ســــــــؤال جادى جداد شديد

اجمل التحايا لكم جميعا اسرة سودانيزاونلاين. حكومتن وشعبن{ التونين مقصود يا سمحين عشان ما يجى زول ينط
لى فى رقبتى} ...طبعا انا حفن كرعى وسعيت بكل ما املك ولا املك من قوة ومن وساطة ومن كلمات والله عشان
انال شرف الانتماء لهذا الصرح والذى بدون شك اصبح معلم بارز فى عالم الصحافة الالكترونية عموما وفى
خاطر السودانيين على اختلافهم بطريقة خاصة وفى قلب منتسبيه بطريقة خاصة جدا
لكن النصيحة لى الله قصة الشتايم والكلمات الشينة دى والله تخوف اديل كدا



كان قلت تعارض التراب كال خشمك وكان بقيت حكومة الله قال بى قولك وكان بقت من العوام ساكت
تجيك طوبة تفلقك وتفلق امك وابوك كان حيين

سؤال والله وسؤالى دا جادة فيهو جداد شديييييد
هل للكتابة فى سودانيزاونلاين شروط؟؟؟
وهل الانتماء الحزبى او السياسى شتيمة او عار يجب ان تتنصل عنه ؟؟

غايتو نقول اللهم لا تمحننا لا تبلينا

الزول بقى يشوف فى الموت الكل يوم لافح ليهو عزيز دا ويقول الله يدينا حسن الختام

[I

لا طبعا مافي شروط مسبقة للكتابة هنا كما لا توجد عصمة من النقد ايضا
فالبتكتبيه هنا طالما اخرجتيه للعلن يبقى عرضة للتناول و للتعليق عليه ونقد الناقدين
وانت وحظك يا جاب ليك اشادة يا شتيمة كل في

حاجة تانية كمان لو كنتي من الموالين للحكومة فدا بجلب عليك سخط المعارضين و العكس كذلك
ولو كنتي محايدة لا إلى هؤلاء ولا أولائك فغالبا تصنفي مع الرماديين وديل احلى ناس بس احيانا بتيقى عليهم مع ناس المعارضة قصة الغلبها راجلها فادبت حماتها

الاخ الكريم محمدالبشرى اجمل التحايا لك ولمن حولك
شكرا لزيارتك الكريمة
اخير لينا الرمادى ولو انه برضو الهم طايلو
مع انه والله المعارضة مرات بتعجبنى النصيحة لى الله
ومرات مرات الحكومة برضو بتعجبنى
فـــ شنو احسن الواحد يربى عيالوا ويمشى جمب الحيط
بس كنت اتمنى يكون فى خيار رابع
لانه لا المعارضة بتفشك ولا الحكومة بتفشك وبينى وبينك ولا اللون الرمادى

مرة تانية لك الشكر والتقدير

Quote: مع انه والله المعارضة مرات بتعجبنى النصيحة لى الله ومرات مرات الحكومة برضو بتعجبنى

امينة سلامات اريتك بخير
الكميان واضحة جدا ومن حقك تشجعى الفريقى القومى كمان

معاوية سلامات واريتك طيب

بينى وبينك فكرت فى حكاية الكيمان دى بس

عليك امان الله اتخيلت العكاكيز وباقى اخيتك كبرت والمروة قلت

احسن حاجة الزول يكون بين الكيمان


مودة واحترام مرفق طيه

قولي الدايراهو .. وتمي الباقي غُلاط!!

Quote: فـــ شنو احسن الواحد يربى عيالوا ويمشى جمب الحيط

و الحيطة مايلة يا أمينة
ولو ما ســندتيها بتقع فيكم كما وقعـت في كتيرين قبلك


تسـلمي انتي وعيالك

لو خايفة
باري بوستات العزاء والتهنئة ,

بشرط ان لا تنسى احد

وكل يوم تحصنى ربما ربنا ينجيك من تصنيفات المبدع صديق مهد,,,,,,,,,

Quote: كان قلت تعارض التراب كال خشمك وكان بقيت حكومة الله قال بى قولك وكان بقت من العوام ساكت تجيك طوبة تفلقك وتفلق امك وابوك كان حيين

