Post: #1
Title: الهلال للمباراة النهائية
Author: معتصم الجمري
Date: 10-02-2011, 08:38 PM
Parent: #0
يا اخوانا مافي مشكلة .. انيمبا حا يغلب الوداد في نيجيريا والهلال يتأهل للنهائي ...
ههههههههههههههههههههههه
يا شماتة ابله طاظة فينا
كاااااااااااااااااااااااك
اها يا هيثم مصطفي .. الاعتزال ولا الاستمرار
دي حكاية ذكرتني زمان نحن كنا بنلعب في الدوري .. كان عندنا مباراة مهمة في الدوري .. احد الاداريين قبل المباراة قال لينا يا اخوانا الفكي قال لازم نطلع من النادي بالحيطة . . وجنس نطيط .. كلنا حتى الاداريين نطو بالحيطة استجابة لكلام الفكي عشان نغلب ...
اها ادونا اثنين صفر .. ورجعنا نجر اذيال الهزيمة .. وسألنا صاحبنا بتاع الفكي قلنا ليهو اها يا ريس الباب ولا الحيطة .. الراجل من الزعل قال لينا خشوا بالسماء... هههههههههههه
اها ناس الهلال ديل حا يخشوا تونس كيف ؟؟؟؟؟ الله يستر من نط الحيطة والبهدلة
|
Post: #2
Title: Re: الهلال للمباراة النهائية
Author: ahmed khidir
Date: 10-03-2011, 03:08 AM
معتصم سلامات
تكونوا نطيطوا بي الاتجاه الغلط
الفرق شاسع وكبير بينا والتوانسه بالاضافه لي مدرب يفتقد الي ابجديات التدريب
بكره العاوزين يبيعوا جرايدهم يقولوا ليك ومازال الامل قائم
الله يكون في عون الجمهور المغلوب علي امره .
|
Post: #3
Title: Re: الهلال للمباراة النهائية
Author: صديق الموج
Date: 10-03-2011, 03:12 AM
Parent: #2
البمشى صحبة راكب مابشيل كأس
مثل فينيغى
|
Post: #4
Title: Re: الهلال للمباراة النهائية
Author: عبدالله ابوشوارب
Date: 10-03-2011, 03:49 AM
Parent: #3
رغم مرارة الهزيمة والمظهر الهزيل للهلال اليوم
لكن لا يزال الامل قائما
كم من مرة انهزم الهلال باكثر من هدف وقلب الطاولة علي خصومه
وما الزمالك والاهلي ونساروا والترجي نفسه
وحتي مازيمبي عندما انتصر علي الهلال في نفس هذا الدور في امدرمان 5-2
الم يقلب عليه الهلال الطاولة ويهزمه بملعبه اثنين صفر
الاستسلام يقود للهزائم التأريخية وكرة القدم لا تعرف المستحيل والامثلة كثيرة
|
Post: #5
Title: Re: الهلال للمباراة النهائية
Author: omer osman
Date: 10-03-2011, 05:10 AM
Parent: #4
| Quote: اها ادونا اثنين صفر .. ورجعنا نجر اذيال الهزيمة .. وسألنا صاحبنا بتاع الفكي قلنا ليهو اها يا ريس الباب ولا الحيطة .. الراجل من الزعل قال لينا خشوا بالسماء... هههههههههههه |
هههههههههههههههههههههههههههه
قوية والله ياجمري ............ 
ــــــــــــــــــــــــــــــــــــــــــــــــــــــــــــ
* بالمناسبة لمن لايعرفون (معتصم الجمري) صاحب البوست هو من احرف
اللعيبة الذين شاهدتهم في السودان وكان مكانه الطبيعي نص فريق الهلال
لكنه السودان !!!!!!!!!!!!
