Post: #1
Title: بـشـــــة والـتـونـســيــــــــــة
Author: د.محمد حسن
Date: 10-06-2011, 11:31 AM
بشة : اها يا كوتش هسة كدة نحن طرنا ؟!!
الكوتش: والله بطريقتكم دي طايرين طايرين
بشة : والعمل ؟
الكوتش : العمل عمل ربنا
بشة: ده كلو منك
الكوتش : مني انا ؟
بشة: ايوة منك تتذكر زمان قبل ما تعتزل وتبقى مدري مش كنت بتلعب معانا في الفريق؟
الكوتش : ايوة كنت بلعب معاكم وكانت الايام باسطة والادارة معقولة والفرق البنافسها كانت يعني ما خالص وفي مباريات كنت بنشتريها
بشة: طيب ليه هسة تدريبك كلو بقى كواريك الانتباهة الانتباهة وانتبه وخلي بالك
الكوتش : اعمل ليكم شنو انتز اتكم لعبكم بقى كسير انا خايف عليكم يكسروكم وانت بالذات كانت اتكسرت تاني مابتقوم
بشة’: انا قلت ليكم سجلو لينا لعيبة جديدين اللعيبة العننا ديل تعبانين قدر ما غيرنا خاناتهم الحال ماشي اسوأ
الكوتش : نجيب لعيبة من وين .قبل كدة جبنا ليكم لعيبة من افغانستان ومن فلسطين ومن باكستان ومن الدول الافريقية الاتحاد العام قال ما نافعين وشطبهم وطردهم
بشة: والاتحاد العام دخلو شنو ؟ مش هو بشجع الاحتراف؟َ!!
الكوتش : ايوة بشجع الاحتراف بس ديل ما جوا بتاشيرة محترفيم جو بتأشير تجار شنطة
بشة: طيب ما كان تسجلو لينا من المرغني ومن الاستقلال
الكوتش: سجلنا ليك من الميرغني كم لاعب وهسى بنحاول فيهم انا تلاستقلاا فجبنا منهم عدد ما بطال
بشة : ياخ الجبتوهم ديل كلهم مشاطيب وما نافعين الواحد زي قلتو .. تحن عايزيم لعيبة يشيلو الفريق
الكوتش : لو جبنا ليك لعيبة يشيلو الفريق انت ذاتك حيشيلوك والله كنبة الاحتياطي ما تلقاها
بشة : كيف الكلام ده انا معاي لعيبة الدفاع كلهم
الكوتش : دفاعك المهلهل؟
بشة: طيب اعمل شنو ؟
الكوتش : انت الوداعية بتاعتك قالت ليك شنو؟
بشة : قالت لي سجل في اتحاد جدة
الكوتش : وطيب !!!
|
Post: #2
Title: Re: بـشـــــة والـتـونـســيــــــــــة
Author: محمد عمر الفكي
Date: 10-06-2011, 12:00 PM
Parent: #1
يا دكتور
تحياتنا
انت الهلال دا مش عنده لسه امل؟
بالمناسبة (بشة) مامكن يرجع الموردة؟ دا لو الهلال شطبه ولا الادارة الجديدة ممكن تجبره ان يحترف في اوربا مثلا في الدوري الهولندي؟
|
Post: #3
Title: Re: بـشـــــة والـتـونـســيــــــــــة
Author: د.محمد حسن
Date: 10-06-2011, 12:04 PM
Parent: #2
| Quote: لا الادارة الجديدة ممكن تجبره ان يحترف في اوربا مثلا في الدوري الهولندي؟ |
لياقتو ما بتسمح ليه يلعي في اوروبا بالاضافة لانو عندو مشكلة ركبة
اتحاد جدة اريح ليه
وبعدين عندو مشجعين ممكن يعملو ليه رابطة حتى لو اتحاد جدة شطبو ممكن يعملو ليه اقامة في بني مالك
|
Post: #4
Title: Re: بـشـــــة والـتـونـســيــــــــــة
Author: د.محمد حسن
Date: 10-06-2011, 02:11 PM
Parent: #3
المشكلة في مساعدين المدرب
|
Post: #5
Title: Re: بـشـــــة والـتـونـســيــــــــــة
Author: د.محمد حسن
Date: 10-06-2011, 05:06 PM
Parent: #4
هل تعتقد انو الفريق محتاج لمباريات تجريبية قبل السفر؟
|
Post: #6
Title: Re: بـشـــــة والـتـونـســيــــــــــة
Author: د.محمد حسن
Date: 10-07-2011, 07:50 AM
Parent: #5
هل حيلعب بشة المبارة القادمة
ام يلتحق باحاد جدة قبل ما يطير؟
|
|