Post: #1 Title: من زمــــ ( عبد العزيز داود )ــــان Author: عبد الناصر الخطيب Date: 10-03-2011, 09:37 PM
مساء الجمال ...
ساى كدة عزّه المنام .... والواحد بقلب في النت بسمع لزمن فات , لكين بالتأكيد قاعد في خواطر الكتيرين العاشوا او العاشوا لمحة منوا وكلهم بقولوا عليهوا ............زمن جميل حتى لو كان زمن فات وغنايو مات ....
عبد العزيز داؤد كان من فنانين الزمن الجميل
رحم الله عبد العزيز داود صوت متفرد كل ما سمعتو بتكتشف فيهوا جديد
------------------------ للجميع التحية
Post: #2 Title: Re: من زمــــ ( عبد العزيز داود )ــــان Author: عبد الناصر الخطيب Date: 10-03-2011, 09:50 PM Parent: #1
النسيت أكتبوا البوست (((إنصرافي ))) ..... لا كورة ولا سياسة تأملات سوداني في سودان أمبارح ... كل ما أتأمل في حاجاتوا حسه بالجد أنوا ((( كان ))) عندنا بلد متفرد في كل شي ...... حتى لو حاضروا غاتم للغاية برضوا .............. بتمني ينفض أساهوا ويرجع زمنوا الجميل
ويمكن زمن أجمل .......
Post: #3 Title: Re: من زمــــ ( عبد العزيز داود )ــــان Author: ABUHUSSEIN Date: 10-03-2011, 09:56 PM Parent: #2
و الله طلعت زول زوقك راقي ....
سلام و إحترام كتير
Post: #4 Title: Re: من زمــــ ( عبد العزيز داود )ــــان Author: عبد الناصر الخطيب Date: 10-03-2011, 10:20 PM Parent: #3
أبو حسين ( بالانجليزي )
مساء الورد ,,,
Quote: و الله طلعت زول زوقك راقي
ياخي ممكن صدفة بس مره بالخاطر الزول العملاق ده بالجلابية والعباية البيضاء في المسرح القومي أمدرمان كانت المناسبة وأحدة من حفلات مهرجان الثقافة الاول 1979 م زمن نميري
يعني شي بتتذكروا زي لمحة من زمن الطفولة ما معني كدة اني مستمع مداوم ليهوا لكين بتصور أي سوداني لازم يسمع الزول ده وأحمد المصطفي ووردي وود الامين وعركي وكابلي والجابري ومحمد ميرغني وووووووووووووووو
ياخي ناس بالجد غنوا
------------------ وليك التحية والتقدير ,,,
Post: #5 Title: Re: من زمــــ ( عبد العزيز داود )ــــان Author: سارة علي Date: 10-03-2011, 10:34 PM Parent: #4
Post: #6 Title: Re: من زمــــ ( عبد العزيز داود )ــــان Author: ساميه حامد Date: 10-03-2011, 10:42 PM Parent: #5
Quote: النسيت أكتبوا البوست (((إنصرافي ))) ..... لا كورة ولا سياسة تأملات سوداني في سودان أمبارح ... كل ما أتأمل في حاجاتوا حسه بالجد أنوا ((( كان ))) عندنا بلد متفرد في كل شي ...... حتى لو حاضروا غاتم للغاية برضوا .............. بتمني ينفض أساهوا ويرجع زمنوا الجميل
ويمكن زمن أجمل .......
الاخ عبد الناصرلك التحية
بالعكس بوست في موعده تماما لما نعانيه من إحباط وحزن
هذا البوست فيه من الفن والرقي ما ينسينا النحن فيو ووصلنا ليو
شكرا لك فقد امتعتنا حد الإمتاع ودمت بالف خير
Post: #7 Title: Re: من زمــــ ( عبد العزيز داود )ــــان Author: عبد الناصر الخطيب Date: 10-04-2011, 12:13 PM Parent: #6
.