|
Post: #6
Title: Re: الهلال للمباراة النهائية
Author: Hassan Senada
Date: 10-03-2011, 05:18 AM
Parent: #5
والعجب كلام ميشو امدرمان ليس نزهة لفريق التونسى بل نزهة فوز وفرح وكل شى
|
Post: #7
Title: Re: الهلال للمباراة النهائية
Author: معاوية محمد الحسن
Date: 10-03-2011, 05:47 AM
Parent: #6
معتصم
تحياتي
ماحدث نهاية طبيعية لفريق أعتمد على التحكيم فى كل شى وحتى فى مباريات الممتاز
وماحادثة المعز مع لاعب أهلى شندي ببعيدة عن الأذهان
معقولة عاوزين يغلبوا الترجي ياسامة التعاون وخليفة واتير توماس وامير الربيع
والله ديل لو انا بائع الكورة ما اشركهم فيها
|
Post: #10
Title: Re: الهلال للمباراة النهائية
Author: معتصم الجمري
Date: 10-04-2011, 02:13 AM
Parent: #6
والعجب كلام ميشو امدرمان ليس نزهة لفريق التونسى بل نزهة فوز وفرح وكل شى
الاخ / حسن سنادة
شكرا لمرورك .. ياخي اخونا ميشو ده في وادي والهلال في وادي تاني
احسن حاجة يركبوهو التونسية
|
Post: #14
Title: Re: الهلال للمباراة النهائية
Author: معتصم الجمري
Date: 10-06-2011, 00:55 AM
Parent: #4
كم من مرة انهزم الهلال باكثر من هدف وقلب الطاولة علي خصومه
ــ يقلب الطاولة ــ ياخي الهلال ده لاعب في ميدان ولا قهوة
ابوشوارب .. التحية لك .. والتهنئة بثقة الجالية وتوليكم مسئولية الادارة المالية للجالية السودانية بمنطقة واشنطن ..
انت اهل لذلك .. وبالتوفيق
|
Post: #9
Title: Re: الهلال للمباراة النهائية
Author: معتصم الجمري
Date: 10-03-2011, 11:59 PM
Parent: #3
الاستاذ / صديق الموج .... تحايا واشواق
نحن اسياد الكورة .. ومافي زينا
مثل رياضي سوداني
|
Post: #8
Title: Re: الهلال للمباراة النهائية
Author: معتصم الجمري
Date: 10-03-2011, 11:50 PM
Parent: #2
احمد خضر ... لك التحية
كلامك في محلو .. نحن مفروض نعرف حجمنا عشان نعمل على اساسو
الامور محتاجة لاعادة نظر من كل النواحي .. خاصة ناس الجرايد
|
Post: #11
Title: Re: الهلال للمباراة النهائية
Author: nazar hussien
Date: 10-04-2011, 06:00 AM
Parent: #8
Quote:
الامور محتاجة لاعادة نظر من كل النواحي .. خاصة ناس الجراي |
الاكل والشراب زاتو داخلات في النواحي دي...
ناس الترجي سمااااان ونشاط...وناسنا ضعاف
وكحيانين...
هم هرموا...ولقوا...ونحن هرمنا وماشين جعانين
|
Post: #12
Title: Re: الهلال للمباراة النهائية
Author: وليد عبد اللطيف
Date: 10-04-2011, 07:13 AM
Parent: #11
Quote:
* بالمناسبة لمن لايعرفون (معتصم الجمري) صاحب البوست هو من احرف
اللعيبة الذين شاهدتهم في السودان وكان مكانه الطبيعي نص فريق الهلال
لكنه السودان !!!!!!!!!!!! |
لم تنصفة ياعمر جنابو
الجمري عميد الكباتن
في بداياته مكانه الطبيعي غير السودان
ولكن في نهاياته كما ذكرت مكانه الطبيعي هلال السودان
احكي ليك زمان ونحنا صغار وشفع بندرس في جماعة القاهرة فرع الخرطوم قرب استاد الخرطوم
يكون باقي نصف ساعة او تلت ساعة لنهاية المباراة نقول خلاص وقت الجمري جا
ونمشي الاستاد تعال شوف بعد داك المتعة الجمري كان يلعب بالنوته
اخخخخخخخخخ ياجمرينا
.
.
