Post: #1
Title: وريتـونـا لكـن !! ... (صور)
Author: حسبو عكاشة
Date: 09-29-2011, 08:55 PM
سور و نجيلة و رشاشات
كويس معاكم !!
طيب من قريب
تكلفة التأهيل (اربعة مليار و سبعمائة و ثمانية مليون) !! و شوية حرباشات ,, تأهيل بتاع (طاقيتك)
إنتو المنبر دا ما فيهو (جنايني) يجي يورينا التكلفة ممكن تكون كم ؟
:)
|
Post: #2
Title: Re: وريتـونـا لكـن !! ... (صور)
Author: Ahmed musa
Date: 09-29-2011, 08:59 PM
Parent: #1
والله ياحسبو يجي جنايني يحاول يوري التكلفة
يعتقلوه هو وشجره
بعدين ده شنو بوست الزمن الضايع ده
|
Post: #7
Title: Re: وريتـونـا لكـن !! ... (صور)
Author: حسبو عكاشة
Date: 09-30-2011, 01:07 AM
Parent: #2
استاذ احمد موسى
تفتكر الساحة الخضراء دي حتبقى متنفس ذي حدائق "حبيبي مفلس" !! ولا مقفولة للرقيص بس !!
---
باسط المكي, شكرا على المرور
---
عبدالحميد حسين, Quote: هاك فى الأول ياستاذ وقبل ما يجيك المحاسب ...
حد قال وثبة ... |
شكرا على المعلومة
---
أبو حميدQuote: ازيك يا حسبو
وين المتدربين؟؟ |
كيف احوالك يا استاذ
المتدربين ياهم الشايفهم ديل
احتمال كبير يأجرو بصات يجيبو الناس من بيوتهم ذي ايام الحشد للمسيرات
|
Post: #3
Title: Re: وريتـونـا لكـن !! ... (صور)
Author: باسط المكي
Date: 09-29-2011, 08:59 PM
Parent: #1
up
|
Post: #5
Title: Re: وريتـونـا لكـن !! ... (صور)
Author: حسبو عكاشة
Date: 09-29-2011, 09:36 PM
Parent: #3
مجسم الكعبة بالساحة الخضراء " مصنوع من الحديد, الصاج"
| Quote: اقامت وزارة التوجية والاوقاف والهيئة العامة للحج والعمرة ولاية الخرطوم مجسماً لبيت الله الحرام بقيمة 100 الف جنيه على الجزء الشرقي من الساحة الخضراء |
المصدر http://www.alsahafa.sd/details.php?articleid=34570
---
لحدي ما يجي الجنايني, شوفو لينا لحام يدينا تكلفة المجسم !!
|
Post: #4
Title: Re: وريتـونـا لكـن !! ... (صور)
Author: عبد الحميد حسين
Date: 09-29-2011, 09:30 PM
Parent: #1
هاك فى الأول ياستاذ وقبل ما يجيك المحاسب ...
حد قال وثبة ...
Quote: الاسم : عبد القادر الزين همت
اللقب : عبد القادر همت
مدير شركة وثبة للطرق و الجسور
المناصب السابقة : مدير هيئة تطوير مركز ولاية الخرطو |
|
Post: #6
Title: Re: وريتـونـا لكـن !! ... (صور)
Author: أحمد ابن عوف
Date: 09-29-2011, 09:48 PM
Parent: #4
بوست منجل (بتشديد الجيم)
ازيك يا حسبو
وين المتدربين؟؟
|
Post: #8
Title: Re: وريتـونـا لكـن !! ... (صور)
Author: معاوية عبيد الصائم
Date: 09-30-2011, 02:36 PM
Parent: #6
الشركة الفعلية للمشروع ...تخص عبد الله منسق الفساد بالباطن شقيق البشير.. ..اسمها (تكافل)
حسبو ....مورتا ..دخل اتدرب ولا جاى سااااكت
|
Post: #9
Title: Re: وريتـونـا لكـن !! ... (صور)
Author: حسبو عكاشة
Date: 09-30-2011, 05:52 PM
Parent: #8
يا معايوة :)| Quote: حسبو ....مورتا ..دخل اتدرب ولا جاى سااااكت |
مورتا بسبب عدم التدريب هسة ح يعيد العمرة بتاعتو
|
Post: #10
Title: Re: وريتـونـا لكـن !! ... (صور)
Author: Ahmed musa
Date: 09-30-2011, 06:56 PM
Parent: #9
سؤال (شبه) جادّي
قصة مجسم الكعبة ... هل صحيحة (شرعياً)
يعني ممكن زول يعمل بيت الله في بلده
ولا الخبر شنو ..؟!
