Post: #1
Title: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 01:45 PM
Parent: #0
السلام عليكم
خدمة تُقدم لأول مرة لأعضاء منبر سودانيز أون لاين
و بدأ تجريبها اليوم في المملكة العربية السعودية
بدأ أخونا حيدر الزين صاحب الفكرة بتفيذها اليوم
فقد قام بالإتصال على بعض أعضاء المنبر بتذكيرهم بصلاة الجمعة
و رغم إختلاف مواعيد الصلاة من منطقة إلى أخرى و لكنه قام بتذكير بعض الأعضاء
في مناطق مختلفة حسب توقيت المنطقة.
و سوف يكون التذكير بالصلوات الخمس يومياً
حسب ما قال لي الأخ حيدر الزين فإن التجربة كانت ناجحة بكل المقاييس
بعد أن نقوم بحصر الأعضاء في المملكة العربية السعودية و الحصول على أرقام موبايلاتهم
فسوف تكون الخدمة متحة لكل الأعضاء في المملكة العربية السعودية
جزاك الله كل خير أخونا حيدر و في ميزان حسناتك إن شاء الله
|
Post: #2
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 01:48 PM
Parent: #1
هو فى السعودية الناس محتاجين تذكير للصلاة؟
والهيئة مشت وين؟
|
Post: #3
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 01:51 PM
Parent: #2
الهيئة حا تجيك جووووووووووووووووووه البيت ....؟؟؟
|
Post: #4
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 01:55 PM
Parent: #3
| Quote: الهيئة حا تجيك جووووووووووووووووووه البيت ....؟؟؟ |
وانت جوه بيتك البنسيك الصلاة شنو وأكيد بتسمع صوت أكثر من مؤذن.
|
Post: #5
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: تبارك شيخ الدين جبريل
Date: 10-07-2011, 01:57 PM
Parent: #2
بالله اكتب اسم العضو:
رأفت ميلاد ... طلّع دينو ...
(انتو نويتو تفرتقوا البورد دا ولاّ شنو؟)
... المهم .....
|
Post: #6
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:00 PM
Parent: #5
| Quote: وانت جوه بيتك البنسيك الصلاة شنو وأكيد بتسمع صوت أكثر من مؤذن. |
بله ياخي أنا أبو حسين ما صديق مهدي
|
Post: #7
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:03 PM
Parent: #6
Quote: بالله اكتب اسم العضو:
رأفت ميلاد ... طلّع دينو ...
(انتو نويتو تفرتقوا البورد دا ولاّ شنو؟)
|
البفرتق البورد شنو يا تبارك ...؟؟؟؟
و رأفت أخ عزيز و محترم جداً جداً
|
Post: #8
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:10 PM
Parent: #7
ياخى انا شفت العنوان قلت أكيد الخدمة دى حتكون مثلا:
حل مشكلة ناس محجوب العزابى الشايل حالو صلاح البندر فى المنبر..
او توفير حج مجانى لأمثال تبارك..
أو الوليد بن طلال أسر لحيدر الزين بجائزة سنوية لأفضل عشرة كتاب فى سودانيزانلاين..
أجى أفتح البوست ألقاه برضو خدمة كيبوردية؟
|
Post: #9
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: تبارك شيخ الدين جبريل
Date: 10-07-2011, 02:11 PM
Parent: #7
| Quote: و رأفت أخ عزيز و محترم جداً جداً |
وانت كان عندك راي تاني؟
أها ... الـ"محترم جداً جداً" دا ... ما تفوّتو وكت ...
وبدّر ليهو النبّاه واضيف ليهو التهجّد ...
... المهم ....
|
Post: #10
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:15 PM
Parent: #9
Quote: ياخى انا شفت العنوان قلت أكيد الخدمة دى حتكون مثلا:
حل مشكلة ناس محجوب العزابى الشايل حالو صلاح البندر فى المنبر..
او توفير حج مجانى لأمثال تبارك..
أو الوليد بن طلال أسر لحيدر الزين بجائزة سنوية لأفضل عشرة كتاب فى سودانيزانلاين..
