفترض ان يعلمك ان الدين المعامه

ولو كنت فظا غليظ القلب لانفضو من حولك

هل هكذا تتم الدعوه وتفنيد الحجج هل هكذا يخاطب العلماء بعضهم ان كان هذا الرجل عالما

هل فى الدين الاسلامى رجال دين احتكرو ناصيه الحديث والاخرين لا يحق لهم بالتحدث فى تخصصاتهم

هل لو استلم الرجل ما جاء فى المقال دون تجريح وفند المقال الم يكن اجدى

ام انها العنجهيه وادعاء امتلاك الحقيقه

محمد عبدةالله الريح لا يحتاج لى كى اعرف به فهو علم عالمى

حاول ان تجرب ان تكتب اسمه فى قوقل

وحاول ان تكتب هذا الذى لا اعرف اسمه ونرى من افاد البشريه جمعاء ومن رفع اسم السودان فى المحافل الدوليه والعلميه

انه التخبط والانحطاط كما قلت اصابًكل مناحى الحياه انه الانهيار التام اعان الله اهل الداخل

من وين يلقوها من الساسه ام من المعارضه ام ممن يتكلمون باسم الدين

الله يكون فى العون

وزى ما قال الذي لا اذكر اسمه من البورد العوج راي والعديل راى

غايتو اظرف ما في خطبتو دي...عبارة


...والله صحي...

الخطيب اما يكون زي الزول البكافت في المكرفون دا والله بلاش..
شابكننا من سنة اسكت...قال البيهقي ...في سنن ابن ماجه...


وقال الامام ابن تيمية...

بعد دا كل زول يقول براه....
ويتعامل مع الضب بي طريقتو

الاخ معاوية وضيوفه الكرام
ليست المشكلة فى نظرى هى أقوال هذا الجاهل الذى يحط من قدر العلم والعلماء
لكن المشكلة فى المئات من جماهير شعبنا التى تستمع لهذا الهراء ولا تغادر هذا المسجد أو تنصح الامام .. بل يضحكون
ومؤكدا خرجوا ناغمين على الدكتور واصبح حديث الامام مثار تندر ونساتهم .. وعادوا الجمعة التالية لمواصلة سماع الغثاء الذى يبثه كما وعدهم
وأعجب لم يتساءل حالمو المنبر عن تأخر الثورة السودانية عن ركب بقية الشعوب .. أو لماذا نحن متخلفون .. ؟ ماذا ينتظرون من شعب يضحك على اساءة العلماء
..
ما سمعناه من اساءى وتحقير العلم والعلماء لم يحدثم أو يقال الا فى عهود الانحطاط الفكرى
لا أجد أصدق من وصف حالنا الا أبيات الفيتورى :
القاضى يغزل شاربه لمغنية الحانة ..
وحكيم القرية مشنوق
والقردة تلهو فى السوق
قاضيكم مشدود في مقعده المسروق
يقضي ما بين الناس
ويجرّ عباءته كبراً في ال########ه
يا محبوبي
لا تبكيني
يكفيك ويكفيني
فالحزن الأكبر ليس يقال

معاوية المدير يا دفعة


كيفك يااااخ .. آآآآ زول والله صاحبي دا شغال رش صاح
هو رشه الترابي وعصام أحمد البشير .. الخ الخ
ما يرش ليك محمد عبد الله الريح .. والله صحي
وبعدين اخوك فاتح ليهو جبهة بهناك
مع نــدى القلعة في داعي تاني تفتح لينا جبهة بجااااي
والله صحي
غايتو زول تحفة بالجد ...

