غريب انك تكون ساكي عضوية المنبر لأكتر من سنة و لمن تبقى (أخيراً) عضو فيه ، ما تلقى حاجة تكتبا غير
صباح الخير
انا سلمى تاور
دة يكون من شنو يا ربي؟؟
دي كانت أول مشاركة بتذكر اني كتبت و مسحت زي مية مرة كدة و شاهدته قبل نشره زي مليون مرة و قعدت ساعة على بال ما قررت اعمل كلك على اضف رد و كل جزء من الثانية بعمل ريفرش للصفحة و انا مغمضة و قلبي بدق يدق يدق
لا حولاااااااا كانت ليلة لذيذة بالجد .
Post: #7 Title: Re: سنة اولى بورد Author: عبد الله كسلا Date: 10-05-2011, 07:09 PM Parent: #6
كل سنة وإنتي طيبة يا دكتورة
وعقبال ما تطفي الشمعة الـ ..... في البورد
بس أنا زعلان منك وأختك .. حبتين
عشان ما كملتو لينا الحكي الجميل عن رحلتكم في ربوع وطنا الحبيب
Post: #17 Title: Re: سنة اولى بورد Author: doma Date: 10-06-2011, 06:31 AM Parent: #16
سلوم الحبيبه القريبه ان شاء الله كل سنه متالقه وطيبه اريدك وبتمني وجودك هنا علي الدوام تصابحينا وتماسينا وتخففي علينا الوجع الفينا تبشرينا بالعيد و صباح الوطن الجديد
Post: #18 Title: Re: سنة اولى بورد Author: محمد عمر جبريل Date: 10-06-2011, 07:08 AM Parent: #17
أهلين يا سلمى .. والله دا ربع ما ساهل الجابك لينا راجعة ومعاك الوالدة دوما ..
عقبال الباقيين ....
Post: #19 Title: Re: سنة اولى بورد Author: الخير محمد عوض Date: 10-06-2011, 07:41 AM Parent: #18
والقول ما قالته اختنا الكريمة دوما
Quote: سلوم الحبيبه القريبه ان شاء الله كل سنه متالقه وطيبه اريدك وبتمني وجودك هنا علي الدوام تصابحينا وتماسينا وتخففي علينا الوجع الفينا تبشرينا بالعيد و صباح الوطن الجديد
Post: #20 Title: Re: سنة اولى بورد Author: Baha Elhadi Date: 10-06-2011, 08:00 AM Parent: #19
Quote: شجاعة ونبيهة وواقفه في المكان الصاح
تلخيص مركز عالي الجودة شفت الفيديو وتمنيت أكون معاكم على الأقل هناك ماف بمبان علك طيبة وماسكة الدرب الصاح دائما بهاء
Post: #21 Title: Re: سنة اولى بورد Author: فيصل محمد خليل Date: 10-06-2011, 08:45 AM Parent: #20
بمراجعة دفتر الغياب لاحظنا كثرة الغياب وعشان ننقلك لسة تانية لازم تجيبي دوكومنت يبرر سبب غيابك والا سوف تعيدي السنة ( تربّتي )
__________ عقبال الماجستير
Post: #22 Title: Re: سنة اولى بورد Author: عبدالمجيد الكونت Date: 10-06-2011, 10:14 AM Parent: #21
انشا الله يودوك الرج
Post: #23 Title: Re: سنة اولى بورد Author: فايزودالقاضي Date: 10-06-2011, 10:19 AM Parent: #22
حمداً لله على السلامة اختنا وصديقتنا الغالية سلمى ... ليك وحشة والله وجد افتقدناك ...
الايام الاولى كنت عاملة زي الطالب الجديد في المدرسة بقعد مؤدب و بعاين بعينو بس لحدي ما يبدا يعرف الحاجات براحة براحة يكتشف "المدرسة" شوية شوية
يتعرف على زملاءه يعرف القرايين ، و الجواطين ، و بتاعين المشاكل و بتاعين الونسة و الضحك ، و الاجتماعيين بتاعين الواجب و المحبوبين ، و الكريهين و الألفات الكلمتهم ماشة في الفصل وفي المدرسة كلها .
لو بقى محظوظ وبقت عندو معارف أصلا في المدرسة حيسهلو عليهو كتير لكن ما حيقدر يتفادى شرك "التصنيف" و حيبقى طواااالي رضا ولّا أبى من شلة ناس "فلان" .
وأثبت بقى يا "برلوم" كان بتقدر تثبت أنك ما تبع "شلة" أي زول .
