Post: #1
Title: حيو معاي هولاء لمحة من بلادنا
Author: باسط المكي
Date: 10-05-2011, 07:24 PM
العرب الرحل
الابالة
سراي الليل
نسوان الغزل
بائعات الطباقة
عمال المدن سواويق الطواحين..
دقش المزارعية ..
ونهارات العربجية الطيبن ..زحمة الاسواق ..
رائحة زنكي النسوان الفسيخ والطباقة وجوز الحمام
كالات المواني ..
مداخن بحري معلنة الحياة ببدء يوم جديد
شمس المغيب علي القري
في الوهاد البعيدة ..البراندات القديمة والدواوين ..
واشجار النيم ...والحراز والسيال والسنط ...
زحمة المواصلات ..والاسواق ..واصوات علينا جاي ..
المعجون بجيه وااحد .هاااااك المعجون بجنيه واحد .
سيد اللبن وسيد الفحم .وبائع الترمس .ورائحة الابري
والدكاكين القديمة.
ضل الضحي وبائعات الداردمة ..
والتسالي ...لمة الناس ..في الفرح ..بهجة النسوان الكبار
بفرحت البعيد العاد...
واماني الطيبن في احلامهم ..
ا
|
Post: #2
Title: Re: حيو معاي هولاء لمحة من بلادنا
Author: محمد الحارث احمد
Date: 10-05-2011, 07:47 PM
Parent: #1
الكمنسجية وبائعات وبائعي التسالي والمررو ...
حسبنا الوطن المضرج بارتحال الطير ...
السودان بكل التعدد والتنوع والجمال .. بكل اللوحة الرسمتها يا باسط .. تتطاول ايادي مقيته مخضبه بقوت الغلابه لتشوه الصور البديعة ...
ولكن .. ماريل تولجنا بهذا المد .. تخرج لهذا النيل نيلا من جديد .. ماريل تولجنا ونخرج من اصابعها .. هتافاً صاقعاً وشعاع مرحلة ..
لانجاز الضريرة لشنق الادعياء .. وقادة الامن الموموسد .. والمرابين الصغار ..
كل الود
|
Post: #3
Title: Re: حيو معاي هولاء لمحة من بلادنا
Author: Sabri Elshareef
Date: 10-05-2011, 07:51 PM
Parent: #2
والدايات او التسمية الاخيرة القابلات الصحيات اللائي يقمن انصاص الليالي
في المدن والقري ليساعدن نساء وطنا لهن التحية والاجلال ولك انت يا باسط مكي
وللنقلتية وحلاقي البلد و ستات الكوافير في زمن الاسلمة القصرية لاهلنا ؟؟
|
Post: #4
Title: Re: حيو معاي هولاء لمحة من بلادنا
Author: محمد فضل الله المكى
Date: 10-06-2011, 10:01 AM
Parent: #3
الدوكة, برمة العجين, التمله (المعراكه), صحن القرقريبة,علبة الطايوق
طبق الكسرة،الحطب ,اللدايات,الكانون، حلة الملاح,السكين, فرّامة الخُدرة
علب البهارات,نملية العِدة،المشلعيب, البنبر .
هذه هي قائمة الممتلكات في تُكل أعظم (شيف) عرفته!! إنه تُكُل حبوبتي آمنه
بت عوج الدرب.
ودالمكي سلام
|
Post: #5
Title: Re: حيو معاي هولاء لمحة من بلادنا
Author: باسط المكي
Date: 10-06-2011, 02:00 PM
Parent: #4
| Quote: وللنقلتية وحلاقي البلد و ستات الكوافير في زمن الاسلمة القصرية لاهلنا ؟؟ |
يالله ياصبري
دة العوج الاشياء القصرية بتتلفظ مهما طال الزمن
والتاريخ لايرحم
|
Post: #6
Title: Re: حيو معاي هولاء لمحة من بلادنا
Author: باسط المكي
Date: 10-06-2011, 02:08 PM
Parent: #5
Quote: الكمنسجية وبائعات وبائعي التسالي والمررو ...
حسبنا الوطن المضرج بارتحال الطير ...
السودان بكل التعدد والتنوع والجمال .. بكل اللوحة الرسمتها يا باسط .. تتطاول ايادي مقيته مخضبه بقوت الغلابه لتشوه الصور البديعة ...
ولكن .. ماريل تولجنا بهذا المد .. تخرج لهذا النيل نيلا من جديد .. ماريل تولجنا ونخرج من اصابعها .. هتافاً صاقعاً وشعاع مرحلة ..
لانجاز الضريرة لشنق الادعياء .. وقادة الامن الموموسد .. والمرابين الصغار |
محمد الحارث
دخاخين المصانع معلنة الحياة في نواحي
بحري واطراف المدن وعودة العائدين من المصانع
والحقول يرزحون تحت سياط معانتهم واقدار لاتخصهم
البتة اكيد في نهاية النفق ضو
|
Post: #7
Title: Re: حيو معاي هولاء لمحة من بلادنا
Author: معاوية عبيد الصائم
Date: 10-06-2011, 02:08 PM
Parent: #5
Quote: ولكن .. ماريل تولجنا بهذا المد .. تخرج لهذا النيل نيلا من جديد .. ماريل تولجنا ونخرج من اصابعها .. هتافاً صاقعاً وشعاع مرحلة ..
لانجاز الضريرة لشنق الادعياء .. وقادة الامن الموموسد .. والمرابين الصغار ..
|
شكرا باسط شكرا الحارث...
|
Post: #8
Title: Re: حيو معاي هولاء لمحة من بلادنا
Author: باسط المكي
Date: 10-06-2011, 02:13 PM
Parent: #7
Quote: الدوكة, برمة العجين, التمله (المعراكه), صحن القرقريبة,علبة الطايوق
طبق الكسرة،الحطب ,اللدايات,الكانون، حلة الملاح,السكين, فرّامة الخُدرة
علب البهارات,نملية العِدة،المشلعيب, البنبر .
هذه هي قائمة الممتلكات في تُكل أعظم (شيف) عرفته!! إنه تُكُل حبوبتي آمنه
بت عوج الدرب |
ودالمكي بن عمي
الف رحمة علي بت عوج الدرب الام
الحنينة اتخيلت ذاك التكل العتيق
واصوت الفنادق نص النهار ورائحة الكسبرة
واصل التداعي يارائع
|
Post: #9
Title: Re: حيو معاي هولاء لمحة من بلادنا
Author: معاوية عبيد الصائم
Date: 10-06-2011, 02:13 PM
Parent: #7
 Quote: واماني الطيبن في احلامهم ..
|
|
Post: #10
Title: Re: حيو معاي هولاء لمحة من بلادنا
Author: الطيب شيقوق
Date: 10-06-2011, 03:00 PM
Parent: #9
Quote: العرب الرحل
الابالة
سراي الليل
نسوان الغزل
بائعات الطباقة
عمال المدن سواويق الطواحين..
