Quote: مرة اضحك ومرة ابكي ومرة تغلبني القراية.....!!
غايتو السنة دي البعرفه أنت كجيتهم يا قولات الهلالاب.. الكورة زاتها غلبتهم ورئيسهم طلع من علبه وناش ليك الحكم بونية طااخ ترااااااااااااااااخ وبعدين نكر ....... والله صحي
كان عندي مداخلة هنا ياجماعة الحاصل شنو يابشاري كخبير الكتروني كل مداخلات امس لم اراها اليوم والله كتبت كلام كتير وقلت المدافع هو اكبر غبي كيف يرجع كره بالطريقة دي حتى كمان ذكرت تقريشة الباشا للحضري ههههههههههههه
10-05-2011, 08:17 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15392
Quote: وقلت المدافع هو اكبر غبي كيف يرجع كره بالطريقة دي حتى كمان ذكرت تقريشة الباشا للحضري ههههههههههههه
وليد كيفك يااااخ
أكيد ما اعتمدته المداخلة يا حبيب.. يا حليل ناس كبكبه ابراهيم عطا الزول دا كان مبالغة طبعا ملك للتقريش وقبله سليمان عبد القادر ناس الباشا ديل لسه ناس صغار ومع الوقت سوف يكتسبون الخبرة عارف ابراهيم عطا بتكبكب عشان ما يقرش ليهو كورة غلط والزمن داك ماف يومه ارحميني تغلط تمشي الشارع طوالي
يشهد ربّي حينما انهزمنا من مازيمبي بالخمسة على أرضنا لم أيأس من التعويض ... ولولا رعونة علاء الدين يوسف في مباراة الإياب أمام المرمى لكان لنا حديث آخر ...
ولك ودّي ،،،
10-05-2011, 09:08 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ارفع يدك عن صديقنا وحبيبنا ابراهيم عطاء يا البشاري الان يتمرن لاعب وسط افضل من لاعبي وسط هلال ومريخ بس مع مراعاة عامل السن
وليد تحياتنا لكبكبه قصدي ابراهيم عطا ياااخ وبالجد شكل ثانئي جميل مع كمال عبد الغني في متوسط دفاع المريخ على فكرة زاملت كمال عبد الغني وعاطف القوز في بنك السودان وحكوا بعض الطرائف الجميلة التي كانت تحدث في الملعب
التحية لهم كلهم يا ولــي ولابراهيم عطا بالذات
10-05-2011, 09:43 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: التحية لهم كلهم يا ولــي ولابراهيم عطا بالذات
لم تتخيل شخصية ابراهيم عطاء في يوم من الايام واحد من صغار الحي اختلف معه في التمرين تاني يوم اعتذرنا له وطيبنا بخاطره على الاقل عشان فارق السن بينهم وليس اي شيء اخر في نفس اليوم لما جيت اصورهم قال : ياوليد صورني مع الزول الشاكلني دا على الاقل تفضل ذكرى طيبة بيناتنا ياسلام على ابراهيم عطا يااااااااااااااااخ تحياتك تصل يالبشاري بس نرجع وفي اول تمرين وكمان نجيب ليك ليه صور حديثة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الامين موسى البشاري
Magdi Ahmed Elsheikh
وليد عبد اللطيف
فيس بوك
تويتر
انستقرام
يوتيوب
بنتيريست