وما تنسي النعلات يا امونة ,, آآآي النعلات الواحدة دي وبكون فيها الله يكرمك وســـــخ الجداد الكتبيه فوق ده
اها ده يا جاك في طرف توبك وبهدلوا ليك يا في وشك عديل ,, تاني الدبارة كيفنها ؟؟؟
نوع ديل انا بتلب بي غادي من بوستاتهم طواااااااااااااااالي ,و إن لاقوني في اي ملف بطايب بس , خشمي عندي

وكمان شفتي نوع ود الصائم الضحاك ده ,, لو كان قريب وبضحك فيك , تضاري فيهو طوالي , خلي الرصعة التقع في هدومو لووولز
وتكوني اتخارجتي , النعمنو هو بجي يشمت فيك ,, والله صحي

أمون حبابك يا حنينة مشتاقون يا خية

ود الصايم كيفنك يا اخوى

انا كان لـ الغلاط متخصصة ما تخاف

علا النصيحة ليك يا الله وجع الركب والمفاصل ما خلى فينى مروة


بخاف من اللبعى




تحياتى واحترامى

حبابك عشرة
نورتى البورد يا امينه ,,,

اخى الكريم عبد الله احيمر

يميل عدوك ان شاء الله قول آمين

غايتو لبعة الحيطة انا فى راى اخير من لبيع اللسان الحايم هنا دا
لا يخلوك لا يخلوا قبيلتك ولا يخلوا اهلك حيين وميتين عليك امان الله
حريـــــــة راى يطرشنى ويعمى جيرانى ما سمعت بيها


تحياتى لك ولمن حولك

كن بخير

اخى عمار عبد الله سلامات واريتك طيب

تعرف يا عمار بوستات العزاء او الدعوات للشفاء من مرض او لاغراض الدعاء
رغم خصوصيتها الا انها اصدق البوستات
ربنا يرحم الاحياء والاموات ان شاء الله فكلنا نحتاج لرحمته وعفوه


ربنا يستر يا عمار واجمل التحايا لك ولمن حولك

اسما الجنيد يا الغالية على قلبى

كيفنك يا بنية واريتك طيبة انتى ومن حولك

والله يا سمسم حكاية النعلات دى بتحير .تعرفى سودانيزاونلاين بقى زى

العاملين لينا فيهو سحر لو ما فتحتوا من الصباح زى الماشربت قهوتك ولا قريت جريدتك
يعنى شى اساسى واساسى جدا قبل الفطور وقبل النوم وقبل القيلولة

لكن والله يا سماسم حكاية الشتايم والالفاظ الشينة دى مش ما جميلة فى شكل المنبر
الله يعلم بتخصم من الطارح والمطروح والمطروح عليه ان جاز القول
يعنى للاسف فى ناس بتجى بس عشان تتمسخر من خلق الله وبس
وزى ما قلت لا ناس الحكومة بيعجبوا ولا ناس المعارضة بعجبوا
وحتى القاعدين فراجة زى حالتى.... يحيروك وما يتحيروا

ٍآها يا بت امى الشورة كيفن؟؟؟

سعدت انك هنا عليم الله

لو قلت ليكى اجدعينا ببيتين فى الله والرسول يعدلن البوست المايل دا
بتقولى شنو؟؟؟

مرحب بيك في البورد
بالتوفيق

منال يا جميلة سلامات واريتك طيبة

منور بيك يا ستى

والمنتدى عليم الله منارة مافى شك والناس السمحين تسعة وتسعين فاصلة تسعة
الا الواحد من عشرة دا برضو ما سمح الله يخطينا شرهم
بس هى سنة الحياة عشان يحصل توازن لازم يكون فى خير وفى شر
والناس ممكن تختلف بسامحة وممكن تتجادل وتتحاور برضو بسماحة

فالسودان يحتاجنا جميعا بكل الواننا واشكالنا وطوائفنا مافى شك فى ذلك


لك مودة واحترام يا منال

خالد العبيد اسعد الله اوقاتك بكل الخير

التوفيق لنا ولكم جميعا ان شاء الله


مودة واحترام

مافي أي شروط غير (قوانين المنبر واللوائح) ,
الباقي زوق منكـ بس :)


حبابكـ ألف يا أموونه :)

Quote: لا طبعا مافي شروط مسبقة للكتابة هنا كما لا توجد عصمة من النقد ايضا فالبتكتبيه هنا طالما اخرجتيه للعلن يبقى عرضة للتناول و للتعليق عليه ونقد الناقدين وانت وحظك يا جاب ليك اشادة يا شتيمة كل في

كلو شئ في يا حنين .. المافي شنو!؟












----------

الوصية بالمهلة ..
ابعدي من اسمك ..

