Post: #1
Title: سؤال الى خبراء الفيسبوك .....هل توجد سرقات وفيروسات؟
Author: محمد زكريا
Date: 10-03-2011, 10:52 AM
وانا بتصفح نكت لى من تحت مربع صغير بتاع الشات
طبعاً ما اتخلعت لانى متعود كل ما اخش الفيسبوك بيطلع لى صديق ويقول سلام وتلقى شبابيك الشات بتطلع بق بق بق بق
واقعد ارد على كل واحد وين يا......سلام يا...سلامات .....شنو يا.......الخ
وبكون فرحان وانا قدامى شله كل مره تسمع بيب بيب بيب بيب من الكمبيوتر
اتاريهم بيردوا على واحد واحد وين يا......سلام يا...سلامات .....شنو يا.......الخ
وارد على كل واحد والله ياهو ياخ.......والله قااااااااااعد......الجرى وبس
الصراحه بعد مرات بقوم بعمل نفسى اوفلاين مع انى بكون قااااااااااااااعد عشان اقراء كلام ولا اعاين فى صور وبس وما عندى مزاج اكتب
اها النوريكم الحصل لى شنو الليله
|
Post: #2
Title: Re: سؤال الى خبراء الفيسبوك .....هل توجد سرقات وفيروسات؟
Author: محمد زكريا
Date: 10-03-2011, 11:01 AM
Parent: #1
وانا بتصفح فى الفيس كالعاده اونلاين تسمع بق طلع لى شباك الشات
اها ده صاحبى فلان ده
وطوالى لقيتوا كاتب هههه
وبعديها خاتى رابط
اها الفار بدا يلعب فى عبى اصل اللنك شكله كده مش ولا بد
قبل ما اخش فى الرابط رديت عليهو
فيروسات؟ ده شنو وانت منو وليه ياخ تعمل كده؟
بعد شويتين رد على (لا والله
الجهاز فيبهو فايروس بيرسل براهو والله
طبعا من غير المعقول انى ارسل لنك زى دا
مكرر العزر
ماشى بيهو ناو للصيانة )
رديت عليه
مافى مشكله بس اعمل حسابك فى ناس بتبوظ ليهم كتير وانا حاولت اتصل عليك الان هل غيرت رقم تلفونك؟
وطبعاً صديقى لحدى هسه ما رد على
اها يا الخبراء ده نسميهو شنو؟ ولا الحاصل شنو بالظبط؟
|
Post: #4
Title: Re: سؤال الى خبراء الفيسبوك .....هل توجد سرقات وفيروسات؟
Author: قاسم المهداوى
Date: 10-03-2011, 11:15 AM
Parent: #2
سلاااام يا مورتون
كيف انت
Quote: فيروسات؟ ده شنو وانت منو وليه ياخ تعمل كده؟
بعد شويتين رد على (لا والله
الجهاز فيبهو فايروس بيرسل براهو والله
طبعا من غير المعقول انى ارسل لنك زى دا
مكرر العزر
ماشى بيهو ناو للصيانة )
رديت عليه
مافى مشكله بس اعمل حسابك فى ناس بتبوظ ليهم كتير وانا حاولت اتصل عليك الان هل غيرت رقم تلفونك؟
وطبعاً صديقى لحدى هسه ما رد على |
صدقنى الجهاز ضاربو فايروس
جد من غير المممكن واللا معقول انى ارسل لنك غير لائق
كن بخير
قاسم المهداوى
|
Post: #5
Title: Re: سؤال الى خبراء الفيسبوك .....هل توجد سرقات وفيروسات؟
Author: محمد زكريا
Date: 10-03-2011, 11:17 AM
Parent: #2
واصدقاء اخرين كلامهم ما ياهو البعرفو ومتعود عليه
يكون سرقوهم؟
يعنى سرقوا حسابهم فى الفيسبوك؟
يعنى ممكن تحصل؟ كيف؟
انتوا المنبر ده مافيها خبير فيسبوك ولا شنو؟
الحقونى باى خبير طيب
=============
بس ما يكون بيؤيد الكيزان
|
Post: #3
Title: Re: سؤال الى خبراء الفيسبوك .....هل توجد سرقات وفيروسات؟
Author: ناصر احمد الامين
Date: 10-03-2011, 11:15 AM
Parent: #1
مورتون اعمل حسابك
و الله الفيس بوك دا اخلاقو بقت كعبة خلاص
دا كلو كوم و الحركة القاعد يعملها اليومين دي كوم تاني
برسل لينكات فيها مواقع اباحية بي اسمك لي اصحابك
غايتو بقينا قاعدين و لابدين و متوقعين.
| Quote: الصراحه بعد مرات بقوم بعمل نفسى اوفلاين مع انى بكون قااااااااااااااعد |
افيدون ياخي .. تلبدوا براكم ؟؟ التكنيك بتاع الحتة .. في الخاص بي غادي!!
|
Post: #7
Title: Re: سؤال الى خبراء الفيسبوك .....هل توجد سرقات وفيروسات؟
Author: عمار محمد ادريس
Date: 10-03-2011, 04:13 PM
Parent: #3
نعم فى فيروسات بترسل روابط على الشات
وفى فيروسات بترسل روابط على الايميل
وفى روابط بترسل الملفات المؤقته العلى جهازك لى حتااات معينه
كل دا
وكل دا ممكن
انت العليك تتاكد من الرابط قبل تخش عليهو ان رابط سليم ابسط شئ تتابع امتدادو
وتانى شوف ليك برنامج حماية قوى عشان ما تخاف تانى وتخش اى مكان بقلب قوى
|
Post: #8
Title: Re: سؤال الى خبراء الفيسبوك .....هل توجد سرقات وفيروسات؟
Author: صلاح غريبة
Date: 10-03-2011, 04:38 PM
Parent: #7
الايام دي في مشكلة في الفيس بوك وتعرف بالثغرات الامنية
والجماعة في الفيس بوك بعالجوها
اما عن الروابط مع اي كلام في الشات فالنصيحة عدم فتحه
حتى ولو كان برنامج ترجمة كما ظهر في الايام الماضية
اكبر ثغرة الايام دي هي ان ادمن اي قروب بسهولة يجد نفسه ابعد من
الاشراف على قروبه
من قبل اي ادمن اخر
بما في ذلك مؤسس القروب
فالنصيحة كالتالي :
لمجة مؤقتة قم بصفتك مؤسس لاي قروب
باللغاء كل من معك من الادمن الى ان تعالج المشكلة من قبل الفيس بوك
او ما تراه مناسبا
|
Post: #9
Title: Re: سؤال الى خبراء الفيسبوك .....هل توجد سرقات وفيروسات؟
Author: محمد زكريا
Date: 10-09-2011, 08:46 PM
Parent: #8
والله يا شباب زى الورد اتحفتونا ومشكورين
برجع ليكم
|
|