تحياتي وبكرة بجيك راجع لموضوع الضب والدكترة دا
غايتو سوما بت ابوي الجنيد الليلة بتكون فطست من الضحك
والله صحي

الرشة الاصلية لدكتور حساس جات من بش بش لمن لبس المركوب الرئاسي


تحياتي لك و للبشاري

Quote: غايتو سوما بت ابوي الجنيد الليلة بتكون فطست من الضحك والله صحي

سـومـا بتاعت الحُبال؟؟؟

Quote: من الواضح أن الشيخ السلفي يفتقد للكثير من سمات العلماء والدعاة وينحو للإساءة والشتائم كما سمعنا من هذا المقطع, ومن الواضح أنه يخلط ما بين درجات الدكتوراة السبهللية المتحصلة في زمن الانقاذ وبين الدرجات العلمية الجادة المتحصلة بالابحاث القياسية في ماقبل سودان الانقاذ ... وهو نقص معلومات معهود في أنصاف المتعلمين, لا يعلم هذا المتنطع أن الدكتور محمد عبد الله الريح من العلماء السودانيين النادرين في تخصصه وهو قد وصل لدرجته بأبحاث شملت أربعة قارات حول العالم, وقام بالتدريس في عدة جامعات مرموقة, جهل هذا المتنطع بالدكتور محمد عبد الله الريح في (حد ذاته) نقيصـة في حقه .. كداعية يفترض فيه العلم بمجتمعه وأعلام هذا المجتمع والدكتور محمد عبد الله الريح ليس علماً في تخصصه وحده وإنما في العديد من التخصصات والمعارف

شكرا يا الشايقى على كلامك الذى عبر عما كنت أنوى كتابته..

على العموم جهل هذا المتحدث بالدكتور محمد عبد الله الريح فى حد ذاته جهل

هذا المتحدث فظ غليظ القلب

سورة ال عمران :
فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ (159)

Quote: معاوية ... طيب كان يتكلم عن سادومبا ومدى شرعية سجوده حين يحرز هدفا .. طالما اصلو الموضوع موضوع ونسة واضحاك للمصلين ...

سلآمات يا فتحي.
الزول ده ونستو كانت حاتكون في السلك
لو ونّس الجماعة عن الحج بتاع الساحة
الخدرا.
والله صحي...

Quote: بعدين يا معاويه الراجل دا ضرب المايكرفون ضربه لو وقعت في ود الريح كانت جابت خبرو

استاذ طارق سلآمات.
يا زول المايكرفون ده متعود علي اللبعي، إنت قايل دي
اوّل مرّة؟؟؟... غايتو، ربنا يستُر علي ود الريّح.
والله صحي...

Quote: من الواضح أن الشيخ السلفي يفتقد للكثير من سمات العلماء والدعاة

احمد الشايقي، سلآمات.
ولا حتي عندو القليل من سمات العلماء، إنما يتمتع
بالكثير الغزير المثير من صفات المهرجين.
والله صحي...

Quote: الضب و جمعها (ظبان)* بياكلو عديييل كدا!! و الله صحي!!

سلآمات قيقراوي.
في بعض بوادي العرب ينطقون الضاض ظا.
يقولون: و لا الظآلين بدلاً عن الضالين.

والله صحي...

Quote: والمدير وسوما والامين لي زمن بفتش لي شيخكم دا وما لقيت الوقت .. والله صحي قريبي دكتور محمد عبدالله الريح مسلط وختري كان مسك قلمو وفك لسانو وبنجض ليكم شيخكم دا .. والله صحي

سلآمات يا نوفل. أخبارك؟؟؟
فعلاً قريبك اكان قبّل عليهو بيخلي ريحتو طير، طير.
والله صحي...

الشيخ هنا فكّ آخرو، وختاها علي البلآطة.
والله صحي...

Quote: والمدير وسوما والامين لي زمن بفتش لي شيخكم دا وما لقيت الوقت .. والله صحي

نوفل داير تبقى حوار ولا شنو?
ولو عايز تعمل دكتوراه في البنابر شيل شيلتك مع الشيخ
والله صحي

والله الزول دا بالرغم من فظاظة كلامو ودشانة حديثو إلا إنو زول funny
>>>

لكن شكلو يوم ح يقبل على سودانيزونلاين وكتابها

فى طريق الزول دا يدخل معانا المنبر ويكتب؟؟
يمكن يتصلح شوية

والله صحي !!