أقتباس لسيرة الفنان الراحل عبد العزيز داود
Quote: ولد عبد العزيز محمد داؤود في مدينة بربر في عام 1930 وتلقي تعليمه في احدي خلاوي بربر. ثم انتقل الي المدارس الاولية , توفي والده وتركه صغيرا فعمل بالتجارة ولكن كان الغناء يجري في دمائه منذ نعومة اظافره , فقد كان صاحب صوت جميل عزب صقلته تلاوة القرآن فزادته حلاوة وقد لاحظ ذلك شيخه في الخلوة فعلق علي صوته بانه جميل وسوف يكون له شأن كبير غني في ذلك الوقت في ختان احد اصدقائه وعندما سمع شيخه بذلك فصله من الخلوة فكانت تلك بدايته حيث انه اتجه الي مجال الفن , كان يستمع الي كبار الفنانيين آنذاك مثل كرومة وسرور و الامين برهان و زنقار حتي تأثر بهم . اثري الفنان عبد العزيز محمد داؤود الحياة الفنية بروائع اغاني الحقيبة و اغانيه الخاصة وعشقه الكثيرون من ذوي الزوق الرفيع , بني عبد العزيز محمد داؤود مجده الغنائي , وهو بعد متين , علي قصائد انشأهن عوض حسن احمد مثل (فينوس) ثم جأت (صغيرتي) ثم (هل انت معي ) للشاعر المصري محمد علي احمد واسهم عبد المنعم عبد الحي في ذلك العقد المتلالي بقصيده ( لحن العزاري) . وبازرعة ( صبابة) وحسين عثمان منصور (اجراس المعبد) ولا بد اننا نؤمن اليوم ان عبد العزيز داؤود قد اجاد الغناء بالعامية و الفصحي كليهما . تعامل عبد العزيز مع الكثير من الملحنين و الشعراء الا ان اكثر من ارتبط اسم عبد العزيز به كان الاستاذ المرحوم برعي محمد دفع الله و الاستاذ بشير عباس عازفي العود المجيدين. رحل ابوداؤود ولم يترك غير هذا التراث الضخم وهذه السيرة العطرة وماتزال قفشات ابوداؤود ونكاته تثير البهجة في نفوس كل السودانيين ومازال ابوداؤود يطرب كل من عشق وعرف معني التطريب و مابرحنا نسمعه يقول (مناي في الدنيا قبل الرحيل اخلي العالم طربا يميل) ...
غني ابوداؤود للعديد من عمالقة الشعراء السودانيين نذكر منهم علي سبيل المثال لا الحصر : محمد البشير عتيق ..ود الرضي ..محمد علي احمد ...محمد احمد سرور ...صالح عبد السيد (ابو صلاح) .. كرومة ..عمر البنا ...ابراهيم العبادي ...محمد محمد علي ..خليل فرح ..بازرعة ..علي المساح ..عبد المنعم عبد الحي ..سيد عبد العزيز ..عبيد عبد الرحمن ..عوض حسن احمد .. احمد محمد اسماعيل ..حسين عثمان منصور ..احمد فلاح ..عبد الرحمن الريح .. الطاهر محمد عثمان .. عبد القادر ابراهيم تلودي .. محمد يوسف موسي .. عثمان محمد داؤود ..علي ابراهيم .. مكي السيد .. محمد الزبير رشيد .. الزين عباس عمارة .. فضل الله محمد .. اسحق الحلنقي .. الصادق الياس .. نعمان علي الله .. ايوب صديق .. موسي حسن .. حسن محمد حسن .. اسماعيل حسن .. عوض احمد خليفة .. مبارك المغربي .. حسن التني .. احمد عبد المنطلب (حدبـــــاي ) .. احمد ابراهيم الطاش عبد الله النجيب ..
حسب احصائية اذاعة امدرمان يبلغ عدد الاغاني المسجلة رسميا بمكتبه الاذاعة 186 اغنية , منها 31 اغنية من اغاني الحقيبة و 45 لحن للموسيقار برعي محمد دفع الله ثم عدد من التسجيلات و الاناشيد و المدائح النبوية و الابتهالات وعددها اكثر من 49 عمل و في مجال الاناشيد الوطنية فله اكثر من 35 نشيدا وطنيا و ايضا له اكثر من 20 مقابلة ولقاء اذاعيا مختلفا هذا بالاضافة الي عدة تسجيلات في ترتيل القران الكريم .. اكثر شاعر تغني له الراحل هو الشاعر الطاهر محمد عثمان شاعر عطبرة وهي مسقط رأس عبد العزيز محمد داؤود.
غني اول اعماله للراحل محمد علي عبد الله (الامي) و الحان الراحل برعي محمد دفع الله رائعه ( زرعوك في قلبي ) .
--------------------------------------------
شاكر ومقدر مرور الاختين سارة وسامية وحاعلق على مداخلاتهم
Post: #8 Title: Re: من زمــــ ( عبد العزيز داود )ــــان Author: Maysoon Nigoumi Date: 10-04-2011, 05:45 PM Parent: #7