أجى أفتح البوست ألقاه برضو خدمة كيبوردية؟ |
خدمة كيبوردية كيف يا بله ياخي....
الراجل حا إقدم خدمة حسب الطلب و هي خدمة ما ساهلة.....
إنت قول خير
|
Post: #13
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:18 PM
Parent: #10
| Quote: الراجل حا إقدم خدمة حسب الطلب و هي خدمة ما ساهلة..... |
يعنى ديلفرى؟
|
Post: #14
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:18 PM
Parent: #10
Quote:
وانت كان عندك راي تاني؟
أها ... الـ"محترم جداً جداً" دا ... ما تفوّتو وكت ...
وبدّر ليهو النبّاه واضيف ليهو التهجّد ...
|
أخونا رأفت مسيحي يا تبارك
( غايتو مصيبتي كبيرة خلاص .... أفتح لي بوست و إتشالبوني بله و تبارك)
|
Post: #17
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: تبارك شيخ الدين جبريل
Date: 10-07-2011, 02:20 PM
Parent: #10
اوع يكون "حيدر الزين" بيضرب لى الناس دي في موبايلاتا؟
كا كدي الندّيكم رقمي انا زاتي ...
اكتب عندك:
دبل زيرو صفرين ... واحد (دا طبعاً مفتاح العالم الأول!)
1212-555-800
... المهم ...
|
Post: #11
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:16 PM
Parent: #9
| Quote: بله ياخي أنا أبو حسين ما صديق مهدي |
عارفك ما صديق
هو انت تقدر؟
بس ماحاتنكر أنك من تلاميذو
|
Post: #12
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: عمار عبدالله عبدالرحمن
Date: 10-07-2011, 02:16 PM
Parent: #9
ما شاء الله تبارك الله ,,,
الطريفى في الطريق المستقيم ,,
في ميزان الحسنات ان شاء الله ,,
|
Post: #15
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:20 PM
Parent: #12
| Quote: ( غايتو مصيبتي كبيرة خلاص .... أفتح لي بوست و إتشالبوني بله و تبارك) |
أبشرك
قيقا فى الطريق
|
Post: #16
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:20 PM
Parent: #12
................................ تقريباً
|
Post: #18
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: تبارك شيخ الدين جبريل
Date: 10-07-2011, 02:22 PM
Parent: #16
يا حكم ...
وين الحكم؟
... المهم ...
|
Post: #19
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:22 PM
Parent: #16
Quote: اوع يكون "حيدر الزين" بيضرب لى الناس دي في موبايلاتا؟
كا كدي الندّيكم رقمي انا زاتي ...
اكتب عندك:
دبل زيرو صفرين ... واحد (دا طبعاً مفتاح العالم الأول!)
1212-555-800 |
أيوا يا تبارك أخونا حيدر بتصل على الناس في الموبايل علشان إجهزو للصلاة....
خلاص سجلنا تلفونك كأول مستفيد من الخدمة
|
Post: #22
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:24 PM
Parent: #19
Quote:
عارفك ما صديق
هو انت تقدر؟
بس ماحاتنكر أنك من تلاميذو |
أبداً ما بنكر أفضال صديق علي أنا .....
|
Post: #23
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:25 PM
Parent: #22
Quote: ما شاء الله تبارك الله ,,,
الطريفى في الطريق المستقيم ,,
في ميزان الحسنات ان شاء الله ,, |
الراجل ليه فترة فعلاً إتغير و تحس من نبرات صوتو إنو فعلاً في تغيير جذري
شكراً لي دعواتك لي أخونا الطريفي
|
Post: #25
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:26 PM
Parent: #23
Quote: أبشرك
قيقا فى الطريق |
أخف وطأةً من بشاشا.......
|
Post: #26
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:28 PM
Parent: #25
Quote:
يا حكم ...
وين الحكم؟
|
حكم شنو كمان يا تبارك ياخ ...
