Post: #2
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-03-2011, 09:31 PM
Parent: #1
يعني عايزين حرت الله ما أداهم
يحركوا الناس بالريموت
وحسب خيالاتهم
قايلين بضغطة ماوس الشارع حينفجر..
وهذا ما دعا أخونا ابو حسين للانفجار فيهم غضبا
لماذا لا تتحرك الديناصورات لدعم المظاهرات ..؟؟؟؟؟
|
Post: #3
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-03-2011, 10:23 PM
Parent: #2
وكمان متنوضلين الغفلة عايزين يعملوا فيها مفتحين ويسرقوا جهد الغلابة الاحتجوا
على غلاء الأسعار هنا وهناك بتصويرهم للاحتجاجات كأنها ربيع عربي اخر..
المضحك أن هناك مجموعة فيسبوكية اسمت نفسها شباب من أجل التغيير
عايزة تتبنى الحكاية وافتكروا نفسهم الدينمو المحرك للشغلانة..
الموقف دا ذكرني موقف مضحك مشابه لواحد أخونا هنا في البورد
قبل كدا كان بدي تعليمات للمتظاهرين الافتراضيين
وكمان عمل ليهو شهيد افتراضي وحدد مكان المقابر كمان...
لكن دا على منو؟؟؟؟
ديل شباب من اجل التغير ولا سرقة مظاهرات ساي
ونحن لهم بالمرصاد .....................
صلاح غريبة - خبير فيس بوك
|
Post: #4
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-03-2011, 11:03 PM
Parent: #3
وكت قنعوا من الثورة ومن خيرا فيها
قبلوا على الاعتقالات(الاسفيرية) لخلق بطولات وهمية تداري فشلهم
ومحاولة لحفظ ماء وجههم وانقاذ مصداقيتهم التي وصلت الحضيض...
نفس الاسطوانة المشروخة دي سمعناها ايام احتجاجات الطلبة في يناير الماضي
وطلع مافي طالب واحد اعتقلوه
اللهم الا استجوابات لدقائق معدودة لبعض مثيري الشغب
وتم اطلاق سراحهم...
المضحك المرة دي قالوا الشعب السوداني كلوا اعتقلوا
ههههههه...) ,( وجه باسم )
في حين انو في ناس داخل ولاية الخرطوم ما سمعوا بمظاهراتهم دي..
.الناس ساكة المعايش يا اخوانا
وانتوا تبرطعوا بهنا
(ماشبعانين نان ومرطبين بي برا).
إعتقالات مكثفة في الخرطوم!
|
Post: #5
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-03-2011, 11:38 PM
Parent: #4
وشوف كمان اختنا تراجي
أخدت مشوار طوييييل
من كندا لي بابنوسة
عشان تجيب ليها خبر مظاهرة (افتراضية)
لكن ولد أبا بريمة بلعا كلامها ناشف
وفي نفس البوست وقال ليها
(يطرشنا .. بابنوسة فيها أقارب لى فى الجامعة .. لم أسمع منهم)..
غايتو جنس محن بتسوي فيها تراجي.
مظاهرات ببانوسه ضد(غلاء المعيشه) يوم الخميس 28/09/2011
|
Post: #6
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد النيل
Date: 10-04-2011, 01:08 AM
Parent: #5
| Quote: صلاح غريبة - خبير فيس بوك |
ههههههها
والله يا غريبة كلامك دا كلام هبالة ساكت
ما مناسب مع السن الفى الصورة دى
يا عمر البشير الزول دا خبير فيس بوك عليك الله زيد ليه الماهية شوية
عالم أكل عيش تخاف ما تختشيش
|
Post: #7
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-04-2011, 09:24 AM
Parent: #6
Quote: ههههههها
والله يا غريبة كلامك دا كلام هبالة ساكت
ما مناسب مع السن الفى الصورة دى
يا عمر البشير الزول دا خبير فيس بوك عليك الله زيد ليه الماهية شوية
عالم أكل عيش تخاف ما تختشيش |
الاخ محمد النيل
بطل حركات الاستخفاف المصطنعة البتعمل فيها دي...
يعني تسيب الهبالة بتاعة المتنوضلين القدامك دي
وتجي تسقطها علي..الحقيقة دي ما حاااارة...
يعني أنا عملت شنو غير جبت خطرفاتهم البكتبوها هنا دي...
وبعدين البشير ما محتاج لزول يخاف عليهو لأنو محروس
بشعبو وبأعمالو..
.خاف على المتنوضلين الفي المنافي الاختيارية..
ديل لو ما عملوا كدا بسحبوا منهم اللجوء والمنح
وبعدين انا موجود حاليا خارج السودان
.. وقع ليك؟؟؟؟؟
|
Post: #8
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-04-2011, 09:49 AM
Parent: #7
الحمل الكاذب للمعارضة
Quote: الحمل الكاذب للمعارضة
راشد عبد الرحيم
تشتهر حالة في مجال الطب تسمى بـ(الحمل الكاذب) وهي تصيب بعضاً من النساء قدّر اله ألا يلدن وجراء ما يصيبهن من أسي وأحوال نفسية متغيرة، فإنهن يقعن في حالة الحمل الكاذب التي تشبه الحمل الحقيقي منه وتصل إلى تغييرات فسيولوجية واضحة وكأنما الحمل حقيقياً وليس وهماً.