ياجنابو لكن صاحبك الجمري قال تحصل ليهو على (ركبه) من تشليح ( امريكا )
يعني ممكن يرجع تاني يلعب بعد الحال المايل لفريقة الهلال
|
Post: #13
Title: Re: الهلال للمباراة النهائية
Author: الحاج حمد الحاج
Date: 10-04-2011, 08:31 AM
Parent: #12
| Quote: كم من مرة انهزم الهلال باكثر من هدف وقلب الطاولة علي خصومه |
غايتو قلب الطاولة على خصومه دي لذيذة جدا.. لاعبين كوشتينة
الغلب خلاكم بقيتو أدباء..
|
Post: #15
Title: Re: الهلال للمباراة النهائية
Author: معتصم الجمري
Date: 10-06-2011, 01:05 AM
Parent: #13
Quote: الاكل والشراب زاتو داخلات في النواحي دي...
|
يا نزار .. نحن ويكتنا دي مزلقانا طوالي للمؤخرة
ياخي الجماعة عاملين اضراب من اللحمة ..
اها يا نزار .. لا محمر لا مشمر
خخخخخخخخخخخخخ
|
Post: #16
Title: Re: الهلال للمباراة النهائية
Author: معتصم الجمري
Date: 10-06-2011, 01:27 AM
Parent: #15
Quote: مكانه الطبيعي نص فريق الهلال
|
.. ياخي لو كنت في نص الجماعة ديل كان حياتي كلها نطيط حيط
الصفوة ... جنابو عمر
حليل ايام زمان الميدان يا كمندان
|
Post: #17
Title: Re: الهلال للمباراة النهائية
Author: معتصم الجمري
Date: 10-06-2011, 01:53 AM
Parent: #12
| Quote: يكون باقي نصف ساعة او تلت ساعة لنهاية المباراة نقول خلاص وقت الجمري جا |
هههههههههههه
الاخ الحبيب الحريف .. وليد بحري
حقيقة يا وليد ....انا اخر ايامي في النادي اتفقت مع إدارة النادي اني ما العب الا لمن الشمس تنزل خاصة والدوري كان في الصيف الشمس الحارة
Quote: ياجنابو لكن صاحبك الجمري قال تحصل ليهو على (ركبه) من تشليح ( امريكا )
|
يا وليد .. انا غيرت ركبة امريكية جديدة لنج ( اصلية ) ...
هلال شنو يا وليد ... انا بفكر في برشلونة مع ميسي وانيستا وشافي والجمري ... شوف القافية دي ماشة معاي كيف ....
واكون لاعب ضد ريال مدريد ويكون صاحبك كرستيانو رونالدو زااااااااااااتو مكلف بمراقبتي .. وما يقدر .....
هههههههههههههههههههههه
وتحياتي ... ونلتقي
|
Post: #18
Title: Re: الهلال للمباراة النهائية
Author: عاطف نورالهدى الطاهر
Date: 10-06-2011, 02:38 AM
Parent: #17
الاخ الحريف اللعاب والمنقطه ودالجمري.. مشتاقون.
اول مره اكون مرتاح لهزيمه الهلال 1\0 ، ده حدنا في الكوره المربع الذهبى وبس
فريق الهلال من اضعف الفرق التي تاهلت لدور الاربعه،فريق ينقصه الكثير في التكتيك الفنى
وللاسف لم نستفيد من الاخ طارق احمدادم في توجيه دفاع الهلال،دفاع غير منسجم ويقف في خط مستقيم
وينضرب بي باص واحد، اما حارس المرمه حدث ولاحرج والنص لافي صينيه، وين خطه الضغط علي الخصم،
والهجمه المرتده، وويين وين وين، والنجيضه الهلال وصل المربع الذهبي عن طريق الحظ ، نكون واقعيين ياجمري
من حقك تحلم وتأمل وتتفائل لكن واقع الكرة اليوم لا يعرف ملعبك اوملعبنامن يبزل الجهد مع التكتيك يستحق الفوز
الترجي فريق مكتمل الخطوط ويلعب الكره بتكتيك ونفس سناريوا الهلال حصل في مصر مع الاهلي وفي الجزائر مع مولوديه الجزائر
وفي المغرب مع الوداد.. لكن الهلال يتاهل من تونس للمباره النهائيه ولا في الاحلام..
|
Post: #19
Title: Re: الهلال للمباراة النهائية
Author: معتصم الجمري
Date: 10-08-2011, 04:45 AM
Parent: #18
الاخ الكمندان الفهمان / عاطف عنتر .... التحايا والاشواق
Quote: فريق الهلال من اضعف الفرق التي تاهلت لدور الاربعه،فريق ينقصه الكثير في التكتيك الفنى
|
كلام في محله .. بدليل ان التأهل لدور الاربعة كان صدفة وبمساعدة انيمبا ..
