Post: #1
Title: عااااااااااجل ... إنقلاب عسكري في الخرطوم
Author: ناصر يوسف
Date: 10-06-2011, 11:37 PM
Parent: #0
عااااااااااجل ... إنقلاب عسكري في الخرطوم
تفاصيل أوفي بعد التأكد من بعض المعلومات ..
|
Post: #2
Title: Re: عااااااااااجل ... إنقلاب عسكري في الخرطوم
Author: ALazhary2
Date: 10-06-2011, 11:45 PM
Parent: #1
.
.
??!!
.
.
|
Post: #5
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-06-2011, 11:50 PM
Parent: #2
الأزهري 2
نأسف للإزعاج ياخ
صباحك زين وخير وبركه يا رب
أعفي لي لو أزعجتك ياخ بعنواني المشاتر ده ...
أستاذنا الصحفي الجليل أبو العزائم عليه رحمة الله ... سبق وكتب بالبنط العرييييض نفس العنوان في الصحيفة ... وكان إنو الصحيفة خلصت من الأسواق بدرييييييييييي ... ولما تجي تقر أ الموضوع ( عسكري مرور ينقلب بموتره في السوق العربي )
أها شفت كيف ؟؟؟
|
Post: #3
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-06-2011, 11:46 PM
Parent: #1
طبعاً الشمار شين والله
وشحتفة الروح مو كويسه
وشينه مني ما أجي وأكب كلامي هنا ده عن أصل الموضوع مرة واحدة كدي ...
البوست ده حيكون عن مفهوم الإنقلاب الحاصل في المؤسسة العسكرية هنا في السودان ...
يعني ببساطه كده ... شرطة التوووووعية المرورية البقت ... شرطة ( قطاع الطرق ) ... مثلاً مثلاً .. ودي عندي ليها تفنيدات .. يعني ما مسألة نبذ والسلام ...
المؤسسة العسكرية الإقتصادية ... وووووو إلخ
أهاااا فشنووووو بعد ما أتأكد من بعض المعلومات ..
حأجيكم هني صاد
ونأسف للخُلعه يا شباب
|
Post: #4
Title: Re: عااااااااااجل ... إنقلاب عسكري في الخرطوم
Author: ALazhary2
Date: 10-06-2011, 11:48 PM
Parent: #3
.
.
.
.
|
Post: #6
Title: Re: عااااااااااجل ... إنقلاب عسكري في الخرطوم
Author: Ridhaa
Date: 10-06-2011, 11:52 PM
Parent: #4
Quote: ناصر يوسف
تاريخ التسجيل: 29-09-2011
مجموع المشاركات: 64 |
|
Post: #9
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-06-2011, 11:59 PM
Parent: #6
Quote: Quote: ناصر يوسف
تاريخ التسجيل: 29-09-2011
مجموع المشاركات: 64 |
زول مزعج يعني ؟؟؟
خلاص نفرمل شوية كمان وكمان
|
Post: #7
Title: Re: عااااااااااجل ... إنقلاب عسكري في الخرطوم
Author: حاتم محمد حاج المهدي
Date: 10-06-2011, 11:53 PM
Parent: #4
الله يسامحك ياخي
|
Post: #11
Title: Re: عااااااااااجل ... إنقلاب عسكري في الخرطوم
Author: عبد اللطيف بكري أحمد
Date: 10-07-2011, 00:00 AM
Parent: #7
انك تعرض مصداقيتك للخطر،،،
وتنثر الفزع في نفوس ملايين السودانيين بالخارج والداخل خوفاً على أرواح أقاربهم أكثر من إثارتك الفرح بزوال حكم الإنقاذ،،
لا تتحرى الكذب فتكتب عند الله كذابا، انحنا هينين،،
سلام ومعذرة،،
|
Post: #14
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-07-2011, 00:09 AM
Parent: #11
Quote: انك تعرض مصداقيتك للخطر،،،
وتنثر الفزع في نفوس ملايين السودانيين بالخارج والداخل خوفاً على أرواح أقاربهم أكثر من إثارتك الفرح بزوال حكم الإنقاذ،،
لا تتحرى الكذب فتكتب عند الله كذابا، انحنا هينين،،
سلام ومعذرة،، |
ياااااا عبد اللطيف بكري يا أخوي ...