هذا الحال يتلبس المعارضة السودانية ومنذ أيام التجمُّع الوطني الديمقراطي ظلت المعارضة تنوح وتصرخ وتدعي أن الحكومة ستنهار لا محالة، وكم من مرة حددت ميقاتاً معلوماً إلى أن أضحت من المصابين بهذا المرض النفسي المشهور بـ(الحمل الكاذب) وصارت تتوهم كل حالة أنها حالة مخاضها و أن الحكومة ستنهار.
وينتهي بها المطاف ليُصبح ناتج الحمل هواءً تذروه الرياح وتزداد الحكومة قوة على قوتها.
هذه الخيالات والهواجس تزداد هذه الأيام مع موجة الغلاء التي أدخلت قوى المعارضة في مرحلة متأخرة من التِّيه وشأنها في ذلك شأن الحمل لا تفعل المعارضة شيئاً من تلقاء نفسها وتظل تنتظر من يضع فيها بذرة لعلها تنتج .
حالة التلبُّس هذه تحتاج دوماً إلى أن تتجدد وليس في جراب هذه القوى ما يجدد ويحسِّن من حالها فتزيد عليه من الأكاذيب مرة تدعي أن الوالي أعلن أن مواطنين سودانيين لا يحق لهم العيش والسكن في الخرطوم، وأخرى تزعم أن وزير الخارجية قال إن الاقتصاد السوداني يعاني حالة انهيار.
وخطورة هذه الحالة مثلها مثل خطر بقية الأمراض النفسية والتي تدفع المريض في العديد من الحالات إلى أفعال ضارة به وبغيره.
في الشارع تبحث في المستحيل وثمَّة أقاويل تُردد هنا وهناك عن استهداف لبعض قوى المجتمع وبرز منها حديث خجول عن استهداف ربما يطال صحافيين وكُتَّاباً.
فشلت المعارضة أن تنظم تظاهرات قليلة في مناطق يزداد فيها الزحام بهدف أن تكسب من القوى العددية في الأسواق والتجمعات وكم تنادوا إلى ميدان (أبو جنزير) ولم يجدوا غير ما يكتبون عليه أنهم حضروا ولم يجدوا أحداً وكم زعمت قيادات لهم أن سيارتهم تعطلت وهم في الطريق لقيادة المظاهرات المتوهمة والتي لم تجد قيادة ناهيك عن قاعدة وجماهير تحركها.
فلول من (الشعبي) و(الشعبية) تتحرك وتدعمها قوى حمراء لم تجد غير بعض الطرقات والأحياء في العاصمة وكل هذا سحب صيف عن قليل تقشع ويبقى التحسُّب لأعمال التهور ومن يصاب بمرض نفسي ربما قتل نفسه أو أصاب غيره
من سمع أكاذيب المعارضة خاصة أسافيرها عن الانتصارات العسكرية في النيل الأزرق وجنوب كردفان لظن أن عقار قد أصبح حاكماً للسودان وأن الحلو عُيِّن نائباً ولكن الواقع أن عرمان لا يزال حائراً طاشاً في أركان الدينا يصرح بأنه يُشكِّل في تحالف عسكري لإسقاط النظام وقد أنفق الرجل عمره كله في (حمله الكاذب) هذا حارب غالب شبابه ولم يحقق سالماً إلا في السلم و لا يتعظ من التأريخ والأيام التي انسربت من عمره .
وها هي الأسعار تهبط بعد ارتفاع والأسواق تنحو إلى الاستقرار والجنوب منشغل بهمومه والولايات المتحدة غارقة في ديونها وكبوتها الاقتصادية وعقار هائم في الجوار والحلو في الأحراش وعرمان بين المطارات.
|
|
Post: #10
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد أبوالعزائم أبوالريش
Date: 10-04-2011, 10:03 AM
Parent: #9
يا غُريبة ياخ ....
كلمات زي (متنوضلين) و(شابكننا) و(عاك) .... بتعمل لينا جهجهة في الــ ID بتاعك.
|
Post: #11
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-04-2011, 05:13 PM
Parent: #10
وشوفوا عينة الموهوم اسفيريا دا وصل بيهو الخيال لي وين...
خلاس الحكومة انهارت وكسحت(طبعا حسب خيالو)
وفضلت محكمة لاهاي..انتو لمن نميري تفاكم ستطاشر سنة ماخلى
جزيرة ابا وودنوباوي وهاشم عطا ويوليو وووو
دا كلو ما وديتو محكمة العدل الدولية(طبعا الجنائية الوكت داك مافي)
تجوا اسي تكوركوا بيها...
وبعدين يا اللخو كرتي دا قالوا ليك غبيان عشان يشحت الأوربيين
هو ماعارفهم مديونين وداقين الدلجة؟؟
ولا عشان قال يعفوا الديون المن زمن الصادق الكان حكومتو عايشة
على القروض...
نحن يا حبيب الان الدولة بتتكلم على مخزون استراتيجي
من الذرة 500 الف طن زيادة عن حاجة البلاد وبتتكلم على انشاء
اربعة مصانع جديدة للسكر غير القدام
وبتتكلم عن التعاقد مع 200 شركة لاستخراج الذهب وووو وغيره...
قال لاهاي قال ...