دا بوووووووووووووووووووووست
إنت قايل نفسك وين ..؟؟؟؟
|
Post: #27
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:31 PM
Parent: #26
Quote: ودرجة حرارتو كيف؟
في اسهال؟
طمننا عليهو بالله ... |
الراجل كان بتكلم معاي في التلفون
غايتو أنا كنت سامع صوت السنون بتضرب في بعض
و سألني من البامبرز هل في منو مقاسات كبيرة و لا لأ ..؟؟؟
لكن ما جاب لي سيرة حمى أو إسهال
و أنا ما بقدر أسألو أسئلة زي دي ....!!!
|
Post: #28
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:32 PM
Parent: #27
Quote: تنقنق من تبارك بنجيب ليك صبرى الشريف!
أمريكا ولادة!! |
بله ياخي الليلة الجمعة مالك علي
عملت ليك شنو أنا علشان تهددني التهديد دا كلو ....!!!!!
|
Post: #29
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:35 PM
Parent: #28
Quote: ابو حسين
جمعة مباركة يااااخ
تصدق ما عندكم موضوع نوااااااااهي كده
هي السعودية بتعلم شنو غير الصبر والصلاة
قال خدمة قال |
جمعة مباركة يا ود البشاري
يا جماعة الزول عايز إستقيم و عايز إكفر عن ذنوبو إنتو ليه ما عايزين الناس تستقيم
بعدين ياخي إنت حر ما تدينا رقم موبايلك و خلاص....
|
Post: #30
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:38 PM
Parent: #29
تـــوووووووووووووووووووووووووبــه لي حبوبة
غايتوإذا عايز أفتح لي بوست تاني
حا أتأكد أولاً إنو التلاتة الفوق ديل أوف لاين بعدين أفتح البوست
|
Post: #31
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:38 PM
Parent: #29
| Quote: يا جماعة الزول عايز إستقيم و عايز إكفر عن ذنوبو إنتو ليه ما عايزين الناس تستقيم |
الطريفى دا ذنوبو كتيرة
مامعقول يكفر عنها بالطريقة دى
المفروض يرسل نص مرتبو شهريا لناس الهامش!
|
Post: #24
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: تبارك شيخ الدين جبريل
Date: 10-07-2011, 02:25 PM
Parent: #19
| Quote: أيوا يا تبارك أخونا حيدر بتصل على الناس في الموبايل علشان إجهزو للصلاة.... |
ودرجة حرارتو كيف؟
في اسهال؟
طمننا عليهو بالله ...
... المهم ....
|
Post: #21
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:24 PM
Parent: #16
تنقنق من تبارك بنجيب ليك صبرى الشريف!
أمريكا ولادة!!
|
Post: #20
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: الامين موسى البشاري
Date: 10-07-2011, 02:23 PM
Parent: #9
ابو حسين
جمعة مباركة يااااخ
تصدق ما عندكم موضوع نوااااااااهي كده
هي السعودية بتعلم شنو غير الصبر والصلاة
قال خدمة قال
|
Post: #32
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 02:42 PM
Parent: #20
Quote: الطريفى دا ذنوبو كتيرة
مامعقول يكفر عنها بالطريقة دى
المفروض يرسل نص مرتبو شهريا لناس الهامش! |
يا جماعة الراجل دا قبل شهر مُش عمل أول عمرة في حياتو .....!!!!
الكويسة فيه إنو ماشي بي خطوات ثابته و مدروسة
بالله أدعو ليه ربنا إوفقوا و يتقبل منو
|
Post: #33
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 02:54 PM
Parent: #32
| Quote: الكويسة فيه إنو ماشي بي خطوات ثابته و مدروسة |
معناتا ماشى بطئ كان عايز يلقط أجرو برنة موبايل..
الهاى وى معروف (انفق مافى الجيب)
|
Post: #34
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Magdi Ahmed Elsheikh
Date: 10-07-2011, 03:05 PM
Parent: #33
ناس الخد مات الجديده....
لخبطوا البوست ياابوحسين ياخ ...!!
في رد قبل الاجابة...!