دقش المزارعية ..
ونهارات العربجية الطيبن ..زحمة الاسواق ..
رائحة زنكي النسوان الفسيخ والطباقة وجوز الحمام
كالات المواني ..
مداخن بحري معلنة الحياة ببدء يوم جديد
شمس المغيب علي القري
في الوهاد البعيدة ..البراندات القديمة والدواوين ..
واشجار النيم ...والحراز والسيال والسنط ...
زحمة المواصلات ..والاسواق ..واصوات علينا جاي ..
المعجون بجيه وااحد .هاااااك المعجون بجنيه واحد .
سيد اللبن وسيد الفحم .وبائع الترمس .ورائحة الابري
والدكاكين القديمة.
ضل الضحي وبائعات الداردمة ..
والتسالي ...لمة الناس ..في الفرح ..بهجة النسوان الكبار
بفرحت البعيد العاد...
واماني الطيبن في احلامهم .. |
والنقو مسامير الارض يا ود المكي
سلامي
|
Post: #32
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:10 PM
Parent: #10
الطيب شيقوق
سلام الجنقو مسامير الارض
رااحو في الكرعين ياضراعي
نحييهم كل الود لك
|
Post: #11
Title: Re: حيو معاي هولاء لمحة من بلادنا
Author: الفاتح ميرغني
Date: 10-06-2011, 03:32 PM
Parent: #9
سيد الفرن والشغلانتو نار والجو كيف سخن .عمال المدن، عم عبدالرحيم والطرقي الخضار.
جلالات الديش في صباحات فرايحية وبنات المدرسة،ست الفطور وست الطعمية وست الفول وست النبق!
سيد الفحم وسيد اللبن وسيد الدكان وسيد الخضار.نجُُاد المراتب والنجار والبُنا والبناولو الطوب.السرويس وصحن الطلس والباشري!. قلاى البن والشرقرق والليفة والفندك والمدق والهبُهان والبكر والتني و" طق طرق يا بن القهوة كيف ومزاج خلي انُعدل الراس نحصل الترماج!
هي ملامح لأشياء واشخاص محفورة في الوجدان كوشم الغجر!
مشكور يا هندسة على البوست الببل الشوق وذكريات الزمن السمح بالحيل.
"هيهات يعود الكان ولى"!
محبتي
|
Post: #12
Title: Re: حيو معاي هولاء لمحة من بلادنا
Author: abdelrahim abayazid
Date: 10-06-2011, 03:52 PM
Parent: #11
وناس الحلة والجزار وك ل ب الجيران
ومفتش الصحة والخور وام الحفر
والمعاهو قزاز و وبتاع الشوالات
وست الكسرة و عربات الباسطة
والرتينة الاكبر من الفانوس
والدافوري وشليل
وعمك البزهج من الكورة
عشان بتضرب الحيطة
والجمعية الادبية
وحفلة وداع سادسة
ويوم النتائج والاستاذ الساكن في الحلة
وسوار باريس وفلير دمور
وقيدومة العريس رقم 5 مع اصحابو
وتحرمني منك والشارليستون
واستديو الصداقة
وبيبي كفنة الميتة
وبيبي عربية النجدة
وشليل والفات الفات
وبنات الحلة والحجلة
والمذاكرة وعصير الليمون وشاي المغرب
وصلح السراير
|
Post: #34
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:23 PM
Parent: #12
Quote: وناس الحلة والجزار وك ل ب الجيران
ومفتش الصحة والخور وام الحفر
والمعاهو قزاز و وبتاع الشوالات
وست الكسرة و عربات الباسطة
والرتينة الاكبر من الفانوس
والدافوري وشليل
وعمك البزهج من الكورة
عشان بتضرب الحيطة
والجمعية الادبية
وحفلة وداع سادسة
ويوم النتائج والاستاذ الساكن في الحلة
وسوار باريس وفلير دمور
وقيدومة العريس رقم 5 مع اصحابو
وتحرمني منك والشارليستون
واستديو الصداقة
وبيبي كفنة الميتة
وبيبي عربية النجدة
وشليل والفات الفات
وبنات الحلة والحجلة
والمذاكرة وعصير الليمون وشاي المغرب
وصلح السراير |
عبد الرحيم ابايزيد
شرف كبير ياااخ الطلة
وواصل التداعي ياااااخ
احكي هناااا خالض الود لك
|
Post: #13
Title: Re: حيو معاي هولاء لمحة من بلادنا
Author: حسبو عكاشة
Date: 10-06-2011, 04:08 PM
Parent: #11
عمال الخُرد ... ملح الأرض ... و الجو كيف سُخُن
ميدان جاكسون,,, في حين مطرة و سوء التصريف
|
Post: #14
Title: Re: حيو معاي هولاء لمحة من بلادنا
Author: البحيراوي
Date: 10-06-2011, 04:22 PM
Parent: #13
الأخ باسط المكي وضيوفك
أحييك والمزارعية والرواعية والهممباته الصح والتشاشة وناس أم دورور
المساعدية والكمنسجية
والقانصين والمودرين
وصبيان لكت وتيري ورد وهلبلب وكديس من نطاك
والواردين في العصرية والجلوجية
المدلقشين من شقة السرحان والقايمين للضحوة والسربة
وأهل النفير في بلدان خدرة ومرويه بي موية الله
وطققاقين الصمغ بي مخاليهم من حلة لي جنينة
بحيراوي
|
Post: #15
Title: Re: حيو معاي هولاء لمحة من بلادنا
Author: فيصل محمد خليل
Date: 10-06-2011, 05:06 PM
Parent: #14
الابالة
|
Post: #16
Title: Re: حيو معاي هولاء لمحة من بلادنا
Author: محاسن أحمد محمد
Date: 10-06-2011, 05:57 PM
Parent: #15
التحية لكل المتعبين
التحية لهم اهلى البسطاء
التحية لهم وهم يلهثون من اجل رزق اليوم باليوم
التحية لهم وهم على ارصفة المدينة القاسية يستسمحون
الجلاد ( الكشة ) من اجل لقمة عيش
ومن اجل جرعة دواء
التحية لهم وهم يغتادون الطرقات وهم شرفاء
التحية لهم جميعا اطفالا ونساء ورجالا اينما كانـــــوا
شكرا استاذ باسط بوست يحمل كل المواجيع
Quote: ( بلاد المتعبين )
في بلاد المتعبين
طوفان...