Quote: ،دفاع غير منسجم ويقف في خط مستقيم
وينضرب بي باص واحد، |
اهم لاعب في الفريق هو اللاعب المحور او لاعب الارتكاز ومهمته مساعدة الدفاع وسد الثغرات وده مفقود في الهلال الان .. ولو تذكر زمان يا كمندان الهلال (هلال 87 ) كان عندو منقستو والعوني وبلاتيني وعصام غانا ( لاعبين ارتكاز ) في فترات مختلفة وكلهم كانو لاعبين يمتازو بالبنية القوية واللياقة البدنية العالية وكان للهلال اطراف دفاع مميزة ( تنقا والثعلب ) يعملوا دائما لمساعدة الهجوم ويساعد لاعبين الارتكاز منقستو والعوني في سد خاناتهم عند الهجمة المرتدة .. يعني في توازن في الفريق .. وده غير موجود الان رغم الملايييييييين المدفوعة ( بالكاش ورموا الفشفاش )
| Quote: اما حارس المرمه حدث ولاحرج والنص لافي صينيه، |
يا جنابو .. الهلال عايز فريق كامل .. يعني تصفية من جديد ..
شكرا يا عنتر للاضافة الضافية والكافية ..
|
Post: #20
Title: Re: الهلال للمباراة النهائية
Author: وليد عبد اللطيف
Date: 10-08-2011, 06:28 AM
Parent: #19
Quote: يا جنابو .. الهلال عايز فريق كامل .. يعني تصفية من جديد ..
|
كلام معلم وليس معلم الله
|
Post: #21
Title: Re: الهلال للمباراة النهائية
Author: عبدالله كع
Date: 10-08-2011, 06:39 AM
Parent: #19
معتصم الجمري .. ازيك يا حريف
الحضري وينو في القاهرة واللا الخرطوم ؟
بوست حق ناس قاعدين يتفرجو ويعاينو ليهم موسم كامل !!
وفي النهاية مشو مصر عشان يعملو اعداد مع بني سويف !!
عجبي !
وزي ما بتقولو الهلال ماشي بالبركه ..
ان شالله البركه دي زااااته حاتلحقنا
ونفطس ليك الترجي في عقر دارو
وتموتو بغيظكم
تاني تحياتي يا ابن الامتداد
|
Post: #22
Title: Re: الهلال للمباراة النهائية
Author: قيقراوي
Date: 10-08-2011, 03:52 PM
Parent: #21
Quote:
احكي ليك زمان ونحنا صغار وشفع بندرس في جماعة القاهرة فرع الخرطوم قرب استاد الخرطوم
|
الزمن داك كان جامعة القاهرة الفرع فيها روضة و لً مالو البوست دا مقلّبن كدا!؟
في شنو!؟
الهلال دا فريق كورة يعني!؟
ثم من انتم ذاتو ياخي!؟
------
سلامات لصاحب الدار
قلنا نخش نشوف (السحر) البوصل الهلال للمبارة النهائية دا كيفنو!؟
|
Post: #25
Title: Re: الهلال للمباراة النهائية
Author: معتصم الجمري
Date: 10-09-2011, 05:50 PM
Parent: #22
الاخ / قيقراوي تحياتي
المداخلة الزعلتك دي كانت عبارة عن مزحة من الصديق الحبيب وليد (مكاواة)
Quote: قلنا نخش نشوف (السحر) البوصل الهلال للمبارة النهائية دا كيفنو!؟
|
ياخي كلامي ما كلام سحرة .. لكن كلام حسرة .. فاض بينا من عمايل ادارة الهلال دي
مرورك اسعدني يا قيقراوي ...
|
Post: #23
Title: Re: الهلال للمباراة النهائية
Author: معتصم الجمري
Date: 10-08-2011, 04:38 PM
Parent: #21
الهلالي الاصيل الاخ / عبد الله كع
انا اتشرف بكوني هلالي ... لكن كلامي كان ( كلام زعل ما بقصدوا)
لكن فاض بينا وعايزين بطولة دولية والهلال يستحق هذه البطولة
Quote: وزي ما بتقولو الهلال ماشي بالبركه ..
