Post: #1
Title: ومعاهم كمان تراجي و سيف مساعد و محمد سليمان و بشاشا و نزار
Author: الصادق الزين
Date: 10-07-2011, 00:57 AM
كتب اخونا محمد عثمان بكرى فى بوست الحبيب محمد عادل الاتى:
Quote: ناس سمان و كروشهم كبيرة و أشكالهم زي البقر الفريزيان,
قاعدين يتشاكلو و يتصالحو و عاملين عوة,
في بيت مدير مكتب رئيس الجمهورية, في شان شنو? في شان الكورة.
والشعب المسكين بيموت من الجوع و المرض!
يا رب , يجيكم
دكتور خليل
و
مالك عقار
و
عبد العزيز الحلو
و
ياسر عرمان
ومعاهم كمان تراجي و سيف مساعد و محمد سليمان و بشاشا و نزار
داخلين الخرطوم في يوم واحد و يخلوا ريحتكم طير طير يا أولاد الهرمة آكلتو خير البلد في كروشكم الكبيرة و ربيتو بيهو عيالكم
ولبستوها جلاليب و عمم و مراكيب يا مراكيب.
_________________________________
إن شاء الله يا رب , لو الجماعة الفوق ديل ما قدرو يجو, ترسل ليهم يا الله أوباما عشان نجوع كلنا مع بعض فد مرة , بس كده |
|
Post: #3
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: Tragie Mustafa
Date: 10-07-2011, 04:06 AM
Parent: #2
الفاضل الصادق الزين
قلت لي ميت من الضحك في الزول القهرنا من الحكومه دي؟!
وحاتك اناما شفته البوست ده كنت وله بانتخابتنا الولائيه اليوم
ومنتشيه جدا لاننا قلعنا مقعد جديد من اخوتنا الليبرالين لصالح حزبنا
ال NDP كدي النخصل من جلابة كندا (حزب الليبرال)البدينا بقصصة ريشهم
ونمتد لنصل للجلابة السودان(ههههههه)!
|
Post: #5
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: Bashasha
Date: 10-07-2011, 02:10 PM
Parent: #4
الصادق تحياتي،
مسعول من الخير:
الجلابة الاتنين ديل منم، الفي الصورة، اعلاه؟
مافاهم حاجة وحاتك اخوك بيني او بينك مسطح، جاكي من الكمساري!
|
Post: #6
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: Tragie Mustafa
Date: 10-07-2011, 02:17 PM
Parent: #5
بشاشا سلام
الجلابه الاثنين ديل ابهات جضوم اعتقد ود البرير و الانحف شويه هو جمال الوالي!
شفت المحن يا بشاشا
مجالس اداراة الانديه كلها جلابه
و الغريبه اللعيبه ياهم المهمشين؟!
مبالغه لكن؟!
|
Post: #7
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: Bashasha
Date: 10-07-2011, 02:54 PM
Parent: #6
| Quote: الجلابه الاثنين ديل ابهات جضوم اعتقد ود البرير و الانحف شويه هو جمال الوالي! |
تراجي مشتاقين،
تبع ياتو اندية الجلابة السمان الاتنين ديل؟
العلي اليمين double chin عديل كده، من الفياقة الجلابي!
قرقرقرقرقر!
نعم، الرؤساء في اي شئ دايما جلابة يا سبحانك، مع انهم اقل من 5% من السكان!
الملاحظة الاكبر انو الاغلبية المهمشة ما بتقيف عند الظاهرة دي!
من جانب اخر، الهيمنة المطلقة لشريحة بعينها، بيادي الي تجذر الاحساس اللاواعي او لاشعوري بالدونية للمهمش، او تضخم الذات للمهمٍش اي فاعل التهميش بكسر وتشديد الميم!
نعم الوضع ده بعمق احساس الجلابي بي انو سوبرمان، والاخرين الما جلابة، دون، فقط لانو شمالي والاخرين من رقعة جغرافية اخري!
شفتي المصصيبة؟
علي قولك، لاحظتا حتي في الغنا البرئ، عازف الكيبيورد جلابي تحديدا، باعتبارو الساس من حيث دور الالة!
قرقرقرقرقر!
حاجة تموخل بحق!
ولكن الاساس هو تركيبة الدولة او نظاما السياسي الاقتصادي الاجتماعي.
اذا الدويلة من جذورا دويلة اقلية بعينها، فتلقائيا الفرص بتكون حكر او مفصلة علي مقاس الاقلية.
المساواة الحقيقية تتجسد في التوزيع العادل للفرص، مش القروش او الثروة زي ما فاهمين ناس عبدالخالق محجوب!
