Post: #1
Title: ياللفضيحة
Author: حيدر حسن ميرغني
Date: 10-04-2011, 08:10 PM
Parent: #0
Quote: للغة الإنجليزية تحرج الأولمبية السودانية في قطر
أفادت متابعات (كل الألعاب) أن اللغة الإنجليزية سببت إحراجا للجنة الأولمبية السودانية في بطولة كل الألعاب العربية بقطر التي ستقام في شهر ديسمبر القادم، وذلك بعد الترجمة غير الدقيقة لخطابات اللجنة المنظمة للبطولة، والتي طلبت أن يكون لكل منشط مشارك في البطولة مشرف، ويتم ترشيحهم من قبل اللجان الوطنية، وكانت اللجنة الأولمبية وبحسب فهمها للخطاب المكتوب باللغة الإنجليزية قد سمت مشرفا إداريا واحدا لكل المناشط التي ستشارك، ولكن اللجنة المنظمة قامت بإرجاع الخطاب بعد أن شرحت للجنة الأولمبية تفاصيله. يذكر أن جميع المخاطبات الرياضية في دولة قطر تكون باللغة الإنجليزية . |
http://alakhbar.sd/details.php?type=a&scope=a...version=222&catid=13
_
إلى متى تستمر هذه الفضائح المخجلة بإسم السودان
|
Post: #2
Title: Re: ياللفضيحة
Author: Elawad
Date: 10-04-2011, 08:28 PM
Parent: #1
سلام يا حيدر
كانت المصيبة تكون أخف لو كان دا بسبب عدم وجود كوادر. لكن ما ممكن أولادنا و بناتنا مشرفننا في كل المؤس سات و الجامعات و شركات الترجمة في قطر و غيرها و بعد دا بسبب المحسوبية و الفساد السياسي يكونوا ناس ما مؤهلين ماسكين المواقع دي و يفضحونا. قاتل الله الإنقاذ.
|
Post: #3
Title: Re: ياللفضيحة
Author: عوض محمد احمد
Date: 10-04-2011, 08:39 PM
Parent: #2
سلام يا حيدر
غايتو جلايط الانجليزية دى فى زمن الانقاذ عايزة كتاب عديييل
و يا ريتا لو كانت فى امور اللعب و بس
فى محادثان نيفاشا كان لعد اجادة كثير من المفاوضات و مكابرتهم بعدم الاستعانة بمترجمين انعكاس سئ على ادائهم
و يقال نفس الشئ عن اتفاق اديس ابابا الاخير الذى تنصلت منه الحكومة
و هناك فضيحة وزير الخارجية مصطفى اسماعيل حين اقام الدنيا و لم يقعدها حين اصدرت السلطلت الامريكية تقريرا عن دفن نفايات ذرية فى منطقة امريكية اسمها سادان. قام وزيرنا الهمام لفحها طوالى و افتكرها السودان
المشكلة الاساسية فى تعريب الدراسة الجامعية. من الصعب اليوم و فى ظل غياب الخريجين القدامى اما بالموت او الهجرة ان تجد مترجما موثوقا او
قانونيا يجيد الانجليزية
|
Post: #4
Title: Re: ياللفضيحة
Author: Siham Elmugammar
Date: 10-04-2011, 08:56 PM
Parent: #3
والله يا حيدر الناس ديل لو بس ختو الرحمن فى قلبهم طلبة المدارس الاجنبية فى السودان
كانو كفوهم شر الفضيحة
_________________________
سلام للجميع
|
Post: #5
Title: Re: ياللفضيحة
Author: أحمد ابن عوف
Date: 10-04-2011, 08:59 PM
Parent: #3
سلام يا شباب
اسمحوا لي اقول رايي
لا حصل فهم غلط للخطاب ولا حاجة، الرياضة في السودان بالذات اي لعبة غير الكورة محتقرة من قبل
الدولة، في سباحين وفي عدائيين وناس تنس كانوا بسافروا يشاركوا باسم السودان ويساهموا بجزء من
المبلغ لو ما كل المبلغ.
عشان كده قررت اللجنة الاولمبية ان ترسل مشرفا واحدا لكل البعثة، ما داير احلف لكن امكن بعد
200 سنة كده عشان لعيبة تنس الطاولة يكون مشرفهم براهم، وفريق السلة مشرفهم براهم والعاب القوى
مشرفهم براهم، يعني كرتي وللا نافع ممكن يسوق معاه عشرين زول ويمشي بره وما يجيب مريسة تام زينو
لكن يستخسروها في المجال الرياضي
دا من ناحية، من ناحية تانية، عندنا مشكلة وتحدث عنها البعض من قبل، لو السودان مشارك بتلاتة لعيبة
في الاولمبياد، بمشي معاه رئيس اللجنة، ونائب ؤئيس اللجنة، ومساعد رئيس اللجنة، ومقرر اللجنة
ومدير ادراة شنو باللجنة وعيييييك
يعني حتى لو قلنا في شوية بحبوحة ويلتزموا بشروط البني آدمين في البطولات، الشوية دي زااتا بتروح ساكت
تحياتي
|
Post: #6
Title: Re: ياللفضيحة
Author: حيدر حسن ميرغني
Date: 10-04-2011, 09:27 PM
Parent: #5
سلامات للجميع
الحال من بعضو
لايستقيم العود والظل أعوج
أحالوا كل شيئ الى خراب
هذا بعض حصادهم
|
Post: #7
Title: Re: ياللفضيحة
Author: قيقراوي
Date: 10-04-2011, 10:17 PM
Parent: #6
Quote:
المشكلة الاساسية فى تعريب الدراسة الجامعية. من الصعب اليوم و فى ظل غياب الخريجين القدامى اما بالموت او الهجرة ان تجد مترجما موثوقا او
قانونيا يجيد الانجليزية
|
---------
اتخيلوا بي شنبي دا في شهادتي كاتبين لي her
خجلت اقدما لمعهد انقليزي ذاتو رجعتا ليم ..
اسي شهادة زي دي، خواجة ود ام خواجة ما بقول عملتها براي في بيتنا!؟
|
Post: #8
Title: Re: ياللفضيحة
Author: سفيان بشير نابرى
Date: 10-05-2011, 07:13 AM
Parent: #7
Quote: اتخيلوا بي شنبي دا في شهادتي كاتبين لي her
|
يا قيقا راوي انساءك من قصتك دى
أنا عندى زول صاحبى رسلتوا جامعتو
(إي والله الجامعة الشغال فيها محاضر)
رسلتو عشان يعمل الدكتورة فى النمسا
وحاتك بسبب مخاطبة بين وزارة خارجيتنا
و بين السفارة النمساوية رجعوهو لانو
خارجيتنا غلطانه فى الانكليزي وفي السيركل
بتاع المراسلة .
وصاحبى حرد الدكتوره وهدااااك قاعد لى يوم
الليلة دى .
|
|