طرقات في الوجوه..!
أيام تركض.. خلف الأيام .
في بلاد المتعبين
نفتح شبّاكاً للصمت
و نزرع قمرا فوق المساءْ.
في بلاد المتعبين
عيون .. و شفاه .. و جروح
وطن يمشي .. مشلول الأطراف
و منزوع العينين..
و يصّلي .. لإله
بلا وجه و لا يدين..!
لحجارة تتراقص عليها الأهداب
في بلاد المتعبين
نرجم الموت قهرا
نحلم بالصبح
بأجنحة .. للأطفال
و بالنسيان..!
في بلاد المتعبين
نبعد ... نغترب
و يبقى الوطن بين المدن
شفق و شراعْ .
و أنت تنسلّين من شفقي
حارّة ..
كتنانير الفلاحات
وقت الصهيل ..!
فأحملك على كفيّ.. عصفورة
و أستلقي على وجهي
فهذه المرة الأولى
أراك فيها نائمة
أوضّب روحي خجلا
و أطبع قبلة في الجو تسّاقط
على شفتيك.. حبات من اللؤلؤ
أوقظك .. فقومي معي
نهاجر وسع قلبينا
فلم يبق لنا مطرح..!!
في بلاد المتعبين. |
|
Post: #17
Title: Re: حيو معاي هولاء لمحة من بلادنا
Author: صديق الموج
Date: 10-06-2011, 08:23 PM
Parent: #16
باسط يا حبيب .................صباح الوطن
خلعتنا ياخى انا قريتا لحمة من بلادنا
قلت هو فى لحمة؟؟
تسقط الانظمة التى شهت هولاء طعم اللحمة،،،
|
Post: #18
Title: Re: حيو معاي هولاء لمحة من بلادنا
Author: Amani Al Ajab
Date: 10-06-2011, 09:30 PM
Parent: #17
ياسلام الأخ باسط المكي وعليكم جميعاً
رجعتونا لذكريات جميلة بالرغم ما فيها
من مواجع ومرارة..
التحية:
للشماشه ..
لصيادي السمك..
للمراكبية ..
لسيد الفحم وسيد الحطب ..
لعمال وعاملات لقيط القطن ..
للفراشات والفراشين ..
لعمال الكمائن ..
التحية للسودان كله بتنوعه الذي عشقناه ..
والتحية لكم جميعاً ..
|
Post: #19
Title: Re: حيو معاي هولاء لمحة من بلادنا
Author: باسط المكي
Date: 10-07-2011, 06:06 AM
Parent: #18
| Quote: شكرا باسط شكرا الحارث... |
معاوية ودالصائم
سلامات وتحيات طيبات
ملينا من الرقراق وماتعس راس مشلول الاقدام
كما قال محمد المكي ابراهيم شاعر اكتوبر الفذ
واكتوبر جانا ونحن نتضاري من الخجل
لاثو لا حفظناعلي ولا تماسكناكن بخير
|
Post: #20
Title: Re: حيو معاي هولاء لمحة من بلادنا
Author: فيصل محمد خليل
Date: 10-07-2011, 06:26 AM
Parent: #19
سيد اللبن
|
Post: #21
Title: Re: حيو معاي هولاء لمحة من بلادنا
Author: فيصل محمد خليل
Date: 10-07-2011, 07:15 AM
Parent: #20
عمّال الدريسة
Quote: مظهر كانت تعرفه كل محطات السكة الحديد الخلوية منها وتلك التي داخل المدن
فلا يوجد أحد له علاقة بالسكة الحديد إلا ويعلم ويعرف عمّال الدريسة أولئك الجنود المجهولين الذين
يقومون بترميم خط السكة الحديد بطوله الممتد من أقصى الشمال إلى
أقصى الجنوب وأقصى الغرب وحتى الحدود الشرقية. |
|
Post: #22
Title: Re: حيو معاي هولاء لمحة من بلادنا
Author: باسط المكي
Date: 10-07-2011, 07:41 AM
Parent: #21
فيصل محمد خليل
سلامات يابلدتحياتي لك
عبر هذا النهار الساطعة شمسه كما
الحقيقة المغيبة في بلادنا وزر الرماد
الذ اعمي البصر والبصائر
والتحية لاهلنا في وهاد الشمال
تحت رحمة اقدار لاتخصهم
اوصيك ان لاتنطفئ جزوة النار جووووووووواك
|
Post: #23
Title: Re: حيو معاي هولاء لمحة من بلادنا
Author: معاوية عبيد الصائم
Date: 10-07-2011, 08:48 AM
Parent: #22
|
Post: #24
Title: Re: حيو معاي هولاء لمحة من بلادنا
Author: معاوية عبيد الصائم
Date: 10-07-2011, 08:52 AM
Parent: #23
|
Post: #25
Title: Re: حيو معاي هولاء لمحة من بلادنا
Author: عمار محمد ادريس
Date: 10-07-2011, 09:12 AM
Parent: #24
|
Post: #26
Title: Re: حيو معاي هولاء لمحة من بلادنا
Author: اسماء الجنيد
Date: 10-07-2011, 09:23 AM
Parent: #25
وطاحونة ود الخبير اللامة الصغير والكبير
طاحونة ود الخبير ..
لامه الصغير والكبير ..
مبنيه وسط الفريق ..
لا فيها حارس ولا غفير..
كيمان عيوش فوق البروش ..
وحاجٌات كتارينضفن ..
و ينفضن فوق السفير ..
قدامها راكوبه فوقا..
عنقريبين وزير..
وغبار دقيق وباقى عيش....
متلمى فيه الطير ..
ناساً كتار من الصباح ..عز الهجير ..
وحاج عبد الله مليان دقيق...
التقول ضاربنو جير..
دايماً مبتسم راضى بمهنته زى الوزير ..
وتزيد اللمه وجوطة الاهل..
ساعة العصير ..
بنيتين تلاته مكومات طعميه..
وزلابيا و معاهن حبة فطير ..
طبليه مكركربه فوقا عليبات حلاوة ..
و سجاير هول ود البشير ..
وحاجه آمنه قفتها بى خدارها ...
بصل وعجور و كومين جرجير..