كيفنك ياخ وآسف لو ثواني أو قول دقيقة فصلت ما بين أول حرف في البوست ده وأول مداخلة إضافية لي فيهو .. آسف لو سببت الثواني دي ما سببتو في دواخلك يا أخوي وفي دخال أي إنسان سوداني أو غير سوداني مع فائق الإحترام للجميع...
ثم إنو أنا ما كذاب والله ولا شيتاً تاني ... أنا عاوز أكتب عن المؤسسة العسكرية السودانية من منظور الإنقلاب الحصل فيها ده وبس ...
وجبت أمثله ... يعني لوكو الصبُر
|
Post: #12
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-07-2011, 00:02 AM
Parent: #7
أللهم آمييييين يا رب العالمين
شكراً ليك علي الدعوة السمحة دي يا حاتم يا أخوي
وربنا يغفر لي بالجد جد
|
Post: #8
Title: Re: عااااااااااجل ... إنقلاب عسكري في الخرطوم
Author: mohamed osman bakry
Date: 10-06-2011, 11:56 PM
Parent: #4
تمثيل سخيف
و بداية سيئة
ينبئ بدور ردئ
علي خشبة مسرح سودانيزاونلاين.
|
Post: #10
Title: Re: عااااااااااجل ... إنقلاب عسكري في الخرطوم
Author: Ridhaa
Date: 10-06-2011, 11:59 PM
Parent: #8
المخرج التلفزيوني ناصر يوسف بيننا .. أهلا وسهلا به
عبدالدين سلامه :
مرحبا بأستاذي ومعلمي
ليس الأمر تكبيرا لعمره
ولكنها الحقيقة
هو جاري منذ طفولتي
ومعلمي الأول في الثقافة والابداع والمسرح
وصديقي الدائم
ورجل كتااااااااااااب جدا
رغم أن شهادتي فيه بالتأكيد مجروحة
============================================
ناصر يوسف :
غايتو ...
إحِم إحِم .. تيست ون .. تو تلاتة خممممممشه ...
هو شنو .. يعني نسميها رضينة
والتجي من ود البحيري تحملها واطاتنا البور دي
شئ مخرج وكبيييييييير وشئ كتاب خترييييييييي وشئ أستاذي وذاااد وجدي ...
دي مااااا بتقسِم معانا يا شباب الربَه ...
علي بالحلف جايكم فرررررررداً فردا علا أنا هسي مزنوووووووق زنقة زنقة ...
مزنوق في الزمن يا بــــــــــله الدق جرس جلي ... ثم ياخي وينو رصيدي ؟؟
فتكم بعافيه وجايكم .. والله يسقط النظام ياااااااااااااا رب
|
Post: #13
Title: Re: عااااااااااجل ... إنقلاب عسكري في الخرطوم
Author: صلاح غريبة
Date: 10-07-2011, 00:07 AM
Parent: #10
ما قلنا ليكم قبل كدا
المنبر دا بالطريقة دي مصداقيتو حتنزل اسفل السافلين..
.اسي عليك الله يا ناصر اخوي صارخ متل الصرخة دي
عشان تقول لينا مرور وما مرور وهيئة اقتصادية
ثورة الأسافير وأوهام الانتفاضة ( آل مسيرة ... آل)
يا ناصر
حبوبتي بتقول ليك سبت عمل البانورامات
والايام المفتوحة وبيع المواد للتلفزيون
وبقيت بتاع اشاعات...
اسي انت فرقك من محمود الكذاب شنو؟؟
|
Post: #15
Title: Re: عااااااااااجل ... إنقلاب عسكري في الخرطوم
Author: awad okasha
Date: 10-07-2011, 00:11 AM
Parent: #13
لو ما بتعرف تستخدم الماسنجر الخاص بالمنبر ..
