ونـــــــسة زمـــــــــــــــان

ونـــــــسة ودردشه مع ابوى العذيذ الغالى أحمد محمد العبد

ابوى
ذالك الرجل المثقف والفنان والمبدع وكم انا فخوره به
رجل بسيط يكره الفخامه والحواشى
له روح فضفاضه رغم سنه الذى تعدى الثمانين من عمره له الصحه وطول العمر
رجل معطون فى كم هائل من المعلومات والاحداث التاريخيه
المختلفه والمتنوعه فى الفن والتراث والفلكلور وفى مجال الرياضه
وعن الحياة الاجتماعيه منذ الثلاثينات
والتقاليد والعادات التى كانت سائده فى ذلك الزمن عامه ونحن كثيرا ما نجهلها
رجل موسوعة له ذاكره مدهشة
له الصحه والعافيه ولقد تعلمنا منه الكثير
فهو يجمع ما بين جيل الاصاله والمعاصره
رجل يعشق الادب والفن ومحب للقرأة والاطلاع والعلم
ومحب لكل من هو مبدع

له القدره على التعامل مع الكل مهما كانت المفارقات ومهما كان فرق العمر
ويكفى ان من خلاله وجدنا طريقنا الى الابداع كأبناء وكأحفاد له

ولكن من اهم الاشياء التى انطبعت فى ذاكرتنا منذ الصغر
هى الموسيقى التى اصبحت فى دماءنا وكنا بنوم ونصحى
على صوت الكمان والعود
وحتى تلك اللحظه اجمل اللحظات نقضيها معه نحن واصدقاءنا
ونستمتع بعزفه على العود وبالونسه والدرشه والحكاوى فهوالاب والصديق
وكثيرا ما اشعر بأنه رجل موسوعه ويجب
ان يعرفه الاخرين حتى تعم الفائده

. لذا اتت الفكره من فتح هذا البوست من اجل عدم احتكارية ابوى لانو
الانسان لمن اكون مبدع لابد ان يتعرف عليه الاخرين
و من خلال النقاش وتطرح الاسئله وبى مختلف رؤيتها المختلفه من الداخل
او الخارج يمكن نطلع بى اكبر فائده
وحاواصل الدردشه مع ابوى شويه شويه
او بى رواقه وحاحكى لينا حكاوى وحكاوى عن
تجربتو الفنيه وعن تاريخ الغناء وعن علاقتو بالرياضه... والخ
[email protected]

الصوره بتاريخ - 08/30/2011/ واشنطون

متابعين يا حبيبة مع صورة الطيب الأصيل أبونا كلنا زي ما قلتي ما حتحتكريهو
متابعة معاكي بكل شغف
محبتي

Quote: متابعين يا حبيبة مع صورة الطيب الأصيل أبونا كلنا زي ما قلتي ما حتحتكريهو متابعة معاكي بكل شغف

امتع يوم لنا في بيتكم حفل تخرج اختنا اميمه بفرفور زمن بغني شعبي
وانا جاي من المطار بعد ان استلمت زوجة اخي واطفالة وقلت للسائق دور بيهم البيت
وانا دورت بيتكم وفي نص الحفلة
ياسلام كلكم ناس روعة تحياتنا الى انتصار بالله

Quote: تاريخ الغناء

علييك الله يا محاسن خلي اليبدا بسماعين عبدالمعين والزنجران

وحشه شديده لي نفّوس

ليكم مليون سلام ومحبه

يا سلام أخيرا تكحلت مآقينا برؤية العم أحمد محمد العبيد..

وقد كان أخا وصديقا لوالدي المرحوم السر كرار وعمي المرحوم / عابدون كرار..

وجارا لعمي فضل كرار.. فأقريه مني ومن عائلتي السلام...

Quote: رجل موسوعة له ذاكره مدهشة له الصحه والعافيه ولقد تعلمنا منه الكثير فهو يجمع ما بين جيل الاصاله والمعاصره رجل يعشق الادب والفن ومحب للقرأة والاطلاع والعلم ومحب لكل من هو مبدع

ابوي انشالله لي تسلم
وتسلمي إنت يا ست البنات ويا ست ابوها
فكرة البوست جميلة
وحقيقي في كل مناسبة ، جلسة ، لمه و وجبة غداء يحكي لنا أبي قصة وتكون
مختلفة عن القبلها او امتداد لها دون تكرار ،،،، وماشأالله عليك ياابوي

يا سلااام
التحية للعم احمد محمد العبيد
وسلام لمحاسن واميمة
ولي ستكم الاتنين انتصار !!

وبما اني اخر العنقود في الأسرة وكنت الزول داك البرسلو في الاكل اجيب الذيادة
ولا اجيب الموية ولا اجيني صوت من بعيد اجررررررري سريع افتحي الباب
وعشان كده ونيابة عن محاسن اجري جري وافتح لكم الباب مرحبة بمشاركتكم لنا الونسة والدردشة
والاستمتاع معنا بوالدي الحبيب

شكراً لكم الاعزاء ،،،،،،،
الأستاذة / لنا مهدي ... سلمتي وخليك معانا وابونا ياهو ابوك .

الصديق العزيز / وليد عبداللطيف ...ذاكرتك تدهشني ..والله ايام يا زمان.. ومشتاقين.

الأستاذ / محمد عبدالرحمن محمد .. اسماعيل عبدالمعين هو الذي علم والدي العزف علي العود
و تبرق اعين أبي وتفرح اوردتة عندما يتحدث عن سماعين عبدالمعين ..... متواصلين
والحكاوي جاااااااااااية قدام.

الأستاذ / كمال كرار .. لابي مع اسرتك ذكريات ومؤكد ستسمعها وتقراءها في هذا البوست
وكثيراً فتحت الباب مرحبه بالعم عابدون كرار صديق والدي وخالي علاءالدين بدوي لهم الرحمه

الاخ خالد العبيد / حسي الجاب سيرة الجنوب منو !!! .......
وماااا مشكله ستنا ستنا برضو انتصار بت احمد العبيد واختنا وحبيبتنا


واتفضلوا لحدي ما اجوكم العجايز

منتظرين ............ أفتحوا السحّارة.

Quote: منتظرين ............ أفتحوا السحّارة.

ditto

سلام محاسن
له ولك التحايا والاحترام
وأبقاه الله ذخراً وسنداً لكم
ومبعث فخار


سنتبع -بإذن الله-
رصد الجمال من منبعه
عن كثب
فلا تتأخري علينا

تــــوتـــو كـــــــــــــورة .... شبـــــــاب ورياضـــــــــة






الصورة : فريق نادي الامير الرياضي 1948



يلا أحكي يا أبوي
.
.
.
.

التقطت الصورة بتاريخ 16/11/1948 لقاء فريق الأمير و فريق دِبل من حلة حمد
ميدان إستاك ببحري (جامع السيد علي حالياً )
أسماء الموجودين في بالصورة

وقوف من اليمين
حميده مصطفي
عزالدين حسن فضل
سبت ادم سعيد
احمد محمد العبيد
محمود سليمان خيرالله

جلوس وسط من اليمين

علاء الدين بدوي
حسن شريف
حسن امين علي جوهر
بابكر مصطفى (بُحلق )

جلوس أمامي من اليمين
إبراهيم محمد خليل
محمود محمد حسن

لهم الرحمه مالمغفرة جميعاً ولوالدي دوام الصحة والعافية

lana mahdi .

الحبيبه لنا حبابك
وابوى ده ياريتك لو لاقيته
وناس وبحب الونسه وحتسمعى قصص وحكاوى
وفعلا هو ابو الكل
وشدة الكلام ما كتير ماعارفين نبداه من وين
ولا من وين كلو جــــاى


وليد عبد اللطيف
يا ود بحرى تسلم ياوليد وطبعا ابوى ده خطير
عارفو
والحلفلات الفاتتنى دى ما عافياه ليكم

محمد عبدالرحمن محمد
يالمطرطش
بركه ابوى الجابك
وطبعا حاحكى ليك بى رواقه عن اسماعيل عبدالمعين

كمال كرار
ياسلام ياسلام اخى كمال كرار
نحن مما قمنا ابوك السر وعمك عابدون اعمام اوخيلان لينا الف رحمه عليهم والله نحنا اهل
واذكر اول ماعمك عابدون اجى من السفر طوالى بجى
لى خالتى فاطمه ولازم ادخل البيت وكان صديق
لخيلانى الزين وعلاالدين ولى ابوى
الف رحمه عليهم وبالمناسب البوست ده
حيكون اضافه حقيقية لى بوست بحرى العريقه
والله تسلم لو عندك اى سؤال لى ابوى جهزو

خالد العبيد
الصديق العزيز
تسلم بس ماكنته قايلاك عنصر
وسلامك وصل

الاستاذ محمد أبوالعزائم أبوالريش
منتظرين ............ أفتحوا السحّارة.
قربت بس المفتاح عند ابوى وابوى
عاوز عروس .........
جاين شيل الصبر
ومشكور على المرور

- 2- الاستاذ اسماعيل عبد المعين

حكى ابوى

كنت صديق قريب وحميم لعالة اسماعيل وهو اصلا من اب مصرى
وامه حاجه مريم بت سيداحمد وكانت امها من غرب السودان
وتزوج ابوه بعد امه بامرأة اخرى من الفاشر