تربح فى يوم قرشين تلاته ..
تجيب بيهن لبن الصغير ..
اعمامنا الكبار متلملمين
تحت الشدير زى النفير..
فيهم المنتكى فى الخوير ..
وفيهم الضارب الحنك...
مع حاج النزير ...
وفيهم البشرب فى قهوه ...
ولا.. كباية شعير....
وعم احمد شالتو نومه ...
ويشخر.. شخير ...
ما بصحيهو الا صوتاً كبير...
يطايب ويسلم سلاما كتير...
كيفنكن انعلكن بى خير...
اياها دى حال طاحونة ود الخبير..
كل يوم من الصباح حتى العصير...
لوحه جميله ما يرسما ....
اى رسام مهما كان خطير ...
أسماء الجنيد
حبابك يا باسط يا خوي اريتك طيب يابا ,,
بوست شدة مو حنيـــــــــــــن
لامن يفر قليبك وينزلن دميعات العين
شكرا أردب محنة
|
Post: #27
Title: Re: حيو معاي هولاء لمحة من بلادنا
Author: طارق جبريل
Date: 10-07-2011, 10:00 AM
Parent: #26
يا حبيب كيفنك ياخ
الطُلب ياخ
|
Post: #28
Title: Re: حيو معاي هولاء لمحة من بلادنا
Author: معاوية عبيد الصائم
Date: 10-07-2011, 10:27 AM
Parent: #27
|
Post: #29
Title: Re: حيو معاي هولاء لمحة من بلادنا
Author: معاوية المدير
Date: 10-07-2011, 11:16 AM
Parent: #27
تحايا لصباحات الوطن يا باسط، للطيور الرآحلة في جوف المساء، لروح سماعين ود حد الزين
الإتوسد شقو الأيمن مع الزينين. التحية لصباحات الوطن، وبقرة حلوبة تتضرع وليها ضرع.
لنخلآت تهبهب فوق جروف الساب، لناساً يكرمو الضيف، يبدو الغير علي زآتُن يقسمو اللقمة
بيناتُن جلآليبُن وسراويلُن بُيُض، منكسرين من جميع فجاج الفريق علي الجامع، وهناك شيخاً
في الخلآوي ورع. التحيّة لهم وهم متلمين بعد الصلآة جنب الجامع يطايبوا ويتسالموا كأنهم
ما شافوا بعض ليهم سنين، ويا باسط نعلُك بسط؟. التحيُة لأهلنا الغبش في الملمات يزيدو الفرح
أفراح، ويمسحو كلّ الأحزان من دواخل الحزن بتماسكهم وتوادهم وتراحمهم في حالة الأتراح.
التحيّة للأفرولآت والعجلآت. التحيّة لهم وانا هنا أقصدهم والعرق يتصبب من جباههم العالية،
فيمازج بقع الزيت العالقة في افرولآتهم. أحيهم تحيّة عابقة برائحة الفلنكة، معطرة بدخاخين
الورش، واحيها هي، ويا قطار الشوق متين ترحل تودينا؟. لا بُدّ من ذكراها عندما نركن لدواعي
الشجن والحنين، لأنها حنينة وصابرة، ومكافحة ومنافحة. التحيّة لها، للسيمافورات، ومكتب
الكنترول، للمحطة والرصيف. الباسطة ما بالسمنة وكده. التحيّة لأسرآب الضحايا الكادحون
العائدين مع الظلآم من المصانع والحقول. لها حُبي وكامل إشتياقي. التحيّة للطيور التي ما فتأت
تغرّد في براحات الوطن فوق النخيل والأشجار وسباليق البيوت تنثر الطرب في نفوس أهلنا
رغم المِحن. التحيّة لهم. عصرية وعنقريب، الباب دقّ يا باسط. مرحب إتفضّل، أبقوا داخلين.
ريحة جبنة وعصريّة، وناس سمحين بالحيل، وذات الضفائر ضفائرها طاشة بين مجلسهم
يكسوها الخجل طلآوة وحلآوة تطايب جملة الزينين بعفوية وتؤانسهم بكل اريحيّة. التحية لها
بنت بلدي شبه النيل والباباي بطعم المنقة وعجو المحس التقيل فدع العراجين. بنوتاً يحاكو الخيل
يشابن زي جدي الريل وشبالهن مكنتل في طريفو ودع. التحيّة لوطن حبوب، جلآبية وتوب،
خُلآل وشوتال، مردوم ودليب، ابنوس وباباي. غابة وصحراء، وعمّة وسديري، وسيف
وسكيّن، و باسط يا سمح يا زيّن يا بلدي يا حبوب...
|
Post: #30
Title: Re: حيو معاي هولاء لمحة من بلادنا
Author: MOHAMMED ELSHEIKH
Date: 10-07-2011, 11:38 AM
Parent: #29
أيضا حيو معي ناس......
وهم يتبادلون نكاتهم البذيئة في أنصاص ليالينا
|
Post: #31
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 10:34 AM
Parent: #30
ة
|
Post: #44
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 02:31 PM
Parent: #29
Quote: ...تحايا لصباحات الوطن يا باسط، للطيور الرآحلة في جوف المساء، لروح سماعين ود حد الزين
الإتوسد شقو الأيمن مع الزينين. التحية لصباحات الوطن، وبقرة حلوبة تتضرع وليها ضرع.
لنخلآت تهبهب فوق جروف الساب، لناساً يكرمو الضيف، يبدو الغير علي زآتُن يقسمو اللقمة
بيناتُن جلآليبُن وسراويلُن بُيُض، منكسرين من جميع فجاج الفريق علي الجامع، وهناك شيخاً
في الخلآوي ورع. التحيّة لهم وهم متلمين بعد الصلآة جنب الجامع يطايبوا ويتسالموا كأنهم
ما شافوا بعض ليهم سنين، ويا باسط نعلُك بسط؟. التحيُة لأهلنا الغبش في الملمات يزيدو الفرح
أفراح، ويمسحو كلّ الأحزان من دواخل الحزن بتماسكهم وتوادهم وتراحمهم في حالة الأتراح.