ده ايميل بكري [email protected]
|
Post: #16
Title: Re: عااااااااااجل ... إنقلاب عسكري في الخرطوم
Author: عبدالعزيز عبدالله محمد
Date: 10-07-2011, 00:11 AM
Parent: #10
والله ربك ستر يا ناصر التلفونات ما اتطاقشت
تعرف من الفرحة كنت حاصى كل من اعرفة لكي افرح
ياخ ما كان اخير ليك نوع بتاع (الطريق الي قندهار) وكدة
اها العسكري الشقى دا لسه من زمن القوات النظامية بتسوق مواتر، ياخ دا عسكري شريف جدا جدا
وقومي يالحلة تنوري
تحيتي يا باذخ
زي ما خليت الناس تبذخ ليك هنا
|
Post: #20
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-07-2011, 00:22 AM
Parent: #10
يا رضا ...
صباحك خير يا رب
أنا بالطبع الكلامات الكبار كبار ديلاك ماني خابر دروبن وين
علا بس ياهو الليلي من الكلام ... بكتبو بي فهمي أنا .. برااااااحه ... بكتبو وبمش
ولو في خاطرك الغالي ... قد تيقنتُ بأنَّ هذا المدعو ناصر يوسف مجرد إناسن مبتذل أو يسير هكذا بلا فكرِ واضحِ أو منهجِ في حياته أو إرتأيت بأن هذا المدعو ناصر يوسف ... ليس من الناس الذين يُرتجي منهم فعلاً موجباً .....
فصدقني هذا هو رأيك وما علي سوي إحترامه ... كأحترامي لبساطتي في الحياة
آملاً أن أكون عند حسن الظن وأن لا أخيب ظنك أخي رضا
آمل ذلك
|
Post: #17
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-07-2011, 00:15 AM
Parent: #8
Quote: تمثيل سخيف
و بداية سيئة
ينبئ بدور ردئ
علي خشبة مسرح سودانيزاونلاين |
لا لأ يا محمد عثمان بكري يا أخوي
صدقني المسألة ما تمثيل سخيف ولا مسألة رديئة ولا حأكون ممثل كومبارس علي خشبة هذا الصرح المتين
ولما جيت ... قلت أتمني أن أكون مضيفاً لكم وليس خصماً عليكم ...
فشنو يا أخوي أرجوك ثم أرجوك ... ما تحمل الموضوع أكبر مما هو عليه ...
وياخي معليش لو عنوان البوست عمل فيك الزعل ده كلو ... معلييييييييييييييش ... أنا آسف
أها شنو ؟؟؟ لسه برضو زعلان ؟؟؟
ثم إنو ياخي الموضوع لسه أنا ما قلت فيه شئ ... أصل الموضوع بتاع البوست ...
الصبر يا الحبيب الصبرررررررررررر
|
Post: #19
Title: Re: عااااااااااجل ... إنقلاب عسكري في الخرطوم
Author: عصام دهب
Date: 10-07-2011, 00:22 AM
Parent: #17
ازيك يا ناصر و كيف حالك و عساك طيب ياخي ..
و مرحباً بك جداً في سوق أب جهل أون لاين ..
إنت زول مبدع ..
يلا خلينا نستفيد منك ..
تحياتي تاني ..
و كووورة واطة ..
|
Post: #21
Title: Re: عااااااااااجل ... إنقلاب عسكري في الخرطوم
Author: MOHAMMED ELSHEIKH
Date: 10-07-2011, 05:38 AM
Parent: #19
انا احترمك جدا وأقدر ومعجب جدا بلونيتك في الكتابة هنا
وعكس رأي الآخرين انت إضافة ايجابية لسودانيزاونلاين
وما شهادة المستشار فيك ببعيدة
أذهب ولاتهتم بجيوش المخذلين
ود الشيخ
|
Post: #22
Title: Re: عااااااااااجل ... إنقلاب عسكري في الخرطوم
Author: يوسف محمد يوسف
Date: 10-07-2011, 06:16 AM
Parent: #21
ابننا ناصر
من اول اسبوع .. و كمان يوم الخميس !!