تخرج اسماعيل من كلية قردون للحداده والنجاره

الاستاذ اسماعيل عبد المعين ذهب للدراسه فى مصر فى اول الاربعينيات ودرس فى معهد
فؤاد للموسيقى والاصوات لمدة ثلاثه سنوات
كان يعتمد على نفسه تماما فى المصاريف ومن مصادر دخله

كان فى ضابط مصرى اسمه عبدالمنعم عبدالحى كان بدى اسماعيل
قصائد وكان اسماعيل بلحن القصائد وبغنيها

وسجل اسماعيل اسطوانات فى فى شركة بايض دى فون فى القاهره وصاحب الشركه
كان خواجه وده السمى اسماعيل
اسماعيل عبد المعين بدلا عن اسماعيل عبد النعيم
ومن بعض الاغانى التى سجلت فى الاسطوانات

قابلت مع البياح
يامبيو يابلاد الزامبيا
وجبال التاكا

وبعد تخرجه من معهد فؤاد للموسيقى والاصوات سافر الى فرنسا مع تسعه طلاب كان هو السودانى الوحيد
وفى فرنسا ايضا اعتمد على نفسه تماما وعمل العديد من الالحان والاغنيات والموسيقى الى كانت مسار اعجاب الفرنسين وكان يتغنى بها فى المسارح الفرنسيه
ومن اشهرها بلوبلو وهو طير سوداني وكان الشباب فى الشوارع يرددونها بلوبلو ..... بلوبلو بلوبلو ..... بلوبلو
واعجب بهذه الاغنيه صاحب مطعم فى فرنسا وطلب من اسماعيل ان يعطيه اسم بلبلو عشان اسمى بيه المطعم وكان مطعم مشهور ودفع ليه مبلغ كويس على الاسم
وبعد اسبوعين عمل قصيدة اخرى سمها بجبجه وبرضو بجبجه طير سودانى
قضى اسمعيل فى فرنسا ثلاثه ثنوات ورجع السودان

ونواصـــــــــل

اميمه

صغيرتنا الحبيبه ميمى يلى جملى لينا بوست
الحبيب الغالى ابوى يلى انكتى فى البيت
وطلعى المستخبه

الاخ العزيز بله محمد الفاضل
تسلم اخى والجاى كتير وبى رواقه
ما بطول وبرجع بالونسه الدقاقه

انا جبت طوبتي وقاعد في هذة المكان الذي اشتم رائحة رحيق عطر اغاني الحقيبة
شكرا يا سونة واللة يطول عمر فنانا الكبير عم احمد

محاسن سلام و أحلي تحية

Quote: وابوى ده ياريتك لو لاقيته

طبعا" انا لاقيتو و إنفردت معاهو بي عشرة ونسة ما أحلاها
و إتقاسمنا سوا كباية شاي واااحدة لووول ( ما كلمك ؟ )

ربنا يديهو الصحة و العافية و يطول عمره إن شاءالله

تحياتي وسلامات الأخوات محاسن وأميمة
بوست حنين يجسد معاني جميلة
أنخت فيه راحلتي منذ لحظة إنطلاقته
وأتابعه لا أزال لحظة بلحظة

والبوست ينحو منحى التوثيق توقفت عند هذه الجملة

Quote: كان فى ضابط مصرى اسمه عبدالمنعم عبدالحى كان بدى اسماعيل قصائد وكان اسماعيل بلحن القصائد وبغنيها

مبلغ علمي أن عبدالمنعم عبدالحى ضابط سوداني عمل بالجيش المصري لكنه تزوج واستقر بمصر
وعبدالمنعم عبدالحى علامة فارقة في الشعر الغنائي السوداني ، فهو الشاعر الذي رغم إستقراره الدائم بمصر فقد رفد المكتبة الغنائية السودانية بأجمل الأغاني ، تغنى له كبار الفنانين السودانيين ، أحمد المصطفى ، عثمان حسين ، عبدالعزيز محمد داوود .........الخ

Quote: طبعا" انا لاقيتو و إنفردت معاهو بي عشرة ونسة ما أحلاها

الليلة لاقيتو
وملأ السرور قلبي وبي إسمو ناديتو

هبة الماحي ياخ إنشاء الله بلغتي العافية.

***
**
*


كل زول بحلم رسالة
امينه صادقة بعيد مداها يعرف
يعرف التاريخ بسطر ..
وانتو لازم تسطروا
وتسجلوا
وتصوروا
لانو
دي
م
س
ئ
و
ل
ي
ة




*
**
***

Quote: . لذا اتت الفكره من فتح هذا البوست من اجل عدم احتكارية ابوى لانو الانسان لمن اكون مبدع لابد ان يتعرف عليه الاخرين و من خلال النقاش وتطرح الاسئله وبى مختلف رؤيتها المختلفه من الداخل او الخارج يمكن نطلع بى اكبر فائده وحاواصل الدردشه مع ابوى شويه شويه او بى رواقه وحاحكى لينا حكاوى وحكاوى عن تجربتو الفنيه وعن تاريخ الغناء وعن علاقتو بالرياضه... والخ

بالله شوفو زي ديل هو الاحتكار كيفنهو يعني
العم احمد محمد العبيد ثروة قومية متحركة ويجب الحفاظ عليها وهو شاهد عصر للحركة الرياضية والفنية والسياسية
معقول ياناس بحري اتلومتو معانا وسوف يكون لنا في هذا الرابط حديث مطول معه وياريت تساعدونا لتوثيق الكثير الذي يمتلكه
بعيدا عن واقعنا الكروي الأليم..... أفضل لاعبي كرة...كرة القدم السودانية

انا احتج

انتو متحيزات وحقارات يا بنات العبيد
فرغم محبتي لابوي العبد إلا انه
لا حديث يحلو دون حضور
امي سعادة وقهوة بُنها المحفّل
وللا كيف يا سونا؟؟

.

الأخت الأستاذة محاسن.....

لك الود....


من سياق هذا البوست.....

يبدو أنك شقيقة زميلى ودفعتى...

ضابط الشرطةالمرحوم.....

حيدر أحمد محمد العبيد...

له الرحمة والمغفرة..


.

Quote: معقول ياناس بحري اتلومتو معانا وسوف يكون لنا في هذا الرابط حديث مطول معه وياريت تساعدونا لتوثيق الكثير الذي يمتلكه

الاخوات محاسن واميمة

سلامات

متابعين بإهتمام هذا العمل العظيم

حين الإنتهاء من هذا البوست القيم سنقوم بتلخيصه

ونقله لبوست بحري طراوة تحت مسمى شخصيات من بحري

وماحيكون في لوم من ناس بحري ياوليد تجاه رمز من

رموز مدينتهم إن شاء الله.

بصراحة بوست محتاجينو في ظل حاجات كتيرة مكرهانا

بنات الراجل السمح
زيدونا سماحة

كلام زي الشهد ياعمدة التوثيق

Quote: الاخوات محاسن واميمة سلامات متابعين بإهتمام هذا العمل العظيم حين الإنتهاء من هذا البوست القيم سنقوم بتلخيصه ونقله لبوست بحري طراوة تحت مسمى شخصيات من بحري وماحيكون في لوم من ناس بحري ياوليد تجاه رمز من رموز مدينتهم إن شاء الله.

اكيد ياعمدة مافي لوم لكن بالله دي ماخيانه عظمى من اميمه ومحاسن احمد
ياعماد طبعا انا نزلت موضوع احمد العبيد في البوست التوثيقي بعيدا عن واقعنا الكروي ياريت تقوم باللازم
او ارسال مايتحدث عنه عن طريق الايميل

- 3 - اسماعيل عبد المعين

اسماعيل كان رجل عصامى وملتزم فى الاخلاق يعشق الفن ووهب له حياته
حينماعرضت عليه والدته الزواج
من بنت خالته بعد حضوره من فرنسا رفض اسماعيل الزواج
رشحها لاخيه و قال لامه انه تزوج الفن وكان كل ما يملك
فى غرفته غير سرير وطربيزه وعود وشنطتين واحده للملابس والثانيه للموسيقى
حتى موته الف رحمه عليه

Quote: والبوست ينحو منحى التوثيق توقفت عند هذه الجملة Quote: كان فى ضابط مصرى اسمه عبدالمنعم عبدالحى كان بدى اسماعيل قصائد وكان اسماعيل بلحن القصائد وبغنيها مبلغ علمي أن عبدالمنعم عبدالحى ضابط سوداني عمل بالجيش المصري لكنه تزوج واستقر بمصر وعبدالمنعم عبدالحى علامة فارقة في الشعر الغنائي السوداني ، فهو الشاعر الذي رغم إستقراره الدائم بمصر فقد رفد المكتبة الغنائية السودانية بأجمل الأغاني ، تغنى له كبار الفنانين السودانيين ، أحمد المصطفى ، عثمان حسين ، عبدالعزيز محمد داوود .........الخ

شفتي آسونا البدايه بالأسطوره عبدالمعين كيف فتحت نفاج لي معرفة واحد من أميز شعرانا ناس كتار ماهن عارفنو، اللهو عبدالمنعم عبدالحي؟

عاطف الرزين الرصين
ملاحظتك في محلها، عبدالحي من شِدّة مو سوداني: دينكاوي عدييييل

سونا وآخر العننقود أميمه
شكراً علي البوست المريح ده
وربنا يحفظكن ووالديكم

محبتي

ابوكم ابو السرور

حلاتو يا ناس
ربنا يخليهو ليكم

وقاعدين وكلنا اذانا صاغيه

بلغيهو سلامي

نادر السوداني
اخى الحبيب ود بيتنا
عارفاك دى ما تفوته
قال طوبه
اه شوفو جنس الحاله دى
شكلو ده مقيل عديل

heba Elmahi
سلام هبه اوكيف اخبار الصحه

Quote: طبعا" انا لاقيتو و إنفردت معاهو بي عشرة ونسة ما أحلاها و إتقاسمنا سوا كباية شاي واااحدة لووول ( ما كلمك ؟ )

