يا سلآم علي الضحكة، مبااااالغة لكن. تضحك!!! يا راجل امير المؤمنين عمر بن الخطاب بلغ العدل في زمانه ما بلغ، وكان يبكي حتي تركت الدموع خطين اسودين علي خديه، وإنت تضحك!!!؟؟؟. تضحك والبلد إقتصادها صار تحت الصفر؟! تضحك والمواطن السوداني في عهدك اصبحت معيشته ضنكة؟! يا راجل معقولة بس!!! هسع ده نسميهو شنو؟ محنّة، ريّدة، واللآ نفاق؟؟؟ طيّب الراجل دا وكت حبيبكم للدرجة دي ما تحفظو حق المودة البينكم وبينه. معقولة بس!!! يديكم ضهرو طوالي تقومو عليهو؟ يا سلآم عليكم، وعلي وفائكم.
يا عادل إستهدى بالله. معقولة بس!!! القضاء عدييييل كده!!!؟؟؟ وحات الله فات علي انّ هذه المقولة قد قيلت لشخصك الكريم، وقبل ما نصل القضاء، انا ادبة مني إتنازلت ليك من نص البوست، ولكاتبنا النحرير ولك كامل مودتي...
أووووووووه، الشيخ شخصياً!!!؟؟؟ يا شيخنا اما بلغك انّ عمر بن عبد العزيز قد حِيّزت له الدنيا بحزافيرها، وعندما آلت إليه الخلآفة زهد في الدنيا، وأصبح كثير البُكاء رغم انه كان من أعدل الحُكام؟؟؟ اضحك يا شيخنا، اضحك، عليك الله إنت البيحميك تضحك شنو؟؟؟ ما شاء الله الوِليدآت يفطرو ويتغدو، ويتعشو. العربية توديهم المدرسة وترجِعُن البيت. السندوتشات البشيلوها للمدرسة نضيفة، ما في وآحد بشيل سندوتش مُلآح ويكة. عليك الله يا شيخنا سمعت بالتلميذ اللقوهو حاشي سندوتش بتاع مُلآح؟؟؟ يا راجل إتقِ الله، إنت وأولآدك ويّن، والشعب ويّن؟... يا شيخنا يا رآعي المشروع الإسلآمي البيحصل في البلد ده ما شايفو واللآ ما سامعبو؟؟؟ يا ناس إنتو من صُحّكم ماشين تقابلوا رب العالمين؟؟؟ بأيّ عمل حا تقابلوهو، بأعمالكم السيئة دي؟ يا ناس إتقو الله... كمان تضحك!!!؟؟؟ المخلوق دا غريب، والله صحي...
يا جماعة الزول الجادي ده ما في وآحد جنبو يكلكِلو؟؟؟ اصلوا ما لقيت ليهو صورة ضاحك فيها!!!. الزول ده شِدة ما شايل هموم البلد فوق راسو الضحك نساهو. يا زول الخرتوم كلها حقتك، مهموم مالك؟؟؟ اضحك. يا زول اضحك، تضحك بلآهن يعجبك خلآهن...
إنت بالزآت ما تضحك عشان الماسورة محلوجة. يا زول والله العظيم عافينك، رغم إنو اصلاً مافي سبب بيخليك تضحك، نعمنك صايطا ولآكيها. عندما تريد ان تضحك ابرز هذه البطاقة، وبلآش وحياتك ضحك حفاظاً علي الماسورة...
كان عمر رضي الله عنه يقول: لوددتُ ان أخرج منها كفافاً لا لي ولا علي. اضحك يا حصيف الدبلوماسية. أضحك ما الشعب الجيتو لقيتوهو قاعد يشحد اليوم صعدتم به إلي قمم الرفاهية والترف. هاهو الزمان يدور يا شيخنا وإنتو البقيتو شحادين، مادين قرعتكم الليل والنهار يا راجل يا شحاد يا بتاع الحكومة الشحادة. قلت لي الشعب السوداني قبل ما تجو كان شنو؟؟؟ لقيتو وآقف منتظر، لكنو آه ...