" ناموسيتك كحلى "
|
Post: #23
Title: Re: عااااااااااجل ... إنقلاب عسكري في الخرطوم
Author: عادل نجيلة
Date: 10-07-2011, 09:02 AM
Parent: #22
الزميل ناصر نرجو منك الإنضباط فأنت تخاطب سودانيين يعيشون في القارات
الخمس والإسكيمو فلا وقت للهو لديهم والإلتفات لمثل هذه الكتابات اللاهية !
غيرك أحق بالباصويرد والعضوية .. فهنا لا يوجد مسلسل للإخراج فأكتب شيئآ نافعآ أو غادرنا بغير رجعة ...
|
Post: #24
Title: Re: عااااااااااجل ... إنقلاب عسكري في الخرطوم
Author: الشفيع وراق عبد الرحمن
Date: 10-07-2011, 09:19 AM
Parent: #23
| Quote: البوست ده حيكون عن مفهوم الإنقلاب الحاصل في المؤسسة العسكرية هنا في السودان ... |
ناصر سلام
طالما فكرة البوست جادة، فالعنوان جانبك فيهو الصواب
نعم قد تحصد عدد كبير من القراء، ولكن لن تجد من يحاورك فيه
----------------------------
المكنة دي خاصة بهشام هباني وحده
تصدق انا عندي الشاشة صغيرة، وكنت شبه متيقن انو كاتب البوست هباني، خذلتني والله
----------------------------
لمن استشاط غضباً
ناصر يوسف كاتب موهوب وحصيف، وارجو ان لا تحكموا عليه من هذه الكبوة
--------------------------
لسه ما عرفت (بي هناك) كانت وين يا ناصر؟
اطاقشنا باسم (وراق)
|
Post: #25
Title: Re: عااااااااااجل ... إنقلاب عسكري في الخرطوم
Author: معاوية عوض الكريم
Date: 10-07-2011, 10:17 AM
Parent: #24
بوست موفق جدا
|
Post: #26
Title: Re: عااااااااااجل ... إنقلاب عسكري في الخرطوم
Author: Hamid Elsawi
Date: 10-07-2011, 11:12 AM
Parent: #25
| Quote: فشنو يا أخوي أرجوك ثم أرجوك ... ما تحمل الموضوع أكبر مما هو عليه ... |
هو ال انت حملتوا شويه عشان تطالب الناس ما تحمل الموضوع أكبر مما هو عليه؟؟؟؟
حلال عليكم فقط ... و حرام علي ...الخ
منتظرين الموضوع الجاد
ـــــــــــــــــــ
تخريمة: أغلب القراء ما عندهم باسويرد
و عاوزين يعرفوا الاخبار و المواضيع الجادة
و ما عندهم وقت للمسرحيات و الاخراج المثير
و اللعب بالاعصاب ... اذا عندك موضوع جاد
دي بداية غلط ... ح تفقدك كثير من الاقلام الجادة
و الحريصة علي تبادل المعلومات الفكرية هنا في المنبر
ـــــــــــــــ
لك الود صديقي
|
Post: #27
Title: Re: عااااااااااجل ... إنقلاب عسكري في الخرطوم
Author: صلاح شكوكو
Date: 10-07-2011, 11:27 AM
Parent: #26
...