التحيّة للأفرولآت والعجلآت. التحيّة لهم وانا هنا أقصدهم والعرق يتصبب من جباههم العالية،
فيمازج بقع الزيت العالقة في افرولآتهم. أحيهم تحيّة عابقة برائحة الفلنكة، معطرة بدخاخين
الورش، واحيها هي، ويا قطار الشوق متين ترحل تودينا؟. لا بُدّ من ذكراها عندما نركن لدواعي
الشجن والحنين، لأنها حنينة وصابرة، ومكافحة ومنافحة. التحيّة لها، للسيمافورات، ومكتب
الكنترول، للمحطة والرصيف. الباسطة ما بالسمنة وكده. التحيّة لأسرآب الضحايا الكادحون
العائدين مع الظلآم من المصانع والحقول. لها حُبي وكامل إشتياقي. التحيّة للطيور التي ما فتأت
تغرّد في براحات الوطن فوق النخيل والأشجار وسباليق البيوت تنثر الطرب في نفوس أهلنا
رغم المِحن. التحيّة لهم. عصرية وعنقريب، الباب دقّ يا باسط. مرحب إتفضّل، أبقوا داخلين.
ريحة جبنة وعصريّة، وناس سمحين بالحيل، وذات الضفائر ضفائرها طاشة بين مجلسهم
يكسوها الخجل طلآوة وحلآوة تطايب جملة الزينين بعفوية وتؤانسهم بكل اريحيّة. التحية لها
بنت بلدي شبه النيل والباباي بطعم المنقة وعجو المحس التقيل فدع العراجين. بنوتاً يحاكو الخيل
يشابن زي جدي الريل وشبالهن مكنتل في طريفو ودع. التحيّة لوطن حبوب، جلآبية وتوب،
خُلآل وشوتال، مردوم ودليب، ابنوس وباباي. غابة وصحراء، وعمّة وسديري، وسيف
وسكيّن، و باسط يا سمح يا زيّن يا بلدي يا حبوب... |
معاوية المدير
طولة ياااااخ يعلم الله بقيت
نادر الحضور اتفلتت مننا الاشياء ايها الجميل
ايقاع الحياة سريع سريع لماغلط طمنا هليك
يابلد واحي عبرك كل ملح الارض ايها الجميل
|
Post: #43
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 02:27 PM
Parent: #27
Quote: حبيب كيفنك ياخ
الطُلب ياخ |
طارق ياحليك يا وداخت نفيسي
انت من زمن الطلب حلو محلهم
البنغال والحبش وما ادراك الطلبة
بقت اغتراب في ارض العذاب
|
Post: #42
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 02:10 PM
Parent: #26
Quote:
طاحونة ود الخبير ..
لامه الصغير والكبير ..
مبنيه وسط الفريق ..
لا فيها حارس ولا غفير..
كيمان عيوش فوق البروش ..
وحاجٌات كتارينضفن ..
و ينفضن فوق السفير ..
قدامها راكوبه فوقا..
عنقريبين وزير..
وغبار دقيق وباقى عيش....
متلمى فيه الطير ..
ناساً كتار من الصباح ..عز الهجير ..
وحاج عبد الله مليان دقيق...
التقول ضاربنو جير..
دايماً مبتسم راضى بمهنته زى الوزير ..
وتزيد اللمه وجوطة الاهل..
ساعة العصير ..
بنيتين تلاته مكومات طعميه..
وزلابيا و معاهن حبة فطير ..
طبليه مكركربه فوقا عليبات حلاوة ..
و سجاير هول ود البشير ..
وحاجه آمنه قفتها بى خدارها ...
بصل وعجور و كومين جرجير..
تربح فى يوم قرشين تلاته ..
تجيب بيهن لبن الصغير ..
اعمامنا الكبار متلملمين
تحت الشدير زى النفير..
فيهم المنتكى فى الخوير ..
وفيهم الضارب الحنك...
مع حاج النزير ...
وفيهم البشرب فى قهوه ...
ولا.. كباية شعير....
وعم احمد شالتو نومه ...
ويشخر.. شخير ...
ما بصحيهو الا صوتاً كبير...
يطايب ويسلم سلاما كتير...
كيفنكن انعلكن بى خير...
اياها دى حال طاحونة ود الخبير..
كل يوم من الصباح حتى العصير...
لوحه جميله ما يرسما ....
اى رسام مهما كان خطير ...
أسماء الجنيد
حبابك يا باسط يا خوي اريتك طيب يابا ,,
بوست شدة مو حنيـــــــــــــن
لامن يفر قليبك وينزلن دميعات العين
شكرا أردب محنة
|
بت الجنيدطال غيابك ولا مشتاقين ..لكم تحياتي للفاتح
اتخيلت وانت بتتجولي كل مساء ..بعد الهجوع ...في اضابير زكرياتك
وتتحسري وتضحكي وتندمي وتبكي وتحني ..لكن نسمة من البلد فيها حتي ولو ذكري
بعيدة عبر وسن لذييذ ..التاسي ..في طلعت القمرفي نسمة الدعاش
في السماء الصافية وانت تتغزل في بنات نعش ..والتريا وابريا ..والعصي
وتفاصيل عن اسامي الموسم الدرت الضراع النترة ...الطرفة ..سعد زابح لاطير سابح ولا###### نابح
وسعد السعود مطر ورعود وسعد بلع الماء طاب وانبلع ..
ود كلو تحت سماء الجنيد وهبت القصب في عصاري البيوضاء ..
اليفة ..الملامح ..احيييييييييييييك
|
Post: #40
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 02:00 PM
Parent: #25
عمار محمد ادريس
احيي عبرك كل الترابلة
وفالحي الارض كن بخير
|
Post: #39
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:56 PM
Parent: #18
Quote: ياسلام الأخ باسط المكي وعليكم جميعاً
رجعتونا لذكريات جميلة بالرغم ما فيها
من مواجع ومرارة..
التحية:
للشماشه ..
لصيادي السمك..
للمراكبية ..
لسيد الفحم وسيد الحطب ..
لعمال وعاملات لقيط القطن ..
للفراشات والفراشين ..
لعمال الكمائن ..
التحية للسودان كله بتنوعه الذي عشقناه ..
