مديت يمينى بلا سلام.

..كلمات حزينة فى وفاة فقيد البلاد الفنان المرحوم زيدان إبراهيم..جادت بها قريحة ألأستاذة ألأخت..آسيا ربيع أبشر...

.............................................................
Asia Rabie Abasher
ما قدرت قدامك اكون
إتيبس الدم في العيون
والعبره مالياهو الوريد
مابين خيالك والجفون
يا زول جميل
يا زول اصيل
والله بعدك مابنكون
كيفن نكون ؟ والعبره
مالياهو الحلق
امطار حزن
لسعة جنون
واحسرتي واحسرة
الايام معاي وين نلقا
في الليل السكون
يا الكنتّ بتلون
دروب العتّمة بالنور
والفنون
يا الكنت ماليها العيون
ومستف الايام غنا
فارد جناحك احلى لون
يا الكنت بتطوع نغم
يرسم فرح معسول
حنون
والليلة فارقنا الصباح
عمّ الحزن يبست غصون
مديت يميني بلا وداع
ما قدرت قدامك اكون .

فى الليلة ديك عم الحزن فى كل دار...

إتباكوا لوداع زولآ عزيز ساب الديار

وإتوشح النيل السواد والعتمة كانت لأمدر شعار

فى الليلة ديك ماهان على الوطن الفرح لى كل كبير حتى الصغار.(إسماعيل)

الحلوة غيرك يارقيق من غير طعم.

والفرحة فى وجوه الحزانا ..إحساس خالى من النغم.

والدنيا دار من غير قرار..نبنيها بخيوط الوهم.

وما أظن نخون ذكراك أبدآ مرسومة فى أعماقنا بالناى والقلم.

ألأخ/سامى أبو القاسم.....مرسلة بالبريد اللأكترونى.

سمعة

نسأل الرحمة والغفران للفنان زيدان

حقيقة هذه الأغنية بالذات تشكل منعطفا جميلا في حياة الفنان زيدان وفي اللحن والكلمة.

تحياتي

فقد جلل
نسأل الله له الرحمة والغفران




....
حزنٌ شاهق وشفيف تبدى في القصيد الجميل
الذي سطرته أسيا


شكراً لك إسماعيل


وجبر الله كسرنا جميعاً

ريسنا ابوجهينة الجميل...

زيدان كله نغم ورقة وحنين...الله يرحمه بقدر ما اسعاده للملايين.

أخى الكريم بله محمد الفاضل.....لك التحية على مرورك..

ألأخت/آسيا هى نفسها كنوز من محبة للجميع....وعلاقتها بزيدان ومعظم الفنانين مميزة .. لذلك تجد بين السطور إحساس الكلمة الصادقة والشعور بالحزن.

تقديرى وإحترامى.

ما باب الريدة وإنسدّا

ألف رحمة يا زيدان

شكرا اسماعيل
شكرا آسيا لهذه الكلمات

أخى وليد طه......الراقى.


ليك من المودة أطنان وشكرآ على المرور....وتحياتى.

سيظل زيدان فى الوجدان مدى الزمان.

كلما غنيت شاديآ يعتصرنا ألألم...