الأخ الزميل ناصر
تحية رطبة
صحيح أن كثيرين يكتبون كثير من الأباطيل هنا
ويمارسون أنواعا شتى من التهريج خاصة السياسي
وكثيرون إمتهنوا المعارضة فأهانوا أنفسهم والآخرين
وبين هؤلاء وأولئك آخرون تميزوا بكم هائل من المصداقية والإنضباط
والحقيقة أنك حر فيما تكتب لكن بعض الكتابات متعدية حتى الإخافة للآخرين
لأن الإنقلاب العسكري يجمل طابع الشدة والمراس والمصادمة بين أمه ظلت أواصر السكينة
فيها أعلى من البغضاء .. وحتى ما يكتب هنا من وطيس فهو لا يعدو كونه حروف منثورة
فوطن نفسك على أن تتبوأ بين القوم هنا شيء من المصداقية ودعك من إثارة الإنتباه عبر الهلع
لأنك حركت الناس نحو القراءة بوسيلة الهلع ..
والمتوجس باحث عن الحقيقة وحينما لا يجدها ستكون أنت في الواجه ..
وستخسر حينها في بنك الربح والخسارة والمصداقية وعدمها ..
لكن تأكد بأن من قرأ العنوان من المتمكنين والمتشوقين قد أصبح لا يقدر حرفك
..............
أقدر منحاك الدرامي وأشفق على مآلاته عليك
ولك مني عاطر التقدير
كن بألف خير
..
|
Post: #29
Title: Re: عااااااااااجل ... إنقلاب عسكري في الخرطوم
Author: اشرف السر
Date: 10-07-2011, 12:19 PM
Parent: #27
ناصر يوسف
انت حركاتك البهناك دي ما عاوز تخليها ؟
سودانيزاونلاين غير "كما يقولون" هنا ستجد ممثلين لكافة أنماط البشر في مجتمعنا
فارجو ان تجد مقاما طيبا بين اهل هذا البورض
نتشه:
بالله هو لسه فيها انقلابات؟
|
Post: #30
Title: Re: عااااااااااجل ... إنقلاب عسكري في الخرطوم
Author: الامين موسى البشاري
Date: 10-07-2011, 12:45 PM
Parent: #29
Quote: ناصر يوسف
انت حركاتك البهناك دي ما عاوز تخليها ؟
سودانيزاونلاين غير "كما يقولون" هنا ستجد ممثلين لكافة أنماط البشر في مجتمعنا
فارجو ان تجد مقاما طيبا بين اهل هذا البورض
|
قلم وشخصية ناصر يوسف ليست محل مزايدة
ناصر اسمع كلام اشرف دا ...
وخليك زول جادي جداد شديد هنا في البورد دا
..
..
__
بالعدم : ما تسمع الجخ الفوق دا .. اكتب ما تشاء
|
Post: #40
Title: Re: عااااااااااجل ... إنقلاب عسكري في الخرطوم
Author: محمد قسم الله محمد
Date: 10-08-2011, 05:46 PM
Parent: #22
ناصر يوسف
شوف بوستك ده قروهو كم بني آدم ..
واتخيل ردة الفعل ..
كترتا المحلبيه يا أخي.
تحياتي.
............................................................................
سودانيز أونلاين ده عندو درجه من الموثوقيه ما حقو نتلاعب فيها.
|
Post: #31
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-07-2011, 01:04 PM
Parent: #1
حاولت يوم أمس أو فجر اليوم بالدخول لأجل الدخول في متن موضوع البوست الأساسي
بيد أنني لم أفلح في ذلك
وإذا ما ظهرت هذه المشاركة للعيان سآتي بما عندي ... عن مفهوم الإنقلاب الذي حدث في المؤسسة العسكرية في الوطن الحبيب ـــ السودان الشقيق
|
Post: #32
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-07-2011, 01:32 PM
Parent: #31
أخي وصديقي العزيز أشرف السر
تحايا واحترام لك ولبقية العقد الجميل الذي دخل بحرفه هنا ولم أتكرم بالرد عليه مفرداً .. فعذراً لي وعذراً للجميع
من حق أي إنسان أن يدلو بدلوه في أي موضوع من زاوية رؤيته هو له .. وما علي سوي إحترام جميع وجهات النظر ...