عالم عايشة وهم سايبري
يا كيزان باي باي ضروري نشوفكم في لاهاي...!!
|
Post: #12
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-04-2011, 05:21 PM
Parent: #11
Quote: يعني نافع بكضب
والشرطة الاعلنت عن "نجاحها" في فض المظاهرات بتكضب برضو
اما الانتفاضة فقد صارت امرا واقعا وانتهى الآمر
لكن
|
الأخ فتحي البحيري ..
نحن لاننفي وجود احتجاجات ودا شئ معلوم والاعلام والصحافة
في الخرطوم يومي بتبرز في الكلام دا..
.لكن حكاية انتفاضة وربيع عربي زي ما بتصوروهو هنا في البورد مافي
على أرض الواقع..
والبوست الافترعنا هنا يبرز مدى الخيالات والأوهام العايشنها متنوضلي
الخارج يعني يا بحيري أأكد ليك انو في مواطنين في أحياء قلب الخرطوم
ما سمعوا بثورتكم العارمة دي...انتوا في الشنو والناس الغلابة هناك في شنو...
=====================================================
Quote: يا غُريبة ياخ ....
كلمات زي (متنوضلين) و(شابكننا) و(عاك) .... بتعمل لينا جهجهة في الــ ID بتاعك. |
أبو الريش..
لو انت صادق في كلامك دا وعارف ال(اي دي) تبعنا ما بتقول كلامك دا...
يا أبو بكر شوف شغلك مع عينة دا... جابت ليها تجسس
|
Post: #13
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: Balla Musa
Date: 10-04-2011, 05:22 PM
Parent: #11
فعلا ياغريبة بوستات "تخلع" الماكوز..
عليك الله اعفا للعايز "يخلعك" يا غريبة!!
الخلعة والفديحة متباريات**
|
Post: #29
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 12:25 PM
Parent: #13
Quote: فعلا ياغريبة بوستات "تخلع" الماكوز..
عليك الله اعفا للعايز "يخلعك" يا غريبة!!
الخلعة والفديحة متباريات** |
الأخ بلة موسى لك تحياتي...
أنا يا سيدي معايش البورد دا من عام2002
يعني في ناس هنا (مخضرمين) معاصرني
وعارفني ما بتخلع من (خطرفات المتنوضلين)
لأنه ببساطة لو كلامهم في البورد دا مؤثر كان من الوكت داك
مش عمل انتفاضة كان عمل (ثورة بلشفية)كمان..
.لكن البحزنا انو بكدا بدقوا بمصداقية المنبر الدلجة بأخبارهم
المفبركة فبركة فطيرة
التي سرعان ما يبلعوها(نية)..
ودا ماحلو في حقنا كلنا لأننا ننتمي لهذا المنبر
ذو القاعدة الشعبية الكبيرة.
|
Post: #14
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: د.محمد بابكر
Date: 10-04-2011, 05:25 PM
Parent: #11
!!!
زمان ياغريبه حبوبتى,,حبوبتى انا ماحبوبتك انت كانت بتقول:
( الماعندو لسان فقرى وفلسان) وزى مابقول اخونا تبارك..المهم.
|
Post: #15
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: Shiraz Abdelhai
Date: 10-04-2011, 05:57 PM
Parent: #14
....لم تشغل نفسك وجدولك الزمنى الهام بخطرفات ما بتودي ولا بتجيب إذن...
ولم ينشغل قادتك أنفسهم بها وبكواريك المجانين فى الشوارع فيرغى نافع ويزبد على أجهزة الاعلام
ولم أصبحت فجأة هذه الخطرفات بأهمية أن تفتح لها البوستات وتتابع أخبارها فى الصحف ؟؟
...الاستخفاف بالحركة المطلبية الصغيرة التى تنشأ هنا وهناك سيؤدى حتما الى مصرعكم قريبا...
وعندها سنرى ونسمع رأى نافع وغيره...!!
عندما بدأت الحركات المطلبية الاحتجاجية والمظاهرات الصغيرة قبل الانتفاضه الجماهيرية الواسعه فى ابريل صرح
نميري بعجرفة الطاغية التى تتلبس البشير الآن بأنه هؤلاء لم يكونوا الا شراذم ولصوص ....
وحاول ان "يرد" على تلك المظاهرات بمسيرة هزيلة من اذيال النظام فى صبيحة 3 أبريل....
ولكن شاء القدر أن تتحول خطرفاته الى هذيان وفجيعه فى صبيحة 6 ابريل المجيده...
لن تقوم ثورة فى يوم وليلة بعد عشرين عاما ونيف من القهر اليومي والذل...
ولكن سيتراكم هذا الفوران والغضب حتى يتدفق فيض من نار لا قبل لحكومة البشير به!!!!
|
Post: #31
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 12:48 PM
Parent: #15
Quote: ...لم تشغل نفسك وجدولك الزمنى الهام بخطرفات ما بتودي ولا بتجيب إذن...
ولم ينشغل قادتك أنفسهم بها وبكواريك المجانين فى الشوارع فيرغى نافع ويزبد على أجهزة الاعلام
ولم أصبحت فجأة هذه الخطرفات بأهمية أن تفتح لها البوستات وتتابع أخبارها فى الصحف ؟؟
...الاستخفاف بالحركة المطلبية الصغيرة التى تنشأ هنا وهناك سيؤدى حتما الى مصرعكم قريبا...