جنس لخبطة وكبكبة...!!
بعدين وعد الحر دين عليه...
وين الخروف والا برضو عامل نايم..!
مبرووووك الوليد واعمل ليهو مو بايل شان يصحي للصلاة...!!
نسيت
ماتنسي ودالصايم لازم صلاة الصبح حاضر..!!
|
Post: #35
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 03:13 PM
Parent: #33
| Quote: الهاى وى معروف (انفق مافى الجيب) |
يفعلها ســـراً ..........
|
Post: #36
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 03:17 PM
Parent: #35
| Quote: يفعلها ســـراً .......... |
برضو أفضل من أن يفعلها بالموبايل!!
|
Post: #37
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 03:20 PM
Parent: #35
Quote: ناس الخد مات الجديده....
لخبطوا البوست ياابوحسين ياخ ...!!
في رد قبل الاجابة...!
جنس لخبطة وكبكبة...!!
|
دخلة البشاري دي لخبطتني أنا ذاتي .... هي بقت على المداخلات ..!!!!
Quote: بعدين وعد الحر دين عليه...
وين الخروف والا برضو عامل نايم..!
مبرووووك الوليد واعمل ليهو مو بايل شان يصحي للصلاة...!!
|
ولد شنو إنت كمان ....؟؟؟؟؟
غايتو يا نصار و عاطف عمر ليكم يوم ...
Quote: نسيت
ماتنسي ودالصايم لازم صلاة الصبح حاضر..!! |
يا زول ود الصائم دا المسجد منو مترين و الإمام لو إتأخر ود الصائم بصلي بالجماعة
يعني علشان الراجل متواضع بضحك مع الكبير و الصغير مفتكرنو زول سبهلل و لا شنو ...؟؟
|
Post: #38
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 03:23 PM
Parent: #37
| Quote: برضو أفضل من أن يفعلها بالموبايل!! |
بله أدفع ليك كم و تاخد البوست دا ....؟؟؟؟؟
|
Post: #39
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Balla Musa
Date: 10-07-2011, 03:33 PM
| Quote: بله أدفع ليك كم و تاخد البوست دا ....؟؟؟؟؟ |
ياخى زى البوست دا بنتهى فى المداخلة الأولى..
لأنو بوست خبرى..
فأنا قلت أدخل كلمة نكاية فى جملة مفيدة
لذلك رفعت وسأرفع هذا البوست مرارا حتى أحول الطريفى من عامل خير الى مرائى لايمنع الماعون فقط بل ويحارب ناس الهامش..
وبالتالى أطرشق عليهو حصالة الأجر!!
الله يدى صديق العافية فلازلنا نتعلم منه الكثير فى رفع دغت البوستات ونحول ثمرتها الى ادغات احلام!!
|
Post: #40
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Magdi Ahmed Elsheikh
Date: 10-07-2011, 03:37 PM
Parent: #39
Quote: فأنا قلت أدخل كلمة نكاية فى جملة مفيدة
لذلك رفعت وسأرفع هذا البوست مرارا حتى أحول الطريفى من عامل خير الى مرائى لايمنع الماعون فقط بل ويحارب ناس الهامش..
وبالتالى أطرشق عليهو حصالة الأجر!! |
وبرضو بارك لابوحسين الوليد يابله ياخ.....................!!
|
Post: #41
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Sabri Elshareef
Date: 10-07-2011, 03:52 PM
Parent: #40
ما شاء الله علي الصلاة ال دليفري ؟؟؟؟؟؟؟؟؟؟؟؟؟؟؟
_______________
سجل سجل انحنا برغم جرحنا اجتزنا المحنة
ونحن الليله اشد ثبات ..
يا عملات دينا
|
Post: #42
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: محمد جلال عبدالله
Date: 10-07-2011, 04:25 PM
Parent: #41
جزاكم الله خيرا يا أبو حسين
وفي ميزان حسناتكم بإذن الله
|
Post: #43
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: البدري عبد الله
Date: 10-07-2011, 05:04 PM
Parent: #42
السلام عليكم ورحمة الله
|
Post: #44
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: smart_ana2001
Date: 10-07-2011, 05:41 PM
Parent: #42
فكرة كويسه...لكن انا عندى فكرة احسن....