الامانة هنا بتجيب الهواء
غرقي ذمتك ساااي ..
لو سالتك اخطر انا و لّ الخطر تقولي انت .. المافي شنو!؟ طوالي

عرفتي كيف؟!

و لّ ببقى امين زيك و اقول ليك لو اصلك ما في عير و لا في النفير .. الجاب شنو هنا طيب!؟
ما تتفرجي من برة .. دي دايرا ليها باسوورد

دا نموذجن ساي
الغريق قدام

قيقا يا صاحبى الجميل كيفنك آزول

اسمع ياخ ما تقوم تلخبط لينا الكيمان من هسى ونبداها بغلاط

الناس الماعندهم باست ورد ديل بكونوا من منازلهم وهم فى الغالب اما مناصرا لفئة
او متحيزا لاخرى واول ما سعادة بكرى يحن عليهم ويديهم الباست ورد الما خمج
يقوموا يعملوا ليك فيها زى حلاتـــــــى { بفتح الحا ولام الالف وكسر الحرف الاخير }شفت كيف

المـــــــــــــــــــــــافى شنو؟؟؟

المــــــــــــــافى ات دا وبعدين اسمعنى يا زول والله تقول ابقى معارضة
ولا ابقى حكومة ارحم لى من اغرق زمتى.... يا زول ها كل ولا غرقان الذمم دى
وعليك الله يا قيقا غير ذممنا دى فضل لينا شنو فى السودان

ولا اسئلة يوم القيامة ديك برى يا ود امى ابرا واستبرا





لكل محبة واحترام تعرفها واخرى... الله وحده يعلم بها

ستنور كيفنك ياخي
هاااا زولا هاااا شوتي ساااااااااكت
يمين بالله اخوك بيجي شايت ضفاري وهو لاعب «حرينا»

الاخت العزيزة داليا الكباشى

اولا بعتذر للتخطى غير المقصود { وش محمر من الخجل }

وسعدت بك وبمداخلتك يا جميلة

صافية لبن؟؟

المطوفش قليب اخيتو كيفنك يا جميل وكيف الوليدات وامهم

وحات الله يا ود جبرين اخيتك ما هينة كان قمت على حق الحلب الملخبت بالفلاتة

قطاعتك تقطعنى نلعب فى كل الخانات علا يا الحبيب فيـ شان شنو؟؟

كتيرة رايح وقليلها رايح هسى المناقرة والشتايم سوت لينا شنو؟؟؟

البلد وزى ما قال استاذ سالم احمد سالم الله يطراهو بالخير { البلد اتفقشت زى البطيخة}

وانحنا لـ الليلى آ ود جبرين بنتغالط

ود امى سلم على عقابك وما تطول الغيبة

بنشتاق ليكم بالــزاف

كان ما عندك قدرة للغلاط اكتبي في الشعر والغناء والعواطف وباركي للناس زيجاتهم وعزي في امواتهم

اخى الكريم عبد العزيز مساك الله بالخير

تسلم للنصيحة الغالية

يعنى الغنى والشعر ما فيهو دواس؟؟

الحمد لـ الله كان كدى ياهو المتحمدنى

اما العزاء الله لا يوريك مصيبة فى الدنيا دى فهو واجب مقدس وعند الشدة تذهب الاحقاد

عموما سعدت بوجود وبنصيحتك

احتراماتى

انتي شايتة وين؟

(ياخي في زول بيقيف وقفتك في نص السهلة دي ويقول "امشي جنب الحيطة؟")








... المهم ....

أمينة..حبابك يا صديقة..
و كتر خيرك على السؤال الجادي جداد شديد..
و بعد..