والتحية لكم جميعاً .. |
اماني العجب
سلام عليك ايتها الشعلة الثائر
كل ما اشوف صورت بروفايلك يعلم الله قلبي يفرني
اسي وحزن لتلك الخريطة الراسخة في الازهان
للبلد كوني بخير يا بت العم
|
Post: #38
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:51 PM
Parent: #17
Quote: باسط يا حبيب .................صباح الوطن
خلعتنا ياخى انا قريتا لحمة من بلادنا
قلت هو فى لحمة؟؟
تسقط الانظمة التى شهت هولاء طعم اللحمة،،، |
ود الموج الجميل
سلامات يااخ بطمئن لما اقراء ماتكتب او تشارك
ماتطول الغيبة وغدا نعود للقرية الغناء
للكوخ الموشح بالورود
|
Post: #37
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:48 PM
Parent: #16
Quote: التحية لكل المتعبين
التحية لهم اهلى البسطاء
التحية لهم وهم يلهثون من اجل رزق اليوم باليوم
التحية لهم وهم على ارصفة المدينة القاسية يستسمحون
الجلاد ( الكشة ) من اجل لقمة عيش
ومن اجل جرعة دواء
التحية لهم وهم يغتادون الطرقات وهم شرفاء
التحية لهم جميعا اطفالا ونساء ورجالا اينما كانـــــوا
شكرا استاذ باسط بوست يحمل كل المواجيع
|
محاسن احمد محمد
التحية لك وانت تتتلمسي المواجع
المحنها هابة يوميا لاؤليك الكادحين
في طرقات المدن واكاام المصانع البعيدة
شكرا لك وواصلي هنا
|
Post: #36
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:42 PM
Parent: #14
Quote: أحييك والمزارعية والرواعية والهممباته الصح والتشاشة وناس أم دورور
المساعدية والكمنسجية
والقانصين والمودرين
وصبيان لكت وتيري ورد وهلبلب وكديس من نطاك
والواردين في العصرية والجلوجية
المدلقشين من شقة السرحان والقايمين للضحوة والسربة
وأهل النفير في بلدان خدرة ومرويه بي موية الله
وطققاقين الصمغ بي مخاليهم من حلة لي جنينة
بحيراوي |
البحيراوي
هلا هلا برقن بروق الصعيد
في دارحمر والبقارة يااخ ياحليل
اهلنا اين هم من هذا الايقاع السريع للحياة
ياربي كيف يمسو ويقيلو
اكيد لينا قدلة في تلك الديار والحي بلاقي
يا راقي وبهي الطلعة
|
Post: #35
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:27 PM
Parent: #13
حسبو سلام عليك وانت في قعرالارض
وتغازل احلام التعابة وملح الارض
كن بخير وجيب ماعند من حكاوي وصور
|
Post: #33
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 01:15 PM
Parent: #11
Quote: سيد الفرن والشغلانتو نار والجو كيف سخن .عمال المدن، عم عبدالرحيم والطرقي الخضار.
جلالات الديش في صباحات فرايحية وبنات المدرسة،ست الفطور وست الطعمية وست الفول وست النبق!
سيد الفحم وسيد اللبن وسيد الدكان وسيد الخضار.نجُُاد المراتب والنجار والبُنا والبناولو الطوب.السرويس وصحن الطلس والباشري!. قلاى البن والشرقرق والليفة والفندك والمدق والهبُهان والبكر والتني و" طق طرق يا بن القهوة كيف ومزاج خلي انُعدل الراس نحصل الترماج!
هي ملامح لأشياء واشخاص محفورة في الوجدان كوشم الغجر!
مشكور يا هندسة على البوست الببل الشوق وذكريات الزمن السمح بالحيل.
"هيهات يعود الكان ولى"!
|
التحيات الطيبات
لك وانت تغزل من الطيف
اشجان توسيك في بلاد الله البعيدة
|
Post: #41
Title: Re: حيو معاي هولاء لمحة من بلادنا
Author: عصام الجيلي
Date: 10-08-2011, 02:10 PM
Parent: #33
اللبرة والخيت والمسلة والطايوق
الكدنكة والطورية والشلابي
الترعة وأبستة وأبعشرين
السخلة والعتود والعناق
التكل والكشاشة (الراكوبة ) واللبريق
ويا ضل مفروش جوات الحوش مرشوش و نظيف من قول الزيف مرشوش بموية ريد وحنان ..!!
بوست  بزكرك ريحة الدعاش ..
|
Post: #45
Title: Re: حيو معاي هولاء لمحة من بلادنا
Author: باسط المكي
Date: 10-08-2011, 02:39 PM
Parent: #41
Quote: اللبرة والخيت والمسلة والطايوق
الكدنكة والطورية والشلابي
الترعة وأبستة وأبعشرين
السخلة والعتود والعناق
التكل والكشاشة (الراكوبة ) واللبريق
ويا ضل مفروش جوات الحوش مرشوش و نظيف من قول الزيف مرشوش بموية ريد وحنان ..!!
بوست بزكرك ريحة الدعاش |
عصام الجيلي
سلام عليك يالحبيب ونشاء الله طيب
ياخ ريحة الدعاش في سعادة هولاء الكادحين عمال بلادينا
والمزراعية والساكنين اطراف المدن
كل الود لك
|
Post: #46
Title: Re: حيو معاي هولاء لمحة من بلادنا
Author: باسط المكي
Date: 10-15-2011, 03:29 AM
Parent: #45
|
Post: #47
Title: Re: حيو معاي هولاء لمحة من بلادنا
Author: صديق الموج
Date: 10-15-2011, 05:40 AM
Parent: #46
شفع العرب الفقاره
البفنو الشايله ايديهم
ويجروا لاحقين القطاره
ملايين التحايا،،،
|
Post: #48
Title: Re: حيو معاي هولاء لمحة من بلادنا
Author: محاسن زين العابدين
Date: 10-15-2011, 06:43 AM
Parent: #47
وتعظيم سلام
سلام مربع للنساء العائلات لأسر
أنه ياسروني ويملكون عقلي
واتمنى لو يفرد لهم بوست
يتحملن ضنك العيش
ومجاهدة توفير حياة لائقة
لان الزوج مريض/ مشلول
لانهن أرامل
(وهنالك من ابيد ازواجهن في حروب لا اراها سوى حروب ابادة حروب بلا هدف وطني )
لانهن مطلقات تنصل ازواجهن عن واجباتهن
بل ظهر ازواج يطفشون عند العجز عن تلبية متطلبات أسرهم
وما اكثر أزواج يطشون عن منازلهم بسبب العجز
ويموتون بسبب العجز وقلة الحيل