لم أقصد بالطبع أن أُرَوِع أهلي هنا وهناك داخل وخارج الوطن العزيز بالعنوان ...
ثواني فصلت بين الحروف الأولي لهذا البوست وأول مداخله أخري لي ... ودقائق معدودات فصلت بين أول مداخلة وبين المداخلة الثانية لي هنا عبر هذا المفترع موضحاً المغزي من البوست وهو تناول أمر ما آلت إليهِ المؤسسة العسكرية السودانية من وجهة نظري الخاصه كمتابع من داخل الوطن ...
|
Post: #34
Title: Re: عااااااااااجل ... إنقلاب عسكري في الخرطوم
Author: قيقراوي
Date: 10-07-2011, 03:34 PM
Parent: #32
يا ناصر رسل لبكري لتعديل العنوان ياخي
اهو براك شايف النتيجة و انو لحدي اسي كل المداخلات ما بارحت العنوان؟
ح تطرح طرحك كيف!؟
-------
او اطلب حذفو عدييييل و تعال براااحة بعنوان تاني .. يكون هااااادي
المافي شنو!؟
الفورة الف هنا
|
Post: #33
Title: Re: عااااااااااجل ... إنقلاب عسكري في الخرطوم
Author: محمد أبوالعزائم أبوالريش
Date: 10-07-2011, 01:50 PM
Parent: #31
كتبت المداخلة التالية في بوست آخر ينتقد هذا البوست:
Quote:
الأخ التذير .... تحياتي ..
أوّلاً، لا أدعم ولا أوافق على مثل هذا العنوان.
لكن أظنه واضح للجميع أنه عنوان تسويقي .. يقصد منه جذب القراء للبوست. كما أظن أن كاتبه لم يكن من متابعي المنبر قبل حصوله على العضوية، لأنه سبق قبل فترة أن وضع أحد الأعضاء عنوان بنفس المعنى (إن لم يكن مطابق له) ... وداخل البوست تجد نفس الكلام (إنقلاب عسكري بموتر في السوق) أو شئ بهذا المعنى، فلو كان كاتب البوست متابع، لما كرر نفس (الخدعة) بي ضبانتها. |
|
Post: #35
Title: Re: عااااااااااجل ... إنقلاب عسكري في الخرطوم
Author: Mohamed Abdelmotalib Hassan
Date: 10-07-2011, 04:17 PM
Parent: #33
إنت جيت متين للعوارة دي؟ والجابك هنا منو زااااااتو؟
هنيئاً لهشام ظرباني بتؤام روحه وصنوه!!!
عايز أديك إقتراح لعنوان بوستك الجاي , أرجو أن
تقبله , وهو كالآتي :
فضيحة فضيحة فضيحة , عاجل عاجل عاجل , كلـــــــبة
تضاجع نملة أمام الجامع الكبير وشيخ ملتحي يحمل
سبحه يتبسم!!!
أعتقد الحسنة الوحيدة من وجودك هنا حتكون : إنك حترطشق
لي هشام ظرباني كل عناوينه الغبية القادمة!!!!