رايكم شنو ان اخونا حيدر الزين يشوف اول شهر الموضوع ده كلفو كم دقيقة و بالتالى كم ريال و يطلع القروش دى صدقة لله و الرسول. ما حصل عشت فى السعودية...لكن اظن انه صعب تنسي الصلاة فيها. يا اخى احنا فى بلاد الفرنجة صعب تقول نسيت الصلاة. الموبايل بياذن للصلاة و البيت فيه مليون ساعة مؤذن.
_________________________
قبل كم سنة و لظروف صحية ما صمت رمضان . من اول يومين الامركان فى المكتب بقوا يتوسوسوا: سمارت ما صايمة ليه??? بعد اسبوع سالونى عديل.
اذا انا فى امريكا ما قادره انسي الصيام...معقول زول فى السعودية ينسي v.? على العموم ربنا يكتب الاجر anyway
|
Post: #45
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: MOHAMMED ELSHEIKH
Date: 10-07-2011, 06:09 PM
Parent: #44
)| Quote: لأول مرة خدمة جديدة خاصة بأعضاء المنبر..(حـصـريـاً) |
الأخوة من خارج المنبر يمكنهم المراسلة علي"
[email protected]
للأشتراك في الخدمة
والا فالنار أولي بهم
|
Post: #46
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 06:43 PM
Parent: #45
| Quote: وبرضو بارك لابوحسين الوليد يابله ياخ.....................!! |
مجدي بالله لو سمحت ما تجهجه لينا البوست
البوست مفتوح لي غرض نبيل .....
|
Post: #47
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 06:45 PM
Parent: #46
Quote: ما شاء الله علي الصلاة ال دليفري ؟؟؟؟؟؟؟؟؟؟؟؟؟؟؟
|
المشكلة شنو يا صبري كمان ...... ماااااااااااااااااااااا تقول خير ياخ
Quote: سجل سجل انحنا برغم جرحنا اجتزنا المحنة
|
حا نسجلك كأول مستفيد خارج المملكة مع تبارك
|
Post: #48
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 06:48 PM
Parent: #47
Quote: جزاكم الله خيرا يا أبو حسين
وفي ميزان حسناتكم بإذن الله |
أخونا محمد جلال الدعوات لي أخونا حيدر الزين فهو صاحب الفكرة و المنفذ
و كل شئ عليه هو و مُصر يتحمل كل التكاليف أنا فقط لي شرف كتابة هذا البوست
و بشكر أخونا حيدر أن أعطاني هذا الشرف فله مني الشكر الجزيل
|
Post: #49
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 06:49 PM
Parent: #48
| Quote: السلام عليكم ورحمة الله |
و عليكم السلام أخونا البدري
ما فهمت الضحك لزومو شنو في البوست دا ....!!!!
|
Post: #50
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 06:52 PM
Parent: #49
Quote: فكرة كويسه...لكن انا عندى فكرة احسن....
رايكم شنو ان اخونا حيدر الزين يشوف اول شهر الموضوع ده كلفو كم دقيقة و بالتالى كم ريال و يطلع القروش دى صدقة لله و الرسول. ما حصل عشت فى السعودية...لكن اظن انه صعب تنسي الصلاة فيها. يا اخى احنا فى بلاد الفرنجة صعب تقول نسيت الصلاة. الموبايل بياذن للصلاة و البيت فيه مليون ساعة مؤذن.
_________________________
قبل كم سنة و لظروف صحية ما صمت رمضان . من اول يومين الامركان فى المكتب بقوا يتوسوسوا: سمارت ما صايمة ليه??? بعد اسبوع سالونى عديل.
