ال ثفن أأب دي ثمح ثماحة ثُكرو كتير خلاث ( بوست مغلق ليوم غد )

وربنا يستر من يوم بكرة يا أهلة .

بس الدعوات ليوم بكرة ليحلق اسم الهلال والسودان عالياً .

المدير الفني للترجي صرح بأنهم يعرفون الهلال جيداً علي ارضه وبين جمهوره

ولكن هل يعرف ميشو كل شئ عن الترجي ؟؟؟؟

أذن هي الدعوات بالتوفيق .

رشا
الظاهر خوازيق البلد زادت في غيبتنا الطوعية


عموماً مرحب بيك في دار بكري

Quote: أذن هي الدعوات بالتوفيق .

وحدها لاتكفي ..لابد من بذل الجهد

والتوفيق من عند الله

الليلة لقيت واحدة صحبتي مريخابية ( صفوة ) , قبل ما تسلم علي قالت لي رررررررررررررشا الليلة الكورة ,

قلتا ليها نحنا مستنين عشان مستنين , طيب انتي مريخابية مستنية شنو ؟؟؟؟؟؟؟؟؟ غايتو قالت لي بفرح ليكم كان فزتو .

Quote: رشا الظاهر خوازيق البلد زادت في غيبتنا الطوعية عموماً مرحب بيك في دار بكري

القرضابي

معليش اذا كنت لا استطيع الرد علي السطر الاول اعلاه , فقط لاني لا افهمه .
وعموماً ايضاً شكراً علي الترحيب في دار بكري .



ادريس علم الهدي :

شكراً لك . الجهد + الدعوات = التوفيق

مشُروب السفن أأب , هو كل ما كان تُمني به ابنة اختي الصغيرة نفسها من احد افراد أسرتي الهلالاب عقب فوز الهلال في اي مباراة .

لم اكن أسال نفسي ابداُ لماذا تحب هي هذا المشروب تحديداً , واحياناً اخري كنت اجد لها الاجابة من نفسي باعتبار انه عند الاطفال عادتاً الممنوع مرغوب , اذ ان كثير من الامهات لا تُفضلن شراب اطفالهن للمشروبات الغازية .

ذات يوم سألتها عن سر حبها لهذا السفن أأب , فجأتني الاجابة تماماً كما عنونت البوست .

ليست معي هي الآن ولكني تذكرتها جداً لحساسية مباراة اليوم .

رشا
أولاً حباابك في الحوش، رغم إنها متأخره بسبب غيابي
ثم
بعد السينات البقن ثاءات في العنوان والفي بين القوسين جات أصيله قلبي أكلني وقلتا دا فالاً مويا، كجه يا عملاتن، ويانا المقبورين في مقبرتنا
لاكين بعد قريت دي

Quote: ذات يوم سألتها عن سر حبها لهذا السفن أأب , فجأتني الاجابة تماماً كما عنونت البوست .

شعرة جلدي رقدت
و
عاش الهلال عظيماً دائماً
رغم أنف جنابو وابن دياب

المطرطش

Quote: بعد السينات البقن ثاءات في العنوان والفي بين القوسين جات أصيله قلبي أكلني وقلتا دا فالاً مويا، كجه يا عملاتن، ويانا المقبورين في مقبرتنا

اهلاً بك الاخ محمد , واعذرني ان حمل عنوان البوست لك ما اسلفت , ولكني جد تذكرتها وكلامها الجميل واتفاءل خيراً ان شاء الله بأن يحقق الهلال ما نتمناه جميعاً .

بس أن شاء الله ينستر المعز معانا زي حارس انيمبا بالامس , فلولاه لنتهت المباراة ( انيمبا / الؤداد ) بتيجة اكبر من تلك .

Quote: واعذرني ان حمل عنوان البوست لك ما اسلفت

برلومه صِح صِح
شويّي شويتين حا تعرفي طرطشتي الببي صحها وصفاها
ووكتا حا تطالبيني بالإعتذار ليكي

ياا
الإنتي ما إنتتي

-
ما لاقي من الرشاشاات غيرك الآن
كدي أدينا رابط نشوبو االكوره

دي كلام شنو دي بس ؟
جد جد دي كلام شنو ؟
لسة الكورة ما بدت واللعيبة بتسخن , القووون جاء .

غايتو انا ما بعرف اتكلم في النواحي الفنية ولا شئ , لكن افتكر مشكلة الهلال دي واضحة واضحة واضحة زي شمس الصيف الحار الشديد والشمسُ مشرقة.

القووون والشبكة حقتنا كاااااااااااشفة في اغلب الآحيان
وفي اغلب الآحيان برضو مافي زول يشيل و يوصل الكورة دي في قلب شبكة الفريق الخصم .

وكمان لعيبة الدفاع ديل شغالين فراجة بس .


والله اعلم .

وغايتو الله في

Quote: برلومه صِح صِح

شكراً محمد علي اثبات برلمتي .

اذن : فهو المطلوب اثباته .





غايتو كان اتعادلنا ولا ما اتعادلنا
الترجي دي ولا بخوف ولا شئ .

انتهت المبارة :

فاز الترجي وانهزم الهلال .

كمباراة في ربع نهائي فهي دون المستوي من الفرقتين .

كرة القدم لا تعرف التكهنات , ولكني اُرشح انيمبا والوداد للنهائي .

عني ففرحانة فرحانة فرحانة


لكن طبعاً فرح الكضب كضب داك

Quote: ولكني اُرشح انيمبا والوداد للنهائي

الا نهائي مبكر غايتو

Quote: الا نهائي مبكر غايتو

شكراً القرضابي .