Post: #25 Title: Re: سنة اولى بورد Author: PLAYER Date: 10-06-2011, 04:14 PM Parent: #24
Quote: الايام الاولى كنت عاملة زي الطالب الجديد في المدرسة بقعد مؤدب و بعاين بعينو بس لحدي ما يبدا يعرف الحاجات براحة براحة يكتشف "المدرسة" شوية شوية يتعرف على زملاءه يعرف القرايين ، و الجواطين ، و بتاعين المشاكل و بتاعين الونسة و الضحك ، و الاجتماعيين بتاعين الواجب و المحبوبين ، و الكريهين و الألفات الكلمتهم ماشة في الفصل وفي المدرسة كلها . لو بقى محظوظ وبقت عندو معارف أصلا في المدرسة حيسهلو عليهو كتير لكن ما حيقدر يتفادى شرك "التصنيف" و حيبقى طواااالي رضا ولّا أبى من شلة ناس "فلان" . وأثبت بقى يا "برلوم" كان بتقدر تثبت أنك ما تبع "شلة" أي زول .
حكمة اليوم التعلق الشديد بالماضي يعيق الأبداع في المستقبل نصيحة اليوم لوبس قللتي من الخجل البوردي عندك امكانيات الأبداع كلمة اليوم happy birth day
Post: #26 Title: Re: سنة اولى بورد Author: ناصر احمد الامين Date: 10-06-2011, 04:35 PM
كل سنه و عالمك كلو ذكريات حلوه. و حمد الله علي العودة.
بعداك بحاول يخش الفورمة يثبت حاجاته و يحاول يخليهم يعرفوه صاح هنا التفاصيل كلها بتكون محسوبة الكلمة الاولى ، التصرف الاول الموقف الاول . التأييد / الاعتراض الاول و اول زول يأيده و أول زول يعترض عليهو و الفكرة البأيدها او بعترض عليها
دي كلها حاجات بتحدد موقعه في "المدرسة" لو بقى "نجيض" و جاي بسنونه حيعرف يقول شنو لمنو و متين .
و دخلت "المدرسة" و سلمت على "السناير" بمساء الخير و بعتبر نفسي كنت محظوظة بشكل الترحيب المشجّع و محظوظة أكتر بالبعرفوني هنا أصلاً اللذين جعلوا هذا ممكناً و البسببهم إتفتحت لي قنوات مع الباقيين
كل مداخلة كانت بتجيني في "مساء الخير" كانت بتحببني في "البورد" أكتر و في "البورداب" أكتر وأكتر و اهم شي كانت بتحسسني بالانتماء .
Quote: سلوم الحبيبه القريبه ان شاء الله كل سنه متالقه وطيبه اريدك وبتمني وجودك هنا علي الدوام تصابحينا وتماسينا وتخففي علينا الوجع الفينا تبشرينا بالعيد و صباح الوطن الجديد
و انا بريـــــــــــــــــدك يا ماما دوما و بتمنى وجودك في حياتي كلها و تبري يا امي من الوجع و ايامك كلها تبقى عيد
Quote: تلخيص مركز عالي الجودة شفت الفيديو وتمنيت أكون معاكم على الأقل هناك ماف بمبان علك طيبة وماسكة الدرب الصاح دائما بهاء
د . بهاء ياخ إن شاء الله انت كويس ؟؟؟
عارف يا دكتور واحد من ظرفاء الطلبة الكانوا معانا قال حقو ننسق مع الشرطة الباكستانية في موضوع البمبان دة و يشوفو لينا كم عسكري يدقونا بسطونتين تلاتة كدة و يا سلام لو رفعوا وحدين في الكومر بتاعهم و نجري و بتاع و حركات زي دي عشان يكون نقل حقيقي للواقع وكدة
في الايام الاولى كان بجيني إحساس أني عايزة أكتب أي شئ بفكر فيهو كدة مرة واحدة أي شي بحسه و أي شئ بحصل لي لو عيانة بكون عايزاكم تعرفو لو زهجانة و لّا مبسوطة بكون عايزاكم تعرفو لو شغالة إمتحانات بكون عايزاكم تعرفو لو نجحت بكون عايزة اقالدكم واحد واحد بحس اني عايزاكم تفرحو معاي بحس اني مفروض افرحكم معاي لو نتيجتي طلعت زفتة بحس اني عايزة ابكي في اكتافكم عايزاكم تواسوني و تقولو لي المرة جاية شدي حيلك
كان متملكني إحساس "طفولي" بأنو كل الهنا ديل اصحابي و أهلي و بحبهم و بحبوني
كنت بحس بيهو زي بيتنا كنت ناسية أنو "بلد" فيها الصالح و الطالح
كنت دايماً بحس أنو ليكم عليّ حق و ليّ عليكم حق .
Post: #39 Title: Re: سنة اولى بورد Author: محمد عبد الماجد الصايم Date: 10-08-2011, 08:42 AM Parent: #38
Quote: سنة اولى بورد
إن شاء الله خلّصتي التطعيمات!!
إنتي دكتورة وعارفة لو فوّتي أي تطعيم في البورض ممكن يجيكـ شلل أطفال!!