اذا انا فى امريكا ما قادره انسي الصيام...معقول زول فى السعودية ينسي v.? على العموم ربنا يكتب الاجر anyway |
أختنا سمارت إنتي
أخونا الطريفي إختار هذا الطريق
أما الصدقات فإنه من الذين ينفقون بيده اليمين دون أن تراها يده اليسار
تقبل الله منه و جزاه الله خير الجزاء
|
Post: #51
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 06:55 PM
Parent: #50
Quote:
الأخوة من خارج المنبر يمكنهم المراسلة علي"
[email protected]
للأشتراك في الخدمة
والا فالنار أولي بهم |
عايز تعمل لي مشكلة مع العلمانيين و المناضلين أجمعين
و إنت ما قلت حا تشترك في الخدمة و لا كمان زايغ
|
Post: #52
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Yassir Tayfour
Date: 10-07-2011, 07:06 PM
Parent: #46
يا أبو حسين،
صلاة ينادي لها حيدر الزين لن تبارح سقف المنبر لمحركات البحث..
____
عندنا واحد صاحبنا كان بتاع سجارات، الله هداهو بقى لينا في الحلق ؛)
|
Post: #53
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 07:10 PM
Parent: #52
Quote: يا أبو حسين،
صلاة ينادي لها حيدر الزين لن تبارح سقف المنبر لمحركات البحث.. |
يا ياسر
الراجل دا كان بتكلم معاي في التلفون و هو ببكي
أرجو الدعاء له بدلاً من إحباطه
|
Post: #54
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: محمود الدقم
Date: 10-07-2011, 07:15 PM
Parent: #52
ابوالحسين سلام الخدمة سمحة تب، بس الفيك اتعرفت
|
Post: #55
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 07:23 PM
Parent: #54
أخونا محمود سلام
| Quote: ابوالحسين سلام الخدمة سمحة تب، بس الفيك اتعرفت |
يا جماعة أخوكم تاب و عايز إكفر عن ذنوبو.... تساعدوه و لا تحبطوه
يا جماعة نحن نتعشم خير و الباقي على الله
|
Post: #56
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: أمين محمد سليمان
Date: 10-07-2011, 07:40 PM
Parent: #54
جعلها الله في ميزان حسنات سابقا !!
لك المجد يا سابقا و أنت توقظ الناس لصلاة الفجر حاضرا ... و أرجو إعتمادي مسؤل عن ايقاظ بورداب أمريكا الشماليه و الجنوبيه و ما بينهما .. و نعاهدكم باتباع سياسة سهر الجداد .. و ما محتاج أصلا لموبيلاتم ال yellow pages قاعده بطلع تلفونات بيوتهم عشان البل يكون جماعي و الأسرة كلها تصحي و من اتنين صباحا إن شاء الله عشان قيام الليل كمان.. القيامة قربت النايمين ليها شنو ؟!!!
شكرا يا ابوحسين و جعلها الله في ميزان حسناتك إنت ذاتك !!
----------------
اسمارت بتشكك في فعل الخير البعمل فيه سابقا ده زي ما شككت في درجتي العلميه في بوستها بتاع دكتوره رحاب .... الواحد يسهر طالبا المجد و العلي و لمن يصل درجتو العلميه دي...يجوك ناس اسمارت برعي يبخسو ليك تعب السنين و شقي الأيام ... لعن الله الحسد !!
|
Post: #57
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 07:52 PM
Parent: #56
أخونا في الله الشيخ أمين السلام عليكم و رحمة الله و بركاته
| Quote: و من اتنين صباحا إن شاء الله عشان قيام الليل كمان |
ذكرتني السوداني إتلحوا جاروا كل يوم قبل الصبح بي ساعة إجي إدق ليه الباب للصلاة
قال ليه ياخي لسه بدري الصلاة باقي ليها ساعة
إقول ليه علشان تجهز و تمشي المسجد بدري
أها زولنا دا يوم قام مشى ليك للراجل الساعة 1 صباحاً يعني قبل الصلاة بي 3 ساعات
دق ليه الباب
الراجل جا مخلوع
قال ليه إيش في ..؟؟؟
قال ليه الصلاة ..