هؤلاء النساء
طفقوا يجيبون المنازل
ابتدعوا مهن لم تكن مالوفة ولكنها لقمة العيش وتكاليف تنصل الحكومة عن رعاية واجباتها ورعيتها
وابتدعوا دون إرشاد العمل من المنزل لإدرارا الدخل
عملية تصرف عليها الامم المتحدة الملايين لترسيخهافي الدول المو نامية وياليتهم جعلوا تجربة السودانيات مرجعية لهم
فظهرت مهن وحرف ومنتجات
صانعة الخبائز
حائكة الثياب
وصانعة الحلومر والابيض
صانعات للزبادي/ للفطائر/لانواع الحلويات
صانعة الخلطات خلطات العطور والكريمات
صانعات وبائعات الطعمية (الم تلاحظوا انه لم تعد النساء يصنعن الطعمية في منازلهن بل يشترونها جاهزة لانها صناعة بيتية ولانها مكلفة في المنزل وامتلات بقالات الأحياء بطعمية يصنعها نساء خلف الكواليس
وهم صانعات لاشياء اخرى الكسرة والمنين وانواع الكيك المختلف والفسيخ والكوارع
انهن نساء ساهرات لليالي لتجدون العديد من الأطعمة في منازلهن او في رفوف البقالات في الصباح الباكر
(اخبرتني احداهن انها تقوم من نوها الساعة الثانية صباحا لتصنع اللقيمات والطعمية فياتي صاحب محل لياخذها في الخامسة صباحا
ثم المهن التي ظهرت
ختاتة الحنانة(حنتنا السادة دي)
وصانعة الدلكة
بل والدلاكة تاتي حاملة من صنعته يدها من خلطات لترضي غرور الخرطوميات في تقديم خدمة التدليك (انهن نساء يعلن اسر)
وصانعة الحلاوة وقاشطتها
ووووو الكثير والمثير
انهن يستحقن وقفة خاصة
|
Post: #49
Title: Re: حيو معاي هولاء لمحة من بلادنا
Author: باسط المكي
Date: 10-18-2011, 02:34 AM
Parent: #48
0
|
Post: #50
Title: Re: حيو معاي هولاء لمحة من بلادنا
Author: باسط المكي
Date: 10-18-2011, 02:45 AM
Parent: #49
Quote: 0وتعظيم سلام
سلام مربع للنساء العائلات لأسر
أنه ياسروني ويملكون عقلي
واتمنى لو يفرد لهم بوست
يتحملن ضنك العيش
ومجاهدة توفير حياة لائقة
لان الزوج مريض/ مشلول
لانهن أرامل
(وهنالك من ابيد ازواجهن في حروب لا اراها سوى حروب ابادة حروب بلا هدف وطني )
لانهن مطلقات تنصل ازواجهن عن واجباتهن
بل ظهر ازواج يطفشون عند العجز عن تلبية متطلبات أسرهم
وما اكثر أزواج يطشون عن منازلهم بسبب العجز
ويموتون بسبب العجز وقلة الحيل
هؤلاء النساء
طفقوا يجيبون المنازل
ابتدعوا مهن لم تكن مالوفة ولكنها لقمة العيش وتكاليف تنصل الحكومة عن رعاية واجباتها ورعيتها
وابتدعوا دون إرشاد العمل من المنزل لإدرارا الدخل
عملية تصرف عليها الامم المتحدة الملايين لترسيخهافي الدول المو نامية وياليتهم جعلوا تجربة السودانيات مرجعية لهم
فظهرت مهن وحرف ومنتجات
صانعة الخبائز
حائكة الثياب
وصانعة الحلومر والابيض
صانعات للزبادي/ للفطائر/لانواع الحلويات
صانعة الخلطات خلطات العطور والكريمات
صانعات وبائعات الطعمية (الم تلاحظوا انه لم تعد النساء يصنعن الطعمية في منازلهن بل يشترونها جاهزة لانها صناعة بيتية ولانها مكلفة في المنزل وامتلات بقالات الأحياء بطعمية يصنعها نساء خلف الكواليس
وهم صانعات لاشياء اخرى الكسرة والمنين وانواع الكيك المختلف والفسيخ والكوارع
انهن نساء ساهرات لليالي لتجدون العديد من الأطعمة في منازلهن او في رفوف البقالات في الصباح الباكر
(اخبرتني احداهن انها تقوم من نوها الساعة الثانية صباحا لتصنع اللقيمات والطعمية فياتي صاحب محل لياخذها في الخامسة صباحا
ثم المهن التي ظهرت
ختاتة الحنانة(حنتنا السادة دي)
وصانعة الدلكة
بل والدلاكة تاتي حاملة من صنعته يدها من خلطات لترضي غرور الخرطوميات في تقديم خدمة التدليك (انهن نساء يعلن اسر)
وصانعة الحلاوة وقاشطتها
ووووو الكثير والمثير
انهن يستحقن وقفة خاصة |
محاسن زين العابدين
عبرك نحي كل الصامدات في وجه محن الحياة
الصامدات في وجه محن الحياة
الي اللائي ربين اولاددهن علي العفاف ..والكفاف
الي الامهات اللائي صمدن في وجه صعاب الحياة ..
ومحن الايام ..وتخرج علي ايديهن..الكتير من العباقرة ..والمفكرين ..
الي الامهات اللائي ...فقدن رفيق الدرب في اول الطريق وضحين بشابهن
من اجل الولد والبيت ..وكافحن ..الي اخر رمق في حياتهن ..
.............................
في محطة ما للقطار كانت امراءة تبيع المفاخر والهبابات ..
في محطة ركاب قطارها افقر من فار المسيد ..
ولاحظت لااحد وقف امامها او حتي سالها ..من سعر مما تبيعه من
بضاعة جميلة الاتقان ..وتسالت من اين لها ان تعيش ..في تلك المنطقة ..
الجو الساخن ..والغبار ..والضجيج رغم ذلك ..ماملت ولا كلت من انتظار من يشتري ..
ولكن لااحد..وكان بجانبها ..شاب يبدو انو ابنها ..الانه وياللاسف معاق عقليا ..
وقبل ان يتحرك القطر طلبت منه ان يذهب ويستجدي ..الركاب ...داخل عربات ..القطار..
الا انه رغم الاعاقه العقلية ..كان له من الحياء وعزة ان النفس ان يمنعه من الاستجداء ..
عفيف رغم الاعاقة ...رفضص وبشده ان يستجدي ..كم المني ذالك...
وتحرك القطار ..ونظراتها تتامل راكب القطار ..بنظرة ..كسيفة ..الامل ..
لم يترك لها القطار الامن صليل ..عجلات القطار بين القضبان ..
الصدئة..
|
Post: #51
Title: Re: حيو معاي هولاء لمحة من بلادنا
Author: الفاتح ميرغني
Date: 10-19-2011, 01:21 PM
Parent: #50
زيدااااااااااان
كان صوتا مـــــــــــاهلا مهلة السودان الكان مليون ميل مربع!.