ان شالله البركه دي زااااته حاتلحقنا
ونفطس ليك الترجي في عقر دارو |
ان شاء الله يا عبدالله البركة تكمل معانا .. والامنيات كبيرة
يموتو وليس تموتو .. للتصحيح
ههههههههههههههههه
لك التحية يا امتدادي يا اصيل
|
Post: #24
Title: Re: الهلال للمباراة النهائية
Author: أسامه الكرور
Date: 10-08-2011, 04:46 PM
Parent: #23
سلامات الجمرى
والتحايا للجميع
Quote: * بالمناسبة لمن لايعرفون (معتصم الجمري) صاحب البوست هو من احرف
اللعيبة الذين شاهدتهم في السودان وكان مكانه الطبيعي نص فريق الهلال
لكنه السودان !!!!!!!!!!!! |
يا عمر الظاهر زولك دا ما حريف شديييييييييييد
لإنو لو حريف زى ما بتقول كان مكانو الطبيعى فريق المريخ ( حتى لو كان هلالابى)
و لا شنو ؟؟؟؟؟؟؟؟؟
|
Post: #26
Title: Re: الهلال للمباراة النهائية
Author: معتصم الجمري
Date: 10-09-2011, 06:16 PM
Parent: #24
جنابو اسامه سلام
Quote: يا عمر الظاهر زولك دا ما حريف شديييييييييييد
لإنو لو حريف زى ما بتقول كان مكانو الطبيعى فريق المريخ ( حتى لو كان هلالابى)
|
معقول في زول حريف يمشي يلعب دافوري مع ناسكم ديل ....
تحياتي لك و للاصيل عمر وللاحمر الوهاج
|
Post: #27
Title: Re: الهلال للمباراة النهائية
Author: وليد عبد اللطيف
Date: 10-10-2011, 09:29 AM
Parent: #26
| Quote: ثم من انتم ذاتو ياخي!؟ |
نحنا يتاعين الليمون ياقيقا
قال ليمون بزنس قال
.
.
يجيبو ليكم سيرة الهلال تجو جارين
السحر زاتو تعب معاكم والله انتو حيرتو اي فكي في السودان
.
.
كابتن الجمري
مره الانطوان (نادي التحرير ) مشى لفكي واشتهر بذلك عشان يربط ليهو الكره
الفكي قال ليهو بس الجماعة( اللعيبة ) يساعدوني بالشوت في الزوي
قال ليهو : هم لو بشوتو في الزوي انا بجيك هنا
ههههههههههههه حقيقة بالمناسبة
|
Post: #28
Title: Re: الهلال للمباراة النهائية
Author: معتصم الجمري
Date: 10-12-2011, 00:45 AM
Parent: #27
Quote: الفكي قال ليهو بس الجماعة( اللعيبة ) يساعدوني بالشوت في الزوي
|
يا وليد .. الفكي ده كوتش نقد ولا شنو ..... ههههههههههههه
|
Post: #29
Title: Re: الهلال للمباراة النهائية
Author: وليد عبد اللطيف
Date: 10-12-2011, 08:07 AM
Parent: #28
| Quote: يا وليد .. الفكي ده كوتش نقد ولا شنو ..... ههههههههههههه |
ههههههههههه
ياجمرينا
مره نقد الكوتش معسكر بينا في مدني مع منتخب الشباب
يازول لامينا ليك وبونس فينا
قال : زمان كره القدم زول واحد بس يقعد قدام اللعيبة لابس عمه في كرسي هو الرئيس ومدير الكره والمدرب
ويقول ليهم الخطة كدا وكدا يالله قوموا العبو ا
|
Post: #30
Title: Re: الهلال للمباراة النهائية
Author: قيقراوي
Date: 10-12-2011, 08:08 AM
Parent: #28
Quote:
المداخلة الزعلتك دي كانت عبارة عن مزحة من الصديق الحبيب وليد (مكاواة)
|
لوووووووول
انا ذاتي بكاوي في وليد الرشاشة دا ياخي!
------
Quote:
يا وليد .. الفكي ده كوتش نقد ولا شنو ..... ههههههههههههه
|
هلال كوستي، عمرو ما شال كاس الدوري المحلي ..