قال ليه يا شيخ الصلاة باقي ليها 3 ساعات
قال ليه أنا جيتك بدري علشان تقيم الليل و تجهز للصلاة
من اليوم داك صاحبك بقى لم إجي قدام زولنا دا إمشي براااااااااااااااااااااحة علشان ما إصحى
ناس أمريكا ديل إتوصى بيهم و خاصة إسمارت إنتي دي....
|
Post: #59
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 07:56 PM
Parent: #57
في واحد من التلاتة إتعوق
علشان إتعلم و تاني ما إلعب مع الكبااااااااااااااااااااااااااااااااار
و الله عجبني ليك
|
Post: #58
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: Yassir Tayfour
Date: 10-07-2011, 07:55 PM
Parent: #56
يا أمس،
كنت في زيارة للأمارات، عندي أولاد أختي يجو يدقو لي باب الغرفة، ياخالو الصلاة، يمشي تجي أختو، يا خالو الصلاة، أمهم ترسلهم واحد/ة، تلو الآخر/ى، وأنا بكون سامع زي خمسة جوامع بتأذن مع بعض، ما محتاج لي لِكيد، الأيام الأولى كنت خجلان منهم، بقوم أصلي، عشان أوقف المظاهرات الصباحية دي، فلما المظاهرات كترت، يوم نهرت ليك بت أختي: يا بت أنا البلد دي جاييها زيارة، ما جاييها عمرة ؛)
___
اليوم التالي أمها قالت ليها أمشي صحي خالك الصلاة، قالت ليها: يا ماما أخوك ده مجنون أمشي صحيهو براك ؛)
|
Post: #60
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: عمار محمد ادريس
Date: 10-07-2011, 08:57 PM
Parent: #58
قالو صلاة الجماعة اعلي درجات من صلاة الفرد
اها صلاتكم البي التلفون دي درجاتها كم
عشان نفكر في الاشتراك
|
Post: #61
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 11:47 PM
Parent: #60
| Quote: يا بت أنا البلد دي جاييها زيارة، ما جاييها عمرة |
برضو أحسن من الحاجة
زماااااااااااااان كان المطوف مع الحجاج يعني بنوم معاهم و ياكل و يشرب معاهم
و كان بعتمد على أكل الحجاج علشان كدا المطوف بحاول بقدر الإمكان إخلي الحجاج
إكونو راضين عنو ... الدنيا برد شديد ... صلاة الصبح إصحي ليك الحجاج بدريييييييييي
الحاجة بردانة شديد تحت البطانية و تكتكت من البرد المطوف صحاها مرتين و هي تنوم تاني
المرة التالتة الحاجة إضايقت شديد قامت على حيلها و رفعت أصبعها في وشو
هوووووووووووي نـحـن جينا نحج ما جينا نصلي
|
Post: #62
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-07-2011, 11:50 PM
Parent: #61
Quote:
قالو صلاة الجماعة اعلي درجات من صلاة الفرد
اها صلاتكم البي التلفون دي درجاتها كم
عشان نفكر في الاشتراك |
يا زول ما تكوجن لينا الموضوع
اللي حا إحصل إنو أخونا حيدر حا إصحي النائم و حا إذكر الناسي
علشان إمشي إصلي في المسجد
و بالله دعواتك ليه إنو ربنا إتقبل منو صالح الأعمال و إغفر ليه
|
Post: #63
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: حاتم محمد حاج المهدي
Date: 10-08-2011, 00:05 AM
Parent: #62
إنشاءالله في ميزان حسناتكم يا أبوحسين..
الخدمه دي مابتصلنا في غرب أفريقيا !
|
Post: #64
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-08-2011, 00:12 AM
Parent: #63
Quote:
إنشاءالله في ميزان حسناتكم يا أبوحسين..