وعندها سنرى ونسمع رأى نافع وغيره...!!
عندما بدأت الحركات المطلبية الاحتجاجية والمظاهرات الصغيرة قبل الانتفاضه الجماهيرية الواسعه فى ابريل صرح
نميري بعجرفة الطاغية التى تتلبس البشير الآن بأنه هؤلاء لم يكونوا الا شراذم ولصوص ....
وحاول ان "يرد" على تلك المظاهرات بمسيرة هزيلة من اذيال النظام فى صبيحة 3 أبريل....
ولكن شاء القدر أن تتحول خطرفاته الى هذيان وفجيعه فى صبيحة 6 ابريل المجيده...
لن تقوم ثورة فى يوم وليلة بعد عشرين عاما ونيف من القهر اليومي والذل...
ولكن سيتراكم هذا الفوران والغضب حتى يتدفق فيض من نار لا قبل لحكومة البشير به!!!! |
أختنا شيراز
...انت برضو داخلتي دائرة الوهم السايبري..
.ما بالغتي حبة بمقارنة مسيرة نميري في اخر أيامو واحتجاجات الأمس..
بس سؤال صغنون ...
أخبار المظاهرات الليلة في الخرطوم شنو؟؟؟..
.لك التحية وللسيدة الوالدة .
ثورة الأسافير وأوهام الانتفاضة ( آل مسيرة ... آل)
|
Post: #16
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد أبوالعزائم أبوالريش
Date: 10-04-2011, 05:57 PM
Parent: #14
Quote: أبو الريش..
لو انت صادق في كلامك دا وعارف ال(اي دي) تبعنا ما بتقول كلامك دا...
يا أبو بكر شوف شغلك مع عينة دا... جابت ليها تجسس |
كدي قول بسم الله ...
أنا قلت (ID) .... ما قلت (IP)
إنا لله
|
Post: #17
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-04-2011, 06:55 PM
Parent: #16
Quote:
كدي قول بسم الله ...
أنا قلت (ID) .... ما قلت (IP)
إنا لله |
الاخ محمد
نا عارفك قاصد الاستايل تبعنا
identity,
وبرضو دا تجسس لأنك بتلمح كما درج الكثير
غيرك باني اؤجر باسويردي
تلكم الاسطوانة المشروخة لقد سئمناها هنا
فهل عندما نعبر عن وجهة نظرنا ونصدع
بالحقائقن
وصف باننا نبدل جلودنا ونبيع ذممنا
|
Post: #18
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد أبوالعزائم أبوالريش
Date: 10-04-2011, 07:41 PM
Parent: #17
Quote: فهل عندما نعبر عن وجهة نظرنا ونصدع
بالحقائقن
وصف باننا نبدل جلودنا ونبيع ذممنا |
أوكي خلاص ......
حألبس قمبوري ...
أصلي كنت ناسيهو
|
Post: #33
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 02:04 PM
Parent: #18
Quote:
أوكي خلاص ......
حألبس قمبوري ...
أصلي كنت ناسيهو |
الأخ أبو الريش .
.سلام..
.القمبور ما بتلبس القمبور بكون في الرأس منو وفيهو..
فحسب المرشد لفهم القنابير لمؤلفته حبوبتي
طيب الله ذكرها
أن القمبور شعر يترك في مقدمة الرأس بعد حلق بقيته(جبنة)
ودا عادة بكون للوليدات الصغار ما الكبار وفي صفحة أخرى
من نفس السفر القيم لحبوبتي يسمي القمبور(العلعة)
بتشديد العاء تشبيها بعرف (الديك)
والعهدة على حبوبتي.
انتهى
|
Post: #30
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 12:38 PM
Parent: #14
Quote: !!!
زمان ياغريبه حبوبتى,,حبوبتى انا ماحبوبتك انت كانت بتقول:
( الماعندو لسان فقرى وفلسان) وزى مابقول اخونا تبارك..المهم. |
فعلا يا د. محمد بابكر...
متنوضلين الكيبورد ديل بنطبق عليهم المثل البقول
الفيك بدربو...
تشكر على المرور.
|
Post: #19
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد النيل
Date: 10-05-2011, 00:38 AM
Parent: #7
Quote: وبعدين انا موجود حاليا خارج السودان
.. وقع ليك؟؟؟؟؟ |
ههههههههههههها
ودا علاقتو بالموضوع شنو ؟؟
مرتب البشير بيجيك حتى لو قاعد فى واق الواق
فى ماليزيا عندهم ككس وكمان فى حسابات فى لندن
وكل العالم ..
ما عندها علاقة تكون وين يا خبير الفيس بوك
|
Post: #20
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: doma
Date: 10-05-2011, 01:19 AM
Parent: #19
يا شباب صلاح غوريبه شنو !!!