Quote: لكن شكلو يوم ح يقبل على سودانيزونلاين وكتابها

محمد النيل يااااخ ما تحرش بالله
غايتو أول زول حيترشه رش صاح هو أنا
لوووووووووووووول
وبعدي طوالي اسماء الجنيد .. والله صحي
وبعدها طوالي معاوية ود المدير دا

منهج الكتاب والسنة يقول:
(ادع إلى سبيل ربك بالحكمة والموعظة الحسنة)..
سبحان الله الشيخ ده لا حكمة لا موعظة ولا حسنة..
مقطع (السلطات الأمنية) قمة في الكوميديا والانبطاح..
ياخي ده راجل ممتع.. للغاية..

Quote: هل لو استلم الرجل ما جاء فى المقال دون تجريح وفند المقال الم يكن اجدى

ما بيقدر يا عمر سعد. ده اصلوا كدي.
الزول ده يا عمر ما بيدي نفسو فرصة يفكر،
بيجيبولوا الجريدة وبيرش طوالي. زي صديق مهدي.
والله صحي...

Quote: بعد دا كل زول يقول براه.... ويتعامل مع الضب بي طريقتو

هوعلي كيفك؟؟؟ اطلع برّة.
طبعاً يا نذار دي العبارة التانية المحببة لشيخنا،
وانا إستعملها لك هنا إقتداءً به.
والله صحي...

هذا إنسان كاذب وجاهل...
كاذب لان بر ابو البتول لم يكن عند قصر الشباب والاطفال..
فى مكان قصر الشباب والاطفال كان السجن الحربى..
ضريح بر ابو البتول كان مكان مجلس الشعب الحالى
لم تكن هنالك قبة كبيرة .
بل كان هنالك قبر و مزار ومحاط بسور قصير مبنى بالطين..
وكمية كبيرة من الازيار واشجار لبخ وشقل تحيط بالمكان
وهو لم يكن حاضر وقتها لان شيخ ابوزيد قال انه سوف يوزع
الرفات على كل مقابر العاصمة كى لا يتخذ مزار وقد كان..
الله يحلنا من مثل هولاء الكذبة الطعانين العانين،،،

Quote: الاخ معاوية وضيوفه الكرام ليست المشكلة فى نظرى هى أقوال هذا الجاهل الذى يحط من قدر العلم والعلماء لكن المشكلة فى المئات من جماهير شعبنا التى تستمع لهذا الهراء ولا تغادر هذا المسجد أو تنصح الامام .. بل يضحكون

لايصلح الناس فوضى لاسراة لهم
ولاسراة اذا جهالهم سادو
تهدى الامور بأهل الرأى ما صلحت
فأن تولت فبالاشرارتنقاد.

أو كما قال الشاعر.
تحياتي سمير...

Quote: الرشة الاصلية لدكتور حساس جات من بش بش لمن لبس المركوب الرئاسي

دي ما بتتلتق يا ابراهيم لكن بيني وبينك
الشخصيتين ظريفات.
والله صحي.




تحياتي...

Quote: هذا المتحدث فظ غليظ القلب

والله صحي...

Quote: لكن شكلو يوم ح يقبل على سودانيزونلاين وكتابها

غايتو انا بررررررا، لكن البشاري واسماء الجنيد
إن شاء الله ما يخليلهم صفحة يرقدوا عليها.
والله صحي...

Quote: هذا إنسان كاذب وجاهل... كاذب لان بر ابو البتول لم يكن عند قصر الشباب والاطفال.. فى مكان قصر الشباب والاطفال كان السجن الحربى.. ضريح بر ابو البتول كان مكان مجلس الشعب الحالى لم تكن هنالك قبة كبيرة . بل كان هنالك قبر و مزار ومحاط بسور قصير مبنى بالطين.. وكمية كبيرة من الازيار واشجار لبخ وشقل تحيط بالمكان وهو لم يكن حاضر وقتها لان شيخ ابوزيد قال انه سوف يوزع الرفات على كل مقابر العاصمة كى لا يتخذ مزار وقد كان.. الله يحلنا من مثل هولاء الكذبة الطعانين العانين،،،

إن شاء الله يسختك يا صديق الموج...