فعلاً هو ما قصدته , بذكر انيمبا والوداد للنهائي , لاري اولاً فقط اول المتداخلين تعجباً .

شكراُ لك .

و ثانياً و بطريقة اوضح مباراة انيمبا والوداد القادمة تستحق ان تكون النهائي , بالنسبة لي لا الترجي ولا الهلال يستحقان الوصول للمباراة النهائية مقارنة بفريقين الامس .

اتير توماس دي ما نافع بي تعريفة .

والما نافعين كُتار لكن بي تعريفات ما كُتار .


وغايتو


الله في

بالامس علي قناة الجزيرة الرياضية , بعد المباراة المدير الفني للترجي , اظنه اسمه نبيل ( ما بهتما للاسماء كتير انا ) قال شنو :

قال نحنا جينا من تونس ( بالتونسية طبعاُ , دي ما قالا النصيحة لي الله ) وكنا عارفين عايزين شنو , نحرز هدف في الدقائق الاولي من المباراة . وفعلاً احرزوا هدف لكن مش في الدقائق الاولي ولكن الدوقيقات الاولي,
يعني هم عارفين جووو لي شنو وعايزين شنوووو .

انا ( واعوذ بالله من الانا ) شايفة انو دي الفرق الاساسي والاختلاف الاساسي بين لعيبة الهلال والترجي في تلكم المباراة .

هل الجهاز الفني ولعيبة الهلال دخلوا ارضية الملعب وهم عندهم هدف معلوم يسعوا لي تنفيذه , ببساطة يعني كانوا عارفين هم عايزين شنو ؟ عن نفسي لا اعرف

علي كل لا تنفع كان ولا اخواتها الآن ولكن يظل دائماً لكل كلام بقية .

تعرض رئيس مجلس ادارة نادي الهلال الامين البرير الي وعكة طارئة عقب مباراة الامس بسبب خسارة الفريق امام الترجي بهدف في الشوط الاول اثر انفعال البرير والذي تسبب في رفع الضغط واكدت الفحوصات والاشعة سلامته وتم حجزه بالمستشفي وكان مجلس الادارة باكمله قد سجل زيارة للبرير للاطمئنان علي صحته .


المصدر : صحيفة قووون .

دي شنو يا ود البرير دي ؟ امبارح القريبة دي في بوستيني حق ارتفاع ضغط الدم , مش قلتا الناس الكُبار يبعدو عن الانفعال والشد العصبي الزائد عشان شراينهم بتكون فقدت خاصية المرونة نوعاً ما , وفي هرمونات كمان تُفرز لحظة الانفعال وتؤدي لارتفاع الضغط .

خارج النص :
رغم كان ويكون وكوناً الهلال هو الهلال , الترجي ما بخوف ولا شئ , في امل في مباراة تونس , اذا :

فقط مشو ( ما مشيو ) الجهاز الفني واللعيبة وهم عارفين عايزين شنو , زي ما التوانسة ديل جووو وهم عافين دايرين شنو في امدرمان الحارة دي .

رفع للمعنويات وكدي :

بخصوص موضوع الساعة بعد الهزيمة :


اذا فعلاً يا ود البرير ضربتا الحكم , فما في داعي تنفي الخبر , انا بقول كدي لي ؟

جد كدي ما ممكن حكاية خبر اليوم ونفيه بكرة دي , تسمع خبر وتصدقو ( لانو المؤمن صديق ) بكُريتو طوالي تسمع النفي وترجع لي اغنية حمد الريح ساقيتنا لسة مدورة , اذ ان ود البرير الليلة نفي الخبر , وكمان مجلس الرياضة والشباب قال حيكون لجنة لتقصي الحقائق حول حادثة الاعتداء علي الحكم الجزائري , فبكدي يخلوا الناس تفكر وكأنه الحادثة ما حصلت , ونرجع تاني نبدأ من الالف انو هل الحادثة حصلت فعلاً ولا لا . والصورة الشفناها دي شنو ؟؟

علي كل , اذا ود البرير ضرب الحكم , فهو غلطان غلطان غلطان غلطان وتلاتة ارباع وخمستين , لانو بصراحة الحكم دي ما سوي شئ ولا لحق يسوي شئ , اذ انو الهلال غلب نفسه برااااهو في الدوقيقات الاولي كما ذكرتا اعلاه .

وطيب نحنا الهلالاب / ات ديل مهتمين بالخبر لشنو ؟؟

لانو ما ممكن تبقي علينا هزيمة وضرب وخراب ديار .

والله في .

خلاص كملتي البكاء و جيتي ...؟؟؟؟

أها رفعتي معنوياتهم لم زادت و دفقت كمان ....

غيري للأحمر أحسن لييييييييييييييييييييييييييييييييييك .....

Quote: خلاص كملتي البكاء و جيتي ...؟؟؟؟ أها رفعتي معنوياتهم لم زادت و دفقت كمان .... غيري للأحمر أحسن لييييييييييييييييييييييييييييييييييك

ياااخ يا ابو الحسين انا مع الهلال دي زاتو دموعي كملن ( فقدتا الاحساس شكلي كدي وجاني فقد سوائل ولا شنو ما عارفة ) , غايتو قلتا استلف من بكري البنية السغنبروتية البدمع دي وقت اللزوم وارجعها ليه .

بالنسبة لرفع المعنويات فيشهد الله دي حركة ساي لانو المعنويات في الارض مع الهلال ( لكن برضو الحمدلله علي الصحة والعافية )

الاحمر دي صفوة ما بقدر عليه , مالك علي بس , خليني مع ازرقي دي .

تقبل تحياتي واحترامي فهو الاهم أكيد .


بس جد حكاية نفي الخبر دي محيرة للغاية .