البوست دا تحديدا ما لغه غريبه
ولو هو صحيح كتب البوست دا
فليتوضأ ويضع يده اليمني علي المصحف
ويقول وراي الكلام دا
اقسم بالله العظيم
وكتابه الكريم
انا صلاح
المشهور بصلاح غريبه
قد كتبت هدا البوست بكي بوردي
والله علي ما اقول شهيد.
|
Post: #21
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد النيل
Date: 10-05-2011, 01:43 AM
Parent: #20
يا خالة دومة ويييينك
مشتاقين كتير خلاس
السلام عليكم
Quote: اقسم بالله العظيم
وكتابه الكريم
انا صلاح
المشهور بصلاح غريبه
قد كتبت هدا البوست بكي بوردي
والله علي ما اقول شهيد. |
لكين ياخالة ما جهجتى الزول؟؟
دا ركن ضيق جدا
|
Post: #22
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: خالد العبيد
Date: 10-05-2011, 01:57 AM
Parent: #21
اولا سلام مربع للعزيزة دوما
انا ايضا اعرف اسلوب صلاح غريبة في الكتابة
كتابة بسيطة اقرب للهذيان والمضحكة
هنالك اكثر من قلم يكتب باسم صلاح غريبة
فالحذر يا بكري من هنا تبدأ خطوات الهكر !!!
|
Post: #23
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: doma
Date: 10-05-2011, 02:18 AM
Parent: #22
| Quote: .انتو لمن نميري تفاكم ستطاشر سنة ماخلى |
ما خليت زولك في السهله لكين
الرجاء مراعاه قاموس غريبه اللغوي
غريبه لا بعرف التف بالفتح لا التفه بكسر التاء
عدم الضمير دا بتلقوه من وين كي تدافعوا عن فساد حكومه الانقاذ وخراقتها وسوء تقديرها ؟؟!!!!
|
Post: #24
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: doma
Date: 10-05-2011, 02:39 AM
Parent: #23
من الافضل ان تنصحوا مفسدي الانقاذ بارجاع اموال الشعب الي الخزينه العامه
لفك الضائقه الماليه والتدهور الاقتصادي الصاروخي
الم يطلق الوزير علي كرتي صرخته المتوسله
بانه لا يمكن للعالم ان يتفرج واقتصادكم ينهار ؟؟!
يا للعار
هل نهب العالم عائدات البترول معكم ؟؟؟؟!!
هل ادار العالم حكم البلاد معكم ؟؟؟!!
ايها الجهلاء الطراطير
هذا ما جنته اياديكم الفاسده وعقولكم البسيطه .
فكفوا عن الولوله ولوم العالم
وارجعوا اموال الشعب التي نهبتوها الي الخزينه العامه
واصلحوا اليسير مما افسدتم .
|
Post: #25
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: عبدالكريم الامين احمد
Date: 10-05-2011, 05:22 AM
Parent: #24
Quote: نحن يا حبيب الان الدولة بتتكلم على مخزون استراتيجي
من الذرة 500 الف طن زيادة عن حاجة البلاد وبتتكلم على انشاء
اربعة مصانع جديدة للسكر غير القدام
وبتتكلم عن التعاقد مع 200 شركة لاستخراج الذهب وووو وغيره...
|
كدااااااااااب كديب شديد ومفاجي..
وبوق وحلقوم اسفيري يكتب باسم صلاح غريبة بوعي شمولي وجربندية شديدة ومفاجئة
وخطاب اقل مايو صف به بانه خطابه خطاب ركيك وجائع ولا يساوي ثمن الكلك الذي كتب به..
-تمجيد لنميري والاحتفاء بقتله للشعب في الجزيرة ابا وود نوباي وهاشم العطا وبكده حتدخل كيبوردك الكسيح في جحر (ضب) كما هو داخل عبر حروفك البائسة في هذا البوست وفي بوستات اخري مشابهة.. فالحرامية القاعد تطبل ليهم ديل برضو النميري تفاهم(حسب مصطلحك التعيس) وامشي اسال عن (محمد صالح عمر) واسال عن عبد الاله خوجلي واسال مهدي ابراهيم وغازي صلاح الدين وعلي عثمان.. عشان تعرف بانك بتقول كلام بتاقض مع تاريخ الذين تتبوق وتتحلقم باسمهم وليك حق طبعا طالما هم زاااتهم السلطة كشفت عورتهم واظهرتهم كحرامية ولصوص يحتاجون فيما يحتاجون الي بوووق اسفيري وكيبورد تعيس مثل كيبوردك هذا...
ونميري ما مشي لاهاي ولكن ذهب بالمزيكة الي مزبلة التاريخ
ولكن انقاذك وسادتها من اللصوص هم من سيذهب الي لاهاي وهم من سيذهب الي مزبلة التاريخ وقريبا باذن الله وببركات شيخنا شكر الله
كما ذهب بن علي
والقذافي
ومبارك
وغيرهم من الطغاة الرعاديد
|
Post: #26
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد أبوالعزائم أبوالريش
Date: 10-05-2011, 05:23 AM
Parent: #24
Quote: يا شباب صلاح غوريبه شنو !!!
البوست دا تحديدا ما لغه غريبه |
لا لا يا دومة .... ما البوست ده براهو ....
البوستات الكّتبت مؤخراً كلها بلغة لا تشبه أخونا غُريبة.
بعدين فوق كده .... لما واحد يعلّق ليهو ...... بيرُد ...... تتصوري؟ صلاح غُريبة يرد.
على العموم ... الراجل أصرّ إني ألبس قمبوري، وقمت لبستو .... عشان كده، إتفاهموا معاهو إنتو.