Quote: سؤال والله وسؤالى دا جادة فيهو جداد شديييييد هل للكتابة فى سودانيزاونلاين شروط؟؟؟

نعم.. الشرط أن يفهم من يكتب أن الكلمة التزام اخلاقي..و انها اداة تعليم و تغيير (قريبك خبرة تسعة سنة في سودانيز اولاين فقط)..!

Quote: وهل الانتماء الحزبى او السياسى شتيمة او عار يجب ان تتنصل عنه ؟؟

الإنتماء الحزبي او السياسي ليس عار أو شتيمة..و انما هو حاجة مفيدة.. عملا بمبدأ ايد على ايد تجدع بعيد..!

الخيار الرابع.. أن تكون امينة عيسى هي امينة عيسى..يعني هي براها زي البصمة..اكتبي ضميرك فقط..و ما تنتظري شهادة من الناس هنا عشان يقولوا ليك انتي كويسة أو ما كويسة..لأن القانون انو ذاتك البراها بتحدد انتي كويسة ولا ما كويسة (يعني لو في شكلة اخير تسويها مع ذاتك..الباقي هين..و لو في خوف خافي من نفسك..بعد شوية ح تلقي نفسك أشجع زولة..)..!

ما يحدث في سودانيز اونلاين..و غيره من المنتديات السودانية.. انو الشعب السوداني سنين عديدة (من سنة الإستقلال)..معصور وما لاقي فرقة يعبر عن روحو..و لمن انفتح ليهو الباب بقى شغال بأثر رجعي..ولي قدام الأمور ح تتصلح ..

و دمت..

كبر

Quote: حاجة تانية كمان لو كنتي من الموالين للحكومة فدا بجلب عليك سخط المعارضين و العكس كذلك ولو كنتي محايدة لا إلى هؤلاء ولا أولائك فغالبا تصنفي مع الرماديين وديل احلى ناس بس احيانا بتيقى عليهم مع ناس المعارضة قصة الغلبها راجلها فادبت حماتها

ود البشرى
اصبت كبد الحقيقة كما يقولون

تحياتي ومودتي

Quote: يعنى الغنى والشعر ما فيهو دواس؟؟ الحمد لـ الله كان كدى ياهو المتحمدنى

اوع تدقسي!!

اقول قولي هذا و في البال " لسن هن للسرير" و ما تبعها من انقلاب للبورد.


اسامة الخواض همسلف ما سلم منها دي!

الحمد لله كلنا خضنا في بحور الشعر .. و برا سالفة!!





------

زي ما قال استاذنا كبر

كوني نفسك يا ستهن

و ما في اجمل من كدا ..

شهادة يوم القيامة بشهدا ليك ... المافي شنو!؟

Quote: الخيار الرابع.. أن تكون امينة عيسى هي امينة عيسى..يعني هي براها زي البصمة..اكتبي ضميرك فقط..و ما تنتظري شهادة من الناس هنا عشان يقولوا ليك انتي كويسة أو ما كويسة..لأن القانون انو ذاتك البراها بتحدد انتي كويسة ولا ما كويسة (يعني لو في شكلة اخير تسويها مع ذاتك..الباقي هين..و لو في خوف خافي من نفسك..بعد شوية ح تلقي نفسك أشجع زولة..)..! ما يحدث في سودانيز اونلاين..و غيره من المنتديات السودانية.. انو الشعب السوداني سنين عديدة (من سنة الإستقلال)..معصور وما لاقي فرقة يعبر عن روحو..و لمن انفتح ليهو الباب بقى شغال بأثر رجعي..ولي قدام الأمور ح تتصلح ..

يا أموونه غايتو حا اسامحكـ صافي يا لبن شديد جدا , عشان اتلصق فيك واعمل فيها صحبتكـ :)
ياخ بوستيكي جاكي فيهو (كبــر) بجلاله قدره , يعني ما اتحرمتي من أي حاجه :)


كلامو دا أبقي عليهو ألف على قولت القدال , الحبه تاني مابتجيكـ :)
بس ما تباري قيقراوي داا :)

تحياتي يا أموونه المزيوونه :)

