Post: #1 Title: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 12:18 PM
والله يا جماعة الفيديو ده شفتو قبل 9 شهور تقريبا أيام الثورة المصرية وكان بعنوان: بداية الثورة في الإمارات والله ياخواننا مرة أضحك ومرة أهز راسي
بس الحاجة الوحيدة القلتها شنو بالله الفيديو ده لو كان في أي قبيلة سودانية شمال - شرق - غرب - جنوب العربشن ديل كانوا حيقولوا علينا شنو؟
كانوا حيقولوا ديل أفارقة متخلفين ومتوحشين ولسة عايشين في الغابة ولابسين جلود الحيوانات هسي لمن تشوفوا ضحك العرب التانين عليهم يبرروا ويقولوا: دي عاداتنا وتقاليدنا وتييييييييييييب
Post: #2 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 12:31 PM Parent: #1
شحربووووووووور شحروووووووو محروووووووووور وواحد تاني يقول: حي وووب حي ووووووب حي وووووووب
Post: #3 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 12:42 PM Parent: #2
من النت:
تفسير لهذه الأنشودة والتي سميتها: أوبريت أصوات الغابة
Post: #4 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 12:43 PM Parent: #3
ومن جريدة الخليج اسمها الندبة
الندبة فن النداء للحرب
فن الندبة من الفنون العريقة التي يؤديها أبناء منطقة الجبل المتاخمة لمنطقة النخيل وكان في الماضي يمثل نداء للحرب، فإذا بدأ الندب تجمع الأفراد عند سماع الصرخة التقليدية المعروضة لدى أبناء المنطقة.
ويقام فن الندبة عند تناول الطعام وتقديم الشكر لصاحب الدعوة على حسن الضيافة وخاصة بعد كسر رأس الذبيحة في الوليمة إذ يكونون قد فرغوا من تناول وليمتهم ووقفوا دائرة، ويبدأ النديب برفع إحدى يديه ووضعها حول رأسه حتى تصل الكف الى الأذن اليسرى ويتحكم في الصراخ الذي يؤدي أثناء الندبة بما يشبه عويل الذئاب بشتده وحركته ذاكراً خلالها الأهازيج المعبرة عن الانتماء وتبدأ المجموعة بالانضمام إليه. وتتكون المجموعة على شكل دائرة يحيطون بالنديب ويرددون وراءه وتسمى المجموعة ب “الكبكوب”.
ودخلة المعرس واحدة من الفنون المعروفة عند أهل منطقة النخيل ويمارس في مناسبات الأعراس خاصة، فحينما ينتهي الضيوف من تناول وليمة العشاء ينادي أصحاب العرس جميع ضيوفهم من القبائل الحاضرة للعرس ويدعونهم للمشاركة في حفل مصاحبة العريس الى بيت الزوجية “الزفة” ويؤدون فنوناً مختلفة خلال الزفة أهمها الندبة والشلة.
للمصدر جريدة الخليج
Post: #5 Title: Re: أغرب فيديو من بلاد العربشن .. لن تصدق عينيك ولا أذنيك Author: مصطفى توفيق Date: 10-03-2011, 12:43 PM Parent: #2
يا اخوانا خلى عندكم شوية ثقافة دى واحدة من عادات الزواج عند احدى قبائل بالامارات زى الهداى فى السودان وكل ناس عندهم عاداتهم الضحك والسخرية فى شنو ؟
Post: #6 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 01:29 PM Parent: #5
Quote: يا اخوانا خلى عندكم شوية ثقافة دى واحدة من عادات الزواج عند احدى قبائل بالامارات زى الهداى فى السودان وكل ناس عندهم عاداتهم الضحك والسخرية فى شنو ؟
ياخي تخ الثقافة ما عندك انتا براك ^_^ الفيديو فعلا مضحك شئت أم أبيت بعدين أنا قصدي من الكلام ده كلو قلتو فوق هنا:
Quote: بالله الفيديو ده لو كان في أي قبيلة سودانية شمال - شرق - غرب - جنوب العربشن ديل كانوا حيقولوا علينا شنو؟ كانوا حيقولوا ديل أفارقة متخلفين ومتوحشين ولسة عايشين في الغابة ولابسين جلود الحيوانات
Post: #7 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد زكريا Date: 10-03-2011, 01:59 PM Parent: #6
سلام ياصاحب البوست الفيديو تم اكتشافه فى بداية هذا العام واليك الرابط دقون وسلاح و ده شنو ده؟ حدى يشرح من غير ضحك (فيديو عجيب) وتمت الارشفه بعد مداخله ملهلبه من الداعيه الى سودنه الجذور السودانيه والتمسك بها للتتفرع فى كل مناحى حياتنا الثقافيه , الفكريه, الاثنيه الخ
والذى اتفق معه تماماً ما عدا فيما يختص بالنسب الى العباس
Quote: Quote: بشاشا منابو..إر وايبونا
دقر انبلو!
او بي لغة العجم:
سلام يامكي:
اذن برضك بتقول هذا الضرب ده من الغناء عربي او ده ماصحيح اطلاقا.
الصاح كقاعدة اننا نفترض اصل سوداني لمعظم اوجه الثقافة العربية، وليس العكس كما هو متداول اليوم.
بحكم الاستلاب كل شئ في حياتنا بتفسر باعتبارو اصلا عربي، وهذه جريمة!
Post: #8 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 02:37 PM Parent: #7
حياك الله يا ود زكريا وشكرا على رفد البوست بالبوست القديم
بالله نحنا طلعنا الطيرة والعرب هم الجناح قااادر الله ... انا كنت قايل العكس ^___^
تحياتي
Post: #9 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد مكى محمد Date: 10-03-2011, 03:16 PM Parent: #8
الاخ محمد جلال تحياتى فن الغناء فى الفيديو أعلاه هو من بلاد الاسكيمو ,وهو ايضا خاص بالنساء( أغانى البنات),وهو مشابه لما أوردته و لألجرارى السودانى.
...................................... مورتون ازيك ,آسف انى لم اواصل النقاش فى البوست السابق
Post: #10 Title: Re: أغرب فيديو من بلاد العربشن .. لن تصدق عينيك ولا أذنيك Author: محمد جلال عبدالله Date: 10-03-2011, 04:15 PM Parent: #9
الأخ/ محمد المكي .. حياك الله والله تعرف حق ناس اللسكيمو ديل أخير منو حق العربشن الفوق على الأقل بتفهم منو كلمة كلمتين أما ده ما سمعت غير أصوات حيوانات - لا مؤاخذة ^__^