_______
طبعاً تم الترحيب بيك في بوست ود العبيد، ومرحب بيك تاني.
|
Post: #27
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: doma
Date: 10-05-2011, 06:03 AM
Parent: #26
انت عارف يا محمد ابو العزائم انا لا اقرا كتابات غوريبه باستمرار
مشكله من يستعملون باسويرده لا يعلمون ان الكتابه كالبصمه
يعني طوالي ممكن تنقش لو دا غريبه ولا حبوبتو عليها الرحمه .
فعلي المهندز صلاح غوريبه
ان يقسم بالله تلات
انها كتابته تعبيرا ونقرا علي الكي بورد
والا فهو من الكاذبين
|
Post: #32
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: 7abib_alkul
Date: 10-05-2011, 02:00 PM
Parent: #28
الأخت دوما
اولا نقول ليك حمدالله علي السلامة و بعد كدا اسمحي لي اقول ليك مداخلتك ما بتشبهك لأنك عودتينا علي الموضوعية في الرد اما انصرافك عن موضوع البوست للقدح في كاتب البوست أمر لا يشبهك مطلقا
و قالوا الما دارك ما لامك
|
Post: #36
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: doma
Date: 10-05-2011, 02:18 PM
Parent: #32
الابن المحترم حبيب الكل شكرا علي الترحيب والنقد الموضوعي
حقيقه لم يشد انتباهي شئ فيما كتب من مناكفات عاديه بين مساندي الانقاذ ومعارضيها
غير ان لغه الكاتب ليست لغه غريبه .
اتمني ان اكون عند حسن ظنك
مودتي التي لا املك سواها.
|
Post: #35
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 02:13 PM
Parent: #20
Quote: يا شباب صلاح غوريبه شنو !!!
البوست دا تحديدا ما لغه غريبه
ولو هو صحيح كتب البوست دا
فليتوضأ ويضع يده اليمني علي المصحف
ويقول وراي الكلام دا
اقسم بالله العظيم
وكتابه الكريم
انا صلاح
المشهور بصلاح غريبه
قد كتبت هدا البوست بكي بوردي
والله علي ما اقول شهيد. |
الاخت العزيزة دوما
انتي عارفة معزتك عندي
ولو ما كدة ما نفذت ليكي طلبك لكن ...
=====================
اقسم بالله العظيم
وكتابه الكريم
انا صلاح
المشهور بصلاح غريبه
قد كتبت هدا البوست بكي بوردي
والله علي ما اقول شهيد
اضافة :
انا بالرياض وبداخل غرفتي بجمعية ابناء الابيض الخيرية باليمامة
ومعي بالسكن اكثر من 12 من اعز الحبائب
ويزورونا الكثير من ابناء الابيض والاصدقاء
ومنهم اعضاء في المنبر
عبد اللطيف بكري
عبد الله داش
خالد سعيد
وغيرهم
وهم يدركون من هو صلاح غريبة وماذا افعل ...
ويمكن الرجوع لهم والاستفسار منهم ....
أها اتكيفتي...
ما وريتنا برضو رأيك في موضوع البوست؟؟؟
|
Post: #37
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 03:07 PM
Parent: #35
Quote: يا خالة دومة ويييينك
مشتاقين كتير خلاس
السلام عليكم
Quote: اقسم بالله العظيم
وكتابه الكريم
انا صلاح
المشهور بصلاح غريبه
قد كتبت هدا البوست بكي بوردي
والله علي ما اقول شهيد.
لكين ياخالة ما جهجتى الزول؟؟
دا ركن ضيق جدا |
محمد النيل
راجع ردنا لدوما وراجع ردنا السابق ثمح.
===============================
Quote: اولا سلام مربع للعزيزة دوما
انا ايضا اعرف اسلوب صلاح غريبة في الكتابة
كتابة بسيطة اقرب للهذيان والمضحكة
هنالك اكثر من قلم يكتب باسم صلاح غريبة
فالحذر يا بكري من هنا تبدأ خطوات الهكر !!! |
خالد العبيد
وفر نصايحك ...
هو بكري راجيك انت يا العشا..
جو استراليا اليومين دي كيف!!!!!!!
أكتر من الحليفة نعمل ليك شنو؟؟؟
ما عايز أقول ليك يا دوما ضمايركم انتو وين؟؟
وانتو بتخذلوا في الناس بل بتضللوهم وعايزين تسوقوهم كالقطيع لتنفيذ
اجنداتكم في صراعاتكم من أجل السلطة.
حبوبتي تقول ليهم : انتوا تعالوا هنا عمركم دا كلو تعارضوا وينوعماركم
==========================================
Quote:
ما خليت زولك في السهله لكين
الرجاء مراعاه قاموس غريبه اللغوي
غريبه لا بعرف التف بالفتح لا التفه بكسر التاء
عدم الضمير دا بتلقوه من وين كي تدافعوا عن فساد حكومه الانقاذ وخراقتها وسوء تقديرها ؟؟!!!!
|
تحية تاني دوما.
***** من دقنو وافتلو ******
=====================================
Quote: كدااااااااااب كديب شديد ومفاجي..
وبوق وحلقوم اسفيري يكتب باسم صلاح غريبة بوعي شمولي وجربندية شديدة ومفاجئة
وخطاب اقل مايو صف به بانه خطابه خطاب ركيك وجائع ولا يساوي ثمن الكلك الذي كتب به..