تعرفى زى دى كده بموت بيها براه
مشكوره وتسلمى

عاطف عمر

الاستاذ الكبير عاطف
شكرا للمرور والاضافه
وده بوست الكل
وسكت المحنه سمحه وطويله

محمد أبوالعزائم أبوالريش

Quote: طبعا" انا لاقيتو و إنفردت معاهو بي عشرة ونسة ما أحلاها الليلة لاقيتو وملأ السرور قلبي وبي إسمو ناديتو

متين ياخوى والله تمام عشان كده
عارفو كويس

المبدع اسماعيل محمد الحسن

Quote: كل زول بحلم رسالة امينه صادقة بعيد مداها يعرف يعرف التاريخ بسطر .. وانتو لازم تسطروا وتسجلوا وتصوروا لانو

مشكور عزيزى
وتعرف يا سمعه
الكلام كتير وقصص وقصص
ما عارفه ده كل اسويه متين
غايتو حبه حبه
وفعلا دى مسئوليه

وليد عبد اللطيف
وليد اخى والله مافى احتكار
وبالمناسبه عندو كلام كتير عن تاريخ
الفن والرياضه
البوست ده مفتوح وابوى قرب اجى السودان
تعال اقعد معاه وبى رواقه صدقنى حتطلع بى بلاوى
اه قصرتـــه وكمان علينا القهوه والشاى

طيفور

Quote: انا احتج انتو متحيزات وحقارات يا بنات العبيد فرغم محبتي لابوي العبد إلا انه لا حديث يحلو دون حضور امي سعادة وقهوة بُنها المحفّل

عبد الرحيم فؤاد صديق ورفيق الصبا والابداع
ياتشكيكى ماتولع النيران حجوجه ما جايبه خبر
والله جاياه بى رواقه او ما ناسياها
بس قول نفسك فى قهوه

عبدالحفيظ حسن

Quote: الاخ الاستاذ عبدالحفيظ حسن الأخت الأستاذة محاسن..... لك الود.... من سياق هذا البوست..... يبدو أنك شقيقة زميلى ودفعتى... ضابط الشرطةالمرحوم..... حيدر أحمد محمد العبيد... له الرحمة والمغفرة..

نعم اخى انا اخت المرحوم
حيدر أحمد محمد العبيد.
الانسان المبدع والفنان
ونحنا مازلنا حزنا عليه يتجد يوم بعد يوم
هو واخى الدكتور عارف الف رحمه عليهم فقد فقد كبير

Emad Ahmed
اخى عماد ود بحرى العزيز
زى ما قلته لى كمال كرار ولى وليد ده ابوكم
صدقنى حتستفيدو منو كتير تعالو وافعدو معاه
وبالمناسبه بحب الونسه والكلام
شيلو شيلتكم براى ده بوست الجميع

د.محمد حسن
شكرا يا شاعرنا الجميل
والسماحه جايه بالكوم
ابوى وناس وحبيب

محمد عبدالرحمن محمد
الشايقى الكى
صدقته الحديث عن الزنجراب جاى


ihsan fagiri
الدكتوره الحبيبه احسان
تحلى ليكى العافيه
والله حنين اوزول جميل
ومرهف وبحب الجمال
وبقول ليك مليون سلام ياغاليه

الأخت /محاسن... سلام...

أقريء مني السلام للعم ود العبيد كما كان يحلو لسماره مناداته...

وشكرا أديتنا الفرصة أن نفجر أسترسال ذاكرة العم العزيز بالسؤال

وهانذا أسأل...

عمي ود العبيد أذكر فيما أذكر من موسيقيى بحري الهواة أنذاك...

العم يوسف ميشيل رحمه الله ... والعم... عثمان عبد الغفار رحمه الله

ووالدي السر كرار .. رحمه الله... ولكن هناك أحدهم العم الأمين النور

وهو شقيق لاعب الزمالك الشهير عمر النور... فقد تقادم علينا الزمن ولم

نسمع عن الرجل..

وسؤالي الثاني ما هي الرابطة التي كانت تربط بين نادي الأمير

ونادي الإتحاد البحراوي .. فهما في مجال الرياضة متنافسان ولكن

هنالك رباط إجتماعي وثقافي بينها... فأنا أذكر أن الموسيقيين الهواة

آنذاك كانوا يوقعون مقطوعاتهم في نادي الإتحاد وكذلك في نادي الأمير

فأي الناديين أسبق.. ما سر تلك

الرابطة رغما عن التنافس بين الناديين

حفظك الله ورعاك يا عمي

Quote: نعم اخى انا اخت المرحوم حيدر أحمد محمد العبيد. الانسان المبدع والفنان ونحنا مازلنا حزنا عليه يتجد يوم بعد يوم هو واخى الدكتور عارف الف رحمه عليهم فقد فقد كبير

المرحوم حيدر صديق وزميل دراسة.
رحمة الله تتنزل على روحه الطاهرة.
فقد جلل ولكن، لله ما أعطى ولله ما أخذ.
تحياتي يا أخت محاسن، وبالمرة تحياتي للأخ الباشمهندس صلاح سري وأسرته الكريمة.
من المتابعين لهذا البوست التوثيقي الهام.
كنت أنتوي مقابلتك بالسودان لنستكمل ما بدأناه من حوار.
وللأسف تمت سرقة وقتي عنوةَ.لذا لم أتمكن.

محاسن سلامات
بوست له طعم خاص
حضور ومتابعة

محاسن سلامات
بوست له طعم خاص
حضور ومتابعة

- 4 - اسماعيل عبد المعين
قال ابوى

وبعد ثلاثه سنوات من الدراسه فى فرنسا رجع اسماعيل للسودان فى ذالك الوقت كانت حكومة ازهرى وكان وزير الثقافه عبد الماجد ابو حسبو الذى
طلب من اسماعيل بأنه سوف يعينه مدير لمعهد الموسيقى الزى كان فى الخرطوم نمره اتنين وكان مديره فى ذلك الوقت خواجه
بدأ اسماعيل العمل ولكن لم يستمر كثيرا مما دعاه بتقديم استقالته
ورفض العمل فى معهد الموسيقى لعدم مساعدة الوزير لا اسماعيل
حيث طلب من الوزير ان توفر له وسيلة مواصلات لأنو كان يسكن فى بحرى او ادوه عربيه ويخصم المبلغ من مرتبه

وبعد استقالته من من معهد الموسيقى اتصلت بيه السفاره الليبيه وعرضو عليه ان يذهب الى ليبيا لتعليم الموسيق
مشى اسماعيل لى ليبيا وقضى سنه وحدة فى ليبا ورجع بعدها بأيمانه التام تجاه وطنه وله رسالة تجاه بلد فى تعليم الموسيقى
ان شباب بلده احوج لخبراته
ومن اجل تعليم السلم السباعى بدلا من السلم الخماسى

وفعلا رجع واسس فرقة البساتين واول دفعه اتخرجت واتعينو بشهادات وبى كفائات عالية فى الازاعه والتلفزيون

قال ابوى اسماعيل كان زاهد للدنيا وما كان مهموم بالبس ولا بلاكل بصرف كل قروش على بعض من اهله وعلى
كل محتاج وكان فى بعض الناس انتظروه قدام البيت عشان اديهم قروش

قال ابوى فى مره من المرات حضرو شخصين من فرنسا
بسألو عن اسماعيل فى الازاعة وودوهم للبيت وقابلهم
اخو اسماعيل ووراهم غرفة اسماعيل وكيف انو عايش كانسان
وكفنان بسيط

- 5 - اسماعيل عبد المعين وموسيقى الزنجراب


كانت اعمال اسماعيل عبد المعين عباره عن ايقاعات متنوعه من كل انحاء السودان من الشمال ومن الجنوب ومن الغرب والشرق
وبالايقاع العربى والزنجى فكانت تتميز بالزنجيه العربيه لذا اطلق عليها استاذ اسماعيل اسم الزنج راب
وتداولت بعد ذالك وعرفت بما يعرف بموسيقى(الزنجراب) من أشهرها:-

بنات الريل الظراف
نايرات الخدود
دامعات الوجن
مالن أوعدن وأحلفن

الاخ المحترم عثمان

الف شكر ليك وياسلام لمن اطلوا
علينا اخوان وزملا واصدقاء المرحوم العزيز حيدر
فيكفى ان هنالك من افتقده مثلنا وواسانا فى فقدنا
وانشاء الله نلتقى فى ساعة خير وتحياتى للاسرة

الاخ باسط المكى

Quote: محاسن سلامات بوست له طعم خاص حضور ومتابعة

تسلم اخى ومشكور والحكاوى والونسه جايه

لا أعجب ان يكون هناك توارد خواطر بيني وبينك يا محاسن رغم فارق السنين!!!

بلامس فقط كنت أحدث بعض الشباب عن أهمية التوثيق الشفاهي لأقرب الناس اليهم .. هكذا يُحفظ التاريخ ليكون تاريخاً!

وما أغلى ما أضعناه غفلةً!

حفظ الله احمد العبيد ولله دره وزوجه على حُسن التربية

أحسني الإستماع وانقلي الإبداع.