أمينة

ياخ بس جيت أسلم
اخبارك شنو ؟

والموضوع أصلاً شنو ؟

اخى العزيز تبارك سلامات واريتك طيب

والله انا قلت اشوت فى الاول وبعدين محل ما تمشى نمشى وراها

بس بشرط يكون الطريق امان وانا ما مستعجلة حبل المهلة يربط ويحل

ولا ات رايكـ شنو؟؟

مرفق طيه محبة واحترام

اخى العزيز {كبر} اجمل التحايا لك ولمن حولك

على الحــرام كان بعرف سؤالى الجادى دا بجيب ناس سمحين كدى
كان صقعتكم اسئلة تعسفية ..لمن تامنوا ...لووووووووووولز

احتفائى بمداخلتك يفوق الوصف..انا يا صديقى العزيز {وهذه مشكلتى}
لا اعرف ان اكون غير امينة لذلك اعجبتنى مداخلتك جدا ....لست مغرورة ولكن تعجبنى نفسى احيانا
والكتابة كما قلت انت وسبق اخوة واخوات كرام فى هذا البوست غير قوانين المنبر ولوائحه ..يبقى اخلاق الكاتب
وقيمه هى الحبر الذى يغمس فيه ريشته
لا شك انا سودانيزاونلاين تاريخ ومنارة للكتابة الالكترونية ومن المؤلم حقا ان يستغله البعض
لمشاكل ومكايد شخصية ويتناسى الكثيرون الغرض النبيل
لكل شخص الحق والحرية فيما يكتب وطبعا لا يبقى ولا يدوم الا ما ينفع الناس
اسال الله ان يوفقنا جميعا لما فيه خير السودان فى المقام الاول
وان يجعل بيننا مزيد من التراحم والاحترام وان اختلفنا


مرة تانية شكرا لانك هنا واحترامى يسبق مودتى

الاخ العزيز جعفر اسماعيل

التحية لك ولمحمد البشرى اينما وجدتم


احترامى وتقديرى

قيقا يا جميل قلت لى عبد العزيز نهار داير يورطنى؟؟؟

لاحول الله.. ليه يا نهار تقول لى الشعر والغنى مطلوق فى السهلة وما فيه كبيع؟؟
اخيتك جديدة ووحيدة ومشيحيدة

غايتو يا ابو الصحب بركة القلت لى وحات قطاعتك عندى قصيدة عصماء
من امبارح بمسح فيها وارقع فيها

علا برى يا يمة كدى خلينى فــراجة والزراعنا يجى يقلعنا لوووووووووووولز


كن بخير

داليا يا حبيبة

صحبتكم شرف والله { هو انحنا نطول}

وانا بصراحة كلكم شرفتونى ومنحتونى شرف التواجد معكم
والاخ كبر يستحق التقدير والاحترام وعليك امان الله كل ضيوفى يستحقون منى
الشكر جله والتقدير كله والاحترام عن اخره




اما قيقا فقيقا دا يا صحبتى انا متاكدة داير يورطنى
وبعدين يشمت فينى لكن يلقى عند العافل

والمـــافى شنو؟؟

رايك شنو يا داليا نكون حزب؟؟ لو عجبتك الفكرة تكلمينى وطوالى نجتمع
وننثق ونكون لجان تنبثق منها لجان عشان ننزل انتخابات

وعليك الله سوما دى تكلميها برضو يمكن ما تسمعنى يعنى لو لاقيتيها حايمة

وكل بنوت الحلة دى وانا جاهزة



مودة يعلم الله تستحقيها

أول حاجة
مرحبتين حبابك
وقدمك (وقدومك) سعيد علي المنبر
وتاني حاجة
نصيحة لوجه الله
قولي رأيك وبأسلوبك المميز دا
وما خصاك
كان السماء وقعت ولا القيامة قامت
قولي رأيك وأرجي الجاياك
وكان عرفتي تتزاوغي من الكايسين المشاكل ومتلقيين الحجج
الحبة ما بتجيك

حبيب نور يا جميل فى كل شى
سلامات والامارات ترحب بيك وبالتوفيق اميش ما تمشى ووين ما تقبل

الاخ العزيزNASIR

قدمك لــ ابو فاطنة ان شاء الله

سعيدة جدا بمداخلتك وساعمل بنصيحتك

ساتزاوغ متى ما وجدت اليه سبيلا

تحايا واحترام ومحبة مرفق طيه