حتى الجغرافيا اضحت في عداد " الذكريات"!.
إنا لله وإنا إليه راجعون.
محبتي
|
Post: #52
Title: Re: حيو معاي هولاء لمحة من بلادنا
Author: باسط المكي
Date: 10-19-2011, 02:23 PM
Parent: #51
t
|
Post: #53
Title: Re: حيو معاي هولاء لمحة من بلادنا
Author: باسط المكي
Date: 10-19-2011, 02:48 PM
Parent: #52
Quote: كان صوتا مـــــــــــاهلا مهلة السودان الكان مليون ميل مربع!.
حتى الجغرافيا اضحت في عداد " الذكريات"!.
إنا لله وإنا إليه راجعون.
محبتي |
اااااااااه
ياااخ دي مباااااالغ
سيل من الاشجان والتداعيات
والذكريات الرحلت عبر السنين
لحظة لحظة والزيدان هو من من ملح الارض
وناسها وشوارعها وكل لحظات الصفاء في دواخل
الطيبن واماسيهم الجميلة ياحليلك يازيدا
رحلت زي ضل الضحي اللولاي كم هديت ومسحت دموع وكنت ملاذ
لمن نجهلهم امسيت كيف يا في ليل كثيف الهواجس والحنين الفاتح
|
Post: #54
Title: Re: حيو معاي هولاء لمحة من بلادنا
Author: عمار محمد ادريس
Date: 10-20-2011, 03:00 PM
Parent: #53
|
Post: #55
Title: Re: حيو معاي هولاء لمحة من بلادنا
Author: باسط المكي
Date: 10-24-2011, 04:18 PM
Parent: #54
التحيةلكل ملح الارض في بلادي
|
Post: #56
Title: Re: حيو معاي هولاء لمحة من بلادنا
Author: باسط المكي
Date: 10-24-2011, 07:13 PM
Parent: #55
|
Post: #57
Title: Re: حيو معاي هولاء لمحة من بلادنا
Author: عمر ادريس محمد
Date: 10-24-2011, 11:50 PM
Parent: #56
- 
---
الطيانة , نساجيين السروج ....
ياباسط
|
Post: #58
Title: Re: حيو معاي هولاء لمحة من بلادنا
Author: بكرى اللبيب
Date: 10-27-2011, 07:03 AM
Parent: #57
تحياتى
لم اطلع على نهركم العظيم ، فالتحايا بدون حدود لبلادنا المعطره بعرق الكفاح .
الاخ باسط المكى صاحب الفضل والاخوه الكرام... اعتزر لكم ... لو اطلعت ما كان قد فتح بوست :-
سودانيات حلوه من حلاة بلدى..هيا نكتر منها..ارصد/ى قديم وجديد واتحفونا
|
Post: #59
Title: Re: حيو معاي هولاء لمحة من بلادنا
Author: باسط المكي
Date: 11-04-2011, 02:17 AM
Parent: #58
Quote:
الطيانة , نساجيين السروج ....
|
ياعمر ادريس
كلل عام وانت بخير
اها اخبار الطير الاخضر ايه لعله طيب
|
Post: #60
Title: Re: حيو معاي هولاء لمحة من بلادنا
Author: طلعت الطيب
Date: 11-04-2011, 08:38 PM
Parent: #59
بوست مريح
شكرا يا باسط
مع تحياتى
|
Post: #61
Title: Re: حيو معاي هولاء لمحة من بلادنا
Author: فضل الله خاطر
Date: 11-05-2011, 03:03 AM
Parent: #60
العزيز باسط
تحياتي
أهنئك على هذا البوست واحييك وكافة ضيوفك والقراء الكرام وكل الاشياء واصحاب المهن التي ذكرت
وقبل ان اغادر
كل عام وانتم بخير
اخوك
فضل الله خاطر
|
Post: #62
Title: Re: حيو معاي هولاء لمحة من بلادنا
Author: باسط المكي
Date: 11-05-2011, 12:38 PM
Parent: #61
Quote: تحياتى
لم اطلع على نهركم العظيم ، فالتحايا بدون حدود لبلادنا المعطره بعرق الكفاح .
الاخ باسط المكى صاحب الفضل والاخوه الكرام... اعتزر لكم ... لو اطلعت ما كان قد فتح بوست :-
سودانيات حلوه من حلاة بلدى..هيا نكتر منها..ارصد/ى قديم وجديد واتحفونا
|
بكري اللبيب
كل عام وانت بخير
عبرك نحي كل ملح الارض
وساكني اطراف المدن في لياليهم
ومهاراتهم الحنينةبلدنا لسة بخير
حتي لو في العتمة الامددت سنين وسنين
العيد مبارك عليك
|
Post: #63
Title: Re: حيو معاي هولاء لمحة من بلادنا
Author: باسط المكي
Date: 11-05-2011, 02:57 PM
Parent: #62
Quote: ]بوست مريح
شكرا يا باسط
مع تحياتى |
طلعت كل عام وانت بخير
ويسلم الزوق اهو بنجترح
الاشياء الجميلةحتي ولو في الدواخل
كن بخير
|
Post: #64
Title: Re: حيو معاي هولاء لمحة من بلادنا
Author: فيصل محمد خليل
Date: 11-05-2011, 03:43 PM
Parent: #63
|
Post: #65
Title: Re: حيو معاي هولاء لمحة من بلادنا
Author: فضل الله خاطر
Date: 11-09-2011, 04:42 AM
Parent: #64
من اجل كل ما كتب وعمن كتب نرفع هذا البوست
اخوكم
فضل الله خاطر
|
Post: #66
Title: Re: حيو معاي هولاء لمحة من بلادنا
Author: الطيب شيقوق
Date: 11-09-2011, 07:15 AM
Parent: #65
والله يا باسط اخوى البدخل البوست دا ويسمع اغنية الذكريات يقول يجر بنبرو واتحكر يسمع بس
|
Post: #67
Title: Re: حيو معاي هولاء لمحة من بلادنا
Author: محمد الكامل عبد الحليم
Date: 11-09-2011, 08:24 PM
Parent: #63
تحية....
تخيل يا باسط هذه البانوراما الانسانية التي يجمعها العرق والكفاح والصمود والهم الانساني اذا اتحدت في بنيان مرصوص كما قال صاحب الذكر وصاح ذات يوم ..
يعصف بنا الحزن عن الحال المايل...ونرتاد مجددا اقبية الذكريات مع العندليب الذي ارتحل....
لك فيض من الاحترام والامنيات
|
|