في سنة من نهايات التمنينات، قرررررب يهبط للدرجة التانية ..
الدور الاول كلو طالع منو بصفر كبير في النقاط ..
استلمو نقد ..
شال الكأس!!
و الله صحي
لكن ما اظنو دا (عمل) نقد براو
لم ليك في الفرق السبعة مسمار، مسمار، مسمار ...
كل نتائجو كانت 1/0
هل دي صدفة!؟
|
Post: #31
Title: Re: الهلال للمباراة النهائية
Author: وليد عبد اللطيف
Date: 10-12-2011, 10:31 AM
Parent: #30
Quote:
هلال كوستي، عمرو ما شال كاس الدوري المحلي ..
في سنة من نهايات التمنينات، قرررررب يهبط للدرجة التانية ..
الدور الاول كلو طالع منو بصفر كبير في النقاط ..
|
ياقيقا
مفروض ناس كوستي ديل يكونا افضل ناس بتاعين كره في السودان على حسب الاجواء التي يتمتعون بها
احكي ليك شوية
في مره معسكرين مع نادي الاتحاد البحروي في استراحة تبيدي بكوستي (بس ماتسالني كان سنة كم )
المهم وصلنا كوستي يمين ما شفنا تراب خداااااااااار ساكت ومطره نازله
بالله جو زي ده بتاع كورة
المساء اخوك كب الزوغه من المعسكر بعد الشمشره دقشت الحلة الجديده كان زواج الفنان عمر احساس زميل الحوش
رجعت المعسكر الساعة اتنين صباحا بس لاني كنت اصغر واحد في المعسكر قلت احترم الناس الكبار
باقي اللاعبين رجعوا سته صباحا وبعدهم دخل رئيس البعثة
لسه مانمنا قالو تمرين الصباح برضو امطار وجو رهيب وعجيب (الحمد لله اني زول بتاع كورة بس )
اجواء رومانسية اقول ليك احدي مارجعنا ماشفنا تراب ولا شمس
المهم لعبنا الكورة الاولى ضد مريخ كوستي
المباراه الثانية قالو ضد الرابطة
اها هنا العوجة ذاتها قالو ناس الرابطة ديل بقعوا ضرب في الخصم حتى في الجمهور والحكم ذاتو
قلت ليهم ياجماعة الكورة دي اعفوني منها انا تعبان
انا مالي ومال كدا ياخي ديل قالو قبل كدا سكوا حرامي لمن تعب ووقف ليهم وطالب بالنجده
Quote:
استلمو نقد ..
شال الكأس!!
و الله صحي |
نقد ياقيقا مدرب قدير ومتمكن ولكن دائما يسرقون مجهودة
ومنتخب الشباب الذي سافر الى ايطاليا من تكوينه ورعايته
وسبق فاز بكاس دورة تقريبا في ابوظبي برضو مع منتخب الشباب
المدرب نقد راجل فاكهة ياقيقا غير انه دربنا في المنتخب تربطنا معه صلة قرابة
في يوم قال لي نوديك هلال كوستي
قلت ليهو الهلال جنب بيتنا امشي هلال كوستي ههههههههه
كوستي حللللللللللللوة ياقيقا
من طرايف نقد الكوتش الكروية
مره مسك ليك فريق التاج ام درمان جهجه ليك الهلال
قال ناس التاج تمام لكن بعد المباراه شالوني هتفو بي وسرقوا محفظتي
Quote: انا ذاتي بكاوي في وليد الرشاشة دا ياخي
|
اصحى وفوق ياقيقا وللا اجيب ليك ليمون بزنس
|
Post: #32
Title: Re: الهلال للمباراة النهائية
Author: Magdi Algorashi
Date: 10-12-2011, 11:14 PM
Parent: #31
الاخ الصديق الحبوب
الرشاشة
معتصم الجمري
تحياتي وسلامي وكيف الوليدات علهم بخير
(ياغائب عن العين انت موجود ..............)
