لجنة الانضباط بالكاف تستدعي رئيس الهلال لاجتماعها بالاحد.

بس قولو يالطيف، اذا ثبت الاتهام احتمال كبير حرمان الهلال من مباراتة القادمة.

اذا كانت لجنة الانظباط هي التي استدعت الرئيس فأذن الامر شخصي برئيس الهلال وليس له اي نتائج علي فرقة الهلال او اي عقوبة لفريق الهلال، والله اعلم

أنا متأكد الف في المئة انو أعلامنا الرياضي هو الذي سوق لهذة الحادثة اكثر من الحكم نفسة.
والغريبة الكلام كلو انحنا سمعنا، غايتو اعلام غير الكسير والغيرة وكشف العورات ما عندو حاجة،
ياخي الحكم نفسة كما قالو ما كان عارف الضربو منو.

اكد عضو في لجنة انضباط الكاف ان واقعة ضرب الحكم لقد حصلت فعلا وان الحكم الجزائري تعرض للكمة من الخلف ولكن نفي ان يكون رئيس الهلال او غيرة
هو الفاعل مالم يتم التاكد من ذلك. سوف يكون هناك تحقيق حول الحادثة، وقد أوضح انا الحكم قد قيد الحادثة في تقريرة ولم يذكر شخص باسمة اعتدي علية.

مادام الحكم لم يذكر اسم المعتدي، في داعي انو ناس مزمل ديل يجيبو كلام بالبوند العريض انو ود البرير كبس الحكم بونية،
الشلاغة والفلاحة دي لزومها شنو؟
الزمن دا اهلك يضيروك، جنس حسادة غايتو.

عقوبة الفيفا في حالة تعدي اداري علي حكم المبارة او احد من مساعدية، هي ايقاف الاداري من مزاولة مهنته لمدة لا تتجاوز ثلاثة اشهر او سبعة مباريات لفريقة او ايهما اقرب، مع غرامة مالية لا تتجاوز سبعة الف دولار.

وكمان نجي نقول انو المشكلة مافي العقوبة دي مقدور عليها، لكن كمان دق الحكم من رئيس نادي دي كتيرة حبة اذا ثبت ذلك،
برضو كمان بنقول انو انحنا بشر، يعني ممكن نخطا مافي حد معصوم، لكن برضو مفروض نضبط اعصابنا حبة.

لقد كرر البرير نفيه تماماً في حادثة الحكم، للمرة الألف لم اعترض الحكم ولم اكن متواجدا اصلا بين الشوطين.

ولماذا تريد من الإعلام الصمت والغتغتة على السلوك المشين والمعيب والهمجي لرئيس نادي الهلال ؟؟

في كل الدنيا لا يصمت الإعلام عن أشياء مثل هذه ولا ينبغي له أن يصمت

ثم هل تعتقد أن كل الناس سذج ليصدقوا أن الكاف قام باستدعاء رئيس نادي الهلال بناء على ما كتب في الصحف ؟؟

الاخ الهادي،

ياخي الصحافة لها الحق تتكلم تكتب تنقد ما قلنا حاجة لكن كمان تحري وانضباط المعلومة مهم جداً، انت تعلم انو الاعلام الرياضي السوداني معظمو شمارات وعديم الدقة في نقل الاخبار.