|
Post: #11
Title: Re: وريتـونـا لكـن !! ... (صور)
Author: مرتضى احمد عبد القادر
Date: 09-30-2011, 09:00 PM
Parent: #10
يا حسبو أمشي جهز امورك وفتش طريقة نطلع لينا رخصة بتاعة مركز تدريب حجاج في أمدرمان ولا بحري نلحق السوق دا لو م أدوك تصديق ارسل إلي في طلب المدد وسأرسل لك جيش لاقبل لهم به من الحفتين على ظهور الافيال نرش ليهم مجسماتهم دي لمن يفهمو حاجه
الشديد دا جابو من وين الزول الفكر في موضوع المجسمات دا !! وريتونا لكن يا بني كوز وريتونا
|
Post: #12
Title: Re: وريتـونـا لكـن !! ... (صور)
Author: حمد فتح الرحمن
Date: 09-30-2011, 09:21 PM
Parent: #11
| Quote: وسأرسل لك جيش لاقبل لهم به من الحفتين |
دي الحالة ما لاقيناك لسه
|
Post: #13
Title: Re: وريتـونـا لكـن !! ... (صور)
Author: حسبو عكاشة
Date: 09-30-2011, 09:23 PM
Parent: #11
Quote: يا حسبو أمشي جهز امورك وفتش طريقة نطلع لينا رخصة بتاعة مركز تدريب حجاج في أمدرمان ولا بحري نلحق السوق دا لو م أدوك تصديق ارسل إلي في طلب المدد وسأرسل لك جيش لاقبل لهم به من الحفتين على ظهور الافيال نرش ليهم مجسماتهم دي لمن يفهمو حاجه
|
مورتا يا عمك
شمتاقين ياخ
رسل الافيال سريع, الناس ديل التراخيص ما بدوها إلا لي ناسهم
لكن حكاية الــ 100 مليون دي كيف معاك !!
|
Post: #14
Title: Re: وريتـونـا لكـن !! ... (صور)
Author: حسبو عكاشة
Date: 09-30-2011, 09:45 PM
Parent: #13
يا متلبك في الأدران
الحجر الأسود
ماها البروة
حين ينكرفس
توب التقوي
والمشروع الديني
الخالص
ما محتاج لي
دراسة جدوي
(حميد)
---
دايما مُتحفنا بكتابات حميد يا خضر حسين
|
Post: #15
Title: Re: وريتـونـا لكـن !! ... (صور)
Author: مرتضى احمد عبد القادر
Date: 09-30-2011, 09:45 PM
Parent: #13
| Quote: دي الحالة ما لاقيناك لسه |
يا حمد حسبو كان قدر طلع رخصة مركز تدريب الحجاج بعمل تكس يرجع جلدي جلدي غايتو إلا تلاقوني في البيت الحرام فرع امدرمان تعال اتدرب عندنا بنعمل لينا 3 لفات فري وبنديك اربعه حجار ترمي بيها جمرات بنص القيمة
يا حسبو امرق الترخيص سريع مرق جلدك الكنجال جاهز رامي قال بكتب شيكات وبيوفر المبلغ من البنك بس نديهو إدارة المركز ونسميهو خادم الحرمين
|
Post: #16
Title: Re: وريتـونـا لكـن !! ... (صور)
Author: حسبو عكاشة
Date: 09-30-2011, 09:53 PM
Parent: #15
| Quote: يا حسبو امرق الترخيص سريع مرق جلدك الكنجال جاهز رامي قال بكتب شيكات وبيوفر المبلغ من البنك بس نديهو إدارة المركز ونسميهو خادم الحرمين |
رامي دا بحنكنا بعدين يا عمك و ح يشبك الناس (اللفة) بجنية ( اللفة) بجنية لحدي ما نلقى الشباب بورق البرنسيس متكلين لينا جنب المجسم
---
بمناسبة المجسم
كنت بتونس مع خضر قبل شوية , قال لي : " أخشى ما أخشاه انو الناس ديل يعملو لينا مجسمات للحمة والطماطم"
:)
|
Post: #17
Title: Re: وريتـونـا لكـن !! ... (صور)
Author: حسبو عكاشة
Date: 09-30-2011, 10:06 PM
Parent: #16
Quote: سؤال (شبه) جادّي
قصة مجسم الكعبة ... هل صحيحة (شرعياً)
يعني ممكن زول يعمل بيت الله في بلده
ولا الخبر شنو ..؟! |
لحدي ما يجيك زول يفتي ليك , هاك باقي الشعائر
يا ربي (الكارو) الورا دا بتاع ابو لهب !!