يا دمعي الإتشتت .... وغلب اللقاط ....

انا زاتي شيخي المكاشفي ...









... والله صحي ....

Quote: والله صحي !!

استاذ السني مشتاقين،
والله صحي...





تحايا للأولآد...

Quote: منهج الكتاب والسنة يقول: (ادع إلى سبيل ربك بالحكمة والموعظة الحسنة).. سبحان الله الشيخ ده لا حكمة لا موعظة ولا حسنة.. مقطع (السلطات الأمنية) قمة في الكوميديا والانبطاح.. ياخي ده راجل ممتع.. للغاية..

ايمن دياب سلآمات.
يا ايمن حكمة مافي وموعظة مافي، لكن الحسنة
الوحيدة إنو زول هنتيكة بيضحك الناس.
والله صحي.

في مقطع السُلطات الأمنية ولا اختشى تصدق.
والله صحي...

Quote: يا دمعي الإتشتت .... وغلب اللقاط .... انا زاتي شيخي المكاشفي ...

المكاشفي ابو طاقية؟؟؟
اي نعم عندو دكطورا في الطواقي و دق القُفف، لكنه لا يسوى
شئ مع شيخنا هذا.
والله صحي.

أحسن ليك تعمل سويتش معانا يا تبارك.



المهم، والله صحي...

Quote: الخطيب اما يكون زي الزول البكافت في المكرفون دا والله بلاش..

والله صحي...

الزول دي,لو قاعد في ميدان الشهداء
وبيهظر مع الناس, بكلامه الانتيكة دي.
غلط
عندو بطاقة كمان والله صحي.


مودتنا ود المدير.

Quote: عندو بطاقة كمان والله صحي.

ديل الشيوخ المجيهين يا الفاضل. عليك الله الشيخ
بلا بطاقة يسوى شنو في زمنا دا؟؟؟
عشان بطاقتو دي انا بقيت احد حواريه.
الرقص والطرب كلوا عندو حرام، عدى رقص
السيد المشير البشير.
والله صحي.

مودتي...

Quote: من المفترض ان يقوم د. محمد عبد الله الريح بمقاضاة هذا الرجل ...

يا استاذ طارق مرغني، كمان ما للدرجة دي.
والله صحي...

السلطات الأمنية بارت 2...

ود المدير
في خطبة متداولة في الموبايلات للزول دا زاتو
بيحكي فيها نسخة معدلة من نكتة سفيه
هو بيقول انو في زول جاء الجامع لقاء المصلين راكعين
قام قال ليهم "اها انا اسع اشوت منو فيكم"
طبعاً النسخة الاصلية من النكتة معروفة للجميع
اها زولك دا اسع شيخ انصار سنة ولا سنة
تشكيل الكلمتين متروك لفطنة البورداب

Quote: ود المدير في خطبة متداولة في الموبايلات للزول دا زاتو بيحكي فيها نسخة معدلة من نكتة سفيه هو بيقول انو في زول جاء الجامع لقاء المصلين راكعين قام قال ليهم "اها انا اسع اشوت منو فيكم" طبعاً النسخة الاصلية من النكتة معروفة للجميع اها زولك دا اسع شيخ انصار سنة ولا سنة تشكيل الكلمتين متروك لفطنة البورداب

تشابهت عليه البقر!
دا زى الأحمق القال والله (.........) دي أنا عندي فيها رأى حتى فى الصلاة
والله صحي
جني