نرجعك للذاكرة شوية
الحضور طارق الكعيك, سامي قرجاج ,حيدر النورس ,عزالدين عبدالوهاب, وسعدوداعة
استاد الخرطوم هلال عباسية كورة عصر
قون جلال كادقلي من نص السنتر
الحكم شمس المعارف كان جديد لنج
تعليق واحد من المريخاب بعد ظلم الحسن والحسين لفريق العباسية
(..................دي داير اخليها ليك ) كمية كانت من الضحك
ولما اذكرتها يامعتصم الرجاء الاتصال .
|
Post: #33
Title: Re: الهلال للمباراة النهائية
Author: وليد عبد اللطيف
Date: 10-13-2011, 07:14 AM
Parent: #32
| Quote: الحضور طارق الكعيك, سامي قرجاج ,حيدر النورس ,عزالدين عبدالوهاب, وسعدوداعة |
كان زمان اسمو طارق الكعيك
الان اسمو ( طارق ابوصلعة )
تحياتي
|
Post: #34
Title: Re: الهلال للمباراة النهائية
Author: Magdi Algorashi
Date: 10-13-2011, 06:20 PM
Parent: #33
Quote: Quote: [كان زمان اسمو طارق الكعيك
الان اسمو ( طارق ابوصلعة )
|
وليد سلام
صاحبك دا الصلعة دي من ايام فريق جلاس
وايام الليق الجميلة.
والله ايام يازمان
|
Post: #35
Title: Re: الهلال للمباراة النهائية
Author: Abdulrahman Gorashi
Date: 10-13-2011, 06:36 PM
Parent: #34
اسع مادام أنتو كلكم مريخاب وشغالين ونسة تقيلة فيما بينكم مالكم فاتحين بوست باسم الهلال، عليكم الله قلة الشغلة دي كيف.
تاريهو الهلال داخل فيكم كدة، خلونا في حالنا، عندكم كرة اليوم أمشو افتحو ليها بوست ،
|
Post: #36
Title: Re: الهلال للمباراة النهائية
Author: Magdi Algorashi
Date: 10-13-2011, 07:32 PM
Parent: #35
Quote: اسع مادام أنتو كلكم مريخاب وشغالين ونسة تقيلة فيما بينكم مالكم فاتحين بوست باسم الهلال، عليكم الله قلة الشغلة دي كيف.
تاريهو الهلال داخل فيكم كدة، خلونا في حالنا، عندكم كرة اليوم أمشو افتحو ليها بوست ، |
سلام عبدول
شفت الونسة حدها متين انت عارف وانا عارف !!!!
في انتظار التونسية
ربنا ادينا في مرادنا
ودي
|
Post: #38
Title: Re: الهلال للمباراة النهائية
Author: معتصم الجمري
Date: 10-17-2011, 02:56 AM
Parent: #35
السلام عليكم يا اصيل
| Quote: اسع مادام أنتو كلكم مريخاب وشغالين ونسة تقيلة فيما بينكم مالكم فاتحين بوست باسم الهلال |
يا عبدالرحمن يا خوي انا هلالاااااااااااااااااااابي .. على السيف كمان مش على السكين
لكن نعمل شنو لي ناسنا ديل ... اها ركبونا التونسية
انا عارف ناس مجدي قرشي ديل لو الهلال ده شال كاس ابطال افريقيا حا يجيهم سكري وضغط وعمي اللوان .. وما حا يعرفوا الهلال من المريخ
عشان كده .. نحن ما عايزين الكاس حفاظا على صحتهم ..... هههههههههههه
|
Post: #37
Title: Re: الهلال للمباراة النهائية
Author: معتصم الجمري
Date: 10-14-2011, 03:16 AM
Parent: #32
اووووووووووووه .. الاخ والصديق والزميل مجدي قرشي
ياخي مشتاقيييييييييييييين بالملاييييييييييييييييييين
كيفك وكيف اسرتك الكريمة
Quote: الحضور طارق الكعيك, سامي قرجاج ,حيدر النورس ,عزالدين عبدالوهاب, وسعدوداعة
|
يا سلالالالالالالالالالالالالالام .. اسماء رائعة .. احلى الذكريات ( ذكريات صادقة وجميلة ) وبنقول حليله
لكن اسماء قدييييييييييييمة زي الاسماء دي .. ( بشارة وسانتو وكوري والدحيش وحافظ عبيد وجكسا )
ياخي ديل نكتهم من وين ... ههههههههههه ... لهم الحب والتقدير والاحترام
نلتقي
|
|
|