سلام للجميع .. بوست شامل ...

السلام عليكم ورحمة الله ..

الى بكري ابو بكر سلام

الي جميع الاعضاء الاخوة الزملاء والزميلات كل الاحباب سلام

الى جميع القراء مليون سلام ..

خالص التعازي في زملاء البورد الماتوا رحمة الله عليهم جميعا وخالص التعازي لاي زميل او زميلة حصلت ليهم وفاة ..

الف سلامة لاي زول مريض في الدنيا دي

خالص التهاني لكل المناسبات السعيدة للجميع ..

مودتي للكل ..

سلام استاذة انعام ليكي ولزوجك .. وحمدا لله علي سلامة العودة وكل سنة وانتي طيبة ..

هلا بك ست إنعام

والله ذكرتيني المغتربين من سنة دو ديلاك (زي حالاتي وكدا)
الواحد يجي الجامع يوم الجمعة
يشيل الفاتحة ويبارك...


فيك الخير والله

وحمداً لله على سلامة الإياب

حباب بت حيمورة

ربنا يجمع لينا بباقي الحيموراب

والجابك يجيب لينا بنات ابوي خوجلي وانعام بت عبد الحفيظ

وكل الاخوة والاخوات الذين تواروا عن هذا المنبر

سلام يا انعام حيمورة
وحمداً لله على سلامة

اهديك حروف ...ما قالها زول

Quote: زعلان منك … أي لأنك ما هببت قوافي الشوق ولا اكرمت رسايلو الجنك لا عوافي ولا كيفنك ********** يجري يلاعب في السفّار … العائدين والجايين منك قبّال ياخد خبر البندر … شوقو يصدو ويصرفو عنك ******** يلقى حنينو أتبدد ساكت … تاري البندر ودّر حنّك تاريك ناسي في أماسي الغربة .. حال الناس الفوق طارنك ****** طاري عيونك لما تستف … تمسح دمعة التانية تقطّر بس في وداعك .. لما شعاعك .. ساب الحلي ظلامها معكّر ***** فد جوابك طمني عليك …. صاير بالي أقول مشغول أبحث ليك العذر براي … وأبعت ليك الرد على طول **** فكّر أكنّك .. في الطوّالي بيسأل عنك حبه رسائل فوقها رسايل .. ياهو الجاهل كل الجنك لو كان قايل صدرو المايل ،، ما بالساهل يسأل منك ضايق صدرو .. يطوّل صبرو .. ما في حجر من أيدو يفنك ******* إنت بشر بى كل ظروفك .. حر في جودك .. حر في ظنك ما بتربع يرجى حروفك … و لا يشابي على غير دنك ما بتضرع عشان ما يشوفك … عندو كرارة تبدل حنك

يحي بن عوف ..

كيفك والف حمد لله على السلامة والله اجتهدت اجتهاد شديد عشان الاقيك لكن تقول شنو الظروف كانت غير مؤاتية هههه

اها بس ان شاء الله ما تكون زعلان مننا ياخ ههههه

تحياتي

الاخت العزيزة أنعام
لك التحية انت والاسرة ومتعك ألله بالعافية

اوو زهير

اها انشاء الله في المدة دي تكون لقيت بت الحلال بالمواصفات الانت عايزا

والله ليك وحشة وشوق


تسلم وكمان ربنا يمتعك بالصحة والسلامة والعافية اهم شي ..

انعااااااااام حبابك والجابك يجيب عقابك
المنبر بدونك فاقد عمود وركن مهم من اركانه
عودا حميدا مستطاب

عودا حميداً و البورد نور

لكن ده ما يوم عجيب ....

من الصباح ..... دومة

وهسي إنعام حيمورة؟

إزيّك ياخ.

محمد ابو العزايم فاقدنك والله

والله كمان الليلة حنست لي زول جنس تحنييييس لكن شكلو ما زال صامد ..

غايتو انا طيلة الفترة الفاتت كنت مشغولة شديد

وعملت لي مشروعين في السنة دي كنت بتابع فيهم والحمد لله شكلو الزول استقر فيهم ..

الشغل والمشاريع وجري الاسرة والبيت ورمضان والعيد هههههه

دا كان المانع الخير من البورد ..