Quote: ود المدير في خطبة متداولة في الموبايلات للزول دا زاتو بيحكي فيها نسخة معدلة من نكتة سفيه هو بيقول انو في زول جاء الجامع لقاء المصلين راكعين قام قال ليهم "اها انا اسع اشوت منو فيكم" طبعاً النسخة الاصلية من النكتة معروفة للجميع اها زولك دا اسع شيخ انصار سنة ولا سنة تشكيل الكلمتين متروك لفطنة البورداب

Quote: تشابهت عليه البقر! دا زى الأحمق القال والله (.........) دي أنا عندي فيها رأى حتى فى الصلاة والله صحي جني

اخواني علي ميرغني وجني
اشكركم علي المرور.
اها نحن زاااااتنا هسّع نشلّت منو، ونخلي منو؟؟؟
والله صحي...

الرش بالدور ومع محمد مصطفى عبد القادر
مش حتقدر تغمض عينيك ... والله صحي
يا ود المدير اتا بت عمنا اسماء الجنيد وينه من البوست دا؟

لم يبق إلا إستباحة دمي

والله صحي !

تحياتي للجميع

أخوكم شهيد الضب

ود الريح

دكتور الريح ..شهيد الضب..أكثر الأيام التى كنت أشاهد فقيها التلفزيون فترة السبعينيات ..هي الجلوس لمشاهدة البرامج
التى تكون بها ..والله صحي ..
فعلا ..لله في خلقه شئون ..مع احترامي للشيخ محمد مصطفي .. إلا أن هذه مواضيع لا تثار هكذا ..ولا تحكي القصص بمثل تحكيها..
وأعلم أن الخطبة غير المحاضرة أو الدروس التى تلقى عقب الصلاة .. انما السخرية من البشر بهذه الطريقة .. لم نعرفها عن
أخوتنا في أنصار السنة المحمدية .. لنا راي في بعض فكركم .. لكن مع ذلك نحترم وجهة نظركم ..

Quote: الرش بالدور ومع محمد مصطفى عبد القادر مش حتقدر تغمض عينيك ... والله صحي يا ود المدير اتا بت عمنا اسماء الجنيد وينه من البوست دا؟

والله يا ود البشاري أخوي،
الزولة دي آخر مرّة شافا النحرير صديق مهدي تفتل في
حُبال في الشمالية، ومن دييييك و عييييك. الظاهر حكاية
الحُبال دي نفعت معاها!!!، لكن شايف سيّد الجِلِد والراس
شهيد الضب ظهر.
والله صحي...

Quote: لم يبق إلا إستباحة دمي والله صحي ! تحياتي للجميع أخوكم شهيد الضب ود الريح

حقّك علينا يا دكتور، وهنيئاً لك الشهادة في
سبيل الضب.

أسعدنا مرورك، والعيد يتبارك عليك.
تمنياتنا لك بدوام الصحة والعافية، ولك
منا كامل الإحترام...

Quote: الضب و جمعها (ظبان)* بياكلو عديييل كدا!! و الله صحي!! سلآمات قيقراوي. في بعض بوادي العرب ينطقون الضاض ظا. يقولون: و لا الظآلين بدلاً عن الضالين. والله صحي...

شيخنا دا راجل ( بيظ ) ساكت
والله صحي
جني

Quote: شيخنا دا راجل ( بيظ ) ساكت والله صحي جني

سلآمات يا جني.
العيد يتبارك عليك...

Quote: وأعلم أن الخطبة غير المحاضرة أو الدروس التى تلقى عقب الصلاة .. انما السخرية من البشر بهذه الطريقة .. لم نعرفها عن أخوتنا في أنصار السنة المحمدية .. لنا راي في بعض فكركم .. لكن مع ذلك نحترم وجهة نظركم ..

شكراً أخي صلآح الفكي علي المرور،
والمدآخلة الجميلة...

Quote: شيخنا دا راجل ( بيظ ) ساكت والله صحي جني

يا جني شايفك مبسوط.
خلآس بنكلم بت الجنيد ياخُد لك البيعة.
والله صحي...