له ولك واخوتك وللوالدة التحية والمحبة.

الاخت عائشة موسي

Quote: لا أعجب ان يكون هناك توارد خواطر بيني وبينك يا محاسن رغم فارق السنين!!!

تسلمى والله ياحبية على الاطراء والكلام السمح
وقمة سعادتى لمن تلاقى فى الدنيا العجيبه دى
من من يحمل افكارك ده احساس جميل
او بختى كمان صغرتينى
وصدقنى اختى الناس الجميلين ديل حنحزن كتير لمن الايام تسرقنا
وما نوسق ليهم
جيل عاش فى زمن الخير والحب زمن فيه الوفاء وصفاء الروح عشان كده ذاكرتهم حاضره مهما طال الزمن

بس تابعى الكلام والونسه جايه

كمال كرار
ود بحرى اخى كمال ودالعزاز ابوى قال ليك جايك بى رواقه
وعندو كلام كتير عن بحرى وروابط بحرى
وبى صراحة انا بطيئة جدا مع الشغل والبيت والحجاج
الابام دى معاى فى واشنطون

Kostawi

شكرا ياكستاوى على الصوره ما قصرتة مع صاحبك
وطبعا ابوى ليه الصحة والعافية اول الحاضرين فى كل النشاطات الثقافية والسياسية
الصوره كانت فى امسيىة الفنان عاصم قرشى فى واشنطون
مشاركا بى كلمة صغيرة
كستاوى من اليمن ومحاسن من الشمال

- 4 - واصل الحديث ابوى وكتب على كراسته
وفاء وعرفان
للذكرى والتاريخ

الأخ الصديق السر كرار رحمه الله أول رئيس لفريق الأمير وكان مغرم بالموسيقى وخاصة مقطوعة الأدهمية من ألحان الدكتور محمد أدهم ولذلك سميت الأدهمية
وطبعا الأخ علاء الدين حمزه وهو من سكان المورده وأنتقل للخرطوم بحري
تعلمنا آلة الكمان من الاستان علاء الدين حمزه و علاء الدين حمزه اول من ادخل آلة الكمان فى السودان
واشترك معنا في الفرقة ولقد تعلمنا أنا والأخ جعفر والأخ الأمين النور وعثمان عبد الغفار عزف هذه المقطوعة .
الأخ السر كرار أشترى آلة الكمان وتعلم العزف من العبد لله (أحمد العبيد)
رحم الله السر كرار وعابدون كرار الأصدقاء الأوفياء وجعل البركه في ذريتهم وآل كرار جميعهم آمين .
أما زواج السر كرار كان مفخرة بحري وأمدرمان .

شكرا .. يا عمي العزيز أحمد العبيد...

شكرا أختي محاسن.. وفي أنتظار المزيد من تداعيات ذاكرة العم العزيز

أما زواج والدتي رحمها الله من والدي رحمه الله حق له أن يكون

مفخرة المدينتين وقد كنت قد سمعت ذلك في بواكير الأيام ولكن أعتز بأن

أكد عمي العزيز ود العبيد تلك المعلومة التي توارت خجلا بعد أن لم تجد

ما يعززها ويحكيها على الملا..

تحياتي لكم يا آل العبيد وبارك الله فيكم ما طلعت شمس في الورى

... أختى محاسن أستميحك طلبا في أن تنقلي تلك الفقرة لصفحة بحري طراوة أو

تسمحي بي أن أنقلها وإن كنت أفضل الإقتراح الأول ليتعتبر مشاركة تامة منك

في طراوة بحري

الاستاذه محاسن

التوثيق ثم التوثيق

لا ادري لماذا فاتني هذا البوست الهام وان اطلع عليه

ربنا يدي الوالد الصحة والعافية واتمني ان تواصلي وتعصري ذاكرته بقدر الامكان

لان هذا التاريخ مهم جدا ولا يوجد الكثيرون الذين يمكن الاستقاء منهم

ارجو ان تقومي بتسجيل كلامه كله علي اله تسجيل ومن ثم تنزليها هنا او في كتاب

بس اساليه عن مفخرة زواج عمنا السر كرار رحمة الله عليه

هل لانه تزوج من ام درمان " الفتيحاب" ام لانه دنقلاوي وتزوج خارج الاسره " جعليه "

ام لانه من بحري وناضل للزواج بامدرمان ؟؟؟؟؟

ام لان الانتاج زي ابو كمال صاحبي الذي يستحق المفخرة به

Quote: الصوره كانت فى امسيىة الفنان عاصم قرشى فى واشنطون مشاركا بى كلمة صغيرة كستاوى من اليمن ومحاسن من الشمال

يعني يا سونا حتكوني باليمين وكستاوي بالشمال :) :) :)

شكراً يا أستاذ كستاوي علي الصورة

Quote: أختى محاسن أستميحك طلبا في أن تنقلي تلك الفقرة لصفحة بحري طراوة أو تسمحي بي أن أنقلها وإن كنت أفضل الإقتراح الأول ليتعتبر مشاركة تامة منك في طراوة بحري

نيابة عن محاسن أخي الاستاذ السر كرار بقول ليك البوست ده ملك الجميع

وشيل وخت زي ما تحب .

شيلوهوا ختوهوا وطن الجمال

وبي وفاء النيل في دمانا نبني جنة

نجتهد نحنا وصغارنا ونتغنى


ويلا يا ابوي كلنا شوق للقصة القادمة واحداث مهرجان الفرح

ابوي ده يومو الارجع بالسلامة لي ضُل

الجهنمية الرامية فوق بيتنا

ستنشط الذاكرة وتحلو الذكريات ويطوووووول الحديث

... remove

الادهميــــــــة

مقطوعة موسيقية رائعة

ياريت يا عاصم (اخونا برضو وساعد ابوي الايمن )

تسجل لي أبوي الادهمية بالعود وتنزلوها بي جاي

سونا وميمى, وضيوفهم الأعزاء.
فقط لأجل حجز مقعدى فى كرنفال الحب هذا.
سأحكى عن الفارع الجميل, الوالد الودود والحلو أحمد العبيد.
سأحكى عن الرجل الذى وهبه الله بسطة فى الروح وفى الجسد,
الرجل الملئ بكل معانى وأسرار الجمال,
الرجل الذى أهدى هذه الدنيا ذريةً لم تسقط ثمارها بعيداً عن شجرته الوارفة,
الذى أهدى الدنيا, الراحلان حيدر وعارف, وأهداها زنابق عبقة,
وفوق هذا وذاك, أهداها روحه الشفيف, المترع بكل اسباب الجمال.
سآتى للرواية عن الوالد "الصديق" أحمد بإذن الله.
أدام الله عليه الصحة والعافية, و...
دمتم

Quote: يعني يا سونا حتكوني باليمين وكستاوي بالشمال :) :) :) شكراً يا أستاذ كستاوي علي الصورة

ههههههههههه
لم تتغيري يا اميمه

وليد عبد اللطيف و أميمة أحمد العبيد
بطلولا المناقره حقت الجامعه ولا حنفصلكم الاتنين

سنـــــة حلوة ياجميــــــــــــل

فى مناسبة الاحتفال بزواج اخى عادل أحمد محمد (2010) قرر اخى الاصغر الباشمهندس عاصم
مفاجئة الجميع وكانت المفاجئة
الاحتفل بعيد ميلاد ابوى الـ 87 وكانت لفته بارعه من عاصم
كل سنه وانت طيب يابوى وعقبال وعقبال الشمعة المئة يارب
اخر العنقود بتطفى الشموع مع ابوى صغيرتنا أميمه احمد محمد
اما الوالده الحبيبه سعاد بدوى صالح كانت فى قمة السعاده مشاركة
ابوى الحلوة والمرة والحب ااكبير
وحولها الكل مبتهجين وفرحانين
اخليكم لى بعض يارب سالمين وتامين

كمال كرار
اخى كمال كرار طلع ابوى حافظ تاريخ ابوك كل
واكيد الجاى اكتر
وزى ماقالت الحبيبه ميمى ده بوست الكل
وما مشكله والله اخت البوست منو فينا ده ما مهم
المهم تعميم الفائده

استاذ طارق
اهلا او مرحب استاذ طارق ود بحرى العريقة
مرحب بيك وحاجيب ليك الخبر كل
وبالمناسبة عاصم اخوى بسجل لية دائما
واكيد كل جاى


شمس شمس
شمس حلتنا ودبيتنا ودالخاتمية اوجوه كرش الفيل
كما عودتنا مقاسمنا الخير والشر
تعال او جيب كل العندك

