Post: #1
Title: ترا نحن ما برانا :)
Author: Siham Elmugammar
Date: 10-04-2011, 07:27 PM
سلام للجميع
برنامج (فى العمق) فى قناة الجزيرة
الموضوع ثورة اليمن
المقدم سأل واحد من الضيوف عن ماذا بعد الثورة ..وما يقال عن عدم وجود البديل
وما نسى يقول هذا ما يروج له النظام القائم 
جاء الرد من د. عادل الشربجي - عالم اجتماع بجامعة صنعاء
فى معناه:
انو فعلا هذا ما يروج له النظام من انه لا بديل الان على الساحة
يحمى البلد من تنظيم القاعدة (وده تخويف للغرب والامريكان)
ويحمى البلد من حرب اهلية (وده تخويف للداخل)
حتى يتوقف هدير الشارع
والناس تقعد ممحنة
فى المداخلة البعدها قام تم الكلام الضيف التانى وهو عبدالرقيب منصور رئيس تكتل قوى الثورة اليمنية
وقال فى ما معناه
انهم يعلمون انهم الان يخوضون الجهاد الاصغر(لازالة النظام)
وان الجهاد الاكبر قادم
لان تغيير ما حدث فى البلاد فى ال33 سنة الماضية من فساد وقمع
كثير وان التغيير لا يحدث بين ليلة وضحاها
وهم يعلمون المهددات و سيعملون على تذليلها
اما الان فإزالة النظام هو مطلب الشعب اليمنى
_____________________________
الجماعة ديل قالو كلام كتير سمح حول قصة البديل دى
لكن والله الذاكرة خربة
بس انا اتكيفت شديد وقلت والله قصة الحمدلله ما برانا
مخوفننا
|
Post: #2
Title: Re: ترا نحن ما برانا :)
Author: Elawad
Date: 10-04-2011, 07:46 PM
Parent: #1
سلام يا سهام
نفس الكلام الكان بتقال آخر أيام نميري. لو سقط نميري البديل حيكون شنو؟ و في النهاية ما ضرانا شي غير كترة البدايل. أول ما الطغاة يبدوا يرددوا النغمة دي معناها خلاص بقى ما عندهم شي يقدموه و بدل ما يبشروا الناس بخير على إيديهم يخوفوهم من المجهول. غايته نحن في السودان ما عندنا مشكلة القادم مهما كان سيئ ما حيكون أسوأ من الشايفنه بعيونا دا. يخوفونا بشنو تاني؟ بتقسيم البلد ولا باحتلالها بقوات دولية ولا ضياع سمعتها ولا بالفساد و المحسوبية ولا بالجوع ولا بالظلم؟
|
Post: #3
Title: Re: ترا نحن ما برانا :)
Author: Siham Elmugammar
Date: 10-04-2011, 08:20 PM
Parent: #2
سلامات يالعوض واهلا بيك
الناس ديل ما بقرو تاريخ
هكذا حال الانظمة القمعية لا ترى ما تحت قدميها
لذلك لا محال انها واقعة
ويجو ناس من هنا يقولو ليك
احزاب المعارضة ضعيفة وفى مقولة اخرى (عواليييق عديل كده)
ولو الواحد فيهم حصلت ليهو مشكلة مع زول يقول ليك ده
قايل نفسو شنو؟؟؟ حواء واااااالدة
وكأن حواء السودان قد عقمت
فسبحان الله
|
Post: #4
Title: Re: ترا نحن ما برانا :)
Author: Siham Elmugammar
Date: 10-05-2011, 08:20 PM
Parent: #3
المتابع للثورات فى تونس ، مصر، ليبيا، اليمن والان سوريا
فيما يسمى بالربيع العربى يرى رأى العين
وياله من ربيع عبقة الدماء!
كيف خرجت البدائل الانتقالية من رحم الشارع
كل فترة فى ناس متخصصة هنا تجى تفتح بوستات
تقول يا اهل السودان ما تسمعو كلام المعارضة وبالذات ناس الخارج
الضاربين الطراوة فهؤلاء لن يصيبهم ما سيصيبكم
وكأن هؤلاء المعارضين لا جذور لهم و لا اهل فى ارض هذا البلد الصابر اهله
كلام فى ظاهرة الخوف على الناس
وفى باطنه تخويف الناس
وكأنهم لا يقرأون ولا يسمعون ما جرى على ارض الواقع
فى بلدان الثورات !!!
اقرب مثل ثورية السلطات الان تطارد اسر المعارضين فى الخارج
بئس الانظمة القمعية هى....
سبحان الله زان لله فى خلقة شئون
|
Post: #5
Title: Re: ترا نحن ما برانا :)
Author: Balla Musa
Date: 10-05-2011, 08:32 PM
Parent: #4
ياسهام
البديل معروف للنظام الديكتاتورى هو النظام الديمقراطى..
بس نصل ليهو كيف؟
وكبير أقطاب المعارضة يحذر فى الناس بأن لايفتحوا عليهم نار جهنم ولا يسعوا لصوملة السودان!!
|
Post: #6
Title: Re: ترا نحن ما برانا :)
Author: Siham Elmugammar
Date: 10-05-2011, 09:04 PM
Parent: #5
Quote: البديل معروف للنظام الديكتاتورى هو النظام الديمقراطى..
بس نصل ليهو كيف؟
وكبير أقطاب المعارضة يحذر فى الناس بأن لايفتحوا عليهم نار جهنم ولا يسعوا لصوملة السودان!! |
سلامات يا بلة
يا بلة كبير اقطاب المعارضة يقول الدايرو والشعب بيقول الدايرو
وفى النهاية الراى رأى الشعب
شوف تجربة احزاب اللقاء المشترك فى اليمن
فى التفاوض مع النظام ومحاولاته البائسة للوصول لاتفاق
الشارع قال ليهم لااااااا واتجاوزهم
وهتف مع سلمية سلمية
الشعب يريد اعدام الرئيس
|
Post: #7
Title: Re: ترا نحن ما برانا :)
Author: Balla Musa
Date: 10-05-2011, 09:08 PM
Parent: #6
| Quote: الشارع قال ليهم لااااااا واتجاوزهم |
دا كلام دا ياسهام؟
عايزانا نصلى بدون "إمام"؟
|
Post: #8
Title: Re: ترا نحن ما برانا :)
Author: Siham Elmugammar
Date: 10-05-2011, 09:23 PM
Parent: #7
Quote: دا كلام دا ياسهام
عايزانا نصلى بدون "إمام"؟ |
أجى أجى يا بله
ده كلام اليابانى والتابانى
دحين الامام وقت قال كدى وقدم
النافلة وقت الفريضة والناس قيام
شن بسوولو؟؟؟!!!!
______________________________________
يا بلة اوع من الجبادة دى
دى ما ياها اللعبة زاتها عشان يقول لينا ياهو ده البديل الراجيكم
شوفو عليكم الله نحن بنشرك ليهو كيف
|
Post: #9
Title: Re: ترا نحن ما برانا :)
Author: Siham Elmugammar
Date: 10-07-2011, 08:33 AM
Parent: #8
امبارح كمان فى واحد تانى قال فى ما معناها
قال يا جماعة (بتعطيش الجيم) بعد سنين طويلة من القمع
لازم تكون احزاب المعارضة ضعيفة
ولابد ان تظهر بينها خلافات
وهذه ظاهرة ايجابية
وانا متفائل !!!!
|
|