-تمجيد لنميري والاحتفاء بقتله للشعب في الجزيرة ابا وود نوباي وهاشم العطا وبكده حتدخل كيبوردك الكسيح في جحر (ضب) كما هو داخل عبر حروفك البائسة في هذا البوست وفي بوستات اخري مشابهة.. فالحرامية القاعد تطبل ليهم ديل برضو النميري تفاهم(حسب مصطلحك التعيس) وامشي اسال عن (محمد صالح عمر) واسال عن عبد الاله خوجلي واسال مهدي ابراهيم وغازي صلاح الدين وعلي عثمان.. عشان تعرف بانك بتقول كلام بتاقض مع تاريخ الذين تتبوق وتتحلقم باسمهم وليك حق طبعا طالما هم زاااتهم السلطة كشفت عورتهم واظهرتهم كحرامية ولصوص يحتاجون فيما يحتاجون الي بوووق اسفيري وكيبورد تعيس مثل كيبوردك هذا...
ونميري ما مشي لاهاي ولكن ذهب بالمزيكة الي مزبلة التاريخ
ولكن انقاذك وسادتها من اللصوص هم من سيذهب الي لاهاي وهم من سيذهب الي مزبلة التاريخ وقريبا باذن الله وببركات شيخنا شكر الله
كما ذهب بن علي
والقذافي
ومبارك
وغيرهم من الطغاة الرعاديد |
هاك استمتع بالأخبار دي يا عبد الكريم:
" />" target="_blank">الخبر الاول
" />" target="_blank">الخبر التاني
وفي زييها تاني عييييك
أسي عليك الله مابتخجل تتكلم على لاهاي
الناس بمظاهرات النيم
قلعوا نميري.... أكبر طاغية( كما يذكر )
انت أسي تولول بلاهاي حزينة منكم يامتنوضلين ...
ما شفت الأسد النتر لما كان جاي من الكلية الحربية عقب قرار الجنائية
بدقائق والشعب كلو كان ملتف حلو؟؟؟قال جنائية قال ...احلموا كويس؟؟؟...
===================================================
Quote:
لا لا يا دومة .... ما البوست ده براهو ....
البوستات الكّتبت مؤخراً كلها بلغة لا تشبه أخونا غُريبة.
بعدين فوق كده .... لما واحد يعلّق ليهو ...... بيرُد ...... تتصوري؟ صلاح غُريبة يرد.
على العموم ... الراجل أصرّ إني ألبس قمبوري، وقمت لبستو .... عشان كده، إتفاهموا معاهو إنتو.
_______
طبعاً تم الترحيب بيك في بوست ود العبيد، ومرحب بيك تاني. |
أبو الريش انت ما راجعت المرشد بتاع حبوبتي لي هسي؟
==========================================
Quote: انت عارف يا محمد ابو العزائم انا لا اقرا كتابات غوريبه باستمرار
مشكله من يستعملون باسويرده لا يعلمون ان الكتابه كالبصمه
يعني طوالي ممكن تنقش لو دا غريبه ولا حبوبتو عليها الرحمه .
فعلي المهندز صلاح غوريبه
ان يقسم بالله تلات
انها كتابته تعبيرا ونقرا علي الكي بورد
والا فهو من الكاذبين |
دوما...وبعدين؟؟؟
===================================
Quote: سلامات ياهندسة حلوان .....غريبة
|
معاوية عبيد الصائم..أيها البربار فاكي الزرار
الكتـــــــــــــرابة مظاهرات الان فى الرياض..شارع المشتل
|
Post: #34
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: صلاح غريبة
Date: 10-05-2011, 02:06 PM
Parent: #19
Quote: ههههههههههههها
ودا علاقتو بالموضوع شنو ؟؟
مرتب البشير بيجيك حتى لو قاعد فى واق الواق
فى ماليزيا عندهم ككس وكمان فى حسابات فى لندن
وكل العالم ..
ما عندها علاقة تكون وين يا خبير الفيس بوك |
محمد النيل
ما قلنا ليك بطل الاستخفافات المصطنعة دي وكمان خفة الدم.
|
Post: #38
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: jini
Date: 10-05-2011, 03:32 PM
Parent: #34
إني لأجد ريح يوسف لولا أن تفندون
يوسف =إبن يوسف=علاء
جنى
|
Post: #39
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: Deng
Date: 10-05-2011, 03:39 PM
Parent: #38
المناضل دينق.
تحية مسكونة بدعاش المشك ومسنودة بتبريكات الكجور ونيران مباخر المكوك.
أستوقفني حديثك الشيق على المدعوا غريبة وبالمناسبة ولفائدة قراء البورد, لقد أفادني المناضل يوسف كجو وهو خريج طقت وقد زامل المدعوا غريبة في أحدا المراحل الدراسية, وكان معروف بصلاح غريبة (بضم الغين) ويتسأل بأنه بقدرة قادر أصبح أسمه صلاح غريبة. وقد زكر المناضل كجو أن غريبة كانت له عادة سيئة جدا وهو أنه دائمايكون عين الاساتذة ضد الطلاب وهو عضو بارز في شعب الطلاب التابعة للاتحاد الاشتراكي المنحل. ويضيف بأن كل أبناء كردفان الشرفاء يدركون ما حل بمناضلي حي القبة بالابيض وحملة الاعتقالات التي طالتهم والكل يعلم من هو الذي كان من وراء تلك الوشاية وهجمة كلاب أمن النميري على المناضلين. على كل حال نحن نتابع ملاحقتكم للسدنة ونستغرب كيف أن لسان المدعوا غريبة قد تطاول على أولياء نعمته في الاحاديث التي يعجز اللسان عن زكرها وفي الختام نثمن صمودكم وملاحقتكم لقوى الظلام وأتباعها أمثال غريبة وتقبل تحيات مناضلي الجبال وعنهم كربوس تية والاحيمر وعثمان قوعنج.