ربنا يتقبل حمدك اخي ابو الريش ههههه

منور بي وجودكم والله

العريس نوووفل .. اها لقيت الدهب ولا لسة هههههه معتصم قال اشتروا اشتري ياخي


عمود شنو وركن شنو ياخ نحن ناس ونسة ساي واجتماعات بس

عمووو الطيب

ازيك وازاي ناس البلد وناس مسقط علهم بخير


ان شاء الله يارب يعودوا كل الغائبيين


تحياتي للكل

بلة يا بلة .. ههههه

والله سنة دو دي لي زممممن ما سمعتها


الله يسلمك يارب

وانت الخير كلو ياخ

Quote: والله سنة دو دي لي زممممن ما سمعتها

بس أوعى يكون مخك راح كدا ولا كدا
أنا ما من السنة ديك
بس شنو
مرقنا شفع صغار من البلد وما رجعنا تاني
فشنو ما عندنا غير المصطلحات القديمة الزي دي

شفتي نصيبة شنو النحن فيها دي

بهاء عيسى السباق دوما كيفك

البركة فيكم في زيدان ..

وتحياتي للجميع بي هناك

سلامات يا انعام

نورتى البورد والله
اتمناك دايما بخير انتى واسرتك ,,,

مرحبتين انعام

الله يخليك يا حيدر حسن ميرغني ترحب بيك الاراضي المقدسة قول آمين

ياخ البورد دا بايخ من غيركم .. خليكم في راسو قدر ما تقدروا


حمدلله على السلامه يا نعومتي

Quote: سلام للجميع .. بوست شامل

و عليكم السلام الشامل (CPA) و رحمة الله و بركاته

قيقا يا قيقا

ويين ياخ لا تلفون ولا حس ولا خبر

كيف ناس البيت تحياتي وحبي ليهم


امس فقدناك ههههههه

وعليكم السلام ورحمة الله وبركاته.

مرحب بيك يا الغالية.

أيضاً احبك.

معقولة بس!!!

الغالية انعام الف حمد لله علي السلامة

ايموني ..

شفت كيف ؟؟

معقولة ونص هههههه

الحبيييبة صفاء فقيري

تسملي ياست الناس وشكرا على الترحيب

وانا كمااان

يا دلو كان تخلي مداخلتك دي لي بكرة وارد عليها بكرة عشان شنو ؟ !! ههههههههههه



لكن ليك علي ارد ليك بكرة تاااني



تسلمي يا حبيبتي

منور بي وجودك يا منال

اخبار الاستثنائيات شنو ياخ


مشتاقون وانتي بخير يارب

Quote: العريس نوووفل .. اها لقيت الدهب ولا لسة هههههه معتصم قال اشتروا اشتري ياخي عمود شنو وركن شنو ياخ نحن ناس ونسة ساي واجتماعات بس

العرس خليتو يا انعام .. الا الدهب والطماطم ينزلوا ويدقوا الدلجه ويفرشوهن في الارض زي شرائح الاتصالات هههههه

عارفه .. اهم عمود في المنبر دا عمود الاجتماعيات
هسي شوفي الناس في الاجتماعيات وصلوا وين ؟ وناس السياسه الشغالين عوك وعاك علي قول غريبه وصلوا وين ؟
ياتو اتجاه اتقدم ومشي لي قدام ؟ أكيد الاجابه السياسه محلك سر كما كانت منذ عقود

الاستاذة الفاضل انعام "بت جدى عمر حيمورة"

حبابك عشرة يا اصيلة

Dear Inam,
Salam

Welcome back

welcome on board

حباب الزولة الهميمة انعام حيمورة ,, والله البورد بدا يكتسب رونقة بعودتكم ,, وعقبال الباقين يارب.

عاطر التحايا لكِ، ولزوجك وعموم الأهل.
عوداً حميداً مُستطاب.
الف مرحبا...

يا سلام يا بت ابو رنات ياخي
يمين بالله دة يوم زي «السمنة وكدة»

Quote: يا سلام يا بت ابو رنات ياخي يمين بالله دة يوم زي «السمنة وكدة

كمان عجوة معطونة بعسل

مرحبا بالأخت الكريمة إنعام.

ياســـــــلام... عودا حميدا أختنا انعام

.. عادت للبورد عافيته

دمتى وأسرتك الكريمـــة بألف خير