|
Post: #18
Title: Re: وريتـونـا لكـن !! ... (صور)
Author: مرتضى احمد عبد القادر
Date: 09-30-2011, 10:10 PM
Parent: #16
يا حسبو لو ما ادونا رخصة مركز تدريب حجاج ممكن نستورد كعبات كتيرات :) بحجم مناسب وتكلفة اقل من الصين تحت شعار كعبة لكل حاج وهيئة علماء السودان لازم تطلع فتوة تحرم إستعمال الحاج لكعبة اخيه الحاج عشان نضمن كل حاج يشتري كعبة ولا عزاء لناس ادونا كعبتكم نحج ونديكم
|
Post: #19
Title: Re: وريتـونـا لكـن !! ... (صور)
Author: حسبو عكاشة
Date: 10-02-2011, 07:06 AM
Parent: #18
على كيفك تفوت
على كيفك تعال
و ادخل براحات البيوت
في العتمة او نص النهار
:)
|
Post: #20
Title: Re: وريتـونـا لكـن !! ... (صور)
Author: wadalzain
Date: 10-02-2011, 01:17 PM
Parent: #19
الاعلان ده طلعتو من وين يا شقى
لو جبت لينا لى حاج ماجد تكون ما قصرت
ولبدرالدين طه برضه يكون ليك الشكر
ولبتاع نقطة نظام داك
الناس المشو الشعبى ولما عصروهم فى السوق ودرشوهم بالقضايا والبلاغات اتفنسوا رجعوا رافعين الراية البيضا
منهم من تسلم منصبا عاليا ومنهم من ينتظر
|
Post: #21
Title: Re: وريتـونـا لكـن !! ... (صور)
Author: حسبو عكاشة
Date: 10-04-2011, 02:30 PM
Parent: #20
سلام يا ودالزينQuote: الاعلان ده طلعتو من وين يا شقى
|
الإعلان كان في اغلب صحف الخرطوم في تلك الفترة
يحيا العدل ياخ :)
|
Post: #22
Title: Re: وريتـونـا لكـن !! ... (صور)
Author: أمين محمد سليمان
Date: 10-04-2011, 03:41 PM
Parent: #21
يا حسبو طلع الترخيص و أمشي لفوجي يمول ليك الشغل ده ... مورتا بسدد في حق التذكرة لحدي هسي ....
لو القصة ما مشت اديني سلك أرسل ليك طير أبابيل من بلاد العم سام تنفش ليك الكيزان و كعبتهم في فرد يوم !!!
|
Post: #23
Title: Re: وريتـونـا لكـن !! ... (صور)
Author: حسبو عكاشة
Date: 10-06-2011, 05:39 PM
Parent: #22
Quote: يا حسبو طلع الترخيص و أمشي لفوجي يمول ليك الشغل ده ... مورتا بسدد في حق التذكرة لحدي هسي ....
لو القصة ما مشت اديني سلك أرسل ليك طير أبابيل من بلاد العم سام تنفش ليك الكيزان و كعبتهم في فرد يوم !!! |
يا امين ياخ رسل الابابيل ساي
مافي اي تراخيص بطلعوها الناس ديل
غير يطلعو روحنا ما بطلعو حاجة
|
Post: #24
Title: Re: وريتـونـا لكـن !! ... (صور)
Author: باسط المكي
Date: 10-06-2011, 05:53 PM
Parent: #23
Quote: على كيفك تفوت
على كيفك تعال
و ادخل براحات البيوت
في العتمة او نص النهار
|
يفيض النيل نحيض نحنا
رقاب تمر الجدود تنقص تقع محنة
متي نصحي من هذا الكابوس الممل
|
Post: #25
Title: Re: وريتـونـا لكـن !! ... (صور)
Author: عبدالعزيز الفاضلابى
Date: 10-06-2011, 07:23 PM
Parent: #24
| Quote: يا حسبو أمشي جهز امورك وفتش طريقة نطلع لينا رخصة بتاعة مركز تدريب حجاج في أمدرمان ولا بحري نلحق السوق دا لو م أدوك تصديق ارسل إلي في طلب المدد وسأرسل لك جيش لاقبل لهم به من الحفتين على ظهور الافيال نرش ليهم مجسماتهم دي لمن يفهمو حاجه |
ياخي انتو الذ ناس.
ولا الزول القال الكارو ده بتاع ابولهب.
اضحك الله سنكم ياخ.
بس والله السودان مايستاهل المسخرة دي.
اما بالنسبة للزول اللي سأل عن شرعية بناء مجسم للكعبة:
اقول والله اعلم:
كان يكون مقبولا لو ان المجسم لبيت من بيوت الله غير الكعبة. (مسجد)
لان المساجد بيوت لله باختيار الناس يضعونها في المكان الذي يختارونه.
اما الكعبة فهي بيت الله من اختيار الله اي هو الذي اختار ان تبني في هذا المكان.. ومن هنا اظن ان ماقام به هؤلاء فيه شئ من التجاوز وربما فتح الباب بمرور الزمن لممارسات شركية بعد ان ينسي الشيطان الناس الغرض الذي
بني من اجله المجسم وينسيهم نية من قام به ,, والله اعلم. مجرد اجتهاد مني.
فإن كان صوابا فمن الله وإن كان خطأ فمني ومن الشيطان .
|
Post: #26
Title: Re: وريتـونـا لكـن !! ... (صور)
Author: حسبو عكاشة
Date: 10-07-2011, 07:57 PM
Parent: #25
و هو القائل: بعد الإنفصال, الشمال حينعم بالخيرات الوفيرة
وريتنا لـكن !!
|
|