أخوكم دوما/ صلاح كجور
سلارا الجبال السودان الجديد
تعليق
ما أشبه الليلة بالبارحة.
|
Post: #40
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: د.محمد بابكر
Date: 10-05-2011, 03:45 PM
Parent: #39
| Quote: البوست دا تحديدا ما لغه غريبه |
كدى خليك من البوست ده.. كلمة(متنوضلين) ما بذكركم زول...غريبه كمان ما مثابر قدر ده يعنى سعادته نفسو قصير يعنى بالكتير رد ردين وبنسى الموضوع المره دى الموضوع جره..غايتو.
|
Post: #41
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: Nazik Eltayeb
Date: 10-05-2011, 04:54 PM
Parent: #40
| Quote: كدى خليك من البوست ده.. كلمة(متنوضلين) ما بذكركم زول... |
حافظنوا وعارفين الفيهو
للللللا
تاريخنا و بنفخر بيهو
للللللا
من تاريخ السودااااان .....من تاريخ السوداااااان
---------------------------------------------
كيف يا دكتور ما عارفين
اريتا زكرى السجم والرماد
تحياتي لك ولزوار بوست سئ الصيت و الذكر و العبارة
|
Post: #42
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: د.محمد بابكر
Date: 10-05-2011, 04:59 PM
Parent: #41
| Quote: سئ الصيت و الذكر و العبارة |
والاسم والصوت والصوره يانازك زى ما بتقول(كايداهم)الله يطراهابالخير..
|
Post: #43
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: محمد النيل
Date: 10-06-2011, 01:12 AM
Parent: #42
Quote: اقسم بالله العظيم
وكتابه الكريم
انا صلاح
المشهور بصلاح غريبه
قد كتبت هدا البوست بكي بوردي
والله علي ما اقول شهيد |
الود عامل فيها أقنعنا ... هههههها
أيوا فى لحظة المداخلة بتاعت الحليفة دى ممكن تكون فعلا صلاح غريبة عشان حليفتك تكون صاح لأنك عارف الباسوورد حقك المشترك مع من
يشاركونك الباسوورد..
ثم تانيا ممكن الناس الهم داخلين بباسووردك ممكن يحلفوا الحليفة دى.. لانهم أصلا ما عندهم ذمة
هو مش البشير ذاتو حلف فى التخريج إنو يحمى الدستور .. اهو عمل إنقلاب وخان الدستور
وحلف إنو السودان ما تدخلو قوات أجنية وأهو حصل...
.............
وختاما: وحكومة الكرور دى ممكن تتم خدمتها من داخل السودان أو خارجه
إيه يعنى قاعد فى الرياض ول فى كسلا ... العالم أصبح قُفة صغيرة..
وأول مرة أسمع كلمة إستخفاف مسطنع دى..
دا شنو كلام العوارات دا
.....
نحنا لدينا شك كبير إنكم صلاح غريبة
|
Post: #45
Title: Re: شابكننا عاك،الكترابة،انتفاضة،ثورة بالنص(مصداقية المتنوضلين للحضيض)
Author: doma
Date: 10-06-2011, 02:22 AM
Parent: #44
اخانا صلاح غريبه الدي يسكن اليمامه برياض المملكه العربيه السعوديه تحيات طيبات وبعد
من حلف بالله تلات صدقته وان كان كاذبا
يا زول ولا تزعل
المافي شنو علي قول قيقا
ممكن نقول دا مولد نجم جديد .
راي في البوست :
انا لااري جديدا غير مناكفات معتاده درج عليها مساندو الانقاد .وكل بما لديه فرحون .
انت كصلاح غريبه وعلي لسان حبوبتك لها الرحمه ان كانت بين يدي العزيز المقتدر وطوله العمر والعافيه ان كانت بيينا تنطلق من موقف مساند للحكومه علي الدوام مهما ارتكبت من فظائع في حق مواطنيها في كل ارجاء السودان ومستهزئا من المعارضه بما يشبه شقاوه الاطفال صغار السن .
وما تقوم به لا يعدو ان يكون نوع من البروبقاندا لتثبيط همم من يعارضون الانقاذ وتضخيم لنجاحاتها الزائفه والتي تنافي الحقائق علي ارض الواقع.
وعين الرضا عن كل عيب كليله كما يقولون
هذا البوست يشبهك من حيث الموقف المساند للانقاذ والمستخف والشامت في المعارضه والاحتجاجات السلميه التي يقوم بها بعض المواطنيين والتي تقابلها الانقاد بالبطش واالاعتقالات والقمع بواسطه اجهزتها الامنيه والبوليسيه والحربيه ان استدعي الامر ولكن اللغه هي ما استجد مما جعلني وكثير من الاعضاء يتشككون في من هو الكاتب .
وبما انك اقسمت بالله بانك كاتب البوست فكرا وتعبيرا ونقرا علي الكي بورد فانا شخصيا اصدقك .
|
|