- 5 -
عم احمـــــد واصل الحكاوى

Quote: عم أحمد العبيد الرجل المضئ بالحب والمولول بالجمال في كل جلسة معه أتعلم منه الكثير والمثير والمدهش حتى الأغماء !!!!!! في كل مرة أسمع منه الجديد والقديم وكأنه قد حدث بنكهة اليوم !!!!!! ياله من رجل عظيم ... ولوف ... وحنيين ياشبه القمره .... سأكتب هنا بعض النقاط لإشراك الأصدقاء وهي :- 1- لقطات من حياة العامل السوداني 2- الحقيبة والحب والعذري 3- تعامله مع الأبناء والبنات 1- لقطات من حياة العامل السوداني : تحدث عم أحمد عن أنضباط وكفاءة وإبداع العامل السوداني والطبقة العاملة عموما قبل الأستقلال وبعده وأكد أن العامل السوداني بكل المقاييس هو المتقن لعمله والمبدع له فمن شئ بسيط وبأدوات قليلة يخلق كل الجمال فورش السكة حديد تشهد وورش البابورات بحري تشهد والري المصري بجبل أولياء ومشروع الجزيزة كما تشهد ورش الحدادين والنجارين في المناظق الصناعية في كل المدن وتبصم بالعشرة أن العامل السوداني هو الأميز لعمله خاصة لو توفرت له الظروف الملائمة إضافة لتقديسه للزمن وقيمة العمل . فيبدأ العمل الساعة السادسة صباحا ثم ساعة واحدة فقط للفطور ثم مواصلة العمل حتى الساعة السادسىة مساء في كل المدن على أمتداد الوطن الحدادي مدادي . وفي نهاية الشهر يقبض العامل ماهيته وكمان فيها حوافز الزمن الاضافي ويرجع لإسرته مبسوط مرفوع الهامه يحترمه الجميع ويعرفه جميع من حوله ... ومن هنا تحية لكل عمال السودان والناس الجباهم عالية . 2- الحقيبة والحب والعذري : تحدث لنا عم أحمد وبإسهاب عن الحب العذري والأيام الرومانسية – أيام زمان – وكيف أنو كل زول بعرف زولو وكل زول بوصل كلامو بعيونو مباشرة عديل يصل القلب ... والعجب العجيب الشعراء والمرهفين خاصة شعراء الحقيبة فكانت قصائدهم تأتي عفوية وفي اللحظة والتو في مناسبات الأفراح والأعراس فيتنافس ود الرضي ، العبادي ، أبو صلاح ...... إلخ للفوز بقلوب فتيات الحي ... وهاك يابدور القلعة وجوهرها وهاك يا الترام الشاقي الطريق ولي في المسالمة غزال . بصراحة الكلام عن الحقيبة ده كلام طويـــــــــــــــــــــــــــــل عاوز ليه صفحات وصفحات عشان كده أقترح تخصيص بوست مرفق بنماذج بصوت وعزف عم أحمد على ألة العود التي يتقنها بمهارة مذهله . 4- تعامله مع الأبناء والبنات من ملاحظاتي وإتساقا بكلام وأفعال عم أحمد أجد أن الحب والرقة تمثل حياة عم أحمد وتأثرت بها كل لحظاته وتجلت بشكل أصيل في تعامله مع الخالة العزيز / سعاد بدوي ... صدقوني الثنائي ديل بتعاملو بحب مبالغة وإحترام يدهش قيس وليلى ذاتهم !!!!! فأنعكس هذا الجو الصحي على تربيتهم وتعاملهم مع أبناءهم وبناتهم ... وللحقيقة عم أحمد زول ديمقراطي من A to Z زول حقاني ونصير للمرأة بشكل يستحق الأعجاب وفوق ذلك يعشق الحرية ويحترم خيارات أولاده وبناته ولا يتدخل فيها لكنه دائما ناصح لهم لا جابر لهم ومشجع لهم لتحمل مسئولية قراراتهم أي قرار يتخذونه مهما كان . وعم أحمد بقول دائما الحرية مسئولة تبدأ بالفرد ويجب أن لا تتعدي حرية الأخرين ... صدقوني عم أحمد مفهومه للحرية مفهوم متقدم شديد شديد جدا وأنا ما بقول الكلام ده عشان صديقة للعائلة لكن شايفاها بتعامله الراقي مع أولاده وبناته وحتى أحفاده وشفافيته النادرة ... الكلام كثير عن العم أحمد وقد لا يسع المجال (بالطريقة دي يامحاسن بكري أبو بكر برفدك) لذا أختم وأقول المالقى زمن يدردش ويتونس مع عم أحمد مؤكد .. مؤكد .. مؤكد .. قد ضاع منه الكثير وجمال لحظة لن تعوض ... فهذا العم الأحمد الموزون بالجمال والموشح بالإبداع والمفرهد بالألحان جدير بالإستماع له ...... ولنا عودة الهام

الاخت و الصديقة الحبيبة الهام
شكرا للجمال المشترك والونسة الدقاقــــة
شكرا للوفاء و الحب المتبادل بينك وبين والحجاج
حاج أحمد وحاجة سعاد يحبونك كثيرا
فهم اهلك يا فرده
او غايتو حتنافسى فى الجنه
وعارفاه ابوى حكى ليك كتير يالا طلعى لينا الباقى المدسوس

يا زمن وقف شوية

الاخت محاسن

لماذ كتب علينا ان نبحث عن وطننا في ذكريات اباءنا ونحن نتوسد ارصفة المنافي ونلتحف سماوات يغيب فيها القمر طوال العام؟
منفي مقيم في هذا البوست

الاخت محاسن| سلام عليكم

نسال الله للوالد والوالده دوام الصحه والعافيه وطولت العمر باذنه تعالي .

ونسال الرحمه لاخوانك جنابو حيدر ودكتور عارف من الله سبحانه وتعالي ان يغفر

لهم آمين .

واقول مبروك لاخينا عادل احمد(جنابو)الزواج.

وارجو ان تبلغي عادل سلامي الشديد له...ولكم جميعآ

كل التحايا ....

د.محمد حسن
لانو يا دكتورالزمن بقى اقبش
ولانو بنشوف قدامنا الملامح
و المواقيت بتتغير والفرح مدة قصيره
ولمن نعاين بنلقى الحزن بقى ساكن جوانا مهما نفرح
وعشان انا وانته وناس تانى لكن ما كتار لسع صادقين
عشان كدة بنفتش لى الجمال فى كل الاماكن
وحنواصل نحلم بالفرح ا لآتى عبر دهليز من العتمة
وحتى لو فى المنافى عشان بنلقى الحب والوفاء والشفاية
تسلم اخى محمد
الاخ معتز مقبول
سلامك يوصل للجميع
والبركة فينا او فيكم جميعا فى فقدنا
وربنا ادوم المحبة وانتم خير اخوة واصدقاء
وتحياتى لجميع الاسره

-6 -

واصل الحكاوى ابوى
الفنان حسن خليفه العطبراوي
عزفت فى الاربعينات مع الفنان حسن خليفه العطبراوي فى زواج الأخ أبراهيم محمد خليل
وحضر إلينا الفنان حسن خليفه العطبراوي
رحمه الله من عطبره بدعوة من الأخ حسن فرح
وحتى الاخ الفنان حسن فرح
لم يحضر الزواج بسبب سفره
لبورتسودان وكانت الحفلات ليلا ونهارا لمدة 7 أيام .

- 7- واصل ابى وكتب على كراسته
وفاء وعرفان

للذكرى والتاريخ


السلام عليكم جميع أهلي وأحبابي من سكان الختمية جنوب وشمال ، الختمية جنوب جمعت رجالا أوفياء من عمال وموظفين وجنود الحملة الميكانيكية وجنود (التروب) الحامي التابع لعطبره الأشراف وهي الأن مدرسة بحري الثانوية الحكومية

نذكرهم بالخير والعرفان عمنا العزيز وأولاده الكابتن خلف الله عمر والعقيد مقبول الأمين والعقيد مجذوب البحاري والجنود والبلكمين (الكاتب العسكري) صالح فرح والذي تدرج حتى أصبح من كبار الضباط .

أن أبناء عمنا فرح جميعهم وأبناء عمنا محمد خليل جميعهم في حي الختمية جنوب كانت الشرارة الأولى للرياضة والفن الذي تأسس فيه فريق الأمير وفرقة موسيقى شرفت وأطربت وأحييت جميع ليالي الأفراح لجميع الأحياء في مدينة بحري العريقة

وأذكر الفنان عبد الله جاد الله ، الفنان هجو سعد الله ، الفنان الحاج العربي .

يا سلاااااام يا محاسن .. ده شغل رائع تمام

وكمان أميمة بى جاى .. طبعاً الحلبية اليابانية ما بتعرفنا ..

سعيد والله والصور بنزلا أول بأول .. يا أميمة كان أنتى فى السودان .. تبلغى سلامى للعم أحمد والخالة سعاد .. وياريت مذكرات العم أحمد العبيد دى تطبعوها .. للحفظ والتوثيق


سونا مالك قطعتى التلفونات

تحياتي وسلامات محاسن
نحن هنا
لا نزال
وسنظل بحول الله
نسرح تارة وتسيل الدموع في الخدود فصورة عمي أحمد العبيد ( له طول العمر في رضا الله ) تذكرني بصورة أبي
ذلك الحبيب الذي غادرنا فجأة ... بلا وداع
وأرى لمة عيد الميلاد الذي فاجأكم به الباشمهندس
وأسرح معكم..
تأسرني ضحكاتكم الصافية
أسعد لسعادتكم البادية
تردد شفتاى دون الجهر بالكلمات أن
هابي بيرث دى تو يو
سنة حلوة عمي أحمد

وصلني إهدائك في بوست بحري طراوة
فرددت أعماقي أن
يا لهذه الكريمة
تصر على إهدائنا
وقد ( توهطنا ) من زمااان
وأخذنا راحتنا بالكامل
فالدار قد أصبحت دارنا
نفتتح بالبوست يومنا
ونختمه به