سعادة البيه ده من قرية نعيمة برضو؟
|
Post: #36
Title: Re: عااااااااااجل ... إنقلاب عسكري في الخرطوم
Author: عبدالحافظ سعد الطيب
Date: 10-07-2011, 09:08 PM
Parent: #35
المره ده بنديك مراقة بس أتحرك شوية بتعرف أن الجناح العسكرى للأسلامين فرفروا قبل شهر ومايهجموك الجماعة ديل بكلمة مصدر أوع انت ذاتك تكون ؟؟؟؟؟؟؟؟؟
ومعظم العساكر والضباط فى مناطق الحرب جنوب كردفان والنيل الأزرق رفضوا تنفيذ الأوامر
وده خبر
|
Post: #37
Title: Re: عااااااااااجل ... إنقلاب عسكري في الخرطوم
Author: عثمان محمد كرار
Date: 10-08-2011, 01:52 AM
Parent: #36
انقلاب ? ماهي مقلوبه من 89 قول استعدال
|
Post: #38
Title: Re: عااااااااااجل ... إنقلاب عسكري في الخرطوم
Author: صديق الموج
Date: 10-08-2011, 02:27 AM
Parent: #37
Quote: انك تعرض مصداقيتك للخطر،،،
وتنثر الفزع في نفوس ملايين السودانيين بالخارج والداخل خوفاً على أرواح أقاربهم أكثر من إثارتك الفرح بزوال حكم الإنقاذ،، |
عبد اللطيف بكرى وانت ده الخايف منه بالزمة؟؟
يازول تفألو بالخير تجدوه
عاجل تانى انقلاب عسكرى فى الخرطوم
وسوف يحصل بأذنه مادام ما حددت تاريخ
مافى مشكلة تب يا حبيب
يسمع منك الله،،،،
|
Post: #39
Title: Re: عااااااااااجل ... إنقلاب عسكري في الخرطوم
Author: الوليد عمر
Date: 10-08-2011, 08:17 AM
Parent: #38
....
ناصر يوسف:
تحيات و أشواق و الذى تعرفه من المودة
أكتب يا صديقى كما عودتنا من قلبك الكبير
فهذا وحده الطريق إلى أذهان و قلوب القراء
و للسادة قضاة الكلمة و حراس الأسافير:
" ليس ثمة ضرورة للعنف فى تقديم النصح ،
إلا إذا كان نصحاً درامياً مجرداً
لا تأبهون للأخذ بما فيه"
....
|
Post: #41
Title: Re: عااااااااااجل ... إنقلاب عسكري في الخرطوم
Author: النصرى أمين
Date: 10-08-2011, 05:52 PM
Parent: #39
الاخ ناصر لا يستحق كل هذا الهجوم والاساءة ....
سودانيزانلاين عالم معقد ويحتاج بعض الوقت للتعود على
"نفسيات" اعضاءه ....
|
Post: #42
Title: Re: عااااااااااجل ... إنقلاب عسكري في الخرطوم
Author: بله محمد الفاضل
Date: 10-08-2011, 06:58 PM
Parent: #41
جبتها دقلا يكركب يا عمك
هو نحن لقينا وأبينا
إن شاء الله ما يصبح الصباح زاتو
انقلاب انقلاب
إن شاء الله انقلاب بالتلاتة يا اخي
واصل ولا يهمك زاتو
العنوان كدا مناسب جداً
قرط علي كدا وخش برجلينك الاتنين
علي موضوعك
ولا أبنص واحد ما تدوس
وربك يحقق المراد
|
Post: #43
Title: Re: عااااااااااجل ... إنقلاب عسكري في الخرطوم
Author: ناصر يوسف
Date: 10-08-2011, 09:24 PM
Parent: #41
Quote: سودانيزانلاين عالم معقد ويحتاج بعض الوقت للتعود على
"نفسيات" اعضاءه .... |
الأخ النصري أمين
تحية واحترام
صدقت ... بالفعل ده عالم معقد للغاية ومحتاج مني لزمن ... أقعد أقرأ وبس ...
الأخ الأكرم ..
بكري أبو بكر ...
رجاءاً حزف البوست نهائياً .. نسبةً للخلط الذي وقع هنا وقد أضرَّ بي بدءاً .. ثم أوقع الضرر علي الجميع 4070 .. نسبة المشاهدة وقد أزمع بأنني قد تسببت في مشاكل كثيرة لم أقصدها بتاتاً ...
أرجو حزف البوست .. وقد أجئ يوماً ما لأكتب عن الإنقلاب في المؤسسة العسكرية السودانية ... قد يجئ هذا اليوم
أعتذر للجميع ... وإن كنت لا أقصد ما وصل إليكم ... وللذين جاءوا إلي هذا المفترح بغضبتهم .. أقول لهم لكم الحق وأرجو أن يسامحنا جميعاً الله ...
|
|