الخدمه دي مابتصلنا في غرب أفريقيا ! |
جزاك الله خير
بالله زيدو الدعوات لي أخونا حيدر الزين صاحب الفكرة و المنفذ
و إن شاء الله تصلكم لأنو الراجل قالها من الأول إنها تعم كل الأعضاء
فله منا من الشكر أجزله
|
Post: #65
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: HAIDER ALZAIN
Date: 10-08-2011, 06:48 AM
Parent: #64
تقبل الله منا صالح الأعمال
ـــــــــ
الواحد تجي تكسب فيهو اجر وتصحيهو للصلاة يجي يشيل حالك ويبوظ ليك فضل انفاق اليمين المابتعرفو الشمال
نتمني انه الأخ ابوتفة يكون صلى الجمعة
ومعكم ونعاهدكم انه من الليلة تاني صباحية
|
Post: #66
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: فايزودالقاضي
Date: 10-08-2011, 06:56 AM
Parent: #65
قصدك الجمعة التى تلى ليلة الخميس ؟!!!! وحيدر الزين !!!!!!!!!
صورة لقريبتي تراجي ..
|
Post: #67
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: محمد عبد الماجد الصايم
Date: 10-08-2011, 07:17 AM
Parent: #66
بعد أن وصل البوست مرحلة البلع النهائي
تاني رجعوهو
الناس دي بتحب تتمتع بعذابكـ يا أبو حسين!!
التحية للناشط أمين
والأخت زكية برعي*!!
_
زكية من عندي .. وبرعي من نوته!!
|
Post: #68
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-08-2011, 09:57 AM
Parent: #67
| Quote: ومعكم ونعاهدكم انه من الليلة تاني صباحية |
في ميزان حسناتك إن شاء الله
|
Post: #69
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: ABUHUSSEIN
Date: 10-08-2011, 10:01 AM
Parent: #68
Quote: بعد أن وصل البوست مرحلة البلع النهائي
تاني رجعوهو |
بلع شنو إنت كمان
إنت واحد من الناس اللي كانو ضمن التجربة الأولى
Quote: التحية للناشط أمين
والأخت زكية برعي*!!
|
أمين بقى ناشط متين ...؟؟؟؟
هي ناشط دي الدرجة اللي بعد بروف ...؟؟؟؟
قوم لف إنت و أمين الناشط و زكيه زكريا و برعي كان ...
|
Post: #70
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: عماد حسين
Date: 10-08-2011, 10:23 AM
Parent: #69
| Quote: الراجل ليه فترة فعلاً إتغير و تحس من نبرات صوتو إنو فعلاً في تغيير جذري |
الله يثبتنا وإياه على الصراط المستقيم
شكراً يا أبو حسين، وربنا يديك أجر المناولة والدلالة على الخير
|
Post: #71
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: نادر
Date: 10-08-2011, 10:27 AM
Parent: #67
سلامات يا أبوحسين ،، تقبّل الله أعمالكم جميعها.
| Quote: عايز تعمل لي مشكلة مع العلمانيين و المناضلين أجمعين |
أعترض على هذه الجملة والسياق الذي جاءت فيه.
مع خالص تحياتي وتقديري...
|
Post: #72
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: بله محمد الفاضل
Date: 10-08-2011, 11:24 AM
Parent: #71
يعني يا بله موسى من ناس (خلاص)
وما منك (خلاص)
دي شقاوة شنو عليكم يا أبا الحسين
والمنبه (عفواً اقصد حيدر الزين)
غايتو دا جوالي
0565541443
وخوفي يطلع مقلب ساهي
بس إن طلع صحي
والله فيني أجر تقيل
أخوكم باقي زول مودر جت عليهو
ع العموم:
تشكرات
|
Post: #73
Title: Re: لأول مرة خدمة جديدة خاصة بأعضاء المنبر..(حـصـريـاً)
Author: علي الكرار هاشم
Date: 10-08-2011, 11:38 AM
Parent: #72
الاخ ابوحسين
فكرتك جميلة
وأجمل ما فيها ارتباطها بالصلاة
والدعوة للصلاة تجد دائما من يفتري عليها
ارجو أن تواصل حتي يطول عنقك
كما وصف المؤذن بانه اطول الناس عنقا يوم القايمة
|
|