** الأُخت محاسن..
** سلام وصباحك خير..
## متفرجخين فى الواطه وناس خاتين بنابر وناس قاعدين فى برش ,, عشان الونسه الجميله دى من الزمن الجميل زمن الجوز تلاته فرد والدسته تمنتاشر والإبريق يوضى جامع وزاويتين ,, والونسه عن بحرى الواحد مُمكن يدك ليها الشُغل ,, بالله قبل ماالوالد يرجع السودان ,, أتحفينا بباقى الونسه ..
** تحياتى للوالد والوالده وكل الأُسره بدون فرز..
** ومشكوره على تزيين بوست ست الهوى والطراوه بتلك الصور الجميله ..
(ودام الود بيننا)
(ابو محمد فؤاد)

رأفت ميلاد
هــــى يا اوفه
ابوى الله اديه العافية الجابك مارق يارأفت
وبالمناسبة ابوى الايام دى
معاى هنا فى امريكا واول ما كلمتو بيك
ضحك او قال لى رأفت ميلاد ( اوفه ) اوطوالى دور اتكلم عن ودالشافعى
وعن مشرع الجزيرة
وأكيد حنزل كلام كتير عن مشرع الجزيرة
اوشفته الكتوف اتلاحقت كيف ميمى بقت تكتب معانا
زمن واللة
اما الحلبية ديل النسوان المستتات ياولدى ما بشتغلوا بينا شغله
وبالمناسبة خالتك سعاد بتسأل عليكم وانا اتصلته كم مرة
لكن مافى زول برد
بالله تحياتى لى فاتن والشباب او ده تلفون البيت
ادينا الو
7033416769
عاطف عمر
اخى العزيز عاطف والله انته الخليتنى اسرح ودموعى تسيل
وصدقنى حزنت على فقدك لى ابوك
الف رحمة علية
وانا كلما اقعد اتكلم مع ابوى بشعر بالحزن وبالذات لمن اكون مستعجلة واحس انو عاوز اواصل فى الكلام معاى
دوامة الاشياء تحرمنا من اجمل اللحظات
وانا اهديتكم البوست عشان تتوهطوا اكتر
وعشان الدنيا الرايحه دى مافضل لينا فيها غير
الحب والاحترام لى بعض
وعمك أحمد العببد لا نستطيع ان نمتلكه لوحدنا
لانو يستمد جماله من الاخرين مثلكم
وعشان كده انا مسمياه ابو الكل
وعليك الله خليك هنا
صبحنا او مسينا
وتحياتى لى اسرتك الكريمة

عبدالكريم أحمد الامين
الاخ الحبيب عبدالكريم أحمد الامين
الف سلام او صباحك خيرين
انا زاتى الايام دى متفرجخة
وما تتخيل او قدر ما اوصف ليك كيف
الونسة ممتعة مع ابوى ماحتصدق وانا زاتى نفسى ما امشى الشغل
حتى ما اضيع ولا دقيقة
وانشاء الله تلاقوة وتجمعنا الايام وكلنا نكون بخير
ونحلم بى زمن اجمل من الكان زمن ببيعوا فيه اللبن ومعاه الفرصة
اوتسلم كتير (ابو محمد فؤاد)

[email protected]

Quote: كستاوى من اليمن ومحاسن من الشمال يعني يا سونا حتكوني باليمين وكستاوي بالشمال :) :) :)

محاسن العزيزة ...يا اميمة .......سلام
متع الله الوالد بالصحة والعافية وهو بلا شك جراب
ذكريات كبير وسوف نظل فاغرى الافواه مندهشين للسرد الممتع والذى
مابه من عيب سوى انه مثل مسلسل وانا اكره
المسلسلات عشان شحتيف الروح ده ياخى!!!كبى الدرر طوالى مرة واحدة
ده ما نوع السرد البقبل قطيع وشحتيف روح ياخى..
عليك الله خلى يدلف لينا على ناس نصر الدين السيد ودكام وحاج الصافى
وعثمان الحاج فهولاء من رموز بحرى ففى سيرتهم عبق ..
اخيرا عجبتنى سغالة اميمه البتشبه سغالتى دى..
واتذكرت نكتة الراجل قالو صور زوجته فى حديقة الحيوانات
جنب الغوريلا وكتب تحت الصورة صورة لزوجتى فى قفص القرود:
ملحوظة هامة:
زوجتى التى تجلس الى اليسار ههههههههههههههه....
ست البنوت وحاتك بهظر وبضحك من مساخة اميمة وقاصد الغوريلا
الجالسة على اليسار المسماة مجازا نصر الدين هجام كوستاوى
لانو كان قدامنا فى المدرسة بى اربعة سنوات بس
تحياتنا للوالد وسلمى لى علي كوستاوى ده لو بتريدى على راى اللبنانيين،،،

صديق الموج
صديق الغالــى
تعرف انا لي هسع بضحك من تعليق أميمة
والبوست ده كل حتعملو لى كده
حبابك حبابك
اه عاد النكلمك من هسع عشان تشوف ليك صرفه اوطول روحك معانا حبة
تعرف شفته البوست ده اتأخر المدة دى كلها كنته عاوزه اجهز المادة
وبعد كده افتح البوست فبقى مستحيل
وعشان كدة قررته ابدأ حتى لو بالقطاره اخير من عدمو وانتهزته
طلت ابوى لى وزيارتو لى قلتة فرصة ادردش كل يوم معاه شوية
اسكت ساكت يا ود الموج عاد الونسة البتجنك ديك جاية ونست الحقيبة
والجاى كتير ابوى الله ادية العافية
بس انته تابع الاخضر
وسلامك يوصل للجميع

Quote: رأفت ميلاد: وكمان أميمة بى جاى .. طبعاً الحلبية اليابانية ما بتعرفنا .. سونا مالك قطعتى التلفونات سونا: شفته الكتوف اتلاحقت كيف ميمى بقت تكتب معانا

العزيز رأفت (شفتة العزيز دي كيف !!! قال الكتوف اتلاحقت قال )

والله بعرفك عرفه

من كترت ما قعدته مع اخوني وونسوني بي ايام زمان كأني عشتها معهم

و مرات حيدر (الله ارحمه) انسى واقول لي تتذكري يا ميمي

فلان صاحبي داك الجانا هو واختة في عرس انتصار

(عرس انتصار داااااااااك الزمن حفروا البحر )

وطبعا انا اقولو ليه اااااي يا حليلهم وبعد ما اخلص القصة

اقول ليه حيدر !!! انا ميمي ما سونا .

ودايما تحلوالونسة بي ذكراكم

remove

Quote: وليد عبد اللطيف و أميمة أحمد العبيد بطلولا المناقره حقت الجامعه ولا حنفصلكم الاتنين

خلاص يا اميمه فتلتي لينا البوست
كنا بنتاوق ومستمتعين كويس

اها ربّعنا يدينا وقعدنا تاني ولا نضمة يا محاسن
.
.
اميمه حاولى عدلي مداخلتك البوست اتفتل

قليل من أبداعات الوالد أحمد العبيد والبقية تأتي

وواصل الحكى - 6 -

الازاعــــة ١٩٤٢
كان بتلموا كل الناس فى قهوة ودالفكى وجورج مشرق فى امدرمان
وبالتحدين الفنانين والشعراء وكبار الاعبين حيث كانت تبث الازاعه
لمدة ساعة كل يوم من الساعه الحادية عشر الى الساعة الثانية عشر
وكانت الاذاعة على الــــهواء
وكان الناس بقعدوا فى الواطه
يبدأ البرنامج كلآتى
- بالقرآن الكريم والمقرئين كانوا
- عوض عمر
- وشيخ عوض
- ومحمود سامى
٢- الاخبار
٣- اغنيه واحده
وكان المغنين سرور وكرومه وبعدهم عبدالحميد يوسف ثم حسن عطيه
واحمد المسطفى والكاشف ومن الشعراء الكانوا موجدين ايضا دائما
فى القهوة ويتبادلون الشعر والونسة الممتعة والهوى فى ذلك الوقت
وكان على رأسهم
- سيد عبدالعزيز
- عتيق
- عبيد عبدالرحمن
- حميد ابوعشر كان صايغ كبير
- عبدالرحمن ابو الروس
- غنى عبدالحميد يوسف فى ذلك الوقت اغنية عتيق
أذكرينى ياحمامه كلما هطلت غمامة

سرور ذهب السعودية ومنها الى الحبشه وقضى باقى عمرو فى الحبشه لمن مات

عبدالرحمن ابو الروس كان مسرحى واول اعماله المسرحيه خراب سوبا
ومن الطرائف انو مثل بت فى المسرحية الى عرضت فى نادى الخريجين لعدم وجود البنات فى الوقت ( الاربعينات )
وكان حاضر المسرحية الشيخ بابكر بدرى وسأل من البت المثلت دى وكانت دهشته لمن كلموه بى انو ده خالد ابو الروس وكان قد اجاد الدور تماما
ود السبب الخلى قهوة ود الفكى وقهوة جورج مشرق اكونو زى منتدى وملتقى للمبدعين واهمة الشخصات حتى بعد تحولت
لى بيت ايجار الاذاعة

ونواصل

Quote: - غنى عبدالحميد يوسف فى ذلك الوقت اغنية عتيق اذكرينى يا غمامة كلما صدحت حمامه

محاسن بالله ماتلخبتى كلام ابونا ده ياخى انقلى بى أمانة:

أذكرينى ياحمامه كلما هطلت غمامة
هو قال كدهـ..
بس عليك ما خاتيه عليك اميمة
لووووووووووووووووووووووووووووول،،،

Quote: !!!كبى الدرر طوالى مرة واحدة ده ما نوع السرد البقبل قطيع وشحتيف روح ياخى.. . اخيرا عجبتنى سغالة اميمه البتشبه سغالتى دى..