ده الفرق مابين اعتي دولة في العالم "امريكا"، واكثر دولة متخلفة في العالم، السودان الحالي!
معيارنا هنا، عدد المواطنيين الابادتم الدولة المعنية!
|
Post: #8
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: Mahjob Abdalla
Date: 10-07-2011, 03:13 PM
Parent: #7
| Quote: تبع ياتو اندية الجلابة السمان الاتنين ديل؟ |
واحد فيهم لطش الحكم الجزائري بونية في مباراة الهلال و سمع انو اوكامبو بفيش ليهو بحكم اعتداءه علي شخصية دولية. قال يجيب معاهو الزول التاني ده عشان يتوسط ليهو عند الرئيس عشان ما يبيعو في صفقة.
|
Post: #9
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: Bashasha
Date: 10-07-2011, 03:26 PM
Parent: #8
محجوب عبدالله شلوم، ياتو في ديل الدقش الحكم؟
ماجلابي عاد!
مين زيو، سيد البلد!
نقعد نقوم علي كيفنا قال، او فوق حكام الكورة مسلط شيفنا!
|
Post: #10
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: الصادق الزين
Date: 10-07-2011, 06:36 PM
Parent: #9
الاعزاء: تراجى, بشاشا و محجوب
سلام جاكم..
فعلا زى ما قالت تراجى اخونا محمد عثمان بكرى يعلم الله كتلنى بالضحك, طبعا هو اطلع على الرابط الفوق داك و شاف صور الجماعة ديل و طبعا بقية البقر الفريزيان الهو بعنيهم موجودين فى الصورة الجماعية الثانية بس ابت تترفع لى! الاظرف من كدة فى سخرية شديدة راح داعى ليك للجماعة السمان ديل بيوم القيامة الاسرافيلو ناس خليل و عقار و الحلو و عرمان, الاظرف من كدة قال و كمان معاهم ديل وراح ذاكرهم بالترتيب تراجى و سيف مساعد و محمد سليمان و بشاشا و نزار طبعا دى دلالة واضحة انو الجماعة الخمسة ديل لا يقلوا فتكا من الاسرافيليين الفوق ديل, وهو طبعا محمد عثمان ممكن يكون ما مؤمن بافكار خليل و لا عقار و لا بشاشا, لكن هى حالات تجلى الواحد لما يكون زهجان بيحاول يفتش لاصعب حاجه فى الدنيا او اشداها باسا علشان يفتك بيها خصموا, فتخيلوا انفسكم انوا الزول دا خاطيكم فى مكانة شرسة كيف!! انحنا لما كنا صغار الواحد لما يبكى و لا يشيطن على الاسرة يقولوا ليه تسكت و لا نجيب ليك البعاتى!! راح الواحد يسكت فت مرة! اها يا بعاعيت سودانزاونلاين بقوا يخوفوا بيكم.
|
Post: #11
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: AMNA MUKHTAR
Date: 10-08-2011, 08:59 PM
Parent: #10
| Quote: اها يا بعاعيت سودانزاونلاين بقوا يخوفوا بيكم. |
وأنا ما معاهم ليه ؟!
أحتج إحتجاجا شديد اللهجة ـ لابد من ضمى لهذا الرهط الكريم .
::::::::::::::::::
تحياتى أخى العزيز الصادق الزين .
|
Post: #12
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: الصادق الزين
Date: 10-09-2011, 00:58 AM
Parent: #11
Quote: وأنا ما معاهم ليه ؟!
أحتج إحتجاجا شديد اللهجة ـ لابد من ضمى لهذا الرهط الكريم .
|
العزيزة امنة مختار
سلاما كثيرن..
القال انت ما معاهم منو؟
انت بعاتية النوع البتجى الحلة نهار!!!
ما سمعت بقصة البعاتى البجى كل يوم لاولاده بالليل
وبسالهم يتفقد احوالهم, و هو فى هذا الحال سالهم
ذات مرة من حال امهم! قالوا ليه امنا عرسها فلان!!
فرد قال ليهم اها دا الكلام البجيبنا الحلة نهار!!
اها يا اختى شفت بعاتى النهار دا عينه قوية كيف؟
قلت لى دايره ليك فرقه مع خماسى الرعب ذو القوة
السداسية للابادة!!
|
Post: #13
Title: Re: ومعاهم كمان تراجي و سيف مساعد و محمد سليمان و بشاشا و نزار
Author: mohamed osman bakry
Date: 10-09-2011, 11:55 PM
Parent: #12
| Quote: وأنا ما معاهم ليه ؟! |
الكيزان دايرين العين الحمرة
------------------------------
الصادق
سلامات
|
|