الآخ صديق الموج

اها أبوي راجع السودان وما عندكم طريقة

الا استلم من محاسن و اواصل كتابة الحكي

وطبعا مع مسئوليات العمل والبيت واجتماعيات السودان

حااااااااااا اسِل روحكم في الكتابة

و اوريك السغالة بالثقالة الصحي صحي


وليد

ما تشتغل بي كلام محاسن

والله اكتروا ننسلخ ونفتح انا وانت بوست

من التحرير لي البص النهري بي طريق الجيلي

وهاااااااك يا حكاوي

Quote: محاسن بالله ماتلخبتى كلام ابونا ده ياخى انقلى بى أمانة

صديق الموج

معليش طبعا محاسن مشغولة بالتجهيز للسفر

وتستيف الهدايا بتاعتنا :) :) :) :) :) :) :) :) :)

Quote: صديق الموج معليش طبعا محاسن مشغولة بالتجهيز للسفر وتستيف الهدايا بتاعتنا

اى يا اميمة قالت لى يا حليلة ربنا يخليهاالبت محاسن دى..
انت شخصيا واصلك ربع كيلو لحمة وكوزين موية نقية وساقطة
اها قصرت معاك؟ماتدى معاك ولا زول ..
طبع تضحكى ما ضمنتى الزيك منو انت؟؟
غايتو جنس بياخة والله لو ما مقدر ظروف الحاج ولو ما الوزن
بتقل عليه ولو ماسغالتك وشحدتك دى ولو ما لو دى زاتا
بتفتح عمل الشيطان كان عندى غرد عند محاسن دى
بس الله كريم،،،،،

اختنا محاسن


والله شي مفرح ومبهج وعيد ميلاد سعيد للوالد وعقبال "مائه وخمسطاشر سنه"


لانو الميه بقت عادي زي الزبادي

ونحن بنتشرف ان قهوة عمنا يوسف الفكي مصطفي جزء لا يتجزأ من تاريخ ام درمان

معليش ... الواحد أخدتو الكبسيبة والغبار القايم في البورد.

Quote: محمد أبوالعزائم أبوالريش Quote: طبعا" انا لاقيتو و إنفردت معاهو بي عشرة ونسة ما أحلاها الليلة لاقيتو وملأ السرور قلبي وبي إسمو ناديتو متين ياخوى والله تمام عشان كده عارفو كويس

يا محاسن، ده ما كلامي ... أنا بس عملت (كوت) لكلام أختنا هبه الماحي. ...... ويا ريت لو كنت إتشرفت بملاقاتو

متابعين

فوق .. وفوق شديد
استاذه محاسن وضيوفه
يدي الوالد الصحه وطول العمر ويحفظوا ليكم ولينا
جميل جدا هذا الحكي والتوثيق واحلى ونسه
تابر

والله يا صديق فوته ميمى فى السغالة
كفاية على ميمى او وليد عبد الطيف

ومعليش حققكم على ده خطئ والله كتبتها وانا نايمة
وبالمناسة انا مناضلة عديل الكتابة دى كلها كتبتها وانا ماعندى كى بورد عربى

الاخ طارق ميرغني
تسلم على المرور والمتابعة

ايمن تابر مشكور يا ود الناس العزاز

Quote: محاسن بالله ماتلخبتى كلام ابونا ده ياخى انقلى بى أمانة: أذكرينى ياحمامه كلما هطلت غمامة هو قال كدهـ.. بس عليك ما خاتيه عليك اميمة لووووووووووووووووووووووووووووول،،،

اذا حضر الماء بطل التيمم
استاذنا ود الموج سلامات
ياخي محاسن نفحة من نفحات بحري مشيها ليها ياخ

Quote: وليد ما تشتغل بي كلام محاسن والله اكتروا ننسلخ ونفتح انا وانت بوست من التحرير لي البص النهري بي طريق الجيلي وهاااااااك يا حكاوي

هههههههههه ياخي محاسن مفروض تشكرنا
فاتحه بوست مافيهو اي شيء لاقهوة لاشاي
لو البوست دا ماحتاجين ليهو كنا حرفناهو زمان عن مساره
ووديناهو طريق الجيلي على قولك

Quote: والله يا صديق فوته ميمى فى السغالة كفاية على ميمى او وليد عبد الطيف

اها جبتي لينا الكلام وتستاهلي يا اميمه
ياخي عم احمد العبيد حريف في عزف العود
وتخلينا نقول في بيتكم لياسر عمرابي انت اعزف لفرفور

Quote: اذا حضر الماء بطل التيمم استاذنا ود الموج سلامات

هي بلاي يا وليد الموج دي مقصود بيها موج الماء

وانا القايلاهو الـ Family name

Quote: هي بلاي يا وليد الموج دي مقصود بيها موج الماء وانا القايلاهو الـ Family name

ههههههههه غايتو محاسن الله يكون في عونها
بالله ياصديق الموج شوف البرلومة دي
حقيقة المابعرفك يجهلك

انت يا وليد

صديق الموج في الصوره دي منطط عويناتو كدا مالو

الوراهو داك بتاع امن ولا شنو؟؟؟

الاخ محمد أبوالعزائم أبوالريش
انشاءالله تلاقية ابوى
تعرف لو اتونسته معاه ادهشك عديل
رجل جميل

Quote: ياخي محاسن نفحة من نفحات بحري مشيها ليها ياخ

عاد ياوليد لسانى انقطــع شكرا للدفاع عنى
خلاص شلناك من (Black list)
ود بيت والله او بحرى نفر
اما ود الموج كان كايس لية فرصة فينى اولقاها
برضو اخو عزيز
ياخى شاى او قهوه شنو يا وليد انا جاى اوجايبة
ابو صلعة ( الدولار) اه او قالو طلع فوق يعنى السماسرة حيبارونى من المطار

ود المقبول الاخ العزيز
شكرا لتصليح الفيديو تسلم
اخى اوتمام كده ده بوست الجميع

يا استاذ طارق شكلو كدة بتاع امن

بالرجوع للفيديو بتاع ابوي

في طقوم شاي كده ظاهرة

ما تقولي لي دي فضيتك (بترينتك ) مع النسوان ؟

Quote: انت يا وليد صديق الموج في الصوره دي منطط عويناتو كدا مالو الوراهو داك بتاع امن ولا شنو؟؟؟

Quote: بالرجوع للفيديو بتاع ابوي في طقوم شاي كده ظاهرة ما تقولي لي دي فضيتك (بترينتك ) مع النسوان ؟

ياخونا تقول ياطارق الوراهو داك بتاع امن ولا شنو؟؟؟
فى بتاع امن اكتر من أميمة
غايتو انا وليد اوميمى ديل غلبونى
الا ارفع شكوة لى ناس بحرى طراوة

- 9-وواصل الحاج الحكاوى
١٩٤٢ــــ ١٩٤١
بحــرى كانت مشهوره بأ العيبه

كانوا بلعبوا كأحياء مثلا الخاتمية مع الدناقله
وبعد كده فكروا فى تسمية الفرق و اول فريق تأسس كان فريق الامل
وحصل اختلاف حول الاسم وسمى الامير
الازم مرسال رحمةالله علية اسس نادى الامير وكانت الميادين والعب فى ميدان عبود
اول لعبة اتلعبت بعد تسمية نادى الامير كانت مع فريق عقرب
لمن كان الجيش المصرى حاكم فى السودان كانت تسمى الفرق بأسماء
الحكام
فريق استاك
فريق سلاطين
فريق كتشنر
فريق ونجد
فريق استاك اتغير لى فريق التحرير بعد الاستغلال
وكانت كل المصالح لها فرق
فريق الـــرى المصرى
فريق الوابورات
فريق المخازن والمهمات
كان الرى المصرى من اقوى الفرق لانو كانو بعينو احسن اللعيبة
وكان دائما فريق الرى المصرى بشيلو كاس الحاكم
الصورة فى فى ميدان استاك وهو الان جامع السيد على
حتى بعد تحولت الفرق للهلال والمريخ كانو بياخدو اللعيبه من
من فريق الرى المصرى



فريق نادي الامير الرياضي 1948

الصورة فى فى ميدان استاك وهو الان جامع السيد على

يا سلااااااااااااااااااااام يا الحبيبة الغالية محاسن
ويا سلااااااااااااااااااااااااام على صورة الوالد وونستة الحنينة البترد الروح
سلام عليكم يا الحبان
ابونا الوالد ود العبيد
والحبيبات محاسن الحنينة واميمة صغيرة القوم
وكل الضيوف الأكارم
والله بوست شدة مو حنين ,, يخلي الزول يتحكر ويكتف الإيدين
للإستماع والمتابعة
ويا ابونا ود العبيد في حضرة وجودك يطيب الجلوس مهذبين امامك يحلو الكلام
ربي يدك الصحة والعافية , يخليك لي وليداتك ويخليهم ليك وتحضر جديد احفادك وتفرح بيه
الله يلمني فيكم يا محاسن , نوع ابوك الشيخ ده انا أمانة ما بتقريف لي ونسته
ربي يحفزكم جميعا إن شاء الله
سلامي الكتير كتير ليه ولي كل المعاك عليك الله
ودعتكم الله

Quote: ويا ابونا ود العبيد في حضرة وجودك يطيب الجلوس مهذبين امامك يحلو الكلام ربي يدك الصحة والعافية ودعتكم الله

تسلمي يا أستاذة أسماء دايماً معانا في الحلوة والمره

وقِبلنا وداعة الله

وانشألله ياختي ما أخر وداع

Quote: انت يا وليد صديق الموج في الصوره دي منطط عويناتو كدا مالو الوراهو داك بتاع امن ولا شنو؟؟؟

طارق ............سلام
ياخى العيون كبيرة وصغيرة..
كلها ترى..ولكن الكبيرة من علامات الحسن..
يعنى الموضوع حسن ساكت..

Quote: بالرجوع للفيديو بتاع ابوي في طقوم شاي كده ظاهرة ما تقولي لي دي فضيتك (بترينتك ) مع النسوان ؟

اميمة يا شيالة الحس .....اتقريفت ليك يا شقية

وحات قطاعتك تقطعنى الحالة محاسن اجتهدت وما خلت
حبيبة ولا قريبة ما جابت منها طقم لزوم التصوير..
لوووووووووووووول،،،

Quote: انت يا وليد صديق الموج في الصوره دي منطط عويناتو كدا مالو الوراهو داك بتاع امن ولا شنو؟؟؟

عشان تاني يتكلم في السياسة
.
.
يامحاسن كمان كان ماشى بي ابوصلعة خلاص نتقابل في السودان
وبقيني ضراعك اليمين عشان اشيل ليك الشنطة لو ماشى اي مكان
اميمه ولالالالا نضمة
Download: eType1.com/f.php?FJzOOn

Quote: وبعد كده فكروا فى تسمية الفرق و اول فريق تأسس كان فريق الامل وحصل اختلاف حول الاسم وسمى الامير الازم مرسال رحمةالله علية اسس نادى الامير وكانت الميادين والعب فى ميدان عبود اول لعبة اتلعبت بعد تسمية نادى الامير كانت مع فريق عقرب لمن كان الجيش المصرى حاكم فى السودان كانت تسمى الفرق بأسماء الحكام فريق استاك فريق سلاطين فريق كتشنر فريق ونجد فريق استاك اتغير لى فريق التحرير بعد الاستغلال وكانت كل المصالح لها فرق فريق الـــرى المصرى فريق الوابورات فريق المخازن والمهمات

وتغير فريق سلاطين الى الاتحاد البحراوي وولعب له اول كابتن فريق قومي (الجاك عجب )
سؤال الى عمنا العبيد هل يوجد اي فريق من الفرق التي ذكرتها حاليا بمسمى اخر
طبعا يا اميميه ومحاسن عم اللازم خدم منطقة بحري كثيرا وقابلناهو كثيرا بنادي الاتحاد البحراوي
وكان عندي ليهو صورة في الارشيف ببحث عنها
عمنا العبيد ربنا يديهو الصحة والعافية وكل ماندخل بنلاقي اشياء ومعلومة كنا نجهلها ياسلام يامحاسن على هذا بوست

Quote: ياخى شاى او قهوه شنو يا وليد انا جاى وجايبة ابو صلعة

Quote: يامحاسن كمان كان ماشى بي ابوصلعة خلاص نتقابل في السودان وبقيني ضراعك اليمين عشان اشيل ليك الشنطة لو ماشه اي مكان اميمه ولالالالا نضمة

إنضحك عليك ياوليد

انت قايل ابو صلعة ده منو الجايبه محاسن معاها السودان ؟؟؟

ابو صلعة ده ما ابوي .. أحمد العبيد

اها شيل الشنطة سمح

:):):):):):):) :):):)

استضافت مدينة برنسس آن الوالد أحمد محمد العبيد والاسرة بدعوة من الاعزاء
الاخوان والاهل سمية حسن ومحمد عمرابى وكان فى فى استقبالهم
وكعادتهم اهل الكرم والضيافة الاصدقاء الاعزاء مدينة برنسس آن العامرة
وهم جميعا رجالا ونساء وشبابا يتمتعون بالعلم والمعرفة
وكان حضورا الاستاذ مكــى ابونورة فهو رجل علم بينهم
فكتب بعد ان استمعوا الى الوالد فى عزف على الآلة العود وعلى بعض من حكاوية الشيقة
فشكرا لهم جميعا على هذة الحفاوة
و شكرا لك استاذ مكــى
[email protected]
وياريت لو فى صورة للجميع ترسلوها لى

Quote: ضيف ناس محمد احمد فى النت القلوب ترتاح للكمال التام في الكمال نرتاح اصلو زول لكن صورو الفتاح من سلاف الروح محنة للملتاح الجمال شراح للصدورلكن للقلوب جراح قالو اهل الحب في الزمان الراح نشوة الاشواق احلي من الراح فقيـرفقير من لايتواصل مع الناس,وكم هو غنى الفنان الذى يحتفى بدنيتة ويعيش لحظات سعيدة يسترقها من هذا الزمان الرخو.بالطبع أعنيك ياأيها الجميل السهل عمنا أحمد العبيد الذى أخذنا فى معيتة و حلق بنا فى طيف زكرياتة . وجادت علينا لمساتة الساحرة على العود و أطلق صوتة و عودة على الفضاء فصار فضاء أرحب وصرنا نحن و العود و الذكريات عجينة طوع أناملة و أحاسيسة فصارالكل أرحب..كونا وأنسـانـآ لقد سما بنا العم أحمد صاحب الذاكرة الحاضرة المتقدة حفضة اللة فى دنياوات أخر, وعرج بنا نحن اللاهثـون فى دروب الحياة المادية الفجـة وأخذنا بمعيتة صوب الخالدين. بداية ببحرى مرقد عبقرى الزنجران اسماعيل عبدالمعين ثم أخذنا جانبآ نحو العم حماد كمنديجو صاحب موسيقى القرب فى غياب ابنة كتمبا فى مشاوير الحياة سعى وراء سبل كسب العيش,لم ينس المناضل بطران ذو الأحاسيس المرهفة نحو الوطن ومن يحب,وصور لنا نضالة ضد المستعمر,وكيف كان يقاد للاعتقال مكبلا و مصلوبآ على ظهر الجمل وهو من أهدانا نفاءـس الشعر كدمعة الشوق كبى حكم محبوبى أرعى نجم الليل.ولم يرعاة الوطن ومات عليلا فى سن الـ35 ربيعآ أستمعنا لغناء الحسيس الشفيف بذكريات ود القرشى والشفيع ودرة ودالريح لى فى المسالمة غزال.. وغنى الودود العم أحمد للغزال وللحمام وللسـلام حيـاه الغمام لم ينس حتى صديقة ابرهيم خليل وماحدث لة فى حفلة زواجة عندما ضرب الدلجة بعد أن رأى خديجة محبوبتة.عندها استبدا الفرح بصديقنا المحترم وصاح بقولتة المشهورة. دا الكلام رقَََّدتُو واطة؟ أيـوة فمن الحب مابيـبطح الزول واطة.ماذا قال= الفنان العطبراوى = عندما رأى الحدث يــامحترم.. .. حقيقآ لقد سعدنا بجلسة وديعة لطيفة على الرغم من انها نكأت الجراح علينا تركتنا نفتش عن بقايانا وشظايانا التى تناثرت . وكم أنت عظيم أيها الفنان أحمد العبيد

Quote: إلي أبي الغالي أبي الحبيب ود العبد حقا انت ابو الكل والدليل على ذلك ، ماقالوه كل الذين دخلو وشاركو في البوست وبصراحه لم يتركو لي شئ اقولو ولكن حا اشارك بهذا اللحن الجميل للفنان والاخ المبدع شرحبيل احمد الله يخليك لينا يا ابوي ويمتعك بالصحه والعافيه

[/]
انتصار احمد العبيد

الاخت سونا..
زمن طويل اخر مره فى بيتكم الفاتح على مدرسةالختميه؛البركه فيكم فى الاخوان...حيدر وعارف .
رجعتينا مع عم احمد لزمن بعيد، ذكريات معه لاتنسى.واصلى .. اجمل ما فى الموضوع البنت الفنطوطه كبرت
وبقت تكتب كمان..ميمى . التحيه للوالد و الوالده و كل الاخوان.

ده تنادى جميل,
بيشبه السودان, ما قد كان فى سالف العصر والأوان.
يعنى حاجة رائعة لما الواحد يلقى ليهو واحة, وإستراحة
من الحرب الضروس الدائرة هنا, الحرب التى لا تبقى ولا تذر.
ثم أن مثل هذه البوستات تكشف الكثير من الخبايا والعلاقات
التى كانت غائبة, أو كانت مستترة بفعل عدم الربط المنطقى,
لكن أكثر ما تفعله هو تأجيج العواطف التى خمد لهيبها بفعل التنآئى والبعاد.
وكمان بتعمل حاجة تانية, بتكشف ليك المتسللين الجدد الذين بنسربون خلسة,
ويجلسون وكأنهم كانوا هنا منذ البداية, أى منذ بداية المباراة,يعنى زى الزول
الأول حرفو عوض حامد خليفة بتاع قطر ده مثلاً.
ياعوض الحى بيلاقى, وكتر خير بوست محاسن النكت لينا ناس كتار من الضلمة.
مبروك تواجدك هنا يا صديق, على ثقة بأن هذا الوجود سيكون إستزادة فعلية للقراء
من مكنون إضافاتكم التى عرفنا ونعرف. مرحب بيك, سنتواصل عبر الخاص.
ونسمع منك هنا فى تنادى الجمال والحب هذا.
مودتى للجميع, ومتابعين